Машины, оборудование и канцелярские принадлежности, за исключением компьютеров, принтеров и мебели (Грузия - Тендер #70370582)

ტექსტური შტამპების სახელმწიფო შესყიდვა.

შტამპი 100 ცალი - მაღალი ხარისხის ხელსაწყო პლასტმასის კორპუსით,ზომით 25X70მმ (±0,5მმ), მექანიკური, გრავირებული რეზინის კლიშეთი და მაღალი გარჩევის ანაბეჭდით. ტექსტური, კლიშეზე დასატანი წარწერა ან/და სიმბოლო შემსყიდველთან შეთანხმებით.

ბეჭედი 7 ცალი - მაღალი ხარისხის ხელსაწყო პლასტმასის კორპუსით, დიამეტრი 40მმ (±0,3მმ), მექანიკური, გრავირებული ლაზერით რეზინის კლიშეთი და მაღალი გარჩევის ანაბეჭდით. მრგვალი ფორმის. კლიშეზე დასატანი წარწერა ან/და სიმბოლო შემსყიდველთან შეთანხმებით.

ფაქსიმილე 7 ცალი - მაღალი ხარისხის ფაქსიმილის ხელსაწყო პლასტმასის კორპუსით, მექანიკური, ხარისხიანი მექანიზმით და გრავირებული რეზინის კლიშეთი, მაღალი გარჩევის ანაბეჭდით.

შენიშვნა:
• პრეტენდენტის მიერ, სატენდერო დოკუმენტაციის 1.2 პუნქტში მითითებული შესყიდვის ობიექტის ტექნიკურ-ხარისხობრივ მახასიათებლებთან დაკავშირებული მოთხოვნა მითითებულ უნდა იქნეს სატენდერო დოკუმენტაციის დანართი N1 ის (ტექნიკურ-ხარისხობრივი მახასიათებლები და ფასების ცხრილი) მე-3 გრაფაში, მტკიცებით ფორმაში (ზუსტი მონაცემები), რათა შემსყიდველისთვის შესაძლებელი იყოს შესყიდვის ობიექტის ზუსტი მახასიათებლების, მოთხოვნილ ნიმუშებთან შედარება.

ხელშეკრულების გაფორმების თარიღიდან ეტაპობრივად, 2026 წლის 20 დეკემბრის ჩათვლით. შემსყიდველის მიერ წერილობით ან/და ელექტრონული ფოსტით მოთხოვნიდან არაუგვიანეს 5 (ხუთი) სამუშაო დღის ვადაში.

1.5.1 საქონლის მიწოდება უნდა განხორციელდეს მიმწოდებლის მიერ, მისივე ხარჯებით, ეტაპობრივად, შემსყიდველის მიერ წერილობით ან/და ელექტრონული ფოსტით მოთხოვნილი რაოდენობების შესაბამისად, მოთხოვნიდან არაუგვიანეს 5 (ხუთი) სამუშაო დღის ვადაში.
1.5.2 შესასყიდი საქონლის მიწოდების ადგილია: ქ. თბილისი. აღმაშენებლის ხეივანი N99. სსიპ „აღსრულების ეროვნული ბიურო“-ს საწყობი.

1.7.1.1 მისაწოდებელი საქონელი უნდა იყოს სრულიად ახალი (არ უნდა იყოს ექსპლუატაციაში ნამყოფი), ხარისხიანი და უნდა შეესაბამებოდეს დანართ №1-ით (ტექნიკურ-ხარისხობრივი მახასიათებლები და ფასების ცხრილი) გათვალისწინებულ საქონლის ტექნიკურ პირობებს.
1.7.1.2 მიწოდებულ საქონელზე საგარანტიო ვადა უნდა შეადგენდეს, საქონლის მიწოდების შესახებ შედგენილი დოკუმენტის (მიღება-ჩაბარების აქტის) გაფორმების თარიღიდან, არანაკლებ 12 (თორმეტი) თვეს.
1.7.1.3 საგარანტიო პერიოდში მიმწოდებელი ვალდებულია წუნდებული საქონლის ან მისი ნაწილის შეცვლა განახორციელოს შემსყიდველის მიერ წერილობითი მოთხოვნიდან არაუმეტეს 5 (ხუთი) კალენდარული დღის ვადაში, შემსყიდველის მხრიდან რაიმე დამატებითი დანახარჯის გაწევის გარეშე.

2.1.1.1 პრეტენდენტმა დანართ N1-ში (ტექნიკურ-ხარისხობრივი მახასიათებლები და ფასების ცხრილი) უნდა წარმოადგინოს ინფორმაცია შემოთავაზებული საქონლის წარმოშობის ქვეყნისა და მწარმოებელი კომპანიის შესახებ.
2.1.1.2 დაზუსტებას არ დაექვემდებარება ტექნიკურ-ხარისხობრივი მახასიათებლები და ფასების ცხრილი, თუ დანართ N1-ში არ იქნება მითითებული ინფორმაცია შესყიდვის ობიექტის წარმოშობის ქვეყნის და მწარმოებელი კომპანიის შესახებ.

3.1.1.1. პრეტენდენტმა, შემსყიდველ ორგანიზაციაში, შემსყიდველი ორგანიზაციის მოთხოვნით, უნდა წარმოადგინოს შემოთავაზებული საქონლის ნიმუშები, დანართი №1-ის (ტექნიკურ-ხარისხობრივი მახასიათებლები და ფასების ცხრილი) შესაბამისად, სამივე პოზიციაზე
3.1.1.2. პრეტენდენტის მიერ ორგანიზაციაში წარმოდგენილი ნიმუში სრულად უნდა აკმაყოფილებდეს ტექნიკურ მოთხოვნებს.
3.1.1.3. პრეტენდენტის მიერ წარდგენილი შესყიდვის ობიექტის ნიმუშები დაზუსტებას არ ექვემდებარება.

ნიმუშების წარმოდგენის ადგილია, ქ. თბილისი, დავით აღმაშენებლის ხეივანი N99, სსიპ „აღსრულების ეროვნული ბიუროს“ ეკონომიკური სამსახურის ლოჯისტიკის განყოფილება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

7.2.1 ანგარიშსწორება განხორციელდება უნაღდო ანგარიშსწორების ფორმით ლარში, ფაქტიურად მიწოდებული საქონლის შესაბამისად.
7.2.2. ანგარიშსწორება განხორციელდება მიმწოდებლის საბანკო რეკვიზიტებზე.
7.2.3. საავანსო ანგარიშსწორება არ გამოიყენება.

ანგარიშსწორება განხორციელდება 10 (ათი) სამუშაო დღის განმავლობაში, ხელშეკრულების შესაბამისად გაფორმებული მიღება-ჩაბარების აქტისა და საგადასახადო დოკუმენტაციის წარდგენის საფუძველზე.

ნანა ზურიაშვილი, 595717116, nzuriashvili@nbe.gov.ge

10.1.1 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით.
10.1.2 დისკვალიფიკაციას დაექვემდებარება პრეტენდენტი, თუ სატენდერო დოკუმენტაციის დაზუსტებისას, ასევე, ელექტრონული ვაჭრობის შედეგად დაფიქსირებული, საბოლოო ფასის შესაბამისად დაზუსტებული ფასების ცხრილში, განახორციელებს თავდაპირველად შემოთავაზებული საქონლის წარმოშობის ქვეყნისა და მწარმოებელი კომპანიის შეცვლას.
10.1.3 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 27-ე მუხლის მე-3 პუნქტის შესაბამისად, ,,დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ, ასევე არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს”.
10.1.4 საქონლის ტექნიკურ მახასიათებლებში მითითებულია მინიმალური მოთხოვნები, რომელსაც უნდა აკმაყოფილებდეს შემოთავაზებული საქონელი, პრეტენდენტს შეუძლია შემოგვთავაზოს გაუმჯობესუბელი მახასიათებლების მქონე საქონელი.
10.1.5 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი. დოკუმენტაციასთან დაკავშირებული სადავო საკითხების გადაწყვეტისას, უცხოურენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს შემსყიდველი ორგანიზაცია.
10.1.6 სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით (ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა)), გარდა იმ შემთხვევისა, როდესაც სატენდერო დოკუმენტაციის 1.3 პუნქტით მოთხოვნილი დანართი N1 (ტექნიკურ-ხარისხობრივ მახასიათებლებსა და ფასების ცხრილი) პრეტენდენტის მიერ სისტემაში წარმოდგენილი იქნება „MS Excel“-ის ფორმატში.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.

10.1.8 სატენდერო წინადადების წარდგენა გულისხმობს, რომ პრეტენდენტი ეთანხმება სატენდერო პირობებს.
10.1.9 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.10 პრეტენდენტის მიერ სისტემაში სავალდებულოდ ასატვირთი დოკუმენტებია:
 დანართი №1 (ტექნიკურ-ხარისხობრივ მახასიათებლებსა და ფასების ცხრილი);
 დანართი №2 (პრეტენდენტის რეკვიზიტები), იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ინფორმაცია რეკვიზიტების შესახებ.