Гостиничные услуги (Грузия - Тендер #70343697)

სსიპ იუსტიციის უმაღლესი სკოლის მიერ ორგანიზებული ტრენინგების და სემინარების მონაწილეთათვის სასტუმროს მომსახურება - ღამისთევა.

1.2.1. სასტუმროს ერთადგილიანი ნომრით მომსახურება სულ 150 დღე/ღამე 2026 წლის განმავლობაში;
1.2.2. სასტუმრო უნდა მდებარეობდეს ქ. თბილისში, სსიპ იუსტიციის უმაღლესი სკოლის შენობასთან, (ქ. თბილის, ნ. ბოხუას #19) ახლოს, რაც გულისხმობს შემდეგს: სტუმარმა ავტოსატრანსპორტო საშუალებით გადაადგილებისას, არ უნდა დაკარგოს დიდი დრო, სსიპ ,,იუსტიციის უმაღლესი სკოლაში” მისასვლელად. თავისუფალი მოძრაობისას, ეს დრო არ უნდა აღემატებოდეს 15 წუთს.
1.2.3. სასტუმროში დაცული უნდა იყოს სისუფთავე, სასტუმროს ნომრები უნდა დალაგდეს ყოველდღიურად. თეთრეული და პირსახოცები უნდა იყოს გარეცხილი/გაუთოვებული. ჰიგიენის ნივთები უნდა განახლდეს ყოველდღიურად.
1.2.4. ნომრის ღირებულება უნდა მოიცავდეს საუზმეს ე.წ. „შვედური მაგიდით/ბუფეტის სტილის საუზმე“. საკვების საგემოვნო თვისებები, კვებითი ღირებულება და ვიზუალური მხარე უნდა იყოს მაღალი ხარისხის და შეესაბამებოდეს ამ სფეროში არსებულ სტანდარტებსა და ნორმებს.
1.2.5. შემსყიდველს უნდა მოემსახუროს კორპორატიული სერვის მენეჯერი, რომელთანაც განიხილება რეზერვაციასთან, მომსახურების ხარისხთან და სტუმრების შესვლა-გასვლასთან დაკავშირებული ყველა საკითხი.
1.2.6. შემსყიდველი, მისთვის კონკრეტულ თარიღში საჭირო ნომრების რაოდენობას მიმწოდებელს აცნობებს ამ თარიღის დადგომამდე არანაკლებ 3 დღით ადრე, ხოლო დაზუსტებულ რაოდენობას, თუ ამისი საჭიროება დადგა, განთავსებამდე 1 დღით ადრე. ამასთანავე, სსიპ ,,იუსტიციის უმაღლესი სკოლა“ უფლებას იტოვებს, აუცილებლობის შემთხვევაში სრულად ან ნაწილობრივ გააუქმოს რეზერვირებული ოთახები, რეზერვაციის გაუქმებისათვის დადგენილი ჯარიმის გარეშე (fully flexible cancellation policy). მიმწოდებლის მიერ რეზერვაციაზე და შემდგომში სტუმრების განთავსებაზე უარის თქმა განიხილება ხელშეკრულების პირობების შეუსრულებლობად.
1.2.7. სსიპ იუსტიციის უმაღლეს სკოლას უფლება აქვს ხელშეკრულების პირობების თანახმად, სასტუმროში დაჯავშნოს ერთი ან რამდენიმე ოთახი ერთდროულად და ამავე დროს ნომრების დაჯავშნის პარალელურად უნდა დარეზერვდეს, დაჯავშნილი ნომრების ოდენობით ავტომობილების პარკირების ადგილი.
1.2.8. სტუმრის მიზეზით, სასტუმროზე მიყენებულ მატერიალურ ზიანზე პასუხისმგებლობა არ ეკისრება შემსყიდველს.

ხელშეკრულების გაფორმებიდან 2026 წლის 28 დეკემბრის ჩათვლით. შემსყიდველის მოთხოვნის შესაბამისად.

ქ.თბილისი, მიმწოდებლის სასტუმრო.

პრეტენტი ვალდებლია სისტემაში ატვირთოს შემდეგი დოკუმენტები და ინფორმაცია:

2.3.1 ამონაწერი საჯარო რეესტრიდან, იმის დასადასტურებლად, რომ პრეტენდენტი შემოთავაზებული სასტუმროს მესაკუთრეა ან ხელშეკრულება, იმის დასადასტურებლად, რომ შემოთავაზებული სასტუმრო იჯარით/ქირავნობით აქვს სარგებლობის/მფლობელობის უფლებით არანაკლებ 2026 წლის 31 დეკემბრის ჩათვლით.
2.3.2 სასტუმროს უნდა ემსახურებოდეს დაცვა, გააჩნდეს ვიდეო კონტროლის სისტემა და ადმინისტრატორის მომსახურება ყოველდღიურად 24 საათის განმავლობაში;
2.3.3 სასტუმრო არ უნდა იყოს სხვა საქმიანობის დამხმარე საწარმო და არ უნდა იყოს განთავსებული მიწისქვეშ, რესტორანსა და მის კუთვნილ ტერიტორიაზე, ან აზარტული თამაშების ორგანიზების ობიექტში/შენობაში და მის კუთვნილ ტერიტორიაზე, ასევე სხვადასხვა ადმინისტრაციულ ან საოფისე შენობაში;
2.3.4 სასტუმროს ის სივრცეები, რომელიც განკუთვნილია სტუმრებისთვის (სასტუმროს ნომრები, სივრცე კვებისა და დასვენებისთვის, მისაღები და სხვა) არ უნდა მდებარეობდეს, არც ნაწილობრივ და არც მთლიანად მიწისქვეშა სართულზე.
2.3.5 სასტუმროს უნდა ჰქონდეს საკონფერენციო დარბაზი არანაკლებ 25 კაცზე;
2.3.6 სასტუმროს უნდა ჰქონდეს ოთახებში სატელეფონო მომსახურება;
2.3.7 სასტუმროს უნდა ჰქონდეს უფასო უკაბელო ინტერნეტი როგორც ნომრებში, ასევე სასტუმროს სხვა სივრცეში;
2.3.8 თუ სასტუმროს შენობა აღემატება ორ სართულს, მას უნდა ჰქონდეს ლიფტი;
2.3.9 სასტუმროში შესაძლებელი უნდა იყოს საბანკო ბარათებით ანგარიშსწორება;
2.3.10 სასტუმროში უნდა იყოს სულ მცირე 10 ერთადგილიანი ნომერი, სპეციალური სივრცე კვებისა და დასვენებისთვის;
2.3.11 სასტუმროს ნომერი უნდა ნათდებოდეს დღის შუქით.
2.3.12 სასტუმროს ნომრები აღჭურვილი უნდა იყოს ინდივიდუალური სველი წერტილებით, ცენტრალიზებული გათბობის და კონდიცირების სიტემით და მათი ინდივიდუალური მართვის საშუალებით.
2.3.13 სასტუმროს ნომერში განთავსებული უნდა იქნას აუცილებლად მხოლოდ ერთი პერსონა (სტუმარი). ნომერში უნდა იდგეს ე.წ. “King size bed” საწოლი. ნომრებში უნდა იყოს ტელევიზორი და მაცივარი მინიბარის სერვისით (მინიბარის დანახარჯს აანაზღაურებს სტუმარი საკუთარი სახსრებით);
2.3.14 ნომრებში უნდა იყოს მუდმივი წყალმომარაგება (ცხელი და ცივი წყალი) და ელექტრომომარაგება;
2.3.15 ოთახების სველ წერტილებში სტუმრებს უნდა დახვდეს: თმის საშრობი, ხალათი და სხვა ნივთები, ასევე ჰიგიენური საშუალებები: პირსახოცები, საპონი, შამპუნი და სხვ.

პრეტენდენტმა შემსყიდველის წარმომადგენელს უნდა დაათვალიერებინოს სასტუმრო და თვალსაჩინოდ წარმოადგინოს ის გარემოება, რომ სასტუმრო აკმაყოფილებს მოთხოვნებს, რომლებიც აღწერილია ამ სატენდერო დოკუმენტაციაში.

პრეტენდენტის სასტუმრო ქ.თბილისში.

თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ექსპერტიზის დასკვნასთან ერთად წარმოდგენილი უნდა იქნას დასკვნის გამცემი პირის და დასკვნაზე ხელმომწერი პირის საექსპერტო/აუდიტორული/საშემფასებლო საქმიანობის განხორციელების უფლების დამადასტურებელი დოკუმენტები/სერთიფიკატები, გაცემული „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის საფუძველზე უფლებამოსილი ორგანოს მიერ.

პრეტენდენტის მიერ წარმოდგენილ ექსპერტიზის დასკვნას თან უნდა ახლდეს ექსპერტის მიერ ფასების დადგენისას/ბაზრის კვლევისას გამოყენებული მამტკიცებელი დოკუმენტაცია (მაგ., ანგარიშფაქტურა/ინვოისი, ხელშეკრულება, მიღება-ჩაბარება და სხვა).

შესყიდვის ობიექტის ღირებულება ანაზღაურდება ეტაპობრივად, ეროვნულ ვალუტაში, უნაღდო ანგარიშსწორებით.

ანგარიშსწორება მოხდება ეტაპობრივად, უნაღდო ანგარიშსწორებით ლარში, ფაქტიურად გაწეული მომსახურების მიხედვით, მიმწოდებლის მიერ შემსყიდველისთვის საქართველოს კანონმდებლობით დადგენილი საგადასახადო დოკუმენტაციის (დღგ-ს ანგარიშ-ფაქტურა და სასაქონლო ზედნადები) წარდგენიდან ან/და მიღება–ჩაბარების აქტის გაფორმებიდან, არაუგვიანეს 10 სამუშაო დღეში.

გიორგი რამიშვილი, 551197555, gramishvili@hsoj.ge თორნიკე ფანიაშვილი 551 708 709 , tpaniashvili@hsoj.ge

10.1 პრეტენდენტის მიერ წარმოდგენილი სატენდერო წინადადების მთლიანი ღირებულება და ერთეულის ფასი უნდა შეიცავდეს საქართველოს კანონმდებლობით გათვალისწინებულ ყველა გადასახადს და შესყიდვის ობიექტის მიწოდებასთან დაკავშირებულ ყველა ხარჯს. სატენდერო წინადადების მთლიანი ღირებულების და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
10.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია, მათ შორის შემსყიდველსა და პრეტენდენტს შორის გაცვლილი კორესპონდენცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.3 სახელმწიფო შესყიდვების ერთიან ელექტრონულ სისტემაში ატვირთულ ყველა ელექტრონულ დოკუმენტზე უნდა იქნას შესრულებული კვალიფიციური ელექტრონული ხელმოწერა უფლებამოსილი პირის მიერ, ან ეს დოკუმენტები დამოწმებული უნდა იქნას კვალიფიციური ელექტრონული შტამპით. კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.4 პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.5 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
10.6 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.9 პრეტენდენტს არ აქვს უფლება წარმოადგინოს ალტერნატიული წინადადება;