Ремонт и техническое обслуживание транспортных средств и оборудования и сопутствующие услуги (Грузия - Тендер #70342907)

ა(ა)იპ „აგროსერვის ცენტრი“-ს ბალანსზე რიცხული ავტოსატრანსპორტო საშუალებების შეკეთებისა და ტექნიკური მომსახურების შესყიდვა.

1. მომსახურების გაწევა უნდა განხორციელდეს ქ. ბათუმში მდებარე მიმწოდებლის სერვისცენტრებში;
2. პრეტენდენტს უნდა შეეძლოს სერვისცენტრში შემსყიდველის არანაკლებ 2 (ორი) ავტომანქანის ერთდროულად შეკეთება.
3.ავტოსატრანსპორტო საშუალებების მომსახურებისათვის უნდა გააჩნდეს არანაკლებ 2 (ორი) სარემონტო სექცია (ე.წ ,,ბოქსი"), რომლებიც (თითოეული) უზრუნველყოფილი უნდა იყოს ავტომანქანის ამწევი საშუალებით.
4. პრეტენდენტის სერვისცენტრი აღჭურვილი უნდა იყოს საჭირო აპარატურითა და დანადგარებით.
5. პრეტენდენტის მიერ შემოთავაზებული პრეისკურანტის საბოლოო ღირებულება წარმოდგენილი უნდა იქნას დანართი N1-ის მიხედვით, მაგრამ არაუმეტეს სატენდერო დოკუმენტაციაში მითითებული პრეისკურანტის სავარაუდო ღირებულებისა და არაუმეტეს პრეისკურანტის სავარაუდო ღირებულების თითოეულ პოზიციაზე მითითებული ერთეულის ღირებულებისა.
6. პრეისკურანტში მომსახურების ან ნაწილის რომელიმე ერთეულის არარსებობისას, მისი შესყიდვის აუცილებლობის შემთხვევაში ფასი განისაზღვრება შემსყიდველსა და მიმწოდებელს შორის ურთიერთშეთანხმებით, საბაზრო ღირებულების გათვალისწინებით. პრეისკურანტში შესაბამისი მომსახურების ან ნაწილის ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
7. პრეტენდენტის მიერ შემოთავაზებული ფასი პრეისკურანტის არც ერთი პოზიციის მიხედვით არ უნდა აღემატებოდეს გასაწევი მომსახურების თითოეულ პოზიციაზე პრეისკურანტით განსაზღვრულ ზღვრულ ფასს.
8. პრეტედენტის მიერ, სისტემაში ატვირთული პრეისკურანტის ჯამურ ღირებულებას და ვაჭრობის შედაგად დაფიქსირებულ ფასებს შორის სხვაობის(კლების) შემთხვევაში, სხვაობა პროპორციულად, თანაბრად უნდა გადანაწილდეს პრეისკურანტში მოცემულ ყოველ ცალკეულ პოზიციაზე, პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება. ამასთან, თუ ელექტრონული ვაჭრობის შედეგად სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები წარმოდგება მრავალნიშნა ათწილადის სახით, პრეტენდენტი ვალდებულია აღნიშნული ღირებულებები დაამრგვალოს მეასედებამდე.
9. პრეტენდენტის მიერ პრეისკურანტის წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში.
10. მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სერვისცენტრში სავალდებულო გადაყვანის ხარჯებს უზრუნველყოფს მიმწოდებელი ორგანიზაცია (საწვავი, ევაკუატორის მომსახურება და ა.შ.).

შენიშვნა:
1. პრეტენდენტს პრეისკურანტი - დანართი N1-ის წარმოდგენა მოეთხოვება Excel-ის ფორმატის ცხრილის სახით, რომელიც არ საჭიროებს ხელმოწერას ან/და ბეჭედს (მათ შორის ელექტრონულ ხელმოწერას ან/და ელექტრონულ შტამპს).

ეტაპობრივად, ხელშეკრულების გაფორმებიდან 2026 წლის 25 დეკემბრის ჩათვლით.

1.მიმწოდებელი ვალდებულია შემყიდველის მიერ მიმწოდებლის სერვის ცენტრში ავტომანქანის მიყვანისთანავე ჩაატაროს შესაბამისი ავტომანქანის დათვალიერება, რის შემდეგაც მხარეები ადგენენ დეფექტურ აქტს, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილები) დეტალური აღწერა და მათი ფასი. სატრანსპორტო საშუალებების დათვალიერება/შემოწმება უნდა მოხდეს უსასყიდლოდ.
2. ავტოსატრანსპორტო საშუალების და მასთან დაკავშირებული მოწყობილობების შეკეთება და ტექნიკური მომსახურება უნდა განხორციელდეს მხარეებს შორის დეფექტური აქტის შედგენიდან არაუგვიანეს 5 კალენდარული დღის ვადაში.
3. იმ შემთხვევაში თუ საჭიროა ხანგრძლივი მომსახურების ჩატარება ან/და დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით.
4. მიმწოდებელმა უნდა უზრუნველყოს ა(ა)იპ „აგროსერვის ცენტრი“-ს ბალანსზე რიცხული ავტოსატრანსპორტო საშუალებებისა და მათთან დაკავშირებული მოწყობილობების შეკეთება და ტექნიკური მომსახურება ქ. ბათუმში, ხელშეკრულების გაფორმებიდან 2026 წლის 25 დეკემბრის ჩათვლით.

1.სწორი ექსპლუატაციის პირობებში, მიმწოდებელის მიერ მომსახურების გაწევისას გამოყენებული სათადარიგო ნაწილები არ უნდა ავლენდეს დეფექტებს, რაზეც მიმწოდებელმა უნდა გაავრცელოს არანაკლებ 6 (ექვსი) თვიანი გარანტია, გარდა სწრაფ ცვეთადი დეტალებისა (კერძოდ, გახურების ნათურები, ანთების სანთლები, გახურების სანთლები, დამცველები, სამუხრუჭე ხუნდები, კონდიციონერის, ჰაერისა და საწვავის ფილტრები, მინის მრეცხავები, ანთების საკონტაქტო ერთეულები და მტვერდამცავები (პილნიკები)).
2.მიმწოდებელი პასუხისმგებელია წუნდებული საქონლის (ასეთის არსებობის შემთხვევაში) გამოცვლაზე და შესაბამისი მომსახურების გაწევის განხორციელებაზე, შემსყიდველის მხრიდან რაიმე დამატებითი ხარჯების გაწევის გარეშე.

ა) ტენდერში მონაწილე პრეტენდენტს 2023 წლის 01 იანვრიდან წინამდებარე ტენდერის სატენდერო წინადადების წარმოდგენის დასრულების თარიღამდე პერიოდში გაწეული უნდა ჰქონდეს არანაკლებ 50 000 (ორმოცდაათი ათასი) ლარის ღირებულების მსგავსი ან ანალოგიური (ავტოსატრანსპორტო საშუალებების შეკეთება და ტექნიკური მომსახურება) მომსახურება. პრეტენდენტმა ასევე უნდა წარმოადგინოს ორგანიზაციისაგან ერთი დადებითი რეკომენდაცია კონკრეტულ ხელშეკრულებაზე, ზემოაღნიშნული პერიოდის განმავლობაში მსგავსი ან ანალოგიური მომსახურების გაწევის შესახებ;
ბ) პრეტენდენტმა უნდა წარმოადგინოს მომსახურების გაწევის დამადასტურებელი დოკუმენტების ასლები, კერძოდ: ხელშეკრულებ(ებ)ის ასლები და მიღება-ჩაბარების აქტ(ებ)ის ასლები;
გ) იმ პრეტენდენტებს, რომლებსაც ზემოაღნიშნული მომსახურება გაწეული აქვთ სახელმწიფო შესყიდვის ფარგლებში და შესყიდვების ერთიან ელექტრონულ სისტემაში ატვირთულია ყველა ის დოკუმენტაცია სრულყოფილად, რაც მოთხოვნილია წინამდებარე ტენდერის სატენდერო დოკუმენტაციის 2.2.1 პუნქტით, მომსახურების გაწევის დამადასტურებელი დოკუმენტაციის წარმოდგენა არ არის სავალდებულო და საკმარისია შესაბამისი რეგისტრაციის ნომრების წარმოდგენა (SPA, DAP, NAT, DEP, MEP, TEP, GEO, CMR ან სხვა ასეთის არსებობის შემთხვევაში) მხოლოდ დანართი N2-ის სახით.

1. პრეტენდენტს საკუთრებაში ან/და სარგებლობაში უნდა გააჩნდეს ქ. ბათუმის ადმინისტრაციულ საზღვრებში მოქმედი სერვის ცენტრი, რომელიც აღჭურვილი უნდა იყოს საჭირო აპარატურითა და დანადგარებით, აღნიშნული აპარატურისა და დანადგარის ჩამონათვალი პრეტენდენტმა უნდა წარმოადგინის ელექტრონული სისტემის მეშვეობით.
2. სერვისცენტრს ავტოსატრანსპორტო საშუალებების მომსახურებისათვის უნდა გააჩნდეს არანაკლებ 2 (ორი) სარემონტო სექცია (ე.წ ,,ბოქსი"), რომლებიც (თითოეული) უზრუნველყოფილი უნდა იყოს ავტომანქანის ამწევი საშუალებით.
3. პრეტენდენტმა უნდა წარმოადგინოს სერვისცენტრის საკუთრებაში არსებობის შემთხვევაში, საკუთრების დამადასტურებელი დოკუმენტი (საჯარო რეესტრის ამონაწერის წარმოდგენის შემთხვევაში, დოკუმენტი გაცემული უნდა იყოს ტენდერის გამოცხადების შემდეგი თარიღით). სერვისცენტრის იჯარით სარგებლობის შემთხვევაში წარმოდგენილი უნდა იქნას ორმხვრივად დამოწმებული საიჯარო ხელშეკრულება, რომელსაც უნდა ახლდეს საჯარო რეესტრის ამონაწერი (ამონაწერი გაცემული უნდა იყოს ტენდერის გამოცხადების შემდეგი თარიღით). საიჯარო ხელშეკრულების მოქმედების ვადა უნდა შეადგენდეს არანაკლებ 2026 წლის 25 დეკემბრის ჩათვლით.

შენიშვნა: შემსყიდველი იტოვებს უფლებას ადგილზე გადაამოწმოს პრეტენდენტის მატერიალურ-ტენიკური ბაზა.

მოცემული ტენდერის ფარგლებში ქვეკონტრაქტორი არ დაიშვება.

პრეტენდენტის მიერ ერთიან ელექტრონულ სისტემაში ატვირთული სატენდერო წინადადება უნდა შეიცავდეს შემდეგი სახის ინფორმაციას/დოკუმენტაციას:

1. სატენდერო დოკუმენტაციის 1.3 პუნქტის თანახმად, პრეისკურანტი - დანართი N1-ის სახით;
2. სატენდერო დოკუმენტაციის 2.2.1 პუნქტის თანახმად, ინფორმაცია პრეტენდენტის გამოცდილების შესახებ დანართი N2-ის შესაბამისად;
3. სატენდერო დოკუმენტაციის 2.2.1 პუნქტის თანახმად, რეკომენდაცია მსგავსი ან ანალოგიური მომსახურების გაწევის შესახებ;
4. სატენდერო დოკუმენტაციის 2.3.1 პუნქტის თანახმად, ინფორმაცია/დოკუმენტაცია მატერიალურ-ტექნიკური ბაზის შესახებ.

ა) იმ შემთხვევაში, როდესაც ტენდერში მონაწილე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მაშინ პრეტენდენტი ვალდებულია წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, აღნიშნული დასაბუთების წარმოუდგენლობა გამოიწვევს წინამდებარე ტენდერში მონაწილე პრეტენდენტის დისკვალიფიკაციას (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის საქმიანობის კანონმდებლობით გათვალისწინებული ფორმით გაცემული შესაბამისი უფლებამოსილების/აკრედიტაციის დამადასტურებელი დოკუმენტი);
ბ) წარმოდგენილ დასკვნას თან უნდა ერთვოდეს პრეისკურანტი, რომლის საფუძველზეც მოხდა დასკვნის შედგენა.

1. ანგარიშსწორება მიმწოდებელთან ხორციელდება უნაღდო ანგარიშსწორების ფორმით, ეროვნულ ვალუტაში (ლარი).
2. ანგარიშსწორება მოხდება ფაქტიურად გაწეული მომსახურების მიხედვით, ეტაპობრივად, გაწეულ მომსახურებაზე/მოწოდებულ საქონელზე სასაქონლო ზედნადების/ანგარიშფაქტურის წარდგენის, დეფექტური აქტისა და მიღება-ჩაბარების აქტ(ებ)ის გაფორმების შემდეგ.

ანგარიშსწორება მოხდება ფაქტიურად გაწეულ მომსახურებაზე/მოწოდებულ საქონელზე სასაქონლო ზედნადების/ანგარიშფაქტურის წარდგენის, დეფექტური აქტისა და მიღება-ჩაბარების აქტების გაფორმებიდან არაუგვიანეს 10 (ათი) სამუშაო დღის ვადაში.

გურანდა ვარშალომიძე, 557125165, guranda.v92@gmail.com სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის – „კითხვა/პასუხის“ მეშვეობით, ან/და სატენდერო კომისიის აპარატში ქ. ბათუმი, ბაქოს ქუჩა N18.

10.1.1. სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესი"-ს დამტკიცების შესახებ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
10.1.2. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ, ასევე არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს, რაც გამოიწვევს პრეტენდენტის დიკვალიფიკაციას.
10.1.3. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.4. სახელმწიფო შესყიდვების შესახებ ხელშეკრულების ფორმა და პირობები მოცემულია ელექტრონულ სისტემაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.5. პრეტენდენტს არ აქვს უფლება წარმოადგინოს ალტერნატიული სატენდერო წინადადება.