Продукты животного происхождения, мясо и мясные продукты (Грузия - Тендер #70307646)

სსიპ ივანე ჯავახიშვილის სახელობის თბილისის სახელმწიფო უნივერსიტეტის (თსუ) კვების ობიექტისთვის ხორცპროდუქტების სახელმწიფო შესყიდვა.

1. სოსისი - ივერია საქონელი/ღორი
რაოდენობა - 700 კილოგრამი
სოსისი - ტკაცუნა (ე.წ. ივერია)
• სოსისის შემადგენლობაში უნდა შედიოდეს მხოლოდ ძროხისა და ღორის ხორცი (საწარმოო პროცესის გათვალისწინებით დასაშვებია ქათმის არსებობა მხოლოდ კვალის სახით);
• ორგანოლეპტიკურად (ფერი, სუნი და გემო სოსისისთვის დამახასიათებელი) დამაკმაყოფილებელი;
• შებოლვის და სანელებლების ზომიერი არომატით;
• სოსისის შემადგენლობა და კალკულაცია არ უნდა შეიცავდეს სოიოს ტექსტურატს, სოიოს იზოლატს, სოიოს ფქვილს, ბურღულეულს. ასევე ადამიანის ორგანიზმისთვის საშიშ და აკრძალულ საკვებ დანამატებს (საღებავების, კონსერვანტებისა და ემულგატორების სახით);
• ცხიმის შემცველობა 100 გრამ პროდუქტში არაუმეტეს 18 გრ. ცილა არანაკლებ 11 გრამი, სახამებელი - არაუმეტეს 2.2გ.
• თითოეული სოსისის წონა უნდა იყოს 60 გრამი (ცდომილება ±1გრ);
• გარსაცმი ხელოვნური, კოლაგენური.
• შეფუთული უნდა იყოს ქარხნული წესით ვაკუუმ პარკებში;
• მოწოდებული საქონლის ვარგისიანობის ვადა უნდა იყოს საერთო ვადის არანაკლებ 90%, მაგრამ არანაკლებ 12 დღე.

2. გაყინული ქათმის ფილე მკერდი (უძვლო)
რაოდენობა - 4000 კილოგრამი
ქათმის გაყინული ფილე
• უნდა იყოს გაყინული მშრალი გაყინვის მეთოდით (შოკირებული მეთოდით -18 გრადუსი ცელსიუსი);
• მწარმოებელი ქვეყნის კანონმდებლობით განსაზღვრული მოთხოვნების შესაბამისად მაღალი ხარისხის (A კატეგორიის);
• სუნი სპეციფიკური დამახასიათებელი ხორცისთვის;
• დაფასოებული ქარხნული წესით 5 -25 კილოგრამიან მუყაოს ყუთებში 1 -დან 10 კგ–მდე შეკვრებად. (სტრატეგიული მილსადენების დაცვის დეპარტამენტისთვის მიწოდება განხორციელდება შეკვრებად, შემსყიდველის მოთხოვნის შესაბამისად).
• ყუთზე არ იქნება დეფროსტაციის კვალი;
• გაყინულ პროდუქტში წყლის საერთო შემცველობით უნდა შეესაბამებოდეს საქართველოს მთავრობის 2019 წლის 18 ივლისის N340 დადგენილებით დამტკიცებული "ფრინველის ხორცის მარკეტინგული მოთხოვნების დამტკიცების" ტექნიკური რეგლამენტით განსაზღვრულ მოთხოვნებს.
• მოწოდებული საქონლის შენახვის ვადა არანაკლებ საერთო ვადის 40%, არანაკლებ 4 თვე;

3. გაყინული საქონლის ხორცი უძვლო
რაოდენობა - 500 კილოგრამი
საქონლის ხორცი გაყინული უნდა იყოს გაყინული მშრალი გაყინვის მეთოდით (შოკირებული მეთოდით -18 გრადუსი ცელსიუსი);
• მწარმოებელი ქვეყნის კანონმდებლობით განსაზღვრული მოთხოვნების შესაბამისად მაღალი ხარისხის (A კატეგორიის);
• სუნი სპეციფიკური დამახასიათებელი ხორცისთვის;
• დაფასოებული ქარხნული წესით 5 -25 კილოგრამიან მუყაოს ყუთებში 1 -დან 10 კგ–მდე შეკვრებად. (სტრატეგიული მილსადენების დაცვის დეპარტამენტისთვის მიწოდება განხორციელდება შეკვრებად, შემსყიდველის მოთხოვნის შესაბამისად).
• ყუთზე არ იქნება დეფროსტაციის კვალი;
• გაყინულ პროდუქტში წყლის საერთო შემცველობით უნდა შეესაბამებოდეს საქართველოს მთავრობის 2019 წლის 18 ივლისის N340 დადგენილებით დამტკიცებული "ფრინველის ხორცის მარკეტინგული მოთხოვნების დამტკიცების" ტექნიკური რეგლამენტით განსაზღვრულ მოთხოვნებს.
• მოწოდებული საქონლის შენახვის ვადა არანაკლებ საერთო ვადის 40%, არანაკლებ 4 თვე;

4. ლორი/ვიჩინა
რაოდენობა - 150 კილოგრამი
ლორი (ჩალაღაჯი)
• ლორი უნდა შედგებოდეს მხოლოდ ღორის ხორცისგან (ჩალაღაჯი);
• ორგანოლეპტიკურად (ფერი, სუნი და გემო ლორისთვის დამახასიათებელი კონსისტენცია და სხვა) დამაკმაყოფილებელი;
• უნდა იყოს სანელებლებისა და შებოლვის გამოკვეთილი არომატით;
• მოწოდებული საქონლის შენახვის ვადა უნდა იყოს არანაკლებ საერთო ვადის 90 %.

5. ძეხვი სალიამი
რაოდენობა - 200 კილოგრამი
უმაღლესი ხარისხის (მწარმოებლის სტანდარტით), ფერი, სუნი და გემო დამახასიათებელი გარკვეული პროდუქტისთვის.
• წონით არანაკლებ 200 გრ-დან 250 გრ-მდე დასაშვები ცდომილება ± 5გრ. ბომბაჟის და მექანიკური დაზიანების გარეშე.
• ენერგეტიკული ღირებულება 100 გრამ პროდუქტში არანაკლებ 270კკალ., ცხიმიანობა 20-25%. ღორის ხორცის შემცველობა არანაკლებ 70%–სა.
• გამოკვეთილი არომატი სანელებლების, არადამახასიათებელი სუნისა და გემოს გარეშე.
• არ უნდა შეიცავდეს ხორცის შემცვლელ ინგრედიენტებს, ადამიანის ორგანიზმისთვის საშიშ და აკრძალულ საკვებ დანამატებს (საღებავების, კონსერვანტებისა და ემულგატორების სახით).
• შენახვის ვადა მოწოდებიდან არანაკლებ 2.5 წელი.

სურსათი უნდა აკმაყოფილებდეს საქართველოს კანონმდებლობით დადგენილ მოთხოვნებს. მათ შორის:

სურსათის უვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს.

უნდა იყოს ეტიკეტირებული საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად.

ორგანოლეპტიკური, მიკრობიოლოგიური და ფიზიკო-ქიმიური მაჩვენებლების მიხედვით უნდა აკმაყოფილებდეს აღნიშნულ სფეროში არსებული მარეგულირებელი კანონმდებლობით დასაშვებ ნორმებსა და ზღვრებს.

უნდა აკმაყოფილებდეს საქართველოს მთავრობის 2015 წლის 10 ნოემბრის N581 დადგენილებით დამტკიცებული „სურსათის მიკრობიოლოგიური მაჩვენებლების შესახებ“ ტექნიკური რეგლამენტით დადგენილ მოთხოვნებს, ადამიანის სიცოცხლისა და ჯანმრთელობის უზრუნველყოფის მიზნით, სურსათის უვნებლობასთან და მიკრობიოლოგიურ რისკებთან მიმართებაში.

უნდა აკმაყოფილებდეს საქართველოს მთავრობის 2010 წლის 25 ივნისის N173 დადგენილებით დამტკიცებული „სურსათის/ცხოველის საკვების ჰიგიენის ზოგადი წესისა“ და „სურსათის/ცხოველის საკვები ჰიგიენის გამარტივებული წესის“ შესახებ ტექნიკური რეგლამენტით დადგენილ მოთხოვნებს, სურსათის/ცხოველის საკვების წარმოების მათ შორის პირველადი წარმოების, გადამუშავებისა და დისტრიბუციის ყველა ეტაპზე.

უნდა აკმაყოფილებდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით“ (დამტკიცებულია საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანებით) განსაზღვრულ სანიტარულ მოთხოვნებს საკვები პროდუქციის დამუშავების ეტაპებზე და წარმოებაში პროდუქციის ახალი სახეობის ჩაშვების, მისი გადამუშავების, წარმოების, შენახვის, ტრანსპორტირების, შესყიდვის, ქვეყანაში შემოტანისა და რეალიზაციის დროს (შემდგომში – საკვები პროდუქციის მიმოქცევისას).

უნდა აკმაყოფილებდეს საქართველოს მთავრობის 2014 წლის 15 იანვრის N72 დადგენილებით დამტკიცებული ,,სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს სასურსათო პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს სურსათს და უვნებელია ადამიანის ჯანმრთელობისათვის.

უნდა აკმაყოფილებდეს საქართველოს მთავრობის 2012 წლის 7 მარტის N90 დადგენილებით დამტკიცებული ცხოველური წარმოშობის სურსათის ჰიგიენის სპეციალური წესით დადგენილ მოთხოვნებს ბიზნესოპერატორისათვის, რომელიც ეწევა ცხოველური წარმოშობის სურსათის წარმოებას, გადამუშავებასა და დისტრიბუციას.

უნდა აკმაყოფილებდეს საქართველოს მთავრობის 2015 წლის 9 ნოემბრის №567 დადგენილებით დამტკიცებული „სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ“ ტექნიკური რეგლამენტით განსაზღვრულ ნორმებს.

უნდა აკმაყოფილებდეს საქართველოს მთავრობის 2015 წლის 12 თებერვლის №55 დადგენილებით დამტკიცებული „ცხოველური წარმოშობის სურსათის სახელმწიფო კონტროლის განხორციელების სპეციალური წესით“ გათვალისწინებულ მოთხოვნებს.

შემსყიდველს უფლება აქვს სრულად არ აითვისოს სატენდერო დოკუმენტაციის 1.2 პუნქტით განსაზღვრული შესასყიდი საქონლის რაოდენობა. საჭიროების შემთხვევაში ურთიერთშეთანხმების (ელექტრონული ფოსტაზე შეტყობინების საშუალებით) შესაძლებელია გადათამაშდეს შესყიდვის ობიექტები ერთეულის ფასის ცვლილების გარეშე სახელშეკრულებო ღირებულების ფარგლებში.

** მიმწოდებელის მიერ წარმოდგენილ ფასების ცხრილში მითითებული ერთეულის ღირებულება არ უნდა აღემატებოდეს შემსყიდველის მიერ შესაბამის გრაფაში მითითებული ერთეულის ზღვრულ სავარაუდო ღირებულებას, წინააღმდეგ შემთხვევაში მოხდება ხარჯთაღრიცხვის დაზუსტება კლებადობის პრინციპით არასწორად განფასებულ პოზიციაზე.

შესყიდვის ობიექტის მიწოდება განხორციელდება ხელშეკრულების გაფორმებიდან ეტაპობრივად, 2026 წლის 15 ივლისის ჩათვლით, კვირაში ერთხელ, შემსყიდველის მოთხოვნიდან 2 (ორი) კალენდარულ დღეში.

1. შემსყიდველი ხელშეკრულების დანართ N1-ში მითითებულ მისაწოდებელ საქონელზე მოთხოვნას, საქონლის შესაბამისი სახეობებისა და რაოდენობის მითითებით ადგენს და წერილობით, ელექტრონული ფოსტის მეშვეობით გადასცემს/უგზავნის მიმწოდებელს;
2. საქონლის მიწოდება უნდა განხორციელდეს არაუგვიანეს დღის 12:00 სთ -ისა.
3. მიმწოდებელმა საკუთარი ხარჯებით უნდა უზრუნველყოს შესყიდვის ობიექტის მიწოდება ქ.თბილისი, უნივერსიტეტის ქ. #19 (თსუ მაღლივი კორპუსი) და თბილისი, ჭავჭავაძის გამზ. #1.
4. ხელშეკრულების დამდებ არცერთ მხარეს არა აქვს უფლება შეიტანოს გრაფიკში ცვლილებები მეორე მხარესთან შეთანხმების გარეშე.

1. მოწოდებული საქონლის ვარგისიანობის ვადა უნდა შეესაბამებოდეს დანართი #1 ფასების ცხრილში მითითებული პოზიციების მიხედვით განსაზღვრულ პირობებს.
2. პროდუქტის უვნებლობა, ხარისხი და მისი ტრანსპორტირების პირობები უნდა აკმაყოფილებდეს საქართველოში მოქმედი კანონმდებლობით დადგენილ სტანდარტებს.

პრეტენდენტმა ფასების ცხრილი, დანართი N1-ის სახით უნდა წარმოადგინოს შემდეგი ინფორმაცია:
შესყიდვის ობიექტის, აღწერილობა, წარმოშობის ქვეყანა, მწარმოებელი ფირმა

1. წარმოშობის ქვეყანა - ქვეყანა სადაც პროდუქტი იწარმოება.
2. მწარმოებელი ფირმა - მწარმოებელი კომპანია ან/და მწარმოებელი სუბიექტი ან/და ინდ.მეწარმე ან/და ფიზიკური პირი.

წარმოშობის ქვეყნის და მწარმოებლის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე.
ფასების ცხრილის პირველი და მეორე პოზიციით გათვალისწინებულ პროდუქტზე მწარმოებლის არ არსებობის შემთხვევაში პრეტენდენტი ვალდებულია გააკეთოს ჩანაწერი "მწარმოებელი არ გააჩნია", წინააღმდეგ შემთხვევაში განხორციელდება პრეტენდენტის დისკვალიფიკაცია დაზუსტების გარეშე.


წინადადების წარდგენის დროს „ფასების ცხრილი - დანართი N1“ ერთიან ელექტრონულ სისტემაში უნდა ატვირთოს Excel-ის ფორმატის ცხრილის სახით. ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

2.7.1.1. წინამდებარე ტენდერის სტატუსის - „წინადადებების მიღება მთავრდება“ თარიღში, პრეტენდენტი რეგისტრირებული უნდა იყოს ეკონომიკურ საქმიანობათა რეესტრში, საქართველოს კანონმდებლობით დადგენილი წესით (მათ შორის, რეგისტრაციის თაობაზე გადაწყვეტილება არ უნდა იყოს ძალადაკარგული), სადაც „გამოყენებული ეკონომიკური საქმიანობის სახეების ცნობარ“-ში/საქმიანობის აღწერაში მითითებული იქნება საკვებ პროდუქტებთან დაკავშირებული საქმიანობის სახე/სახეები. პრეტენდენტმა უნდა წარმოადგინოს ამონაწერი ეკონომიკურ საქმიანობათა რეესტრიდან.

2.7.1.2. თუ პრეტენდენტი წინამდებარე ტენდერის სტატუსის -„წინადადებების მიღება მთავრდება“ თარიღში რეგისტრირებული იყო ეკონომიკურ საქმიანობათა რეესტრში 2.7.1.1. პუნქტის შესაბამისად და შერჩევა-შეფასების მიმდინარეობისას დოკუმენტის ვადის გასვლამ გამოიწვია რეგისტრაციის თაობაზე გადაწყვეტილების ძალადაკარგულობა, სატენდერო კომისია უფლებამოსილია მოსთხოვოს პრეტენდენტს განახლებული ამონაწერი ან რეგისტრაციის ვადის გაგრძელების მოთხოვნის წარმოდგენა.

შემოთავაზებული სატენდერო წინადადებითა და ტექნიკური დოკუმენტაციით განსაზღვრულ მოთხოვნებთან შესაბამისობის დადგენის მიზნით:
• პრეტენდენტი ვალდებულია, წარმოადგინოს ფასების ცხრილით შემოთავაზებული შესყიდვის ობიექტების (ყველა პოზიციაზე) 1 (ერთი) კილოგრამი ნიმუში.
• ნიმუშების შეუსაბამობა სატენდერო განცხადების ან/და სატენდერო დოკუმენტაციის მოთხოვნებთან ან/და სისტემის მეშვეობით პრეტენდენტის მიერ წარმოდგენილ ტექნიკურ დოკუმენტაციასთან, გამოიწვევს მის დისკვალიფიკაციას დაზუსტების გარეშე.

თსუ 1 კორპუსი, ქ. თბილისი, ი.ჭავჭავაძის გამზ.#1 ოთახი 016

იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდაი იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

ანგარიშსწორება მიმწოდებელთან განხორციელდება უნაღდო ანგარიშსწორებით ყოველთვიურად, საანგარიშო თვის განმავლობაში მიწოდებული საქონლის რაოდენობის შესაბამისად, ინსპექტირებაზე უფლებამოსილი პირ(ებ)ი დადებითი დასკვნის და მიმწოდებლის მიერ წარმოდგენილი საქართველოს კანონმდებლობით დადგენილი შესაბამისი დოკუმენტების (სასაქონლო ზედნადები ან/და საგადასახადო ანგარიშფაქტურა) საფუძველზე.

ანგარიშსწორება მიმწოდებელთან განხორციელდება უნაღდო ანგარიშსწორებით ყოველთვიურად, საანგარიშო თვის განმავლობაში მიწოდებული საქონლის რაოდენობის შესაბამისად, ინსპექტირებაზე უფლებამოსილი პირ(ებ)ი დადებითი დასკვნის და მიმწოდებლის მიერ წარმოდგენილი საქართველოს კანონმდებლობით დადგენილი შესაბამისი დოკუმენტების (სასაქონლო ზედნადები ან/და საგადასახადო ანგარიშფაქტურა) საფუძველზე შედგენილი მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

შოთა გაბადაძე, 557411759, shota.gabadadze@tsu.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.
10.1.6. პრეტენდენტს უფლება არა აქვს წარმოადგინოს ალტერნატიული სატენდერო წინადადება.
10.1.7. პრეტენდენტი აღნიშნულ ტენდერში მონაწილეობით ავტომატურად ადასტურებს, რომ მისთვის ცნობილია წინამდებარე სატენდერო დოკუმენტაციით დადგენილი მოთხოვნები და ინსტრუქცია ტენდერში მონაწილეთათვის.