Услуги по исследованию рынка и экономики, опросы и статистика (Грузия - Тендер #70273660)

საქართველოს კულტურის სამინისტროს მიერ ვიზუალური და კონცეპტუალური "ბრენდირების" მომსახურების შესყიდვა

1. მიმწოდებელმა უნდა უზრუნველყოს პროექტების - "ლეგენდარული საქართველო" და "GEORGIA
COLLECTION"-ის ვიზუალური და კონცეპტუალური ბრენდირების მომსახურების გაწევა, სატენდერო პირობების 1.2 პუნქტში ატვირთული ტექნიკური დავალებების შესაბამისად (დანართი N1; დანართი N2; დანართი N3; დანართი N4);

2. პრეტენდენტმა, ერთიან ელექტრონულ სისტემაში, უნდა ატვირთოს სატენდერო პირობების 1.3 პუნქტით გათვალისწინებულ ფასების ცხრილი და 2.2.1 პუნქტით მოთხოვნილ გამოცდილების დამადასტურებელი დოკუმენტაცია.

მიმწოდებელმა უნდა უზრუნველყოს ტექნიკურ დავალებებში მითითებული მომსახურების გაწევა სრულად, არაუგვიანეს ხელშეკრულების გაფორმებიდან 2 (ორი) კალენდარული თვის ვადაში.

მიმწოდებელმა მომსახურების გაწევისას ყველა დეტალი უნდა შეუთანხმოს შემსყიდველს და გაითვალისწინოს შემსყიდველის შენიშვნები.

მიმწოდებელმა მომსახურების გაწევის შედეგად მიღებული "ბრენდბუქები" შემსყიდველს უნდა მიაწოდოს შემდეგ მისამართზე: თბილისი, სანაპიროს ქ.4, კულტურის სამინისტროს შენობა.

პრეტენდენტს, 2023 წლის პირველი იანვრიდან წინამდებარე ტენდერის გამოცხადების დღემდე, შემსყიდველი/დამკვეთი ორგანიზაცი(ებ)ისთვის გაწეული უნდა ჰქონდეს მსგავსი (ვიზუალური ბრენდინგის) მომსახურების გაწევის გამოცდილება - ჯამური ღირებულებით 55 000 (ორმოცდათხუთმეტი ათასი ლარი), მათ შორის - ერთი ხელშეკრულების ფარგლებში არანაკლებ 20 000 (ოცი ათასი) ლარის ღირებულების მსგავსი (ვიზუალური ბრენდინგის) მომსახურების გაწევის გამოცდილება.

აღნიშნულის დასადასტურებლად პრეტენდენტმა უნდა წარმოადგინოს მხარეთა მიერ ხელმოწერილი ხელშეკრულებების ასლები ან ორიგინალი დოკუმენტები და შესაბამისი მომსახურების გაწევის დამადასტურებელი დოკუმენტების ასლები ან ორიგინალი დოკუმენტები.

თუ პრეტენდენტი წარმოადგენს სახელმწიფო შესყიდვის ერთიანი ელექტრონული სისტემის მონაცემებს, კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალურ ნომერს, მაშინ დამატებითი დოკუმენტაციის (გაფორმებული ხელშეკრულებების და ამ მომსახურების შესრულების დამადასტურებელი დოკუმენტის ასლები) წარმოდგენა სავალდებულო არაა, იმ შემთხვევაში თუ ეს დოკუმენტები ატვირთულია სახელმწიფო შესყიდვების ერთიან ელექტრონულ სისტემაში და მათი გადამოწმება შესაძლებელია. აღნიშნული ინფორმაცია პრეტენდენტმა შესაძლებელია აიტვირთოს N5 დანართის ფორმით (დანართი N5 პრეტენდენტის მიერ ატვირთულ უნდა იქნას ერთიან ელექტრონულ სისტემაში).



იმ შემთხვევაში, თუ დამკვეთს წარმოადგენს კერძო სამართლის იურიდიული პირი ან ფიზიკური პირი (არა სახელმწიფო შემსყიდველი ორგანიზაცია), პრეტენდენტმა ზემოაღნიშნულ დოკუმენტებთან ერთად უნდა წარმოადგინოს აღნიშნული მომსახურების ამსახველი ფინანსური დოკუმენტაცია: დამკვეთის მიერ დადასტურებული საგადასახადო ანგარიშ-ფაქტურები.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, მომსახურების სრულად გაწევის შემდგომ.

ანგარიშსწორება განხორციელდება მიღება-ჩაბარების აქტის გაფორმებიდან 10 (ათი) სამუშაო დღის ვადაში.

სოფიო გავაშელიშვილი, 599353301, sgavashelishvili@culture.gov.ge

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით და საჭიროების შემთხვევაში აპოსტილით.
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (გარდა ფასების ცხრილისა, რომელიც შესაძლებელია წარმოდგენილ იქნეს Excel-ის ფორმატში). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
5. პრედენდენტს არა აქვს უფლება წარმოადგინოს ალტერნატიული სატენდერო წინადადება;
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეულისა და საერთო ფასები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი);
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს);
8. შემსყიდველი უფლებამოსილია, ხელშეკრულების შესრულების ნებისმიერ ეტაპზე მოახდინოს მიმწოდებლის მიერ, ვალდებულების შესრულების კონტროლი;
9. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ინფორმაცია რეკვიზიტების შესახებ პრეტენდენტმა უნდა წარმოადგინოს აღნიშნული ინფორმაცია.