Продукты мукомольной промышленности, крахмал и крахмалопродукты (Грузия - Тендер #70273641)

სსიპ ივანე ჯავახიშვილის სახელობის თბილისის სახელმწიფო უნივერსიტეტის მიერ ეკონომიკური საქმიანობიდან მიღებული შემოსავლების დაფინანსების ფარგლებში, თსუ კაფეტერიისათვის ხორბლის ფქვილის (საკონდიტრო ნაწარმის ცხობისთვის); სიმინდის ფქვილის; წიწიბურისა და გრძელი ბრინჯი ბასმათის სახელმწიფო შესყიდვა.

სატენდერო წინადადების წარმოდგენისას პრეტენდენტმა უნდა გაითვალისწინოს შემდეგი: ფასების ცხრილში მოცემული რაოდენობები წარმოადგენს საორიენტაციო ციფრს, რომლის მიხედვითაც და საჭიროების ფარგლებშიც მოხდება მიმწოდებლისათვის შეკვეთის წარდგენა. შესაბამისად, შემსყიდველი ვალდებული არ არის სრულად აითვისოს ცხრილში მოცემული საქონლის რაოდენობა.

მიმწოდებელის მიერ წარმოდგენილ ფასების ცხრილში მითითებული ერთეულის ღირებულება არ უნდა აღემატებოდეს შემსყიდველის მიერ შესაბამის გრაფაში მითითებული ერთეულის სავარაუდო ღირებულებას, წინააღმდეგ შემთხვევაში მოხდება ხარჯთაღრიცხვის დაზუსტება კლებადობის პრინციპით არასწორად განფასებულ პოზიციაზე.

შემსყიდველი უფლებამოსილია საკუთარი ხარჯებით ხელშეკრულებ(ებ)ის მოქმედების განმავლობაში ხარისხის დადგენილ სტანდარტებთან შესაბამისობის განსაზღვრის მიზნით, განახორციელოს საქონლის ნიმუშის აღება და სსიპ „ლევან სამხარაულის სახელობის სასამართლო ექსპერტიზის ეროვნული ბიუროში" ან სხვა აკრედიტირებული ორგანიზაციაში შემოწმება.

1. ხორბლის ფქვილი (საკონდიტრო ნაწარმის ცხობისთვის) - ერთეულის უმაღლესი ზღვრული ფასი - 2.5 ლარი.
რაოდენობა - 5500 კილოგრამი
• უმაღლესი ხარისხის; საკონდიტრო ნაწარმის ცხობისთვის;
• წებოვნება (წებოგვარა) წარმოდგენილი ჰიდრატირებული კომპლექსის სახით, მისი რაოდენობა არანაკლებ 28%-სა;
• სინესტე არაუმეტეს 15%-სა;
• ნაცრიანობა მშრალ ნივთიერებაზე გაანგარიშებით არაუმეტეს 0.55%-ისა;
• თეთრი ან კრემისფერი ელფერით;
• მინარევებისა და უცხო სხეულების გარეშე;
• ობისა და სინესტის/სისველის გარეშე;
• პროდუქტისთვის დამახასიათებელი სასიამოვნო სუნის მქონე, არ უნდა დაჰკრავდეს მძაღე, მჟავე, ობის, ლპობის სუნი ან გემო;
• უცხო სხეულების და მავნებლების გარეშე;
• ფქვილი არ უნდა შეიცავდეს ორგანიზმისათვის საშიშ ქიმიურ ელემენტებს და გენმოდიფიცირებულ ორგანიზმებს;
• შეფუთვა მთლიანობის დარღვევის გარეშე, დაფასოება 20 - 50 კგ-მდე (± 0.4%) ტომრებში (შემსყიდველის მოთხოვნის შესაბამისად) ეტიკეტი უნდა იყოს ნაბეჭდი ტომარაზე ან/და მიკერებული ძაფით;

2. სიმინდის ფქვილი - ერთეულის უმაღლესი ზღვრული ფასი - 6.00 ლარი
რაოდენობა - 200 კილოგრამი
• ახალი დაფქვილი თეთრი ფერის,
• სიმინდის ფქვილისთვის დამახასითებელი მაღალი საგემოვნო თვისებებით;
• მინარევებისა და უცხო სხეულების გარეშე;
• ობისა და სინესტის/სისველის გარეშე;

3. წიწიბურა - ერთეულის უმაღლესი ზღვრული ფასი - 3.50 ლარი
რაოდენობა - 150კილოგრამი
• მოყავისფრო, ღია ჩალისფერი სუნი–დამახასიათებელი;
• მთელი მარცვლების წილობრივი მასა უნდა შეადგენდეს 90-95% –ს
• მინარევებისა და უცხო სხეულების გარეშე;
• ობისა და სინესტის/სისველის გარეშე;
• არ უნდა შეიცავდეს ორგანიზმისათვის საშიშ ქიმიურ ელემენტებს და გენმოდიფიცირებულ ორგანიზმებს,
• მავნებლების მიერ მიყენებული დაზიანებების გარეშე;

4.გრძელი ბრინჯი ბასმათი - ერთეულის უმაღლესი ზღვრული ფასი 8.00 ლარი.
რაოდენობა - 100 კილოგრამი
• თითოეული მიწოდებული პარტია უნდა იყოს უმაღლესი ხარისხის, სუფთა (დარჩეული) უცხო მინარევების გარეშე;
• ფერი თეთრი მოყვითალო შეფერილობით,
• ობისა და სინესტის/სისველის გარეშე;
• არ უნდა შეიცავდეს ორგანიზმისათვის საშიშ ქიმიურ ელემენტებს და გენმოდიფიცირებულ ორგანიზმებს:
• მავნებლების მიერ მიყენებული დაზიანებების გარეშე; ფორმა 100%-გრძელი.
• დაფასოებული უნდა იყოს ქარხნული წესით 1-25 კილოგრამიან შეფუთვაში ან ტომარაში, შესაბამისი მარკირებით,

1.4.1.მიწოდება უნდა განხორციელდეს ხელშეკრულების გაფორმებიდან 2026 წლის 15 ივლისის ჩათვლით
1.4.2. საქონლის მიწოდება განხორციელდება ეტაპობრივად, შემსყიდველის მოთხოვნის შესაბამისად თვეში არაუმეტეს ორჯერ, მოთხოვნიდან არაუგვიანეს 2 სამუშაო დღის განმავლობაში;

1.5.1. შემსყიდველი ხელშეკრულების დანართ N1-ში მითითებულ მისაწოდებელ საქონელზე მოთხოვნას, საქონლის შესაბამისი სახეობებისა და რაოდენობის მითითებით ადგენს და წერილობით, ელექტრონული ფოსტის მეშვეობით გადასცემს/უგზავნის მიმწოდებელს
1.5.2. საქონლის მიწოდება უნდა განხორციელდეს არაუგვიანეს დღის 12:00 სთ -ისა.
1.5.3. მიმწოდებელმა საკუთარი ხარჯებით უნდა უზრუნველყოს შესყიდვის ობიექტის მიწოდება შემდეგ მისამართებზე: ქ.თბილისი, უნივერსიტეტის ქ. #2 (თსუ მაღლივი კორპუსი), ჭავჭავაძის გამზ. N1 (თსუ პირველი კორპუსი).
1.5.4. ხელშეკრულების დამდებ არცერთ მხარეს არა აქვს უფლება შეიტანოს გრაფიკში ცვლილებები მეორე მხარესთან შეთანხმების გარეშე.

სურსათი უნდა აკმაყოფილებდეს საქართველოს კანონმდებლობით დადგენილ მოთხოვნებს მათ შორის:

უნდა აკმაყოფილებდეს საქართველოს მთავრობის 2015 წლის 27 ივლისის N376 დადგენილებით დამტკიცებული „ხორბლის ფქვილის შესახებ“ ტექნიკური რეგლამენტით განსაზღვრულ მოთხოვნებს.

დაფასოებული უნდა იყოს ქარხნული წესით და სათანადოდ ეტიკეტირებული საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად.

სურსათი ორგანოლეპტიკური, მიკრობიოლოგიური, ქიმიური და სანიტარულ-ჰიგიენური მაჩვენებლებით უნდა შეესაბამებოდეს საქართველოში მოქმედი სურსათის უვნებლობისა და სანიტარულ-ჰიგიენურ მოთხოვნებს.

უნდა აკმაყოფილებდეს საქართველოს მთავრობის 2014 წლის 15 იანვრის N72 დადგენილებით დამტკიცებული ,,სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს სასურსათო პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს სურსათს და უვნებელია ადამიანის ჯანმრთელობისათვის.

უნდა აკმაყოფილებდეს საქართველოს მთავრობის 2010 წლის 25 ივნისის N173 დადგენილებით დამტკიცებული ,,სურსათის/ცხოველის საკვების ჰიგიენის ზოგადი წესისა“ და ,,სურსათის/ცხოველის საკვები ჰიგიენის გამარტივებული წესის“ შესახებ ტექნიკური რეგლამენტით დადგენილ მოთხოვნებს, სურსათის/ცხოველის საკვების წარმოების მათ შორის პირველადი წარმოების, გადამუშავებისა და დისტრიბუციის ყველა ეტაპზე.

უნდა აკმაყოფილებდეს საქართველოს მთავრობის 2015 წლის 9 ნოემბრის №N567 დადგენილებით დამტკიცებული „სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ“ ტექნიკური რეგლამენტით განსაზღვრულ ნორმებს.

მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 50%;

პრეტენდენტმა ფასების ცხრილი, დანართი N1-ის სახით უნდა წარმოადგინოს შემდეგი ინფორმაცია:
შესყიდვის ობიექტის დასახელება, აღწერილობა, წარმოშობის ქვეყანა, მწარმოებელი

1. წარმოების ქვეყანა - ქვეყანა სადაც პროდუქტი იწარმოება.
2. მწარმოებელი - მწარმოებელი კომპანია ან/და მწარმოებელი სუბიექტი ან/და ფირმა ან/და ბრენდი ინდ.მეწარმე ან/და ფიზიკური პირი.

წარმოშობის ქვეყნის და მწარმოებლის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე.

2.7.1.1. წინამდებარე ტენდერის სტატუსის - „წინადადებების მიღება მთავრდება“ თარიღში, პრეტენდენტი რეგისტრირებული უნდა იყოს ეკონომიკურ საქმიანობათა რეესტრში, საქართველოს კანონმდებლობით დადგენილი წესით (მათ შორის, რეგისტრაციის თაობაზე გადაწყვეტილება არ უნდა იყოს ძალადაკარგული), სადაც „გამოყენებული ეკონომიკური საქმიანობის სახეების ცნობარ“-ში/საქმიანობის აღწერაში მითითებული იქნება საკვებ პროდუქტებთან დაკავშირებული საქმიანობის სახე/სახეები. პრეტენდენტმა უნდა წარმოადგინოს ამონაწერი ეკონომიკურ საქმიანობათა რეესტრიდან.

2.7.1.2. თუ პრეტენდენტი წინამდებარე ტენდერის სტატუსის -„წინადადებების მიღება მთავრდება“ თარიღში რეგისტრირებული იყო ეკონომიკურ საქმიანობათა რეესტრში 2.7.1.1. პუნქტის შესაბამისად და შერჩევა-შეფასების მიმდინარეობისას დოკუმენტის ვადის გასვლამ გამოიწვია რეგისტრაციის თაობაზე გადაწყვეტილების ძალადაკარგულობა, სატენდერო კომისია უფლებამოსილია მოსთხოვოს პრეტენდენტს განახლებული ამონაწერი ან რეგისტრაციის ვადის გაგრძელების მოთხოვნის წარმოდგენა.

შემოთავაზებული სატენდერო წინადადების/ტექნიკური დოკუმენტაციის, სატენდერო განცხადებითა და ტექნიკური დოკუმენტაციით განსაზღვრულ მოთხოვნებთან შესაბამისობის დადგენის მიზნით.

• პრეტენდენტი ვალდებულია, წარმოადგინოს ფასების ცხრილით შემოთავაზებული შესყიდვის ობიექტების ყველა პოზიციის არანაკლებ ერთი ერთეული ნიმუში.

ნიმუშების შეუსაბამობა სატენდერო განცხადების ან/და სატენდერო დოკუმენტაციის მოთხოვნებთან ან სისტემის მეშვეობით პრეტენდენტის მიერ წარმოდგენილ ტექნიკურ დოკუმენტაციასთან, გამოიწვევს მის დისკვალიფიკაციას დაზუსტების მექანიზმის გამოყენების გარეშე.

ქ.თბილისი, ილია ჭავჭავაძის გამზ.#1, თსუ-ს პირველი კორპუსი, ოთახი #016, შესყიდვების განყოფილება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდა იქნეს „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის, მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

ანგარიშსწორება მიმწოდებელთან განხორციელდება უნაღდო ანგარიშსწორებით ყოველთვიურად, საანგარიშო თვის განმავლობაში მიწოდებული საქონლის რაოდენობის შესაბამისად, ინსპექტირებაზე უფლებამოსილი პირ(ებ)ი დადებითი დასკვნის და მიმწოდებლის მიერ წარმოდგენილი საქართველოს კანონმდებლობით დადგენილი შესაბამისი დოკუმენტების (სასაქონლო ზედნადები ან/და საგადასახადო ანგარიშფაქტურა) საფუძველზე.

ანგარიშსწორება მიმწოდებელთან განხორციელდება უნაღდო ანგარიშსწორებით ყოველთვიურად, საანგარიშო თვის განმავლობაში მიწოდებული საქონლის რაოდენობის შესაბამისად, ინსპექტირებაზე უფლებამოსილი პირ(ებ)ი დადებითი დასკვნის და მიმწოდებლის მიერ წარმოდგენილი საქართველოს კანონმდებლობით დადგენილი შესაბამისი დოკუმენტების (სასაქონლო ზედნადები ან/და საგადასახადო ანგარიშფაქტურა) საფუძველზე შედგენილი მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

შორენა გურაშვილი, 597056157, shorena.gurashvili@tsu.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.