Ремонт и техническое обслуживание транспортных средств и оборудования и сопутствующие услуги (Грузия - Тендер #70273636)

1. ა(ა)იპ ზუგდიდის მუნიციპალიტეტის კეთილმოწყობის მართვის ცენტრის ბალანსზე რიცხული სატრანსპორტო საშუალებების შეკეთებისა და ტექნიკური მომსახურების შესყიდვა.

1. ცენტრის სარგებლობაში და საკუთრებაში არსებული 11 (თერთმეტი) ერთეული სატრანსპორტო საშუალების სარემონტო და ტექნიკური მომსახურება. პრეისკურანტის სავარაუდო ღირებულება განისაზღვრა 506 376 ლარით, ხოლო ხელშეკრულება გაფორმდება 150 000 ლარზე.

2. გასაწევი მომსახურება უნდა მოიცავდეს:

- ტექნიკურ დათვალიერებას და დიაგნოსტიკას.
- ძრავის, სავალი ნაწილის, გადაცემათა კოლოფის აგრეგატების და ელექტრო-სისტემის შეკეთებას.
- სათადარიგო ნაწილების შეკეთებას ან/და შეცვლას.
- სათუნუქე და სამღებრო სამუშაოს შესრულებას.
- თვლების შეყრისა და განშლადობის გასწორებას.
- საცხებ-საპოხი მასალების შეცვლას.
- მიმწოდებელი ვალდებულია ავტომობილის გაუმართაობის შემთხვევაში, საკუთარი ხარჯებით მოახდინოს სატრანსპორტო საშუალების სერვისცენტრამდე გადაყვანა გადამზიდის საშუალებით.

1. მომსახურების გაწევა უნდა განხორციელდეს ხელშეკრულების გაფორმებიდან 2026 წლის 31 დეკემბრამდე, ეტაპობრივად, შემსყიდველის საჭიროების და მოთხოვნის შესაბამისად;

2. სატრანსპორტო საშუალების ტექნიკური დათვალიერების შემდეგ, მიმწოდებელსა და შემსყიდველს შორის თითოეულ კონკრეტულ შემთხვევაში უნდა შედგეს დეფექტური აქტი. რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის/სათადარიგო ნაწილების დეტალური აღწერა, ღირებულება, მომსახურების დაწყებისა და დასრულების ვადები.

3. თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის მომსახურება, აღნიშნული მომსახურების ერთეულის ფასი დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით.

4. მომსახურების გაწევა უნდა განხორციელდეს დაუყოვნებლივ, რიგგარეშე, ამასთან მომსახურების გაწევის ვადა თითოეული შემთხვევის დროს არ უნდა აღემატებოდეს:
- სავალი ნაწილებისათვის - 3 (სამი) კალენდარულ დღეს;
- ელექტროობისათვის - 3 (სამი) კალენდარულ დღეს;
- ძრავის, გადაცემათა კოლოფის აგრეგატებისა და ხიდის შეკეთებაზე 10 (ათი)კალენდარულ დღეს;
- სათუნუქე-სამღებრო სამუშაოებზე 15 (თხუთმეტი) კალენდარულ დღეს;
- იმ შემთხვევაში, თუ საჭირო გახდა ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების გაწევის ვადა განისაზღვროს გონივრული ვადით, შემსყიდველთან შეთანხმებით.

1. გამარჯვებულმა პრეტენდენტმა მომსახურების გაწევა უნდა მოახდინოს მის კანონიერ მფლობელობაში ან სარგებლობის ნებისმიერი ფორმით (იჯარა, თხოვება, ქირა და ა.შ.), ქ.ზუგდიდის ტერიტორიაზე არსებულ მოქმედ სერვისცენტრში, რომელიც დაკომპლექტებული უნდა იყოს კვალიფიციური და გამოცდილი მომსახურე პერსონალით,ასევე აღჭურვილი უნდა იყოს მომსახურების გაწევისთვის საჭირო თანამედროვე აპარატურითა და დანადგარებით.

1. სწორი ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) გაწეულ მომსახურებაზე და შეცვლილ სათადარიგო ნაწილებზე უნდა ვრცელდებოდეს მინიმუმ 6 თვიანი საგარანტიო პირობები (გარდა სწრაფ ცვეთადი ნაწილების, საცხებ-საპოხი მასალების, სითხეების, ფილტრებისა და სამუხრუჭე ხუნდებისა).
2. საგარანტიო ვადის პერიოდში, თუ გამოვლინდა, რომ სრულყოფილად არ არის შესრულებული მომსახურება ან/და შეცვლილი სათადარიგო ნაწილები აღმოჩნდა წუნდებული, ტენდერში გამარჯვებული პრეტენდენტი ვალდებულია განახორციელოს აღმოჩენილი ხარვეზის ან/და წუნდებული სათადარიგო ნაწილების შეცვლა ან შეკეთება, შემსყიდველის მხრიდან რაიმე დამატებითი დანახარჯის გაწევის გარეშე.

1. შესყიდვაში მონაწილეობის მსურველ პირს უნდა გააჩნდეს ანალოგიური მომსახურების, კერძოდ სატრანსპორტო საშუალებების სარემონტო და ტექნიკური მომსახურების გაწევის გამოცდილება ბოლო 3 (სამი) წლის განმავლობაში, რის დასტურად ტენდერში მონაწილე პრეტენდენტმა უნდა წარმოადგინოს გაფორმებული ხელშეკრულებ(ებ)ის ასლ(ებ)ი და ამ ხელშეკრულ(ებ)ის შესრულების დამადასტურებელი დოკუმენტაცია (მიღება-ჩაბარების აქტ(ებ)ი ან/და ანგარიშ-ფაქტურ(ებ)ი ან/და სხვა ოფიციალური დოკუმენტი). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, თუ აღნიშნული დოკუმენტები განთავსებულია სახელმწიფო შესყიდვების ერთიან ელექტრონულ სისტემაში საკმარისია სატენდერო განცხადების ნომრ(ებ)ის (SPA, NAT, DAP) ან/და ხელშეკრულების სისტემის CMR მოდულში რეგისტრაციის ნომრ(ებ)ის წარმოდგენა.

1. შესყიდვაში მონაწილეობის მსურველ პირს, ტენდერით გათვალისწინებული მომსახურების გაწევისათვის, ზუგდიდის მუნიციპალიტეტის ტერიტორიაზე, კანონიერ მფლობელობაში ან სარგებლობის ნებისმიერი ფორმით (იჯარა, თხოვება, ქირა) უნდა გააჩნდეს მოქმედი სერვის-ცენტრი, ტექნიკური საშუალებებით, პერსონალითა და შესაბამისი ინფრასტრუქტურით. სერვის-ცენტრის საკუთრების შემთხვევაში წარმოდგენილი უნდა იქნეს საკუთრების დამადასტურებელი დოკუმენტი, ხოლო საქართველოს კანონმდებლობით ნებადართული სარგებლობის ნებისმიერი ფორმის (იჯარის, თხოვების და დაქირავების და ა.შ.) შემთხვევაში წარმოდგენილი უნდა იქნეს შესაბამისი ხელშეკრულება (მესაკუთრის საკუთრების დამადასტურებელი დოკუმენტ(ებ)ის დართვით), რომლის მოქმედების ვადა არ უნდა იყოს მომსახურების დასრულების ვადაზე ნაკლები.

2. პრეტენდენტის საკუთრებაში/სარგებლობაში არსებული სერვის-ცენტრი აღჭურვილი უნდა იყოს არანაკლებ ოთხი 4 ტონიანი და ერთი 5 ტონიანი ავტო ამწეთი,მათ შორის ერთი კომპიუტერული დიაგნოსტიკის აპარატით, ზეთის შემცვლელი ვაკუუმური ბალონით, გადაცემათა კოლოფის ზეთის შესაცველელი აპარატით, კონდიციონერის დასატუმბი აპარატით, განშლადობის გასასწორებელი დანადგარით, ვულკანიზაციის
დანადგარით, ძრავის ამოსაღები ამწეებით,მომსახურების გაწევისთვის საჭირო სხვა
თანამედროვე აპარატურით და დანადგარებით.

1. პრეტენდენტის სატენდერო წინადადება უნდა შეიცავდეს ინფორმაციას გასაწევი მომსახურების ტექნიკური პირობების შესახებ (იხ.მიმაგრებული ფაილი, დანართი #3).

2. სახელმწიფო შესყიდვების ერთიან ელექტრონული სისტემაში სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.

3. პრეტენდენტს არ აქვს უფლება წარმოადგინოს ალტერნატიული წინადადება.

4. პრეტენდენტის მიერ წარმოდგენილი დოკუმენტები უნდა იყოს ხელმოწერილი და ბეჭედ დასმული (ბეჭდის არსებობის შემთხვევაში) უფლებამოსილი პირის ან მისი ნდობით აღჭურვილი პირის მიერ (საქართველოს კანონმდებლობის მოთხოვნებით დამოწმებული მინდობილობის საფუძველზე. საჭიროების შემთხვევაში ატვირთული უნდა იქნეს მინდობილობა ან რწმუნებულება).

5. პრეტენდენტის მიერ, „წინადადების მიღება დასრულებულია“ ეტაპზე, დანართი #1-ის არასრულყოფილად წარმოდგენა გამოიწვევს პრეტენდენტის დისკვალიფიკაციას.

6. ტენდერთან დაკავშირებული დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი.

1. თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს, სერთიფიცირებული აუდიტორის ან აკრედიტებული ექსპერტიზის დასკვნით (დასკვნასთან ერთად ასევე, წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია), რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის მიწოდების შესაძლებლობას. ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც, პრეტენდენტის მიერ დაფიქსირებულ საბოლოო წინადადების ფასთან (ხარჯთაღრიცხვის მთლიან ღირებულებასთან), ასევე, ხარჯთაღრიცხვის ერთეულის ფასებთან მიმართებაში.

1. ანგარიშსწორება განხორციელდება ეტპობრივად, ფაქტობრივად გაწეული მომსახურების გათვალისწინებით შესაბამისი მიღება-ჩაბარების აქტისა და საგადასახადო ანგარიშფაქტურის საფუძველზე.

1. ანგარიშსწორება განხორციელდება ეტაპობრივად, გაწეულ მომსახურებაზე შესაბამისი დოკუმენტების წარმოდგენის და მიღება - ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

ეკა გერანტია, 591904149, ketilmotskoba.zug@gmail.com