Ремонт и техническое обслуживание транспортных средств и оборудования и сопутствующие услуги (Грузия - Тендер #70248031)

ავტომანქანების რემონტი და ტექნიკური მომსახურება

ა) მიმწოდებელმა უნდა უზრუნველყოს სახელმწიფო რწმუნებულის ადმინისტრაციის სარგებლობაში არსებული, დანართ #1-ში მითითებული სატრანსპორტო საშუალებების შეკეთება და ტექნიკური მომსახურება (ტექ.დათვალიერება და დიაგნოსტიკა, შეკეთება, სათადარიგო ნაწილებისა და საცხებ-საპოხი მასალების მოწოდება, ნაწილების შეკეთება/შეცვლა/დაყენება და სხვა), შემსყიდველის მოთხოვნის შესაბამისად;

ბ) მიმწოდებელმა შემსყიდველის მოთხოვნისთანავე, შემსყიდველის უფლებამოსილი წარმომადგენლის თანდასწრებით უნდა უზრუნველყოს შესაკეთებელი ავტომანქანის დათვალიერება, რის შემდეგაც მხარეები ადგენენ დეფექტურ აქტს, რომელშიც მითითებული იქნება გასაწევი მომსახურების, გამოსაცვლელი/შესაკეთებელი სათადარიგო ნაწილების, საცხებ-საპოხი მასალების რაოდენობა/მოცულობა, ფასები, პრეისკურანტის შესაბამისად;

გ) სათადარიგო ნაწილები და საცხებ-საპოხი მასალები უნდა იყოს ხარისხიანი, ქარხნული, ახალი (არა მეორადი) და შეესაბამებოდეს თანამედროვე სტანდარტებს;

დ) გამონაკლის შემთხვევაში, მხარეთა შეთანხმებით, დასაშვებია მეორადი ნაწილების გამოყენება. მისი შესყიდვის აუცილებლობისას ფასი დგინდება მხარეთა შორის შეთანხმებით, საბაზრო ფასების გათვალისწინებით;

ე) იმ შემთხვევაში, თუ სათადარიგო ნაწილები აღმოჩნდება უხარისხო, საწარმოო წუნით ან/და დეფექტით, ტენდერში გამარჯვებული ვალდებულია დაუყოვნებლივ შეცვალოს წუნდებული სათადარიგო ნაწილები ახლით, შემსყიდველის მხრიდან რაიმე დამატებითი დანახარჯის გაწევის გარეშე;

ვ) საჭიროების შემთხვევაში მომწოდებელმა უნდა უზრუნველყოს ავტომანქანის ევაკუატორით გადაყვანა. ამასთან ზუგდიდის მუნიციპალიტეტის ფარგლებში ევაკუატორით გადაყვანის საჭიროების შემთხვევაში გადაყვანა უნდა უზრუნველყოს მიმწოდებელმა საკუთარი ხარჯით;

ზ) მომსახურება გაწეული უნდა იქნეს რიგისა და მოცდენის გარეშე;

თ) მიმწოდებელმა უნდა უზრუნველყოს შემსყიდველის ავტომანქანის მომსახურების პერიოდში მისი წარმომადგენლის შეუფერხებელი დაშვება სერვისცენტრში.

ა) მომსახურების გაწევის ვადაა ხელშეკრულების გაფორმებიდან 2026 წლის 31 დეკემბრის ჩათვლით, საჭიროებისამებრ, შემსყიდველის მოთხოვნის შესაბამისად;

ბ) დეფექტური აქტის შედგენა უნდა მოხდეს სატრანსპორტო საშუალების სერვისცენტრში წარდგენისთანავე, იმავე დღეს; შეკეთება/ტექნიკური მომსახურება უნდა მოხდეს არაუგვიანეს ორი კალენდარული დღის განმავლობაში, ხოლო თუ გასაწევი მომსახურების ხასიათიდან გამომდინარე ორი დღე საკმარისი არ არის, ან საჭიროა რაიმე დეფიციტური სათადარიგო ნაწილის მოწოდება, ასეთ შემთხვევაში მხარეები დამატებით თანხმდებიან ამ კონკრეტული დაკვეთის შესრულების ვადაზე.

ა) მომსახურება უნდა განხორციელდეს მიმწოდებლის სერვისცენტრ(ებ)ის საშუალებით;

ბ) მიმწოდებელს უნდა ჰქონდეს კანონიერ მფლობელობაში ან სარგებლობის ნებისმიერი დაშვებული ფორმით (თხოვება, ქირა, სხვა) ზუგდიდის მუნიციპალიტეტის ტერიტორიაზე მინიმუმ ერთი გამართული, გამოცდილი სპეციალისტებით დაკომპლექტებული სერვისცენტრი, აღჭურვილი თანამედროვე აპარატურითა და დანადგარებით.

ა) გამოცვლილ სათადარიგო ნაწილებზე, გარდა სწრაფცვეთადი ნაწილებისა და საცხებ-საპოხი მასალებისა, უნდა ვრცელდებოდეს მინიმუმ ექვსთვიანი საგარანტიო ვადა მიღება-ჩაბარების დოკუმენტის გაფორმების თარიღიდან;

ბ) პრეტენდენტმა პრეისკურანტის (ფასების ცხრილი) შესაბამის სვეტში უნდა მიუთითოს ინფორმაცია საგარანტიო პირობების შესახებ (ვადა ან კილომეტრაჟი).

ა) პრეტენდენტს უნდა ჰქონდეს ავტომანქანების შეკეთებისა და ტექნიკური მომსახურების (CPV კოდი - 50110000) მინიმუმ ორწლიანი გამოცდილება და 2024-2025 წლების განმავლობაში ჯამურად გაწეული უნდა ჰქოდეს მინიმუმ 100000 (ასი ათასი) ლარის მოცულობის მომსახურება.

ბ) აღნიშნულის დასტურად უნდა წარმოადგინოს მიღება-ჩაბარების აქტები ან ანგარიშ-ფაქტურები, ხოლო იმ შემთხვევაში, თუ გაწეული მომსახურების დამადასტურებელი ინფორმაცია განთვსებულია სახელმწიფო შესყიდვების ერთიან ელექტრონულ სისტემაში, საკმარისი იქნება წარმოადგინოს SPA, NAT, CMR და ა.შ. ნომრები.

ა) პრეტენდენტს უნდა ჰქონდეს (საკუთრება, იჯარა, სარგებლობის ხელშეკრულება) მინიმუმ ერთი გამართული სერვისცენტრი ზუგდიდის მუნიციპალიტეტის ტერიტორიაზე, აღჭურვილი მომსახურების გაწევისთვის საჭირო თანამედროვე აპარატურით და დანადგარებით;

ბ) პრეტენდენტმა უნდა წარმოადგინოს სერვისცენტრების ჩამონათვალი მისამართების მითითებით, ძირითადი ტექნიკური აღჭურვილობის ჩამონათვალთან ერთად (რამდენიმე სერვისცენტრის არსებობის შემთხვევაში - თითოეულზე ცალ-ცალკე) დანართი #2-ის ფორმით;

გ) სერვისცენტრის საკუთრების შემთხვევაში წარმოდგენილი უნდა იქნეს საკუთრების დამადასტურებელი დოკუმენტი, ხოლო საქართველოს კანონმდებლობით ნებადართული სარგებლობის ნებისმიერი ფორმის შემთხვევაში წარმოდგენილი უნდა იქნეს შესაბამისი ხელშეკრულება, მესაკუთრის საკუთრების დამადასტურებელ დოკუმენტ(ებ)თან ერთად. ხელშეკრულების მოქმედების ვადა არ უნდა იყოს 2026 წლის 31 დეკემბერზე ნაკლები.

ა) პრეისკურანტის სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში პრეტენდენტმა უნდა დაასაბუთოს ფასწარმოქმნის ადეკვატურობა და შემოთავაზებულ ფასად მომსახურების გაწევის შესაძლებლობა აკრედიტებული/სერთიფიცირებული პირის (ექსპერტი/აუდიტი) მიერ გაცემული დასკვნით;

ბ) დასკვნასთან ერთად უნდა იყოს წარმოდგენილი დასკვნის გამცემი პირის შესაბამისი უფლებამოსილების დამადასტურებლი დოკუმენტი, გარდა იმ შემთხვევისა, თუ დასკვნა გაცემულია სსიპ „ლევან სამხარაულის ექსპერტიზის ეროვნული ბიუროს“ მიერ.

გ) ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ ხარჯთაღრიცხვის მთლიან ღირებულებასთან, ასევე ხარჯთაღრიცხვის ერთეულის ფასებთან მიმართებაში.

გ) პრეტენდენტმა ფასწარმოქმნის ადეკვატურობის დამადასტურებელი დოკუმენტის წარმოდგენასთან დაკავშირებული ხარჯის გაწევა უნდა უზრუნველყოს საკუთარი სახსრებით.

ა) საქონლის/მომსახურების მიწოდება ყოველ ჯერზე ფორმდება შესაბამისი აქტით;

ბ) ანგარიშსწორება მოხდება ეტაპობრივად, ფაქტობრივად მოწოდებული საქონლის/მომსახურების ღირებულების შესაბამისად, მიღება-ჩაბარების აქტისა და შესაბამისი ანგარიშ-ფაქტურის ან კანონმდებლობით გათვალისწინებული სხვა დოკუმენტის წარმოდგენის შემდეგ.

ფაქტობრივად მოწოდებული საქონლის/მომსახურების მიღება-ჩაბარებიდან არაუგვიანეს 10 (ათი) სამუშაო დღე.

ეკა მგალობლიშვილი, 591417717, ekamgaloblishvili31@gmail.com

ა) მიმწოდებლის მიზეზით ავტომანქანის დაზიანების, უხარისხო სათადარიგო ნაწილების ან უხარისხოდ შესრულებული მომსახურების შემთხვევაში მიმწოდებელი ვალდებულია დაუყოვნებლივ, არაუგვიანეს ორი კალენდარული დღის განმავლობაში აღმოფხვრას უწესრიგობა. ზიანის ანაზღაურებასთან და ხარვეზის გამოსწორებასთან დაკავშირებული ყველა ხარჯი ეკისრება მიმწოდებელს;

ბ) თუ ხელშეკრულების მიმდინარეობის დროს აღმოჩნდება რაიმე ისეთი სათადარიგო ნაწილის შეცვლის/შეკეთების ან მომსახურების გაწევის საჭიროება, რაც გათვალისწინებული არაა პრეისკურანტით, შემსყიდველსა და მომწოდებელს შორის დგება შეთანხმება არსებული საბაზრო ფასების გათვალისწინებით. ცვლილების თანხა არ უნდა აღემატებოდეს ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10 %-ს;

გ) ფასების ცხრილის მიხედვით თოთოეული კომპონენტის ერთეულის ფასი არ უნდა აღემატებოდეს სატენდერო დოკუმენტაციაში მოცემული ფასების ცხრილის შესაბამისი კომპონენტის ერთეულის ფასს;

დ) პრეტენდენტმა ელექტრონული ვაჭრობა უნდა განახორციელოს ფასების ცხრილის (პრეისკურანტი) სავარაუდო ჯამურ ღირებულებაზე. ვაჭრობის შედეგად ცხრილის საერთო ფასის შემცირების შემთხვევაში კლება პროცენტულად, პროპორციულად უნდა აისახოს ცხრილის თითოეული კომპონენტის ფასზე. ფასები მოცემული უნდა იყოს ლარში, მომსახურების გაწევასთან დაკავშირებული ყველა ხარჯისა და საქართველოში მოქმედი კანონმდებლობით გათვალისწინებული გადასახადების (მათ შორის დღგ-ს) ჩათვლით;

ე) უცხო ენაზე წარმოდგენილი დოკუმენტის შემთხვევაში მას უნდა ერთვოდეს სათანადო წესით დამოწმებული თარგმანი;

ვ) შემსყიდველი უფლებას იტოვებს გამარჯვებულად გამოვლენამდე გადაამოწმოს პრეტენდენტის მიერ წარმოდგენილი ინფორმაციის სისწორე;

ზ) სისტემაში ატვირთული ყველა დოკუმენტი, გარდა Excel ფორმატით წარმოდგენილი ხარჯთაღრიცხვისა, დამოწმებული უნდა იყოს კვალიფიციური ელექტრონული ხელმოწერით/კვალიფიციური ელექტრონული შტამპით;

თ) შემსყიდველი უფლებას იტოვებს სრულად არ აითვისოს "შესყიდვის ობიექტის სახელშეკრულებო ღირებულებაში" მითითებული თანხა;

ე) იმ შემთხვევაში, თუ პრეტენდენტს ერთიან ელექტრონულ სისტემაში მითითებული არა აქვს ხელმძღვანელის/წარმომადგენლობაზე უფლებამოსილი პირის ვინაობა, საბანკო და სხვა რეკვიზიტები, იგი ვალდებულია წარმოადგინოს აღნიშნული ინფორმაცია.