Услуги в области бухгалтерского учета, аудита и налогообложения (Грузия - Тендер #70213482)

აუდიტორული მომსახურება ტექნიკური დავალების შესაბამისად.

1. თბილისის სახელმწიფო სამედიცინო უნივერსიტეტის ნაერთი, თბილისის სახელმწიფო სამედიცინო უნივერსიტეტის და მისი სტრუქტურული ერთეულების (7 ერთეული: 1. თსსუ პირველი საუნივერსიტეტო კლინიკა მის: ქ. თბილისი, გუდამაყრის ქ.4; 2. თსსუ გ. ჟვანიას სახელობის პედიატრიის საუნივერსიტეტო კლინიკა მის: ქ. თბილისი, გ. ჟვანიას ქ.# 11, 15; 3. თსსუ აპ. ურუშაძის სახელობის სტომატოლოგიური კლინიკა მის: ქ. თბილისი, დ. აღმაშენებლის გამზ. №126; 4. თსსუ N1 სტომატოლოგიური კლინიკა მის: ქ. თბილისი, ვაჟა ფშაველას 33; 5. თსსუ-ს ვ. ბახუტაშვილის სახელობის სამედიცინო ბიოტექნოლოგიის ინსტიტუტი მის: ქ. თბილისი, ბელიაშვილის ქ. N76; 6. თსსუ იოველ ქუთათელაძის ფარმაკოქიმიის ინსტიტუტი მის: ქ. თბილისი, პ. სარაჯიშვილის ქ. N36; 7. თსსუ-ს მიხეილ შენგელიას სახელობის ქართული მედიცინის მუზეიმი. მის: უძნაძის ქ.N51). საქართველოს კანონის „ბუღალტრული აღრიცხვის, ანგარიშგებისა და აუდიტის შესახებ“ და საქართველოს ფინანსთა სამინისტროს 2020 წლის 05 მაისის N108 ბრძანების - „საბიუჯეტო ორგანიზაციების მიერ საჯარო სექტორის ბუღალტრული აღრიცხვის საერთაშორისო სტანდარტების (სსბასს-ების) საფუძველზე ფინანსური აღრიცხვა-ანგარიშგების წარმოების შესახებ“ შესაბამისად, 2025 წლის ფინანსური ანგარიშგების მომზადება, საგადასახადო აუდიტი და სახელმწიფო შესყიდვების აუდიტი (დასკვნები წარმოდგენილი უნდა იქნეს, როგორც ქართულ, ასევე ინგლისურ ენაზე).


2. შეფასება და კომპლექსური (ფინანსური, სამართებლივი და ოპერაციულ/პროცედურული) დასკვნის მომზადება თბილისის სახელმწიფო სამედიცინო უნივერსიტეტის მიერ განხორციელებულ პროექტებზე (1. სასტუმროსა და საერთო საცხოვრებლის შეძენის მიზნით, უძრავი ქონების (მისამართზე - ქ. თბილისი, დ. უზნაძის ქუჩა N14-ში მდებარე მიწის ნაკვეთის (საკადასტრო კოდი: 01.16.05.001.023) და მასზე განთავსებული უძრავი ქონების შესყიდვა ხელშეკრულებით განსაზღვრული პორობების შესაბამისად; 2. ქ. თბილისში, ახვლედიანის ქუჩა N22-ში მდებარე შენობა-ნაგეგბობის გადაცემა სახელმწიფოსთვის და მის სანაცვლოდ, სახელმწიფოს მიერ შენობა-ნაგეგბობის მშენებლობა მისამართზე, ქ. თბილისი ვაჟა-ფშაველას გამ. N33).

3. დასკვნები უნდა შეესაბამებოდეს ბუღალტრული აღრიცხვის, ანგარიშგებისა და აუდიტის შესახებ საქართველოს კანონის, საგადასახდო კოდექსისა და სახელმწიფო შესყიდვების მარეგულირებული კანონმდებლობით, ასევე სხვა ნორმატიული აქტებით განსაზღვრულ მოთხოვნებს.


4. მიმწოდებელი პასუხისმგებელია მომსახურეობის მიწოდების შედეგად განსაზღვრული საგადასახადო ვალდებულებათა ოდენობის რეალობაზე, ან/და საგადასახადო ორგანოს მიერ ჩატარებული შემოწმების აქტის საფუძველზე დამატებით დარიცხული ჯარიმა/საურავების ასევე ნებისმიერ სხვა დამატებით მოთხოვნილ თანხასა, ჯარიმასა და საურავთან მიმართებაში, თუ ეს ეხება შემსრულებლის მიერ ამ ხელშეკრულებით გათვალისწინებულ შემოწმებულ საანგარიშო და შემოწმების საგანს (აღნიშნული პუნქტი მოქმედებს, როგორც ხელშეკრულებით განსაზღვრულ პერიოდში, ასევე მის შემდგომაც, საქართველოს კანონმდებლობით განსაზღვრული, ხანდაზმულობის ვადის შესაბამისად).

1. საქართველოს კანონის „ბუღალტრული აღრიცხვის, ანგარიშგებისა და აუდიტის შესახებ“ შესაბამისად კომპლექსური აუდიტორული მომსახურება: 2025 წლის ფინანსური ანგარიშგების აუდიტი, საგადასახადო აუდიტი, სახელმწიფო შესყიდვების აუდიტი მიწოდება უნდა განხორციელდეს ხელშეკრულების გაფორმებიდან 60 კალენდარული დღის ვადაში.

2. თბილისის სახელმწიფო სამედიცინო უნივერსიტეტის მიერ განხორციელებული ან/და მიმდინარე პროექტების შეფასება და კომპლექსური (ფინანსური. სამართლებრივი და ოპერაციულ/პროცედურული) დასკვნის მომზადება შემსყიდველის მოთხოვნის შესაბამისად, მოთხოვნიდან 45 კალენდარული დღის ვადაში, 2026 წლის 31 დეკემბრის ჩათვლით.

ქ. თბილისი, ვაჟა-ფშაველას გამ.N33; ქ. თბილისი, გუდამაყრის ქ. N4; ქ. თბილისი, გ. ჟვანიას ქ. # 11,15; ქ. თბილისი, აღმაშენებლის გამ. N126; ქ. თბილისი, სარაჯიშვილის ქ, N36; ქ. თბილისი, ა. ბელიაშვილის ქ. N76; ქ. თბილისი, უზნაძის ქ. N51.

2023-2025 (01.01.2023-დან 31.12.2025 ჩათვლით) წლებში ბრუნვა (მთლიანი შემოსავალი)
საქართველოს ტერიტორიაზე უნდა შეადგენდეს არანაკლებ 3 000 000 (სამი მილიონი) ლარს დღგ-ს გარეშე.

2023-2025 (01.01.2022-დან 31.12.2024 ჩათვლით) წლებში, ფინანსური ანგარიშგების აუდიტიდან მიღებული შემოსავალი უნდა შეადგენდეს 2 000 000 (ორი მილიონი) ლარს დღგ-ს გარეშე.

პრეტენდენტმა უნდა წარმოადგინოს ზემოაღნიშნულის დამადასტურებელი დოკუმენტაცია. შემსყიდველი იტოვებს უფლებას პრეტენდენტის გამოცდილება გადაამოწმოს https://www.saras.gov.ge-ზე).

პრეტენდენტს უნდა გააჩნდეს აუდიტის გამოცდილება საგანმანათლებლო ან ჯანდაცვის სფეროში (დამადასტურებელი დოკუმენტი, ხელშეკრულება შესაბამისი მიღება-ჩაბარების აქტით).

1. ტენდერში მონაწილე ორგანიზაცია რეგისტრირებული უნდა იყოს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებული აუდიტორების/აუდიტორული ფირმების რეესტრში (შემსყიდველი იტოვებს უფლებას აღნიშნული ინფორმაცია გადაამოწმოს https://www.saras.gov.ge-ზე).

2. პრეტენდენტს გავლილი უნდა ჰქონდეს ხარისხის კონტროლის მონიტორინგი „ბუღალტრული აღრიცხვის, ანგარიშგებისა და აუდიტის ზედამხედველობის სამსახურში“ და ხარისხის კონტროლის სისტემის მონიტორინგის შედეგებით, მინიჭებული უნდა ჰქონდეს ხარისხი, პირველი, მეორე ან მესამე კატეგორია.

3. პრეტენდენტმა უნდა წარმოადგინოს მისი მინიმუმ ერთი თანამშრომლის საჯარო სექტორის აუდიტორის სერტიფიკატი.

1. აუდიტორული მომსახურება განახორციელოს „ბუღალტრული აღრიცხვისა და ფინანსური ანგარიშგების აუდიტის შესახებ“ საქართველოს კანონის, საქართველოში მოქმედი აუდიტორული სტანდარტების, აუდიტორის ეთიკის კოდექსის მოთხოვნების, დებულებების და ნორმატიული აქტების შესაბამისად.

2. პრეტენდენტი უნდა აკმაყოფილებდეს „ბუღალტრული აღრიცხვის, ანგარიშგებისა და აუდიტის შესახებ“ კანონის მე-16 მუხლით გათვალისწინებულ მოთხოვნებს.

3. პრეტენდენტი უნდა წარმოადგენდეს საერთაშორისო ქსელის წევრი აუდიტორულ კომპანიას ან/და მის ოფიციალურ პარტნიორს ან/და წარმომადგენელს საქართველოში, რაც უნდა დასტურდებოდეს შესაბამისი დოკუმენტაციით.

4. პრეტენდენტმა უნდა წარმოადგინოს სადაზღვეო პოლისი ან საბანკო გარანტია -
პასუხისმგებლობის ლიმიტი შემთხვევაზე არანაკლებ 1 000 000 (ერთი მილიონი) ლარის ოდენობით. მიმწოდებელი ვალდებულია განაახლოს და წარუდგინოს შემსყიდველს სადაზღვევო პოლისი ან საბანკო გარანტია მისი ვადის ამოწურვისთანავე (მიმწოდებლის მიერ შეცდომის დაზღვევის მიზნით, სადაზღვევო პოლისის ან საბანკო გარანტიის განახლებული სახით წარდგენის ვადა განისაზღვრება საქართველოს საგადასახადო კოდექსის მე-4 მუხლით განსაზღვრული ხანდაზმულობის ვადის შესაბამისად).

ვინაიდან მომსახურეობა არის ძირითადად ინტელექტუალური მომსახურება, რომლის ღირებულებასაც მიმწოდებელი განსაზღვრავს თვითონ და მნიშვნელოვნად არ არის დამოკიდებული სხვა გარე ფაქტორებზე, რაც მიმწოდებელს აძლევს შესაძლებლობას აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად, სატენდერო კომისიამ მიზანშეწონილად მიიჩნია არ გაითვალისწინოს სატენდერო დოკუმენტაციაში ფასწარმოქმნის ადეკვატურობის დასაბუთების ვალდებულება.

1. ფასთა ცხრილის პირველი პოზიციით გათვალისწინებული მომსახურების ანგარიშსწორება განხორციელდება სრულად გაწეული მომსახურების დამადასტურებელი დოკუმენტის - მიღება-ჩაბარების საფუძველზე, შემსყიდველის მიერ, მიწოდების დამადასტურებელი დოკუმენტის (ანგარიშ-ფაქტურა) დადასტურების დღიდან, არაუგვიანეს 7.3 პუნქტით განსაზღვრულ ვადაში.

2. ფასთა ცხრილის პირველი პოზიციით გათვალისწინებული მომსახურების ანგარიშსწორება განხორციელდება ფაქტიურად გაწეული მომსახურების დამადასტურებელი დოკუმენტის - მიღება-ჩაბარების საფუძველზე, შემსყიდველის მიერ, მიწოდების დამადასტურებელი დოკუმენტის (ანგარიშ-ფაქტურა) დადასტურების დღიდან, არაუგვიანეს 7.3 პუნქტით განსაზღვრულ ვადაში.

7.2 პუნქტში წარმოდგენილი დოკუმენტების გაფორმებიდან არაუგვიანეს 10 სამუშაო დღის ვადაში.

თამარ გოგოლაშვილი, 557151517, tsmu@procurement.gov.ge

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისთვის დაზუსტდება სატენდერო წინადადების შესაბამისად.

პრეტენდენტს არ აქვს უფლება წარმოადგინოს ალტერნატიული სატენდერო წინადადება.

პრეტენდენტი, ტენდერში სატენდერო წინადადების წარდგენით, გამოხატავს თანხმობას სატენდერო დოკუმენტაციაში მოცემულ პირობებზე.

პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაადასტუროს კვალიფიციური ელექტრონული ხელმოწერით ან/და დაამოწმოს კვალიფიციური ელექტრონული შტამპით, მოქმედი კანონმდებლობის შესაბამისად.