Типографские услуги и связанные с ними услуги (Грузия - Тендер #70187716)

აფთიაქიდან ნარკოტიკული საშუალების გაცემის დამადასტურებელი დოკუმენტის ფორმისა და ნარკოტიკული საშუალების გამოსაწერი რეცეპტის ბლანკის ფორმა N1 ბეჭდვის მომსახურების სახელმწიფო შესყიდვა.

1. 35 500 ცალი - აფთიაქიდან ნარკოტიკული საშუალების გაცემის დამადასტურებელი დოკუმენტის ფორმა;
ტექნიკური სპეციფიკაცია: ტექნიკური სპეციფიკაცია: 70-85 გრამიანი ზომა ა-6, ფონური ბადე, ყველა ბლანკს უნდა გააჩნდეს ინდივიდუალური ნომერი, რომელიც უნდა იწყებოდეს N899438-ით.

2. 39 000 წყვილი - ნარკოტიკული საშუალების გამოსაწერი რეცეპტის ბლანკის ფორმა N1, წყვილი, ყველა ბლანკს უნდა გააჩნდეს ინდივიდუალური კოდი, სერია ,,ნს” ნუმერაცია და უნდა იწყებოდეს: 585453-ით.
ტექნიკური სპეციფიკაცია:
1. ფორმები დაბეჭდილი უნდა იყოს მკაცრი აღრიცხვის დოკუმენტების ბეჭდვის სტანდარტების სრული დაცვით:
ა) დოკუმენტი დაბეჭდილი უნდა იყოს სპეციალურ დაცულ ქაღალდზე;
ბ) ბლანკს უნდა გააჩნდეს დაცვის არანაკლებ 5 ნიშანი.
2. გამოყენებული დაცვის მექანიზმი დამატებით შეთანხმდება შემსყიდველთან.

1. აფთიაქიდან ნარკოტიკული საშუალების გაცემის დამადასტურებელი დოკუმენტის ფორმა_14000 ცალის მოწოდება უნდა განხორციელდეს არაუგვიანეს 2026 წლის 1 ივნისისა; ხოლო 21 500 ცალის მოწოდება უნდა განხორციელდეს შემსყიდველის მოთხოვნის შესაბამისად, შეკვეთის მიღებიდან არანაკლებ 30 და არაუმეტეს 90 დღის განმავლობაში არაუგვიანეს 2026 წლის 15 დეკემბრისა;

2. ნარკოტიკული საშუალების გამოსაწერი რეცეპტის ბლანკის ფორმა N1, წყვილის _ 15 000 ცალის მოწოდება უნდა განხორციელდეს არაუგვიანეს 2026 წლის 1 ივნისისა; ხოლო 24 000 ცალის მოწოდება უნდა განხორციელდეს შემსყიდველის მოთხოვნის შესაბამისად, შეკვეთის მიღებიდან არანაკლებ 30 და არაუმეტეს 90 დღის განმავლობაში არაუგვიანეს 2026 წლის 15 დეკემბრისა;

საქონლის მოწოდება ხორციელდება Incoterms-2020-ის DDP პირობის შესაბამისად, შემსყიდველის მიერ განსაზღვრულ მისამართზე.

2.7.1.1. პრეტენდენტმა შერჩევა-შეფასების ეტაპზე, ერთიანი ელექტრონული სისტემის მეშვეობით უნდა წარმოადგინოს 2005 წლის 22 მარტის №1134 „მკაცრი აღრიცხვის ფორმების შესახებ“ საქართველოს კანონის მე-6 მუხლის 5 პრიმა პუნქტის დამადასტურებელი შესაბამისი უფლებამოსილი ორგანოს მიერ მის სახელზე გაცემული ცნობა.

2.9.1 პრეტენდენტის მიერ სატენდერო წინადადებით ერთიან ელექტრონულ სისტემაში ასატვირთი მონაცემები:
2.9.1.1 სატენდერო დოკუმენტაციის 1.3 მუხლით განსაზღვრული განფასებული ხარჯთაღრიცხვა.
2.9.1.2 სატენდერო დოკუმენტაციის 2.7.1 მუხლით განსაზღვრული ინფორმაცია 2005 წლის 22 მარტის №1134 „მკაცრი აღრიცხვის ფორმების შესახებ“ საქართველოს კანონის მე-6 მუხლის 5 პრიმა პუნქტის დამადასტურებელი შესაბამისი უფლებამოსილი ორგანოს მიერ მის სახელზე გაცემული ცნობა.

2.9.2 მიმწოდებელმა უნდა უზრუნველყოს აფთიაქიდან ნარკოტიკული საშუალების გაცემის დამადასტურებელი დოკუმენტის ფორმის ბეჭდვა საქართველოს შრომის, ჯანმრთელობისა და სოციალური დაცვის მინისტრის 2003 წლის 30 სექტემბრის N221/ნ ბრძანების შესაბამისად.
2.9.3 მიმწოდებელმა უნდა უზრუნველყოს ნარკოტიკული საშუალების გამოსაწერი რეცეპტის ბლანკის ფორმა N1-ს ბეჭდვა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2022 წლის 8 აპრილის №01-30/ნ ბრძანებით დამტკიცებული ფორმის შესაბამისად.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ჯამურ ღირებულებასთან), ასევე ფასების ცხრილის ერთეულებთან მიმართებაში.

7.2.1. ფაქტიურად გაწეულ მომსახურების შესაბამისად, მხარეებს შორის გაფორმდება მიღება-ჩაბარების აქტი შესაბამისი ღირებულების ასახვით, რაც წარმოადგენს ანგარიშსწორების საფუძველს;
7.2.2. ანგარიშწორება განხორციელდება ეროვნულ ვალუტაში - ლარში;
7.2.3. ანგარიშწორების ფორმა იქნება უნაღდო ანგარიშსწორება, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე.

ანგარიშსწორება მიმწოდებელთან განხორციელდება ფაქტიურად გაწეული მომსახურების შესაბამისად, მხარეთა შორის მიღება-ჩაბარების აქტის გაფორმებიდან და „მიმწოდებლის“ მიერ კანონმდებლობით განსაზღვრული დოკუმენტის წარმოდგენიდან არა უგვიანეს 20 (ოცი) სამუშაო დღის განმავლობაში.

თამარ გოგოლი, 595994477, tgogoli@moh.gov.ge

10.1.1.ტენდერში მონაწილეობის მიღება შეუძლიათ მხოლოდ სისტემაში „მიმწოდებლად“ რეგისტრირებულ მომხმარებლებს.
10.1.2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად (გარდა excel-ის ფორმატის ფაილისა), კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით). უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ქართულენოვან ტექსტში უცხოენოვანი სიტყვ(ებ)ის გამოყენების შემთხვევაში კომისია უფლებამოსილია იმსჯელოს აღნიშნული სიტყვ(ებ)ის ტექნიკურ დოკუმენტაციასთან შესაბამისობის თაობაზე.
10.1.5. სახელმწიფო შესყიდვების შესახებ ხელშეკრულების ფორმა/პროექტი და პირობები მოცემულია სატენდერო დოკუმენტაციის 8.1 პუნქტში. რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში ლარში.
10.1.7. სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.
10.1.8. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე.