Услуги в области лесного хозяйства (Грузия - Тендер #70160278)

ქ. თბილისის მუნიციპალიტეტის ჩუღურეთის რაიონის ტერიტორიაზე ხმელი და ავარიული ხე-მცენარეების მოჭრის, სხვლა-ფორმირების და მოჭრილი ხის კუნძების ამოძირკვა-გატანის მომსახურების სახელმწიფო შესყიდვა.

1.2.1 გასაწევი მომსახურების ხარჯთაღრიცხვა წარმოდგენილი უნდა იქნეს სატენდერო დოკუმენტაციის დანართი N1-ის შესაბამისად.
1.2.2 პრეტენდენტის მიერ წარმოდგენილი ერთეულის ფასები არ უნდა აღემატებოდეს დანართი N1-ში მითითებული შესაბამისი ერთეულის ზღვრული ფასების ოდენობას.
1.2.3 მომსახურების გაწევამდე (ფორს-მაჟორული შემთხვევების გარდა) შემსყიდველის მიერ შესწავლილ იქნება თითოეული ხის მდგომარეობა ქ. თბილისის მუნიციპალიტეტის ჩუღურეთის რაიონის გამგეობის თანამშრომლების მიერ. მომსახურება განხორციელდება გამგეობის შესაბამისი თანხმობის საფუძველზე.
1.2.4 კონკრეტული დავალებები და მისამართები მიმწოდებელს გადაეცემა შემსყიდველის მიერ ეტაპობრივად.
1.2.5 ავტოტრანსპორტის მოძრაობის შეუფერხებლად გადაადგილებისა და საცობის თავიდან აცილების მიზნით მომსახურება შესაძლებელია განხორციელდეს ღამის საათებშიც, კერძოდ 00:00 საათიდან 06:00 საათამდე.
1.2.6 მომსახურების დროს მცენარეების, შენობა-ნაგებობების ან სხვა საგნების დაზიანების შემთხვევაში მიმწოდებელი ვალდებულია დაუყოვნებლივ აცნობოს აღნიშნულის შესახებ ტექნიკურ ზედამხედველს და შესაბამის ორგანოებს. ზარალი ანაზღაურდება მიმწოდებლის მიერ.
1.2.7 მიმწოდებელი ვალდებულია შემსყიდველის მოთხოვნის შემთხვევაში ერთდროულად იმუშაოს მინიმუმ 2(ორი) ჯგუფით (ფორს–მაჟორის შემთხვევაში 24 საათიანი სამუშაო გრაფიკით), თითოეული ჯგუფი 5 (ხუთი) კაციანი შემადგენლობით.
1.2.8 მიმწოდებელი ვალდებულია საჭიროების შემთხვევაში უზრუნველყოს ობიექტზე დამცავი ბარიერების მოწყობა.
1.2.9 მიმწოდებელი ვალდებულია წინასწარ შეატყობინოს და შეათანხმოს შესაბამის სამსახურებთან მომსახურების გაწევა, რომელიც იწვევს მოძრაობის შეფერხებას.
1.2.10 ყოველ კონკრეტულ ობიექტზე სამუშაო ადგილი უნდა შემოიფარგლოს თვალსაჩინო ნიშნებით (ზოლიანი ბაბთა ან ზონარი), მომსახურების დასრულების შემდეგ მიმწოდებელი ვალდებულია საკუთარი სახსრებით ერთი დღის ვადაში გაანთავისუფლოს სამუშაო ადგილი მომსახურების შედეგად წარმოქმნილი ნარჩენებისაგან.
1.2.11. საჭიროების შემთხვევაში, შემსყიდველი უფლებამოსილია მოსაჭრელ ხეზე მოითხოვოს უფლებამოსილი ორგანოს ან პირის მიერ გაცემული დასკვნა მწვანე ნარგავის ჭრის დაშვების შესახებ (დასკვნაში დასაბუთებული უნდა იყოს, თუ რატომ ექვემდებარება მწვანე ნარგავი მოჭრას). დასკვნასთან ერთად წარმოდგენილი უნდა იქნას დასკვნის გამცემი ორგანოს უფლებამოსილების დამადასტურებელი დოკუმენტი. დასკვნის მომზადების ანაზღაურებას უზრუნველყოფს მიმწოდებელი საკუთარი ხარჯებით.
1.2.12 მიმწოდებელმა უნდა უზრუნველყოს მოჭრილი (მოტეხილი/მოთხრილი) ხეების დაჭრა კოტრებად (ზომით არაუმეტეს 40-50სმ) და წარმოქნილი საშეშე მერქნის დარიგება შემსყიდველის მიერ მითითებულ მისამართებზე საკუთარი ხარჯით, რაზეც გაფორმდება შესაბამისი მიღება-ჩაბარების აქტი.
1.2.13 მიმწოდებელი იღებს ვალდებულებას, რომ გაწეული მომსახურების ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს
1.2.14 შემსყიდველს ან მის წარმომადგენელს უფლება აქვთ განახორცილეონ ტექნიკური კონტროლი ან/და შეამოწმონ მომსახურება, რათა დარწმუნდენ მათ შესაბამისობაში კონტრაქტით გათვალისწინებულ ტექნიკურ პირობებთან.
1.2.15 მიმწოდებელი ვალდებულია საკუთარი ხარჯებით უზრუნველყოს კონტროლის (ინსპექტირების) შედეგად გამოვლენილი ყველა დეფექტის ან ნაკლის აღმოფხვრა და წუნდებით გაწეული მომსახურების ხელახალი შესრულება.
1.2.16. მიმწოდებელი ვალდებულია მომუშავე ყველა მუშა და ბრიგადირი საკუთარი ხარჯებით უზრუნველყოს ესკიზი N1-ში მოცემული ესკიზის იდენტური სპეც. ტანსაცმლით (ნახევარ-კომბინიზონი, ქურთუკი ზურგზე წარწერით - "ჩუღურეთის რაიონი", კეპი, მაისური ზურგზე წარწერით -"ჩუღურეთის რაიონი", საწვიმარი ლაბადა ზურგზე წარწერით - "ჩუღურეთის რაიონი", ასევე ხუთთითიანი სამუშაო მორეზინებული ხელთათმანი), ხოლო დაზიანების ან ცვეთის შემთხვევაში ჩაანაცვლოს ახლით (პერსონალის ჩაცმულობის დიზაინი წინასწარ უნდა შეთანხმდეს შემსყიდველთან).

1.2.17 ხის კატეგორიები განისაზღვრება შემდეგნაირად:
I კატეგორიის ხე –10 მეტრამდე ხე–მცენარე;
II კატეგორიის ხე –10 მეტრიდან – 20 მეტრის ჩათვლით ხე–მცენარე;
III კატეგორიის ხე –21 მეტრი და ზევით ხე–მცენარე;
IV კატეგორიის ხე –10 მეტრი და ზევით ხე–მცენარე ტექნიკისათვის მიუდგომელ პირობებში.

ხელშეკრულების გაფორმებიდან 2026 წლის 26 დეკემბრის ჩათვლით (ეტაპობრივად).

ქ. თბილისი, ჩუღურეთის რაიონის ტერიტორია.

2.2.1.1.პრეტენდენტს 2024 წლის 01 იანვრიდან უნდა ქონდეს არანაკლებ 200000 (ორასიათასი) ლარის ანალოგიური (ქალაქში ან/და ქალაქის ტიპის დასახლებაში ხეების მოჭრა-ფორმირება-დამუშავება ან/და ხის კუნძების ამოძირკვა) მომსახურების გამოცდილება. აღნიშნული ინფორმაცია წარმოდგენილ უნდა იქნას დანართი N2-ის შესაბამისად.

2.2.1.2. იმ შემთხვევაში, თუ ინფორმაციაში მითითებული შესყიდვ(ებ)ა არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით, ან შესყიდვების ერთიან ელექტრონულ სისტემაში არ არის ან არასრულად არ არის ატვირთული შესაბამისი დოკუმენტები, ამ შემთხვევაში გამოცდილების დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას: მხარეთა მიერ ხელმოწერილი ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტები:
1) მიღება-ჩაბარების აქტი;
2) დადასტურებული საგადასახადო ანგარიშ-ფაქტურა ან/და გადახდის დამადასტურებელი დოკუმენტი.

2.3.1. პრეტენდენტს მომსახურების გაწევის ადგილზე საჭიროების მიხედვით უნდა გააჩნდეს არანაკლებ 2 (ორი) მუშა ბრიგადა (თითოეული 5 კაცის ოდენობით) აღჭურვილი დანართი N3-ში მოცემული სახეობისა და მინიმალური რაოდენობის მატერიალურ–ტექნიკური ბაზით, რომელიც გამოყენებული იქნება მომსახურების გაწევის პროცესში ყოველი კონკრეტული დავალების შესაბამისად, დავალების მოცულობიდან გამომდინარე.
აღნიშნულთან დაკავშირებით დანართი N3-ში მითითებული მუშა ბრიგადების და მანქანა–მექანიზმების, იარაღებისა და ინვენტარის შესახებ ინფორმაცია (თანხმობა) პრეტენდენტის მიერ ხელმოწერილი ან/და ბეჭედდასმული (არსებობის შემთხვევაში) ატვირთული უნდა იქნეს ერთიან ელექტრონულ სისტემაში ტექნიკურ დოკუმენტაციასთან ერთად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ ლევან სამხარაულის სასამართლო ექსპერტიზის ეროვნული ბიუროს ან/და საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომლებშიც უნდა დასტურდებოდეს ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში დაფიქსირებული ერთეულის ფასის და ჯამური ღირებულების ადეკვატურობა.
დასკვნის წარმოუდგენლობა ან უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში, 2026 წლის ქ.თბილისის მუნიციპალიტეტის ადგილობრივი ბიუჯეტით.

ეტაპობრივად, ფაქტიურად გაწეული მომსახურების შემდეგ, მიღება–ჩაბარების აქტის გაფორმებიდან 10 სამუშაო დღის განმავლობაში.

კობა ცინცაძე, 599182181, koba102102@gmail.com ტექნიკურ საკითხებთან დაკავშირებით დავით შაგიძე, ტელ: 593 107 018

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1 მომსახურების ხარჯთაღრიცხვა (დანართი N1) 1. მომსახურების ხარჯთაღრიცხვა - დანართი N1-ის შესაბამისად; (გასაწევი მომსახურების ხარჯთაღრიცხვის წარმოუდგენლობა ან/და ხარჯთაღრიცხვის განსაფასებელი პოზიციების რაოდენობის 5%-ზე მეტის განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
10.2.2 დოკუმენტაცია/ინფორმაცია გამოცდილების შესახებ სატენდერო დოკუმენტაციის 2.2.1 ქვეპუნქტის მოთხოვნის და დანართი #2 შესაბამისად.
10.2.3 თანხმობა პრეტენდენტის მატერიალურ-ტექნიკური ბაზის შესახებ (დანართი N3), სატენდერო დოკუმენტაციის 2.3.1 ქვეპუნქტის მოთხოვნის შესაბამისად.