Очистные и санитарные услуги в городской или сельской местности и сопутствующие услуги (Грузия - Тендер #70160276)

დასუფთავების ღონისძიებები (მაწანწალა ცხოველების დაჭერა,ტრანსპორტირება და დაჭერილი ცხოველების გაუვნებელყოფა)

სატენდერო დოკუმენტაციის 1.2 პუნქტით განსაზღვრული პირობები გათვალისწინებული იქნება შემდგომში გამარჯვებულ პრეტენდენტთან გაფორმებულ სახელმწიფო შესყიდვების შესახებ ხელშეკრულებაში.

სამუშაოები მოიცავს დასუფთავების ღონისძიებები (მაწანწალა ცხოველების დაჭერა,ტრანსპორტირება და დაჭერილი ცხოველების გაუვნებელყოფა

აღნიშნული სამუშაოები უნდა შესრულდეს სატენდერო დოკუმენტაციით გათვალისწინებული დანართი N1-ის შესაბამისად.

პრეტენდენტის მიერ დანართი N1- ხარჯთაღრიცხვა წარმოდგენილი უნდა იყოს EXCEL-ის ფორმატში.

მიმწოდებელმა უნდა უზრუნველყოს:
1. მუნიციპალიტეტის ტერიტორიაზე 500 ერთეული ცხოველის (ზრდასრული ძაღლი) დაჭერა და ტრანსპორტირება ვეტერინალურ კლინიკამდე ავტომანქანით. სტერილიზაცია, კასტრაცია, კვება, ვაქცინაცია, დაბირკვა და ევთანაზია გადაუდებელი საჭიროების შემთხვევაში, ტრავმირებული ცხოველების მკურნალობა, მათ შორის ოპერაციული მკურნალობა;
2. სულ 93 ერთეული ბუნებრივ არიალში გაშვებული დაბირკული, გასტერილებული, უმეთვალ-ყურეო, უპატრონო შინაური ბინადარი ცხოველის (ძაღლი) დაჭერა და ტრანსპორტირება, რევაქცინაციასთან დაკავშირებული პროცედურები, რევაქცინაცია, დაბირკვა, კრემაცია, მოზარდი ცხოველების (ლეკვი) დაჭერა, ტრანსპორტირება და თავშესაფარში (ვეტერინალური კლინიკა) გადაყვანა, მოვლა-პატრონობა;
3. ცხოველების ტრანსპორტირება უზრუნველყოფილი იქნას სპეციალური აღჭურვილობით მოწყობილი ავტომანქანით (ავტომანქანაზე დამონტაჟებული ლითონის კონსტრუქციის გალია და აერაციით);
4. მუშების უზრუნველყოფა სპეც. ტანსაცმელით და ძაღლსაჭერი სპეციალური ინვენტარით (საკი, ბადე და სხვა), აგრესიული ცხოველების დაჭერის დროს შესაძლებელია კანონით დაშვებული (სპეციალური დასაძინებელი) პრეპარატების გამოყენება;
5. ვოლიერების სანიტარიულ-ჰიგიენური პირობების დაცვა, დასუფთავება სველი წესით დღის
განმავლობაში 2-ჯერ, მათ შორის ერთჯერ სადეზინფექციო საშუალებების გამოყენებით დილით და საღამოს.
6. ნაოპერაციები ცხოველების მოთავსება დაყოვნების ვოლიერში პერსონალის დაკვირვების პირობებში;
7. ევთანაზია ხორციელდება უკიდურესი აუცილებლობიდან გამომდინარე;
8. ევთანაზიის გამოყენება შესაძლებელია მხოლოდ:
ა) იმ ცხოველების მიმართ, რომლებსაც კლინიკური კვლევებით ან დაკვირვების შესაბამის პირობებში და სპეციალური მეთოდიკით, ვეტერინარის და კინოლოგის სავალდებულო მონაწილეობით შემდგარი კომისია (ფორმდება კომისიის აქტი) დაუდგენს:
ა.ა)აგრესიულ ქცევას, რომელიც არ იძლევა ცხოველის თანაარსებობის საშუალებას ადამიანთან ან სხვა ცხოველებთან ურთიერთობის პირობებში, მათ შორის იდიოპათიურ აგრესიას (უცაბედი სიბრაზის სინდრომი);
ა.ბ) ადამიანებისა ან/და ცხოველებისათვის საშიშ დაავადებას;
ბ) ძლიერ ტრავმებს ან/და დაზიანებებებს, ასევე პათოლოგიები, რომლებიც არათავსებადია სიცოცხლესთან;
გ) შეუქცევად დაუძლურებას, მათ შორის სიბერის პროცესის გაღრმავების შედეგად;
9. ცხოველები, რომელთაც ჩაუტარდათ ევთანაზია, ასევე ცხოველთა ლეშები ქალაქის ტერიტორიიდან გამოყვანის პერიოდში უნდა მოთავსდეს სპეციალურ ტომრებში და შემდეგ უნდა მოხდეს მათი კრემაცია (კრემატორიუმში);
10. მიმწოდებელმა ზემოაღნიშნული მომსახურება უნდა განახორციელოს საქართველოში მოქმედი კანომდებლობის მოთხოვნების შესაბამისად.

მომსახურების გაწევის ვადაა ხელშეკრულების გაფორმებიდან 2026 წლის 31 დეკემბრის ჩათვლით.

მიმწოდებელმა უნდა უზრუნველყოს მუნიციპალიტეტის ტერიტორიაზე მყოფი მაწანწალა ცხოველების გაუვნებელყოფის მომსახურების გაწევა მის საკუთრებაში ან/და სარგებლობაში მყოფ ზოოვეტერინარულ კლინიკაში.
მომსახურების შესრულების ფორმა მოცემულია ტექნიკურ პირობებში.

პრეტენდენტს ქობულეთის მუნიციპალიტეტის ადმინისტრაციული ცენტრიდან არაუმეტეს 40 კილომეტრის არეალში უნდა გააჩნდეს:

ა) თანამედროვედ აღჭურვილი სპეციალური ზოოვეტერინარული კლინიკა;
ბ) სპეციალური ავტომანქანა;
გ) სპეციალური საპროცედურო კაბინეტები და საშხაპე;
დ) ძაღლსამყოფი ვოლიერები, არანაკლებ 50 (ორმოცდაათი) საკანი, შესაბამისი ნუმერაციით. ვოლიერები არ უნდა იყოს ოთხმხრივად დახურული და შინაურ ბინადარ ცხოველს არ უნდა ეზღუდებოდეს თავისუფალი სივრცის ხედვის შესაძლებლობა;
ე) ასევე საკუთრებაში ან საქართველოს სამოქალაქო კოდექსით ნებადართული (იჯარა, თხოვება და ა.შ) ფორმით უნდა გააჩნდეს კრემატორიუმი. საკუთრების შემთხვევაში წარმოდგენილი უნდა იქნას საკუთრების დამადასტურებელი დოკუმენტების ასლები, სხვა შემთხვევაში - შესაბამისი დამადასტურებელი დოკუმენტების ასლები (საიჯარო, თხოვების ხელშეკრულების ასლ(ებ)ი, რომელიც ერთი თვით უნდა აღემატებოდეს სამუშაოების დასრულების ვადას

ინფორმაცია ტექნიკური შესაძლებლობის შესახებ მოწოდებული უნდა იქნეს ტექსტის სახით შესაბამისი მასალების, ფოტოსურათების, ნახაზების და ა. შ. თანდართვით (ავტომანქანის შემთხვევაში ტექნიკური პასპორტი).

შემსყუდველი იტოვებს უფლებას ადგილზე მისვლით გადაამოწმოს პრეტენდენტის მატერიალურ-ტექნიკური ბაზა.

პრეტენდენტს უნდა ჰყავდეს მაღალკვალიფიციური ვეტერინარი სპეციალისტი. პრეტენდენტმა, უნდა წარმოადგინოს ვეტერინარი სპეციალისტის კვალიფიკაციის დამადასტურებელი დოკუმენტ(ებ)ი. ასევე პრეტენდენტმა უნდა წარმოადგინოს ვეტერინართან შრომითი ურთიერთობის ამსახველი დოკუმენტაციის ასლ(ებ)ი.

სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (დასკვნასთან ერთად წარმოდგენილ უნდა იქნას დასკვნის გამცემი პირის ან შემსრულებლის საქმიანობის კანონმდებლობის ფორმით გაცემული უფლებამოსილების დამადასტურებელი დოკუმენტი).

შემსყიდველი ანგარიშსწორებას ახორციელებს შემდეგი წესის შესაბამისად:
ა) ნაწილობრივ ან/და სრულად, ფაქტიურად შესრულებული სამუშაოების მიღებიდან, შემსყიდველის შესაბამისი წლის ბიუჯეტში გათვალისწინებული ასიგნების ფარგლებში;
ბ) საბოლოო ანგარიშსწორება განხორციელდება, ხელშეკრულებით გათვალისწინებული წესით, შესრულებული სამუშაოების შესახებ საბოლოო მიღება-ჩაბარების აქტის გაფორმების შემდგომ.

ა) ნაწილობრივ ან/და სრულად, ფაქტიურად შესრულებული სამუშაოების მიღებიდან 10 (ათი) სამუშაო დღის ვადაში, შემსყიდველის შესაბამისი წლის ბიუჯეტში გათვალისწინებული ასიგნების ფარგლებში;
ბ) საბოლოო ანგარიშსწორება განხორციელდება, ხელშეკრულებით გათვალისწინებული წესით, შესრულებული სამუშაოების შესახებ საბოლოო მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

სალომე გუნთაიშვილი, 591020281, guntaishvilisalome@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
4. პრედენდენტს არა აქვს უფლება წარმოადგინოს ალტერნატიული სატენდერო წინადადება;
5. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეულისა და საერთო ფასები გამოსახოს და შესაბამისად გაინაგარიშოს ლარის მეასედის - თეთრების სიზუსტით (მძიმის შემდეგ ორი ციფრი);
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად.
7. შემსყიდველი უფლებამოსილია, ხელშეკრულების შესრულების ნებისმიერ ეტაპზე მოახდინოს მიმწოდებლის მიერ, ვალდებულების შესრულების კონტროლი;
8. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის გათვალისწინებით.