Ремонт и техническое обслуживание строительных сооружений (Грузия - Тендер #70160267)

საქართველოს სასაზღვრო პოლიციის ბალანსზე რიცხული საკომუნიკაციო კოშკურებზე (15მ, 22მ) ცალკემდგომი ატმოსფერული გადაძაბვებისგან დამცავი სისტემების (მეხამრიდი) შეკეთება /შეცვლა და ტექნიკური მომსახურება.

1. საკომუნიკაციო კოშკურების სიმაღლეებიდან და მეხამრიდის სისტემების მოწყობიდან გამომდინარე, სამუშაოებები უნდა განხორციელდეს უსაფრთხოების ნორმების დაცვით. აღნიშნულიდან გამომდინარე, პრეტენდენტმა სამუშაოებები უნდა ჩაატაროს სპეციალური სამშენებლო სატრასპორტო საშუალებების გამოყენებით (ე.წ. ამწე კალათით).

2. სამუშაოების შესრულების პროცესში ყველა გამოყენებული მასალა და მოწყობილობა უნდა იყოს მაღალი ხარისხის (ახალი, არამეორადი) და შეესაბამებოდეს ამ სფეროში აღიარებულ სტანდარტებს.

3. სამუშაოების შესრულების პროცესში გამოყენებული მასალებისა და მოწყობილობების ტიპი და ვიზუალურ-ტექნიკური მახასიათებლები უნდა შეთანხმდეს შემსყიდველთან. იმ შემთხვევაში, თუ მიმწოდებლის მიერ წარმოდგენილი მასალა ან მოწყობილობა ან შესრულებული სამუშაო არ შეესაბამება აღიარებულ სტანდარტებს და შემსყიდველი ორგანიზაციის მოთხოვნებს, მიმწოდებელი ვალდებულია თავისი ხარჯებით გამოასწოროს, წარმოადგინოს სხვა, შემსყიდველისთვის მისაღები მასალა, მოწყობილობა ან/და სხვაგვარად შეასრულოს სამუშაო.

4. მომსახურება უნდა განხორციელდეს მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი .

5. იმ შემთხვევაში, თუ მიმწოდებელი სამუშაოების შესრულების პროცესში დააზიანებს შემსყიდველის ქონებას (შენობა-ნაგებობა და ა.შ.), იგი ვალდებული იქნება უზრუნველყოს შემსყიდველის ქონებისათვის (შენობა-ნაგებობა და ა.შ.) პირვანდელი სახით აღდგენა საკუთარი ხარჯებით.

6. სამუშაოთა დასრულების შემდეგ, მიმწოდებელი ვალდებულია თავისი ძალებით და სახსრებით დაუყონებლივ გაათავისუფლოს სამუშაო ადგილი მანქანა-მექანიზმებისაგან, მოწყობილობა-დანადგარებისაგან, მასალებისაგან და ა.შ.

7. მიმწოდებელი ვალდებულია სამუშაოები აწარმოოს საქართველოში მოქმედი სამშენებლო ნორმებისა და წესების დაცვით, აგრეთვე დაიცვას უსაფრთხოების წესები. სამუშაო ადგილის ფარგლებში მინიმუმამდე დაიყვანოს გარემოზე ეკოლოგიური ზემოქმედება, მუშაობით გამოწვეული ხმაურის, ვიბრაციის და მტვრის გავლენა.

8. უსაფრთხოებისა და სამშენებლო ნორმებით გათვალისწინებული წესების დაუცველობის შემთხვევაში, მიმწოდებელი ვალდებულია სრულად აანაზღაუროს შესაბამისი ზარალი საქართველოს მოქმედი კანონმდებლობის შესაბამისად.

9. სარემონტო სამუშაოების საათები და პერიოდი უნდა შეთანხმდეს შემსყიდველთან.

10. მომსახურების გაწევა უნდა განხორციელდეს შესაბამისი კვალიფიკაციის მქონე პერსონალის მიერ, რომლებიც აღჭურვილი უნდა იყვნენ ყველა საჭირო ხელსაწყოთი და და სიმაღლეზე მუშაობის შესაბამისი უსაფრთხოების საშუალებებით.

11. დაზიანებული ნაწილების სათადარიგო ნაწილებით ჩანაცვლება უნდა განხორციელდეს მწარმოებლის მიერ დამზადებული ან/და რეკომენდირებული სათადარიგო ნაწილების საშუალებით.

12. შესყიდველის მოთხოვნის შესაბამისად, მიმწოდებლმა შეტყობინების საფუძველზე უნდა უზრუნველყოს მეხამრიდების ხარვეზიანი მუშაობის მიზეზის დადგენა და მათი აღმოფხვრა, ასევე იმ ხარვეზის აღმოფხვრა, რომელიც გამომდინარეობს სისტემის ჩვეულებრივი ექსპულატაციის პირობებიდან.

13. მომსახურებებზე, რომელთა განზომილების ერთეული არის კილოგრამი და მეტრი ანაზღაურება განხორციელდება ჯერადობით.

14. შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნად ან ვადაგადაცილებით შესრულების შემთხვევები.

მომსახურების გაწევა უნდა განხორციელდეს ეტაპობრივად, შემსყიდველის მოთხოვნის შესაბამისად, ხელშეკრულების გაფორმებიდან 2026 წლის 10 დეკემბრის ჩათვლით.

თითოეულ შემთხვევაში ობიექტზე მისვლის და ხარვეზის გამოსწორობის ვადა უნდა შეადგენდეს შეტყობინების მიღებიდან არაუმეტეს მომდევნო:
ა) 2 (ორი) სამუშაო დღეს თბილისის ადმინისტრაციულ-ტერიტორიული საზღვრებში არსებულ ობიექტებზე;
ბ) 3 (სამი) სამუშაო დღეს რეგიონებში არსებულ ობიექტებზე.

ტექნიკური დავალების მიღების და გამოძახების თარიღად ითვლება უფლებამოსილი პირ(ებ)ის მიერ სატელეფონო შეტყობინების ან ელ. ფოსტაზე ტექსტური შეტყობინების გაგზავნის თარიღი;

მომსახურების გაწევის ადგილი: სატენდერო დოკუმენტაციის 1.2 პუნქტში წარმოდგენილ დანართი N2-ში მითითებული მისამართები.

1.7.1.1 მიმწოდებლის მიერ დანართი N1 - პრეისკურანტის პირველ პოზიციაზე შემოთავაზებულ "აქტიური მეხამრიდზე" უნდა ვრცელდებოდეს არანაკლებ 5 (ხუთი) წლიანი ქარხნული გარანტია მუშაობაზე და 25 (ოცდახუთი) წლიანი გარანტია კოროზიამედეგობაზე (აღნიშნული ინფორმაციის წარმოდგენა სავალდებულოა).

1.7.1.2 იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად გაწეული მომსახურება ან/და შეცვლილი ნაწილი აღმოჩნდება წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით, არაუგვიანეს 3 (სამი) კალენდარული დღის განმავლობაში.

1.7.1.3 ტექნიკური დავალების მიღების და გამოძახების თარიღად ითვლება სასაზღვრო პოლიციის უფლებამოსილი პირ(ებ)ის მიერ წერილის ან ელ. ფოსტაზე შეტყობინების გაგზავნის თარიღი.

2.2.1.1. პრეტენდენტს 2023 წლის 01 იანვრიდან უნდა გააჩნდეს მეხამრიდის ტექნიკური (შეკეთება/შეცვლა) მომსახურების გამოცდილება ჯამური ღირებულებით არანაკლებ 100 000 (ასი ათასი) ლარის ოდენობით, აღნიშნულის დასტურად, პრეტენდენტმა ელექტრონულ სისტემაში უნდა ატვირთოს მომსახურების შესრულების დამადასტურებელი დოკუმენტების ასლები (ხელშეკრულების ასლები და მომსახურების გაწევის მიღება-ჩაბარების აქტები);

2.2.1.2. იმ შემთხვევაში, თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებს და მათი შესრულების დოკუმენტაციას, გარდა 2.2.1.1 ქვეპუნქტით მოთხოვნილი დოკუმენტაციისა, პრეტენდენტი ვალდებულია დამატებით წარმოადგინოს აღნიშნულ სამუშაოებზე დადასტურებული საგადასახადო ანგარიშ-ფაქტურების ელექტრონული ვერსიები.

2.9.1. პრეტენდენტმა ფასის კლება უნდა განახორციელოს პრეისკურანტის სავარაუდო ჯამურ ღირებულებაზე. პრეისკურანტის სავარაუდო ღირებულება შეადგენს – 6 507.00 ლარს.

2.9.2. პრეტენდენტის მიერ შერჩევა-შეფასების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას.

2.9.3. პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა გამოიწვევს პრეტენდენტის დისკვალიფიკაციას აღნიშნულ ტენდერში

2.9.4. პრეტენდენტის მიერ შემსყიდველი ორგანიზაციის პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში.
ანგარიშსწორება განხორციელდება 2026 წლის ბიუჯეტის სახსრებით. ანგარიშსწორება შემსყიდველის მიერ მოხდება ეტაპობრივად, ფაქტობრივად განხორციელებული მომსახურების მიხედვით. მიღება–ჩაბარების აქტის ხელმოწერის, შესაბამისი საგადასახადო ანგარიშ-ფაქტურის გამოწერის (კანონით დადგენილ შემთხვევასი) და წარმოდგენის შემდეგ.

შესაბამისი დოკუმენტაციის წარმოდგენიდან არაუგვიანეს 10 სამუშაო დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ლანა ტალახაძე, 599331455, talakhadze.l@mia.gov.ge

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად. ტექნიკური დოკუმენტაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
10.1.2 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.3 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს სასაზღვრო პოლიციის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.