Инженерные услуги (Грузия - Тендер #70160265)

არასასოფლო და სასოფლო-სამეურნეო დანიშნულების მიწის ნაკვეთებისა და შენობა-ნაგებობების საკადასტრო აზომვითი ნახაზების შედგენის მომსახურება.

1. შესყიდვის ობიექტს წარმოადგენს: აბაშის მუნიციპალიტეტის ტერიტორიაზე არასასოფლო და სასოფლო-სამეურნეო დანიშნულების მიწის ნაკვეთებისა და შენობა ნაგებობების საკადასტრო აზომვითი ნახაზების შედგენა-მომსახურეობა, ასევე ხაზოვანი ნაგებობის აზომვითი ნახაზის შედგენა და ნაკვეთის წერტილების დაკვალვა.

2. საკადასტრო აგეგმვითი/აზომვითი ნახაზი უნდა აკმაყოფილებდეს „საჯარო რეესტრის შესახებ“ საქართველოს კანონის, საქართველოს მთავრობის 2016 წლის 8 აგვისტოს №388 დადგენილებითა და საქართველოს მთავრობის 2024 წლის 3 ოქტომბრის №315 დადგენილებით დამტკიცებულ შენობა-ნაგებობისა და შენობა-ნაგებობის ერთეულის შიდა აზომვითი სამუშაოების შესრულებისა და დოკუმენტირების წესს.

3. მიწის ნაკვეთების საკადასტრო აგეგმვითი/აზომვითი ნახაზები წარმოდგენილი უნდა იქნეს სახელმწიფო გეოდეზიურ კოორდინატთა სისტემაში (WGS 84 კოორდინატთა სისტემა, UTM- პროექციაში, SHP-ფორმატის ფაილის სახით (2 ცალი, CD დისკი) 3 (სამი) ქაღალდის ეგზემპლარად.

4. შენობა-ნაგებობის ტექნიკური (შიდა) აზომვითი ნახაზი წარმოდგენილი უნდა იყოს თვალსაჩინო მასშტაბში, ქაღალდის და ციფრული ვერსიის სახით 3 (სამი) ეგზემპლარად და უნდა აკმაყოფილებდეს საქართველოს მთავრობის 2024 წლის 3 ოქტომბრის N315 დადგენილებით დამტკიცებულ შენობა-ნაგებობისა და შენობა-ნაგებობის ერთეულის შიდა აზომვითი სამუშაოების შესრულებისა და დოკუმენტირების წესით განსაზღვრულ მოთხოვნებს.

5. მიწისზედა ხაზოვანი ნაგებობის ფოტო-სურათები (დატანილი CD დისკზე).

6. პრეტენდენტს უნდა შეეძლოს მაღალი კლასის სანიველირე ქსელის აგება II კლასის სიზუსტით, აგრეთვე გრძივი და განივი პროფილების აგება.

7. ტენდერში გამარჯვებული პრეტენდნეტი პასუხისმგებელია შესრულებული საკადასტრო აგეგმვითი/აზომვითი და შიდა აზომვითი ნახაზების სისწორეზე და სრულყოფილად დამუშავება-შედგენაზე;

8. იმ შემთხვევაში, თუ ფასების ცხრილში ჩამოთვლილი პუნქტებიდან რომელიმე ობიექტზე მომსახურება არ განხორციელდა ან ამოიწურა, შესაძლებელია კონკრეტული პუნქტით განსაზღვრული თანხის სხვა ნებისმიერ პუნქტში გადატანა ან/და ცვლილების განხორციელება სხვა მომსახურების მოცულობის შემცირების გზით, სახელშეკრულებო ღირებულების შეუცვლელად.

9. შემსყიდველ ორგანიზაციას უფლება აქვს ხელშეკრულების მოქმედების პერიოდში შეისყიდოს მხოლოდ შესყიდვის ობიექტის ნაწილი.

მომსახურება უნდა განხორციელდეს ეტაპობრივად, შემსყიდველის მოთხოვნის შესაბამისად 2026 წლის 31 დეკემბრის ჩათვლით.

მომსახურების გაწევა უნდა განხორციელდეს ეტაპობრივად, მოთხოვნის შესაბამისად. ყოველ ეტაპზე გასაწევი მომსახურების სახეობისა და მოცულობის დადგენა მოხდება წინასწარ, მომსახურების გაწევის დაწყებამდე 1 (ერთი) კალენდარული დღით ადრე.

საკადასტრო აზომვითი ნახაზების შედგენის ადგილია აბაშის მუნიციპალიტეტი.

1. პრეტენდენტს უნდა ჰქონდეს ანალოგიური ტიპის, ხასიათის, სირთულის და შინაარსის მომსახურების შესრულების გამოცდილება.
1.1 2022 წლის 1-ლი იანვრიდან მოცემული ტენდერის გამოცხადების დღემდე, პრეტენდენტის მიერ ფაქტობრივად შესრულებული ანალოგიური ტიპის, ხასიათის, სირთულის და შინაარსის მომსახურების ღირებულებების ჯამი უნდა იყოს არანაკლებ 10 000.00 ლარისა.

2. პრეტენდენტს ერთი შესრულებული ხელშეკრულების ფარგლებში დასრულებული უნდა ჰქონდეს საკადასტრო-აზომვითი ნახაზების შედგენის მომსახურება არანაკლებ წინამდებარე ტენდერის შესყიდვის ობიექტის სავარაუდო ღირებულების 20%-ის ოდენობისა.

3. ანალოგიური ტიპის, ხასიათის, სირთულის და შინაარსის მომსახურება მიეკუთვნება: საკადასტრო-აზომვითი ნახაზების შედგენის მომსახურება.


4. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად;
4.1 პრეტენდენტი ვალდებულია წარმოადგინოს, საანგარიშო პერიოდში ანალოგიური მომსახურების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, CMR) წარმოდგენა.
4.2 შემსყიდველი უფლებამოსილია ანალოგიური სამუშაოების იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის მიწოდებაც კანონმდებლობით არ არის აკრძალული.

პრეტენდენტმა უნდა წარმოადგინოს ორსიხშირიანი GPS, ელექტრო ტაქეომეტრისა და ნიველირის ფლობის დამადასტურებელი (საკუთრება, იჯარა, თხოვება) დოკუმენტები.

საკადასტრო აგეგმვითი/აზომვითი ნახაზის დამზადება უნდა მოხდეს მაღალი სიზუსტის გეოდეზიური ხელსაწყო GPS-ისა და „GEO-CORS“-ის სისტემის გამოყენებით (საამზომველო ინსტრუმენტი ჩართული უნდა იყოს „GEO-CORS“-ში, რომლის გამოყენებაზე წარმოდგენილი უნდა იქნეს სსიპ საჯარო რეესტრის ეროვნული სააგენტოს შესაბამის დეპარტამენტთან გაფორმებული ხელშეკრულება ან/და შესაბამისი ცნობა/წერილი სააგენტოდან საამზომველო ინსტრუმენტის „GEO-CORS“-ის სისტემაში ჩართვის შესახებ);

1. შემსყიდველი ორგანიზაცია ვალდებულია ხელშეკრულების ღირებულებაში გაითვალისწინოს სატენდერო წინადადების ფასის შესაბამისი დ.ღ.გ.-ის ოდენობა, თუ ხელშეკრულების დადების მომენტისთვის პრეტენდენტი არის დ.ღ.გ.-ის გადამხდელი.
2. შემსყიდველი იტოვებს უფლებას სრულად არ აითვისოს სატენდერო დოკუმენტაციაში მოცემული შესყიდვის ობიექტის რაოდენობა, შესაბამისად ანაზღაურებულ იქნება მხოლოდ ფაქტობრივად გაწეული მომსახურების ღირებულება.

ტენდერში ელექტრონული ვაჭრობის შედეგად ყველაზე დაბალი ფასის მქონე პრეტენდენტის მიერ სისტემაში დაფიქსირებული საბოლოო ფასის ტენდერის შესყიდვის ობიექტის სავარაუდო ღირებულებაზე 20%-ზე მეტით კლების შემთხვევაში პრეტენდენტს არ მოეთხოვება ფასწარმოქმნის ადეკვატურობის დასაბუთებაა, რადგან აღნიშნული მომსახურების გაწევა ძირითადად მოიცავს ინტელექტუალურ შრომას, რის გამოც პრეტენდენტი უფლებამოსილია ტენდერში დაფიქსირებული საბოლოო ფასი განსაზღვროს გაწეული ინტელექტუალური შრომის შესაბამისად.

1. ანგარიშსწორება შემსყიდველის მიერ მოხდება ეტაპობრივად მომსახურების მიწოდებისა და აღნიშნულის თაობაზე მიღება–ჩაბარების აქტის გაფორმების და სათანადო საგადასახადო დოკუმენტის წარმოდგენის შემდეგ.

1. მიღება–ჩაბარების აქტის გაფორმების და სათანადო საგადასახადო დოკუმენტის წარმოდგენის შემდეგ 10 (ათი) სამუშაო დღის განმავლობაში.

ზვიადი ბოხუა, 577604711, abasha@procurement.gov.ge

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით გარდა დღგ-სა.
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
7. პრეტენდენტმა უნდა წარმოადგინოს ფასების ცხრილი დანართი N2 Excel-ის ფორმატის ცხრილის სახით, ხოლო Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).