Ремонт и техническое обслуживание транспортных средств и оборудования и сопутствующие услуги (Грузия - Тендер #70160188)

თიღვის მუნიციპალიტეტის ბალანსზე არსებული 3 ერთეული ჯიპის და 1 ერთეული სედანის ტიპის ავტოსატრანსპორტო საშუალების რეცხვის მომსახურების შესყიდვა (ტალონების მეშვეობით).

შესყიდვის ობიექტია თიღვის მუნიციპალიტეტის ბალანსზე არსებული ავტომანქანების რეცხვითი მომსახურება, რომელიც უნდა განხორციელდეს შემდეგი აუცილებელი პირობების დაცვით:

ა) მიმწოდებელმა უნდა უზრუნველყოს თიღვის მუნიციპალიტეტის ბალანსზე არსებული 3 ერთეული ჯიპის და 1 ერთეული სედანის ტიპის ავტომანქანის 200 რიგგარეშე რეცხვის მომსახურება;

ბ) მიმწოდებელმა უნდა უზრუნველყოს ავტომანქანის ძარის, სალონისა და საბარგულის გარეცხვა/გასუფთავება. რეცხვისას გამოყენებული უნდა იყოს მაღალი წნევის რეცხვის დანადგარი, მტვერსასრუტი და სპეციალური სარეცხი საშუალებები;

გ) მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი სახის ზიანის ანაზღაურების ვალდებულება ეკისრება მიმწოდებელს;

დ) შემსყიდველი იტოვებს უფლებას ტენდერში მონაწილე პრეტენდენტს (გამარჯვებულად გამოვლენამდე) გადაამოწმოს მის მიერ წამოდგენილი ინფორმაცია და სამრეცხაო ობიექტები;

ე) სამრეცხაო ობიექტებზე რეცხვითი მომსახურებით სარგებლობა შესაძლებელი უნდა იყოს ყოველდღე 09:00 სთ-დან 19:00 სთ-მდე;

ვ)მომსახურების მიწოდება უნდა განხორციელდეს მიმწოდებლის მიერ დამზადებული შესაბამისი მომსახურების დამადასტურებელი ტალონის მეშვეობით, რომელიც უნდა შეიცავდეს შემდეგ ინფორმაციას:
- მიმწოდებლის დასახელება;
- გასაწევი მომსახურება;
- ტალონის იდენტიფიცირების ნომერი;
- ავტომანქანის სახეობა(ტიპი).

ზ) შემსყიდველის მოთხოვნიდან 5 (ხუთი) კალენდარული დღის ვადაში მიმწოდებელმა უნდა უზრუნველყოს შემსყიდველის მიერ მოთხოვნილი რაოდენობის რეცხვის ტალონების მიწოდება შემდეგ მისამართზე: ქ. თბილისი, სოფ.დიღომი როსტევანის 57;

თ) ავტომანქანების ჩამონათვალი მარკა/მოდელის და სახელმწიფო ნომრების მითითებით იხილეთ თანდართულ ფაილში (დანართი N2).

ეტაპობრივად, ხელშეკრულების გაფორმებიდან 2026 წლის 31 დეკემბრის ჩათვლით.

1.5.1 ავტომანქანების რეცხვის მომსახურების გაწევის ადგილია: ქ. თბილისში, 1.5.2 ქვეპუნქტით განსაზღვრულ ტერიტორიებზე მდებარე ავტოსამრეცხაოები.

1.5.2 მიმწოდებელს უნდა გააჩნდეს ავტოსამრეცხაო ქ. თბილისის შემდეგ რაიონებში:
ა) დიდუბე;
ბ) გლდანი;
გ) სოფ. დიღომი.

ინფორმაცია პრეტენდენტის ქსელში არსებული ავტოსამრეცხაოების შესახებ, შესაბამისი მისამართ(ებ)ის მითითებით (წარმოსადგენია ასევე საკუთრების ან/და სარგებლობის დამადასტურებელი დოკუმენტების ასლები).

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).

ანგარიშსწორების საფუძველია მხარეების, უფლებამოსილი პირების მიერ, ეტაპობრივად, ფაქტიურად გაწეული მომსახურების შესაბამისად გაფორმებული მიღება-ჩაბარების აქტი.

ანგარიშსწორება მოხდება მიღება–ჩაბარების აქტის გაფორმებიდან 10 (ათი) სამუშაო დღეში.

გოჩა მაისურაძე, 595199510, gochamaisuradze2@gmail.com

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

10.1.3 პრეტენდენტს არ აქვს უფლება წარმოადგინოს ალტერნატიული წინადადება;

10.1.4 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;

10.1.5 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს.