Ремонт и техническое обслуживание транспортных средств и оборудования и сопутствующие услуги (Грузия - Тендер #70128232)

შპს გარდაბნის თბოსადგურის ბალანსზე რიცხული ავტოსატრანსპორტო საშუალებების ტექნიკური მომსახურების შესყიდვა

ელექტრონულ ტენდერში გამარჯვების შემთხვევაში პრეტენდენტმა უნდა უზრუნველყოს შემდეგი სახის ტექ-მომსახურების გაწევა:
1. ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა.
2. საცხებ–საპოხი მასალების შეცვლა.
3. ძრავის დიაგნოსტირება და კაპიტალური შეკეთება.
4. გადაცემათა კოლოფის და ხიდების კაპიტალური შეკეთება.
5. საწვავის სისტემის დიაგნოსტირება და შეკეთება.
6. საჭიროების შემთხვევაში ევაკუატორით მომსახურება.
7. სამღებრო და სათუნუქე სამუშაოების ჩატარება.
8. საბურავების შეკეთება, შეცვლა.
9. დიზელის ძრავის ფარსონკების შესამოწმებელი და დასარეგულირებელი დანადგარით მომსახურება.
10. ყველა საჭირო სამუშაოები უნდა ტარდებოდეს ერთ ლოკაციაზე განთავსებულ ობიექტზე.
11. მოსაწოდებელი ავტონაწილები უნდა იყოს ქარხნული წარმოების, ახალი (არამეორადი).
12. დეტალის შეცვლა გულისხმობს არსებული დეტალის შეცვლას ახლით და ამისათვის საჭირო ყველა მომსახურების გაწევას (მაგ. სხვა დეტალების მოხსნა-დაყენებას და ა.შ.).
13. პრეტენდენტი ვალდებულია შემსყიდველის მიმართვის შემთხვევაში ჩაატაროს ავტოსატრანსპორტო საშუალების დათვალიერება, რის შემდეგადაც მხარეები ადგენენ დეფექტურ აქტს/დოკუმენტს, რომელშიც მითითებული უნდა იყოს გასაწევი მომსახურების ან/და სათადარიგო ნაწილების დეტალური აღწერა, მათი ღირებულებები, აგრეთვე ავტოსატრანსპორტო საშუალების შეკეთებისათვის საჭირო დროის ხანგრძლივობა, რომელიც აითვლება ავტოსატრანსპორტო საშუალების ბოქსში შესვლისთანავე.
14. შემსყიდველი უფლებამოსილია პრეტენდენტის მიერ შედგენილ დეფექტურ აქტში მითითებული სამუშაოების სისწორის გადამოწმება მოახდინოს ავტორიზებულ სერვისცენტრში ან მხარეთა შეთანხმებით სხვა სერვისცენტრში, ასევე სსიპ ლევან სამხარაულის სახელობის სასამართლო ექსპერტიზის ეროვნულ ბიუროში ან/და სხვა აკრედიტირებული პირთან.
15. პრეტენდენტის მმართველობაში ან/და სარგებლობაში არსებულმა თითოეულმა სერვისცენტრმა ადგილებზე უნდა უზრუნველყოს ავტომანქანის ტექნიკური მომსახურება კვირაში 5 დღის განმავლობაში (საჭიროების შემთხვევაში კვირაში 7 დღე).
16. პრეტენდენტს უნდა შეეძლოს ერთდროულად შემსყიდველის არანაკლებ 2 ავტოსატრანსპორტო საშუალების მომსახურება;
17. ავტოსატრანსპორტო საშუალების ტექნიკური მომსახურების გაწევა უნდა განხორციელდეს მიმწოდებლის სერვის-ცენტრ(ებ)ში. კერძოდ, მოითხოვება ქ. თბილისში მინიმუმ ერთი სერვისცენტრი.
18. მიმწოდებელს ხელშეკრულების მოქმედების პერიოდში სერვისცენტრში მუდმივად უნდა გააჩნდეს პირველადი საჭიროების მარაგები ადგილზე: ზეთი, ფილტრები და ხუნდები.

მომსახურება უნდა განხორციელდეს ხელშეკრულების გაფორმებიდან 12 (თორმეტი) თვის განმავლობაში;

1. ავტოსატრანსპორტო საშუალების ტექნიკური მომსახურება გაწეული უნდა იქნას დაუყოვნებლივ, რიგგარეშედ.

2. მომსახურების გაწევის ვადა, რომელიც აითვლება შემსყიდველის, წერილობითი ან/და მიმწოდებლის ელექტრონულ ფოსტაზე (-----------) შეტყობინების მიღებიდან, თითოეულ შემთხვევაში არ უნდა აღემატებოდეს:
ა) ფილტრების და სამუხრუჭე ხუნდების შეცვლა - არაუმეტეს 1 (ერთი) სამუშაო დღე;
ბ) სავალი ნაწილების შეცვლა - არაუმეტეს 2 (ორი) სამუშაო დღეს;
გ) ელექტროობის შეცვლა - არაუმეტეს 2 (ორი) სამუშაო დღეს;
დ) აგრეგატების შეკეთების/შეცვლისთვის არაუმეტეს 2 (ორი) სამუშაო დღეს;
ე) სამღებრო/სათუნუქე სამუშაოებისათვის არაუმეტეს 10 (ათი) სამუშაო დღეს;
ვ) ხანგრძლივი მომსახურების (ძრავის, გადაცემათა კოლოფის და ხიდების) გაწევის დრო არაუმეტეს 10 (ათი) სამუშაო დღეს;
ზ) სხვა დანარჩენ შემთხვევებში „შემსყიდველის“ მიერ მითითებულ გონივრულ ვადას;
თ) პრეტენდენტმა შემსყიდველის ავტოსატრანსპორტო საშუალებებს უნდა მიანიჭოს პრიორიტეტი, რაც გულისხმობს მათ რიგგარეშე და დაუყოვნებლივ მომსახურებას, თუ ავტოტექმომსახურება ეხება ძრავის კაპიტალურ რემონტს ან/და დეფიციტური სათადარიგო ნაწილით უზრუნველყოფას, შესაძლებელია, მომსახურების გაწევის დრო განისაზღვროს მხარეთა შეთანხმებით, მაგრამ არაუმეტეს 10 სამუშაო დღისა.

3. სათადარიგო ნაწილი არ ჩაითვლება დეფიციტურად თუ საქართველოს ბაზარზე მოიძებნება ერთი მიმწოდებელი მაინც, რომელიც ახორციელებს აღნიშნული სათადარიგო ნაწილის რეალიზაციას;

ზემოაღნიშნული ინფორმაცია პრეტენდენტის მიერ წარმოდგენილი უნდა იყოს სატენდერო წინადადებასთან ერთად.

ავტოსატრანსპორტო საშუალების ტექნიკური მომსახურების გაწევა უნდა განხორციელდეს მიმწოდებლის სერვის-ცენტრ(ებ)ში. კერძოდ, მოითხოვება ქ. თბილისში მინიმუმ ერთი სერვისცენტრი.

1. ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ-მომსახურებზე, უნდა ვრცელდებოდეს მინიმუმ 6 თვიანი გარანტია გარდა იმ სათადარიგო ნაწილებისა, რომელთა ექსპლუატაციის ვადა დამოკიდებულია ავტომანქანების გარბენზე. აღნიშნულმა სათადარიგო ნაწილებმა უნდა უზრუნველყონ ავტომანქანის გამართულად ექსპლუატაცია მინიმუმ ქვემოთ ჩამოთვლილ გარბენზე და პერიოდში:
ა) სავალ ნაწილებზე - არანაკლებ 6 თვე;
ბ) ავტომობილის ძრავის ღვედი - 40 000 კმ;
გ) გენერატორის ღვედი – 30 000 კმ;
დ) ავტომობილის ძრავზე, გადაცემათა კოლოფზე და ხიდებზე (კაპიტალური შეკეთების შემთხვევაში) არანაკლებ 1 წელი ან 40 000 კმ;
ე) ავტომობილის ძრავზე, გადაცემათა კოლოფზე და ხიდებზე (ახალი ნაწილის შემთხვევაში) არანაკლებ 2 წელი ან 80 000 კმ;
ვ) ელექტრონულ მოწყობილობებზე (გარდა ელ. მცველებისა და ნათურებისა) არანაკლებ 1 წელი;
ზ) XENON-ის ტიპის ნათურებზე (ქარხნულად აღჭურვილ ავტომობილებზე) არანაკლებ 6 თვე;
თ) სათუნუქე და სამღებრო სამუშაოებზე არანაკლებ 1 წელი;
ი) გადაბმულობის კომპლექტზე, სამუხრუჭე ხუნდებზე, დაკიდების დისკზე, მორგვის საკისრებზე და ყუმბარებზე არანაკლებ 30 000 კმ;

2. საგარანტიო ვადის განმავლობაში მიმწოდებელი ვალდებულია დაუყონებლივ, არაუგვიანეს 2 (ორი) სამუშაო დღის განმავლობაში, აღმოფხვრას აღმოჩენილი წუნი/დაზიანება, შემსყიდველის მხრიდან გასაწევი ყველანაირი დამატებით ხარჯის გარეშე;

ზემოაღნიშნული ინფორმაცია პრეტენდენტის მიერ წარმოდგენილი უნდა იყოს სატენდერო წინადადებასთან ერთად.

1. პრეტენდენტს 2022 წლის პირველი იანვრიდან წინამდებარე ტენდერის გამოცხადების დღემდე, უნდა გააჩნდეს არანაკლებ 1 (ერთი) ანალოგიური სახის (ავტოსატრანსპორტო საშუალებ(ებ)ის ტექნიკური მომსახურების გაწევა) მომსახურების გაწევის გამოცდილება, რომლის სახელშეკრულებო ჯამური ღირებულება უნდა შეადგენდეს არანაკლებ 60,000.00 (სამოცი ათასი) ლარს, რაზეც სატენდერო წინადადებასთან ერთად პრეტენდენტმა ერთიანი ელექტრონული სისტემის საშუალებით უნდა წარმოადგინოს აღნიშნულის დამადასტურებელი, არანაკლებ 1 (ერთი) ხელშეკრულება და ამ ხელშეკრულებ(ებ)ის შესრულების დამადასტურებელი დოკუმენტები სრულად (ხელშეკრულების შესრულებაში იგულისხმება უკვე დასრულებული ხელშეკრულების ასლ(ებ)ი; მიღება-ჩაბარების აქტ(ებ)ი ან/და ფაქტურა/ფაქტურები); (თუ მომსახურების მიღება არ ხორციელდებოდა მიღება-ჩაბარების აქტ(ებ)ით, ამ შემთხვევაში წარმოდგენილ უნდა იქნას სხვა, მიღების დამადასტურებელი დოკუმენტაციის ასლები) ან/და აღნიშნული დოკუმენტაციის შესახებ მითითება ერთიანი ელექტრონული სისტემის შესაბამის CMR/SPA/NAT ნომრებზე.

2. თუ პრეტენდენტს გამოცდილება მიღებული აქვს შემსყიდველის - შპს "გარდაბნის თბოსადგურის" მიერ განხორციელებული შესყიდვებიდან, არ არის სავალდებულო ზემოაღნიშნული გამოცდილების დამადასტურებელი დოკუმენტაციის ასლების წარმოდგენა, მისაღებად ჩაითვლება შესყიდვის მაიდენტიფიცირებელი ნომრ(ებ)ის (SPA, NAT, CMR) მითითება გამოცდილების დამადასტურებელ დოკუმენტაციაში.

3. გამოცდილების დამადასტურებელ დოკუმენტებში მკაფიოდ უნდა იკვეთებოდეს შესყიდვის ობიექტით განსაზღვრული მომსახურების გაწევის ფაქტი და დოკუმენტები დადასტურებული უნდა იყოს, როგორც მყიდველის ისე გამყიდველის მხრიდან.

4. პრეტენდენტმა უნდა უზრუნველყოს არანაკლებ 2 (ორი) შემსყიდველი ორგანიზაციის სარეკომენდაციო წერილის წარმოდგენა მათთან 2022 წლიდან წინამდებარე ტენდერის გამოცხადების დღემდე გაფორმებული, ავტოსატრანსპორტო საშუალებების ტექნიკური მომსახურების გაწევისა და ამ ხელშეკრულებების ფარგლებში განსაზღვრული ვალდებულებების სრულად და ჯეროვნად შესრულების შესახებ. სარეკომენდაციო წერილი გაცემული უნდა იყოს აღნიშნული ტენდერის გამოცხადების შემდეგ პერიოდში, უნდა იყოს ორგანიზაციის ტიტულოვან ფურცელზე, დადასტურებული უფლებამოსილი პირის მიერ ხელმოწერით და შეიცავდეს შემდეგ ინფორმაციას:

ა) იმ სახელმწიფო ორგანიზაციის დასახელებას რომლისთვისაც იქნა მომსახურება გაწეული.
ბ) ინფორმაციას ხელშეკრულების ღირებულებისა და მომსახურების მოწოდების ვადების შესახებ.
გ) ინფორმაციას ხელშეკრულებით განსაზღვრული ვალდებულებების სრულად და ჯეროვნად შესრულების შესახებ.

ზემოაღნიშნული ინფორმაცია პრეტენდენტის მიერ წარმოდგენილი უნდა იყოს სატენდერო წინადადებასთან ერთად.

პრეტენდენტს ქალაქ თბილისის ტერიტორიაზე საკუთრებაში ან/და სარგებლობაში უნდა გააჩნდეს მინიმუმ ერთი სერვის ცენტრი, რომელიც აღჭურვილი იქნება შემდეგი მოწყობილობა-მექანიზმებით:
1) საბურავის დაშლა-აწყობის, ბალანსირების და დისკების გასწორების დანადგარი;
2) თვლების შეყრის კომპიუტერული (რაზვალი) დიაგნოსტიკის დანადგარი;
3) ელექტრო სისტემის კომპიუტერული დიაგნოსტიკის მოწყობილობა;
4) საყრდენი დისკის გასაჩარხი მოწყობილობა;
5) ავტომატურ გადაცემათა კოლოფში ზეთის შეცვლის აპარატი;
6) ძრავში ზეთის შესაცვლელი აპარატი;
7) ელექტრო მომარაგების ალტერნატიული წყარო (გენერატორი);
8) ავტომანქანის არანაკლებ 5 (ხუთი) ამწე მექანიზმი;
9) ავტომანქანის ძრავში საწვავის შეფრქვევის სისტემის გაწმენდის თანამედროვე აპარატი;
10) წინა მაშუქების რეგულირების აპარატი;
11) სამღებრო სამუშაოებისათვის განკუთვნილი საშრობი ოთახი;
12) სათუნუქე სამუშაოებისათვის განკუთვნილი ტერიტორია ან ფართი.
13) დიზელის ძრავის ფარსონკების შესამოწმებელი და დასარეგულირებელი დანადგარი.

1. ტენდერში პრეტენდენტმა მომსახურების გაწევისთვის საჭირო მატერიალურ-ტექნიკური ბაზის შესახებ უნდა წარმოადგინოს შემდეგი ინფორმაცია/დოკუმენტაცია:

ა) ქ. თბილისში საკუთრებაში და/ან სარგებლობაში არსებული სერვის-ცენტრ(ებ)ის (მისამართების და საკატასტრო კოდ(ებ)ის მითითებით) და მათი მატერიალურ-ტექნიკური ბაზის შესახებ (სერვის-ცენტრების მიხედვით და კონკრეტულ პოზიციაზე ზუსტი რაოდენობის მითითებით) ინფორმაცია.

ბ) სარგებლობის უფლებით ფლობის არსებობის შემთხვევაში ერთიან ელექტრონულ სისტემაში ატვირთულ უნდა იქნას სარგებლობის უფლების დამადასტურებებლი დოკუმენტ(ებ)ის ასლ(ებ)ი, რომელთა სარგებლობის განსაზღვრული ვადა უნდა აღემატებოდეს ხელშეკრულებით გათვალისწინებული მომსახურების ვადას. სარგებლობის უფლების დამადასტურებელ დოკუმენტ(ებ)თან ერთად წარმოდგენილი უნდა იქნეს უფლებამოსილი პირის (მეიჯარის) საკუთრების დამადასტურებელი დოკუმენტაციაც, რომელიც უნდა მოიცავდეს საკატასტრო კოდს.

ზემოაღნიშნული ინფორმაცია პრეტენდენტის მიერ წარმოდგენილი უნდა იყოს სატენდერო წინადადებასთან ერთად.

შენიშვნა:
- შემსყიდველს იტოვებს უფლებას პრეტენდენტის ტექნიკური დოკუმენტაციის შერჩევა-შეფასების ეტაპზე, ადგილზე შეამოწმოს პრეტენდენტის მატერიალური-ტექნიკური ბაზის (სერვის-ცენტრების) შესაბამისობა სატენდერო დოკუმენტაციით დადგენილ მოთხოვნებთან. მატერიალური-ტექნიკური ბაზის (სერვის-ცენტრ(ებ)ის) სატენდერო დოკუმენტაციით დადგენილ მოთხოვნებთან შეუსაბამობა (მათ შორის, თუ პრეტენდენტი უარს განაცხადებს სერვის-ცენტრ(ებ)ში შემსყიდველის წარმომადგენლის დაშვებაზე), არ ექვემდებარება დაზუსტებას და მოქმედი კანონმდებლობის შესაბამისად, განხორციელდება პრეტენდენტის დისკვალიფიკაცია.

4.1.1.1. იმ შემთხვევაში, თუ ელექტრონულ ტენდერში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სასამართლო ექსპერტიზის ეროვნული ბიუროს" ან/და საქართველოს კანონმდებლობით განსაზღვრული უფლებამოსილების/აკრედიტაციის მქონე პირის/ორგანოს მიერ გაცემული საექსპერტო ან/და აუდიტორული დასკვნით;
4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებულ წინადადების ფასთან (ფასების ცხრილის (პრეისკურანტ(ებ)ის)) ჯამურ ღირებულებასთან), ასევე, ფასების ცხრილის (პრეისკურანტ(ებ)ის)) ერთეულებთან მიმართებით;
4.1.1.3. პრეტენდენტის მიერ დასკვნასთან ერთად დამატებით წარმოდგენილი უნდა იქნას დასკვნის გამცემი პირის/ორგანოს შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, ეტაპობრივად, მომსახურების გაწევიდან და ხელშეკრულებით განსაზღვრული დოკუმენტების წარმოდგენიდან.

ანგარიშსწორება განხორციელდება ეტაპობრივად, მიმწოდებლის მიერ გაწეული მომსახურების შესაბამისად, ხელშეკრულებით გათვალისწინებული დოკუმენტების საფუძველზე, მათი წარმოდგენიდან არაუგვიანეს 10 სამუშაო დღის ვადაში.

ლევან ფულარიანი, 577585544, l.pulariani@gardabanitpp.ge

10.1 დამატებითი ინფორმაცია
10.1.1. პრეტენდენტს არა აქვს უფლება წარმოადგინოს ალტერნატიული წინადადება;
10.1.2. მომსახურების გაწევას უზრუნველყოფს მიმწოდებელი საკუთარი ხარჯებით;
10.1.3. შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში, საქართველოს კანონმდებლობით განსაზღვრული ყველა გადასახადის გათვალისწინებით, მათ შორის დღგ-ს გათვალისწინებით;
10.1.4. წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.5. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.6. შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად;
10.1.7. გამარჯვებულ პრეტენდენტთან ხელშეკრულება გაფორმდება ლარში;
10.1.8. პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.1.9. ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით (ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა)), გარდა იმ შემთხვევისა, როდესაც სატენდერო დოკუმენტაციის 1.3 პუნქტით განსაზღვრული პრეისკურანტი პრეტენდენტის მიერ სისტემაში წარმოდგენილი იქნება „MS Excel“-ის ფორმატში.
10.1.10. ,, ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე.
10.1.11. სატენდერო დოკუმენტაციით მოთხოვნილი, სისტემაში ასატვირთი ყველა დოკუმენტ(ებ)ი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.12. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად;
10.1.13. შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან;
10.1.14. პრეტენდენტმა უნდა წარმოადგინოს განფასებული დანართი №1 (პრეისკურანტები) შემსყიდველის მიერ განსაზღვრული ნაწილებისა და მომსახურების ყველა პოზიციაზე (ფასები დაფიქსირებული უნდა იყოს არაუმეტეს მეასედის სიზუსტით (არითმეტიკული დამრგვალების მეთოდით)). წარმოდგენილი ფასი არ უნდა აღემატებოდეს შემსყიდველის მიერ პრეისკურანტებში მითითებულ თითოეულ პოზიციაზე სავარაუდო მაქსიმალურ ღირებულებებს (სატენდერო დოკუმენტაციის 10.1.15 პუნქტის „შენიშვნის“ გათვალისწინებით). განსაფასებელ დანართი №1-ში (პრეისკურანტები) მითითებული მომსახურების ფასი უნდა მოიცავდეს კონკრეტული მომსახურების გაწევასთან დაკავშირებულ ყველა თანმდევი მომსახურების ღირებულებას.

10.1.15. ელექტრონული ვაჭრობა გაიმართება დანართი №1-ით განსაზღვრული პრეისკურანტების ჯამურ სავარაუდო ღირებულებაზე. პრეტენდენტის მიერ ერთიან ელექტრონულ სისტემაში დაფიქსირებული პრეისკურანტების საბოლოო ჯამურ ღირებულებასა და წინამდებარე ტენდერის ფარგლებში შემსყიდველის მიერ განსაზღვრული პრეისკურანტების ჯამურ ღირებულებას შორის სხვაობის შემთხვევაში, პრეტენდენტის მიერ პრეისკურანტებში დაფიქსირებული ერთეულის ღირებულებები დაკლებულ უნდა იქნას პროპორციულად პრეისკურანტების თითოეულ პოზიციაზე (იგულისხმება თითოეული განსაფასებელი გრაფა), სატენდერო დოკუმენტაციაში მოცემული პრეისკურანტების ზღვრული ერთეულის ფასებიდან, არანაკლებ ერთიან ელექტრონულ სისტემაში შემსყიდველის მიერ განსაზღვრული პრეისკურანტების ჯამურ ღირებულებასა და პრეტენდენტის მიერ სისტემაში დაფიქსირებულ წინადადების საბოლოო ფასს შორის არსებული სხვაობის შესაბამისი პროცენტული ოდენობით.

თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები დაამრგვალოს ლარის მეასედის სიზუსტით (არითმეტიკული დამრგვალების მეთოდით). ამასთანავე, გათვალისწინებული უნდა იქნას, რომ დამრგვალების შემდგომ მიღებული პრეისკურანტების ჯამური ღირებულება არ უნდა აღემატებოდეს ვაჭრობის შედეგად პრეტენდენტის მიერ სისტემაში საბოლოოდ დაფიქსირებული პრეისკურანტების ჯამურ ღირებულებას.
პრეისკურანტში ნულით განფასებული სათადარიგო ნაწილები და მომსახურება შემსყიდველის მიერ არ ანაზღაურდება. თუ პრეტენდენტი გეგმავს რომელიმე პოზიციაზე საქონელი და მომსახურება მიაწოდოს უფასოდ, ერთეულის ფასის შესაბამის გრაფაში უნდა ჩაიწეროს „0“ ან „0.00“. შესაბამისად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი პრეისკურანტ(ებ)ი ან წარდგენილ პრეისკურანტ(ებ)ში განუფასებელი პოზიციების რაოდენობა აღემატება განსაფასებელი პრეისკურანტების პოზიციების 5%-ს.

შენიშვნა:
- სასურველია პრეტენდენტის მიერ დანართი №1 (პრეისკურანტები) წარმოდგენილ იქნას „MS Excel“ ფორმატით. იმ შემთხვევაში, თუ პრეტენდენტის მიერ წარმოდგენილი იქნება დანართი №1 (პრეისკურანტები), როგორც „MS Excel“, ასევე „PDF“ ფორმატით, სატენდერო კომისია განიხილავს მხოლოდ „MS Excel“ ფორმატით წარმოდგენილ დოკუმენტს;

- პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი №1 (პრეისკურანტები) წარმოუდგენლობა ან განუფასებლად წარმოდგენა ან ისეთი დანართი №1-ის (პრეისკურანტები) წარმოდგენა, რომელშიც განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს ან არსებითად შეუსაბამო დანართი №1-ის (პრეისკურანტები) წარმოდგენა (არსებით შეუსაბამობაში იგულისხმება, თუ პრეტენდენტის მიერ წარმოდგენილი ერთეულის ფას(ებ)ი აღემატება შემსყიდველის მიერ დანართი №1-ის (პრეისკურანტები) შესაბამის გრაფაში მითითებულ ერთეულის სავარაუდო ფას(ებ)ს და ასეთი პოზიციების რაოდენობა აღემატება სრული დანართი №1-ის (პრეისკურანტები) პოზიციების საერთო რაოდენობის 5%-ს), დაზუსტების მექანიზმის გამოყენების გარეშე გამოიწვევს პრეტენდენტის დისკვალიფიკაციას.

10.1.16 ტენდერში ამხანაგობის მონაწილეობის შემთხვევაში, პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.