Ремонт и техническое обслуживание транспортных средств и оборудования и сопутствующие услуги (Грузия - Тендер #70002202)

ქალაქ ფოთის მუნიციპალიტეტის საკუთრებაში არსებული ავტოსატრანსორტო საშუალებების შეკეთება/ტექნიკური მომსახურება.

სახელმწიფო შესყიდვა ხორციელდება ქალაქ ფოთის მუნიციპალიტეტის 2026 წლის ადგილობრივი ბიუჯეტის სახსრებით.

მიმწოდებელი ვალდებულია მომსახურების გაწევისას გამოიყენოს ახალი სათადარიგო ნაწილები, არამეორადი (არ უნდა იყოს ექსპლუატაციაში ნამყოფი) და უნდა შეესაბამებოდეს სატენდერო დოკუმენტაციის მოთხოვნებს.

ავტომანქანის ტექნიკური მომსახურება უნდა განხორცილდეს პრეისკურანტში მითითებული შესაბამისი საქონლის და მომსახურების შესაბამისად, მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.

თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ საპოხი მასალები) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

პრეისკურანტის სავარაუდო ღირებულება განისაზღვრება 709`466.00 ლარით.

ტენდერში გამარჯვებულ პრეტენდენტთან ხელშეკრულება გაფორმდება 30 000 ლარზე,
სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამურ ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.

პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.

პრეტენდენტის მიერ, სისტემაში ატვირთული პრეისკურანტის ჯამურ ღირებულებას და ვაჭრობის შედაგად დაფიქსირებულ ფასებს შორის სხვაობის შემთხვევაში, სხვაობა პროპორციულად უნდა გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება.

პრეტენდენტის მიერ პრეისკურანტის წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში;

მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაყვანის ხარჯებს უზრუნველყოფს მიმწოდებელი ორგანიზაცია (საწვავი, ევაუკატორის მომსახურება და ა.შ.).

იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება ან/და შეცვლილი სათადარიგო ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით არანაკლებ 5 კალენდარული დღის ვადაში.

საქონლის/მომსახურების (ტექნიკური დავალება), შესყიდვის ობიექტის რაოდენობა/მოცულობა დეტალურად იხილეთ სატენდერო დოკუმენტაციის 1.3 მუხლში ექსელის (Excel) ფაილის სახით ატვირთულ ფასების ცხრილში დანართი N1 და დანართი N 2.

ხელშეკრულების დადებიდან 2026 წლის 31 დეკემბრის ჩათვლით.

მომსახურების გაწევის ფორმა: მომსახურების გაწევა უნდა განხორციელდეს ეტაპობრივად, სატენდერო დოკუმენტაციის მოთხოვნების შესაბამისად.

მომსახურების გაწევის ადგილი: შესყიდვის ობიექტის მიწოდება განხორციელდება მიმწოდებლის სერვის ცენტრ(ებ)ში.

ავტოსატრანსპორტო საშუალების სათადარიგო ნაწილებზე, უნდა ვრცელდებოდეს არანაკლებ 5 (ხუთი) თვიანი გარანტია, გარდა ცვეთადი ნაწილებისა.
საგარანტიო პერიოდის ვადის გასვლამდე, თუ გამოვლინდა რაიმე ხარვეზი, მიმწოდბელი ვალდებულია წუნის აღმოჩენის შემთხვევაში (თუ დადგინდება, რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით), აღმოფხვრას ის საკუთარი ხარჯებით.

მიმწოდებელს ქალაქ ფოთის ტერიტორიაზე საკუთრებაში ან სარგებლობაში უნდა გააჩნდეს მინიმუმ 1 (ერთი) სერვის ცენტრი, მინიმუმ 1 (ერთი) ე.წ. „ბოქსით“.
მიმწოდებელმა უნდა წარმოადგინოს ინფორმაცია სერვის ცენტრში ე.წ. „ბოქსების“ და სერვის ცენტრის საკუთარებაში ან სარგებლობაში არსებობის დამადასტურებელი დოკუმენტი.

მომსახურების გაწევა უნდა განხორციელდეს რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს მოთხოვნიდან - 5 (ხუთი) კალენდარულ დღეს.

იმ შემთხვევაში თუ ავტომანქანის მომსახურების ვადა მიმწოდებლისგან დამოუკიდებელი მიზეზებით შექმნილი გარემოებების გამო გადაიწევა, მან აღნიშნული საკითხი წერილობით უნდა შეათანხმოს შემსყიდველთან.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს საექსპერტო ან/და აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების უპირობოდ შესრულების შესაძლებლობას (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).

ფასწარმოქმნის ადეკვატურობის დამადასტურებელი დოკუმენტით, ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

საექსპერტო ან/და აუდიტორული ან/და საშემფასებლო დასკვნის ჩამტარებელი პირი (ფიზიკური, იურიდიული) არ უნდა იყოს პრეტენდენტთან, საქართველოს საგადასახადო კოდექსის მე–19 მუხლის პირველი და მე–2 პუნქტებით, გათვალისწინებული ურთიერთდამოკიდებული პირი.

ანგარიშსწორება მოხდება უნაღდო ანგარიშსწორებით ლარში. მხარეებს შორის, ფაქტიურად გაწეული მომსახურების შესაბამისად გაფორმებული მიღება-ჩაბარების აქტის შესაბამისად.

შემსყიდველის მიერ მიღება-ჩაბარების აქტზე ხელმოწერიდან 10 (ათი) სამუშაო დღის განმავლობაში.

ამირან კაკულია, 599872223, potitenderi2011@gmail.com

სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N 12 ბრძანებით დამტკიცებული ,,ელექტრონული ტენდერის ჩატარების წესის“ შესაბამისად.

პრეტენდენტს არა აქვს უფლება წარმოადგინოს ალტერნატიული წინადადება.

სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი ან/და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

სახელმწიფო შესყიდვების ერთიან ელექტრონულ სისტემაში სატენდერო წინადადების წარდგენით პრეტენდენტი თანხმობას გამოხატავს ტექნიკური დავალებით განსაზღვრულ მოთხოვნებზე და ასევე ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა სახელმწიფო შესყიდვების ერთიან ელექტრონულ სისტემაში არ არის სავალდებულო.

შემსყიდველი ორგანიზაცია უფლებამოსილია მოსაწოდებელი ან/და მოწოდებული საქონლის რაოდენობისა და მოწოდების ვადების ხელშეკრულების მოთხოვნებთან შესაბამისობის დადგენის მიზნით, ხელშეკრულების პირობების შესრულების კონტროლი განახორციელოს ხელშეკრულების შესრულების ნებისმიერ ეტაპზე.
ხელშეკრულების შესრულების კონტროლს შემსყიდველის მხრიდან განახორციელებს ქალაქ ფოთის მუნიციპალიტეტის მერიის ადმინისტრაციული სამსახური.

სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი, ფასების ცხრილი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).