Услуги по обработке и хранению грузов (Грузия - Тендер #70002182)

ქ.თბილისში ტვირთის გადაზიდვის მომსახურების სახელმწიფო შესყიდვა

ა) მომწოდებელმა უნდა უზრუნველყოს შემოსავლების სამსახურისათვის ტვირთის გადაზიდვის მომსახურების გაწევა;
ბ) მომსახურების გაწევის სრულ პროცესში, მიმწოდებელს უნდა ჰყავდეს არანაკლებ 6 (ექვსი) მუშა რომელთა გამოყენებაც განხორციელდება კონკრეტული გადაზიდვის დროს კონკრეტული რაოდენობის საჭიროების შესაბამისად, ანაზღაურებაც განხორციელდება ფაქტიურად გამოყენებული მუშის რაოდენობისა და საათის შესაბამისად.
გ) გადაზიდვა უნდა განხორციელდეს გამართულ მდგომარეობაში არსებული სპეციალური გადამზიდავი ავტომანქანების საშუალებით;
დ) გადასაზიდი ტვირთის უსაფრთხოებაზე სრული პასუხისმგებლობა ეკისრება მიმწოდებელს, დაზიანების შემთხვევაში სრული ზიანის ანაზღაურება დაეკისრება გადამზიდ კომპანიას;
ე) შემსყიდველი არ აანაზღაურებს მომსახურების გაწევის პერიოდში გადამზიდავი ავტოსატრანსპორტო საშუალების დაზიანების ან სხვა გაუთვალისწინებელი მიზეზების გამო გამოწვეულ დამატებით ხარჯებს;
ვ) ასევე, გადამზიდმა კომპანიამ საჭიროების შემთხვევეში უნდა განახორციელოს ამწის მომსახურება მძიმე ტვირთის აწევის შემთხვევაში, რაც ანაზღაურდება ამწის საათობრივად მუშაობის მიხედვით;
ზ) მომსახურების გამწევი პერსონალი აღჭურვილი უნდა იყოს მიმწოდებელი კომპანიის უნიფორმით.
თ) პრეტენდენტის მიერ მომსახურების გაწევისას შემოთავაზებულ ავტოსატრანსპორტო საშუალებას უნდა ჰქონდეს საქართველოს მოქმედი კანონმდებლობით დადგენილი წესით მოქმედი ავტოსატრანსპორტო საშუალების გზისათვის ვარგისობაზე ტესტირების ფირნიში, რომელიც შემსყიდველი ორგანიზაციის მიერ გადამოწმებული იქნება პერიოდული ტექნიკური ინსპექტირების შესაბამის ონლაინ პლატფორმაზე, იმ შემთხვევაში თუ პრეტენდენტის მიერ შემოთავაზებულ ავტოსატრანსპორტო საშუალებებს არ ექნებათ გავილილი ტექ ინსპექტირება, განხორციელდბა პრეტენდენტის დისკვალიფიკაცია სატენდერო პროცედურებიდან;
ი) სატენდერო დოკუმენტაციის, დანართი N1- ფასების ცხრილის მე-7 და მე-8 სვეტში წარმოდგენილი უნდა იქნეს:
მე-7 სვეტში: ქ. თბილისში ერთი რეისის ღირებულება, რომელიც არ უნდა აღემატებოდეს ამავე ცხრილის მე-5 სვეტში მოცემულ ზღვრულ ფასს.
მე-8 სვეტში: დატვირთვა-ჩამოტვირთვის მოსახურების ფასი კაცსაათი - არ უნდა აღემატებოდეს ამავე ცხრილის მე-6 სვეტში მოცემულ დატვირთვა-ჩამოტვირთვის მოსახურების ზღვრულ ფასს.
ასევე, ამწის მომსახურების შემთხევაში, პრეტენდენტის მიერ ფასების ცხრილის მე-7 სვეტში შემოთავაზებული ერთი საათის მომსახურების ფასი არ უნდა აღემაიტებოდეს ფასების ცხრილის მე-5 სვეტში არსებულ ერთი საათის მომსახურების ზღვრულ ფასს.

შენიშვნა: სატენდერო დოკუმენტაციის 1.2 პუნქტით განსაზღვული მოთხოვნები გათვალისწინებული იქნება ტენდერში გამარჯვებულ კომპანიასთან, სახელმწიფო შესყიდვის შესახებ გასაფორმებელ ხელშეკრულებაში.

მომსახურების გაწევა უნდა განხორციელდეს ხელშეკრულების გაფორმებიდან, ეტაპობრივად, შემსყიდველის მოთხოვნის შესაბამისად 2026 წლის 31 დეკემბრის ჩათვლით. ამასთან, თითოეულ შემთხვევაში მომსახურების გაწევის ვადა არ უნდა აღემატებოდეს 2 (ორი) კალენდარულ დღეს, ამასთანავე საჭიროების შემთხვევაში გადაზიდვა უნდა განხორციელდეს დაუყოვნებლივ, შეტყობინების მიღებისთანავე.

გადაზიდვის მომსახურების გაწევა უნდა დაიწყოს ყოველი კონკრეტული მოთხოვნიდან დაუყოვნებლივ და აღნიშნულის ვადა არ უნდა აღემატებოდეს 2 კალენდარულ დღეს, ქ. თბილისის ტერიტორიაზე.

პრეტენდენტმა უნდა წარმოადგინოს ინფორმაცია პრეტენდენტის სარგებლობაში არსებული ავტოტრანსპორტის შესახებ. კერძოდ, ავტომობილ(ები)ის ფლობის შემთხვევაში წარმოდგენილი უნდა იქნას ავტომობილის რეგისტრაციის დამადასტურებელი მოწმობის ასლები, ხოლო დროებით სარგებლობის შემთხვევაში ავტომობილის რეგისტრაციის მოწმობასთან ერთად წარმოდგენილი უნდა იქნას შესაბამისად გაფორმებული ხელშეკრულებ(ები)ა, ასევე, სავალდებულოა ავტომანქანების ფოტოსურათების წარმოდგენა.

ქვეკონტრაქტორის არსებობის შემთხვევაში პრეტენდენტმა უნდა წარმოადგინოს მასთან/მათთან არსებული ხელშეკრულება რომელიც ძალაში უნდა იყოს მინიმუმ 2026 წლის 31 დეკემბრის ჩათვლით, სადაც მითითებული უნდა იყოს ინფორმაცია ქვეკონტრაქტორ(ებ)ის ავტოტრანსპორტის შესახებ. ქვეკონტრაქტორ(ებ)ი ანგარიშვალდებულია მიმწოდებლის წინაშე. ქვეკონტრაქტორ(ებ)ის მიერ ნაკისრი ვალდებულებების შეუსრულებლობით ან არაჯეროვანი შესრულებით დამდგარ შედეგზე შემსყიდველის წინაშე პასუხისმგებელია მხოლოდ მიმწოდებელი.

ქვეკონტრაქტორის მიერ ავტოტრანსპორტის შეცვლის შემთხვევაში, აღნიშნული ცვლილება უნდა შეთანხმდეს შემსყიდველ ორგანიზაციასთან, ერთი თვით ადრე.

მომსახურების გამწევი ქვეკონტრაქტორ(ებ)ის არსებობის შემთხვევაში გაფორმებული მოქმედი ხელშეკრულებ(ებ)ი (წარმოდგენილ ხელშეკრულებებში გარკვევით უნდა იკითხებოდეს (ტექსტის შინაარსიდან ირკვეოდეს):
- ხელშეკრულების საგანი;
- გადამზიდავი ავტომანქანის ტვირთამწეობა და სახელმწიფო ნომერი;

ასევე, წარმოდგენილი უნდა იყოს ავტომანქანის ფოტოსურათები და ავტომობილის რეგისტრაციის მოწმობა;

1.შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში.

2. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.

3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.

4. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.

5. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.

6.სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: ტრანსპორტირების ხარჯები და საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).

7.სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

8. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის გათვალისწინებით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.2 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

- ანგარიშსწორება მიმწოდებელთან განხორციელდება ლარებში, უნაღდო ანგარიშსწორების ფორმით, ეტაპობრივად, მიმწოდებლის მიერ ფაქტობრივად გაწეული მომსახურების ღირებულების შესაბამისად.
- ანგარიშსწორება განხორციელდება მიმწოდებლის საბანკო რეკვიზიტებზე.

ანგარიშსწორება მიმწოდებელთან განხორციელდება ხელშეკრულების შესაბამისად, ეტაპობრივად, გაფორმებული ინსპექტირების აქტის, მიღება-ჩაბარების აქტის და საგადასახადო ანგარიშფაქტურის საფუძველზე არაუგვიანეს 10 (ათი) სამუშაო დღის განმავლობაში.

ტარიელ ცერცვაძე, 591939480, T.Tsertsvadze@rs.ge