Различное оборудование общего и специального назначения (Грузия - Тендер #69971000)

სასმელი წყლის ფილტრაციის დისპენსერი (თანმდევი მომსახურებით).

იხ. შესყიდვის ობიექტის ტექნიკური მახასიათებლები.

შესყიდვის ობიქტის მიწოდება (თანმდევი მომსახურებით) ხელშეკრულების გაფორმებიდან 15 კალენდარულ დღეში.

1.5.1 მიწოდება (თანმდევი მომსახურებით) უნდა განხორციელდეს :
1) ქ.თბილისი, დიდი დიღომი, დემეტრე თავდადებულის 18ა.
2) ქ.თბილისი, ვარკეთილი, სესილია თაყაიშვილის N27.
3) ქ.თბილისი, მთაწმინდა, ლადო ასათიანის N50ა.
-შესაბამისი რაოდენობები დაზუსტდება ხელშეკრულების გაფორმებისას.
1.5.2 პრეტენდენტმა უნდა გაითვალისწინოს ადგილზე არსებული სიტუაცია და წინადადების დაფიქსირებამდე მოახდინოს სამონტაჟო სივრცეების ვიზუალური დათვალიერება. ვინაიდან, განთავსებასთან დაკავშირებულ საკითხებზე პრეტენზიები არ მიიღება და მონტაჟის დროს წარმოქმნილი სირთულეები არ იმოქმედებს მიწოდების ვადის კორექტირებაზე.

შესყიდვის ობიეტზე უნდა ვრცლდებოდეს არანაკლებ 3 (სამი) წლიანი გარანტია.

დეტალური საგარანტიო პირობები მოცემულია N1 დანართში.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის;
1.წარმოშობის ქვეყენა
2. მწარმოებელი – მწარმოებელი კომპანია/ფირმა/ბრენდი.
3. მოდელი – შესყიდვის ობიექტის მოდელი და/ან სერიული ნომერი და/ან PartNumber
2.1.1.2 აუცილებელი მოთხოვნა: შესყიდვის ობიექტის მახასიათებლების სატენდერო დოკუმენტაციასთან შესაბამისობის დადგენის მიზნით, წარმოდგენილი მოდელი და/ან სერიული ნომერი და/ან PartNumber-ის მიხედვით შემოთავაზებული საქონლის ტექნიკური პარამეტრები უნდა იძებნებოდეს (ინტერნეტ წყაროების საშუალებით). წინააღმდეგ შემთხვევაში, პრეტენდენტმა უნდა წარმოადგინოს მწარმოებლის ოფიციალური ინფორმაცია ტექნიკური მახასიათებლების შესახებ (მწარმოებელი კომპანიის ან/და რეგიონული ოფისის მიერ გაცემული წერილი, დასკანერებული ტექნიკური პასპორტი, data sheet ან ვებ-გვერდის მისამართი).
2.1.1.3 თუ შესყიდვის ობიექტს მოდელი არ გააჩნია, პრეტენდენტმა უნდა მიუთითოს „არ გააჩნია“ და ამასთანავე წარმოადგინოს ოფიციალური წერილი მწარმოებლისგან (ან/და მწარმოებლის რეგიონული ოფისის მიერ გაცემული წერილი), რომელიც ადასტურებს აღნიშნულ გარემოებას.
2.1.1.4 მწარმოებლისა და მოდელის შესახებ ინფორმაციის წარმოუდგენლობა (ან, მოდელის არქონის შემთხვევაში, ოფიციალური წერილის არწარმოდგენა) გამოიწვევს პრეტენდენტის დისკვალიფიკაციას ყოველგვარი დამატებითი დაზუსტების გარეშე.

პრეტენდენტს უნდა გააჩნდეს 2024-2025 წლებში ანალოგიური საქონლის (სასმელი წყლის ფილტრაციის დისპენსერი (თანმდევი მონტაჟით)) მიწოდების გამოცდილება (მინიმუმ 2 ასეთი ხელშეკრულება აღნიშნულ პერიოდში).
აღნიშნულის დასადასტურებლად, პრეტენდენტმა უნდა წარმოადგინოს, შემსყიდველთან გაფორმებული ხელშეკრულების და მისი შესრულების დამადასტურებელი დოკუმენტების ასლები, ხოლო, იმ შემთხვევაში, თუ შემსყიდველი იყო სახელმწიფო ორგანიზაცია, დადებული ხელშეკრულების და მიღების დამადასტურებელი დოკუმენტების სისტემაში ატვირთვა აუცილებელი არ არის და საკმარისია შესაბამისი SPA, NAT, CMR და ა.შ. ნომრის მითითება.

წინადადების წარდგენის დროს „ფასების ცხრილი – დანართი N1“ ერთიან ელექტრონულ სისტემაში უნდა ატვირთოს Excel-ის ფორმატის ცხრილის სახით. ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ხელმოწერას ან/და ელექტრონულ შტამპს).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი) ან/და შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულება ან/და ანგარიშფაქტურა ან/და ინვოისი, რომლებშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეულის ფასების და ჯამური ღირებულების ადეკვატურობა. ექსპერტიზის ან/და აუდიტის დასკვნის წარმოდგენის შემთხვევაში უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება საქონლის საბოლოო მიღება-ჩაბარების აქტის გაფორმების შემდეგ.

ანგარიშსწორება განხორციელდება მიღება-ჩაბარების აქტის გაფორმებიდან 10(ათი) სამუშაო დღის განმავლობაში.

ნიკა მაჭავარიანი, 592023052, dididigomicenter@gmail.com საკონტაქტო ელ.მისამართი: dididigomicntr@procurement.gov.ge; ტექნიკურ საკითხებზე; ზაზა ცინაძე ტელ:591445422

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა. აღნიშნული ვალდებულებისგან არარეზიდენტი პირები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტით გათვალისწინებული ვალდებულებისგან გათავისუფლების თაობაზე“ საქართველოს მთავრობის 2022 წლის 20 დეკემბრის №2380 განკარგულების შესაბამისად გათავისუფლებულები არიან და წარმოსადგენ დოკუმენტაციაზე ევალებათ მატერიალურად ხელმოწერის შესრულება.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 ფასების ცხრილი (დანართი N1) (უნდა ატვირთოს MS Excel-ის ფორმატის ფაილის სახით), სატენდერო დოკუმენტაციის 1.3 პუნქტში ატვირთული ფასების ცხრილის შესაბამისად (დაზუსტებული ფუნქციური და ტექნიკური მახასიათებლების გათვალისწინებით).
10.1.7.2 ინფორმაცია პრეტენდენტის გამოცდილების შესახებ, სატენდერო დოკუმენტაციის 2.2.1 პუნქტის შესაბამისად.