Типографские услуги и связанные с ними услуги (Грузия - Тендер #69970990)

სსიპ ივანე ჯავახიშვილის სახელობის თბილისის სახელმწიფო უნივერსიტეტის მიერ, სსიპ შოთა რუსთაველის ეროვნული სამეცნიერო ფონდის საგრანტო პროექტი FR-22-4153 ,,ტერიტორიის ბუნებრივ-რესურსული და სოციალურ-ეკონომიკური პოტენციალის ვიზუალიზაცია თანამედროვე კარტოგრაფიის მეთოდოლოგიის გამოყენებით“ დაფინანსებით, ,,საქართველოს ქვემო ქართლის რეგიონის გეოგრაფიული ატლასის ბეჭდვისა და მასთან დაკავშირებული მომსახურების შესყიდვა.

შესყიდვის ობიექტის დასახელება: ,,საქართველოს ქვემო ქართლის რეგიონის გეოგრაფიული ატლასი.

შესყიდვის კოდი: CPV 79820000 - ბეჭდვასთან დაკავშირებული მომსახურებები.

შესყიდვის მოცულობა: 200 ცალი/ეგზემპლარი.

შესყიდვის ობიექტის მინიმალური ტექნიკური მახასიათებლები (ან "მსგავსი", "ეკვივალენტური"):

1.2.1 ატლასის ზომა - არანაკლებ 25X 21 სმ
გვერდები რაოდენობა -188 გვ.,(± 10 გვ.) ბეჭდვა (ფოტოები/რუკა) ფერდი; ტექსტური ნაწილი შავ-თეთრი. ბეჭდვის პარამეტრები: არანაკლებ 90 გრამიანი ცარცის ქაღალდი
ყდის ტიპი - არანაკლებ 250გრ. ლამინირება, შესაბამისი აკინძვა შეკერვით. ბეჭდვა ფერადი, ფოტოების კოლაჟით.
მომსახურება მოიცავს დაკაბადონებას, კორექტურას, ბეჭდვას.

1.2.2. მასალის რედაქტირების ეტაპზე უნდა მოხდეს შეთანხმება შემდეგი პირობებით: ა) შემსყიდველი მიმწოდებელს გადასცემს დასაბეჭდი მასალის სამუშაო ფაილის სრულ ვერსიასWordფორმატის სახით, ხელშეკრულების გაფორმებიდან არაუგვიანეს 10 სამუშაო დღისა. ბ) საცდელი ნიმუში და დიზაინი წინასწარ შეთანხმებული უნდა იქნას შემსყიდველთან/ავტორთან. გ) შემსყიდველმა/ავტორმა არაუმეტეს 10 სამუშაო დღის ვადაში უნდა შეათანხმოს მიმწოდებლის მიერ დაკაბადონებული საბოლოო პროდუქტის მაკეტი, ან დაუყოვნებლივ დაუბრუნოს მიმწოდებელს შენიშვნებით. დ) სსიპ შოთა რუსთაველის ეროვნული სამეცნიერო ფონდის მოთხოვნით ატლასს უნდა მიენიჭოს საერთაშორისო სტანდარტული ნომერი ISBN

ხელშეკრულების გაფორმებიდან 20(ოცი) კალენდარული დღე.

თსუ საწყობი, მისამართი: ქ.თბილისი, ი.ჭავჭავაძის გამზ.N1

1.7.1.წიგნების ბეჭდვის და მასთან დაკავშირებული მომსახურებები, მისი დიზაინი და ხარისხი უნდა აკმაყოფილებდეს შემსყიდველის მოთხოვნებს, მომსახურება შესრულებული უნდა იყოს მაღალ პოლიგრაფიულ დონეზე.
1.7.2.„მიმწოდებელი“ ვალდებულია განახორციელოს უფლებრივად და ნივთობრივად უნაკლო შესყიდვის ობიექტის მიწოდება მოქმედი ყველა საჭირო ნორმების, სტანდარტების, წესებისა და მოთხოვნების დაცვით.
1.7.3 ,,მიმწოდებელი’’ ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
1.7.4. თსუ-ს მიერ საქონლის ინსპექტირების პროცესში წუნის აღმოჩენის შემთხვევაში, მიმწოდებელი ვალდებულია, განახორციელოს წუნდებული საქონლის ახლით შეცვლა შემსყიდველის მიმართვიდან არაუგვიანეს 5 (ხუთი) სამუშაო დღის ვადაში.

პრეტენდენტმა უნდა წარმოადგინოს შესყიდვის ობიექტის ნიმუში, - ერთი ეგზემპლარი ნაბეჭდი წიგნი/ატლასი - სატენდერო დოკუმენტაციით მოთხოვნილი ანალოგიური აღწერილობის შესაბამისად,
ა) ანალოგიური აღწერილობა ნიშნავს: ანალოგიური ტიპის ატლასის/რუკების - აწყობის/ დაკაბადონების/ რედაქტირება-მართლწერის საფუძველზე განხორციელებული ნაბეჭდი მასალის ერთი ეგზემპლარის წარმოდგენას.
ბ) ნაბეჭდ წიგნზე სათანადო წესით დატანილი უნდა იყოს: ინფორმაცია დამკაბადონებელის, ლოგოს, ISBN შესახებ, რომლითაც დადასტურდება, რომ პრეტენდენტი წარმოადგენს გამოცემაზე უფლებამოსილ პირს.
გ) ნიმუშის წარმოუდგენლობა ან მისი შეუსაბამობა სატენდერო განცხადების ან/და სატენდერო დოკუმენტაციის მოთხოვნებთან, ან სისტემის მეშვეობით პრეტენდენტის მიერ წარმოდგენილ ტექნიკურ დოკუმენტაციასთან, გამოიწვევს მის დისკვალიფიკაციას. წარმოდგენილი შესყიდვის ობიექტის ნიმუში დაზუსტებას არ ექვემდებარება.

ქ.თბილისი, ი.ჭავჭავაძის გამზ.N1 თსუ-ს პირველი კორპუსი, ოთახი N016

იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდაი იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

7.2.1. ანგარიშსწორება იწარმოებს უნაღდო ანგარიშსწორების ფორმით, ეროვნულ ვალუტაში (ლარში), შემსყიდველსა და მიმწოდებელს შორის შედგენილი მიღება-ჩაბარების აქტის საფუძველზე.
7.2.2. მიღება-ჩაბარების აქტის გაფორმებას შემსყიდველი განახორციელებს: მიმწოდებლის მიერ შესაბამისი ანგარიშსწორების დოკუმენტის გამოწერის, თსუ ინსპექტირების ჯგუფის/პირის მიერ წარმოდგენილი დადებითი დასკვნის საფუძველზე.

ანგარიშსწორება განხორციელდება სატენდერო დოკუმენტაციის კითხვარის 7.2 პუნქტის შესაბამისად შედგენილი მიღება ჩაბარების აქტის თარიღიდან 10 სამუშაო დღის განმავლობაში

ლელა კოპალეიშვილი-გვაზავა, 577943294, lela.kopaleishvili@tsu.ge

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

3. პრეტენდენტს არ აქვს უფლება წარმოადგინოს ალტერნატიული წინადადება;

4. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;

5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;