Инженерные услуги (Грузия - Тендер #69940281)

შესყიდვის ობიექტია სხვადასხვა ბიუჯეტისა და შინაარსის მქონე ინფრასტრუქტურული პროექტების ხარჯთაღრიცხვის ინსპექტირება და შესაბამისი დასკვნის მომზადების მომსახურება.

ტენდერში გამარჯვებულმა პრეტენდენტმა უნდა უზრუნველყოს არანაკლებ სავარაუდოდ 12 ერთეული, სხვადასხვა ბიუჯეტის მქონე ინფრასტრუქტურული პროექტების ხარჯთაღრიცხვების ინსპექტირება და თითოეულ პროექტზე შესაბამისი დასკვნის მომზადება ეტაპობრივად, შემსყიდველის მიმართვის საფუძველზე.
მომსახურების გაწევა უნდა განხორციელდეს საქართველოს მოქმედი კანონმდებლობის მოთხოვნათა შესაბამისად, აღნიშნულ სფეროში სათანადო აკრედიტაციის მქონე კომპანიის მიერ, აკრედიტაციის პირობების სრული დაცვით.
ფასების ცხრილში მოცემული განსახორციელებელებელი პროექტების ჯამური ღირებულება განსაზღვრული არის საორიენტაციო ოდენობით, შესაბამისად შესაძლებელია შემსყიდველმა არ განახორციელოს სრულად აღნიშნული ღირებულებით ხარჯთაღრიცხვების ინსპექტირების მოთხოვნის წარდგენა. ანაზღაურება განხორციელდება ფაქტობრივად გაწეული მომსახურების, ინსპექტირებაზე წარდგენილი ხარჯთაღრიცხვების ღირებულებისა და ფასების ცხრილით პრეტენდენტის მიერ წარმოდგენილი პროცენტული მაჩვენებლის გათვალისწინებით.

ობიექტის სახარჯთაღრიცხვო დოკუმენტაციის ინსპექტირების პროცესში შემოწმებული უნდა იქნას შემდეგი საკითხები:
1.ხარჯთაღრიცხვაში არსებული სამუშაოთა მოცულობების შესასრულებლად საჭირო მასალების, შრომითი და მანქანა-მექანიზმების ნორმატიული რესურსების განსაზღვრის სისწორე მოქმედ რეგულაციებთან.
2. ხარჯთაღრიცხვაში მოცემული თითოეული სამუშაოს მიხედვით განზომილების ერთეულების განსაზღვრის სისწორე.
3. ხარჯთაღრიცხვაში დაფიქსირებული მასალების, შრომითი დანახარჯების და მანქანა-მექანიზმების ფასების ინსპექტირება.
4. ზედნადები ხარჯებისა და მოგების ზღვრული ოდენობის და განსაზღვრის წესების შესაბამისობა
კანონმდებლობით დადგენილ მოთხოვნებთან.

მომსახურების მიწოდება უნდა განხორციელდეს 2026 წლის განმავლობაში ეტაპობრივად, შემსყიდველის მიმართვის საფუძველზე. ერთი პროექტის ხარჯთაღრიცხვის ინსპექტირებისა და შესაბამისი დასკვნის მომზადების მომსახურების ვადა არ უნდა აღემატებოდეს შემსყიდველის წერილობითი მიმართვიდან 5 (ხუთი) სამუშაო დღეს.

ერთი პროექტის ხარჯთაღრიცხვის ინსპექტირების ანგარიში წარმოდგენილი უნდა იქნეს როგორც ნაბეჭდი ისე ელექტრონული ფორმით (ელექტრონული სახით CD დისკზე) - 1 (ერთი) ეგზემპლარად.

ინსპექტირების დასკვნა მოწოდებული უნდა იქნეს სსიპ დაცული ტერიტორიების სააგენტოს ცენტრალურ ოფისში შემდეგ მისამართზე: ქ. თბილისი, ვლ. წითლანაძის პირველი შესახვევი N1, მე-5 სართული.

1. ტენდერში მონაწილე პრეტენდენტი უნდა იყოს A ტიპის ინსპექტირების ორგანო, რომელსაც მიღებული ექნება სსიპ „აკრედიტაციის ერთიანი ეროვნული ორგანო - აკრედიტაციის ცენტრი“ - ს მიერ გაცემული აკრედიტაციის მოწმობა. მისი აკრედიტაციის სფერო სავალდებულოა მოიცავდეს შემდეგს: ობიექტის ხარჯთაღრიცხვის ინსპექტირება.

2. პრეტენდენტის მიერ წარმოდგენილი უნდა იქნას აკრედიტაციის მოწმობა და სფეროს ჩამონათვალი, რომლის მოქმედების ვადა არ უნდა იყოს ტენდერით გათვალისწინებული მომსახურების მიწოდების ვადაზე ნაკლები.

1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
2. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.

ფასწარმოქმნის ადეკვატურობა შესაძლებელია დასაბუთდეს, შესყიდვის ობიექტის მიწოდებასთან დაკავშირებით წარმოდგენილი სერთიფიცირებული აუდიტორული სამსახურის/აუდიტორის მიერ გაცემული შესაბამისი დასკვნით ან საშემფასებლო დოკუმენტით, (დასკვნასთან ან საშემფასებლო დოკუმენტთან ერთად, ასევე, წარმოდგენილი უნდა იქნას დასკვნის/საშემფასებლო დოკუმენტის გამცემი პირის შესაბამისი უფლებამოსილების დამადასტურებელი დოკუმენტი), რომელშიც უნდა დასტურდებოდეს ტენდერში პრეტენდენტის მიერ დაფიქსირებულ ფასად ამავე ტენდერით გათვალისწინებული მომსახურების გაწევის შესაძლებლობა.

მიწოდებული მომსახურეობის ღირებულების ანაზღაურება განხორციელდება ეტაპობრივად, მიმწოდებლის მიერ ფაქტობრივად განხორციელებული მომსახურების შინაარსის და ღირებულების შესაბამისად შედგენილი მიღება-ჩაბარების აქტის საფუძველზე.

ანგარიშსწორება განხორციელებდება მხარეთა შორის გაფორმებული მიღება-ჩაბარების აქტის და შესაბამისი საგადასახადო დოკუმენტაციის წარმოდგენიდან არაუგვიანეს 10 სამუშაო დღის ვადაში.

გიგა მენაბდიშვილი, 577925757, giga.menabdishvili@gmail.com

სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით სახელმწიფო შესყიდვების სააგენტოს თავმჯდომარის 2017 წლის 14 ივნისის ბრძანება №12-ის მე-8 მუხლის გათვალისწინებით.