Полные или частичные строительные работы и публичные работы (Грузия - Тендер #69940262)

საქართველოს პროკურატურის მიერ ავტოსადგომის მოწყობის სამშენებლო სამუშაოების სახელმწიფო შესყიდვა

1. ავტოსადგომის მოწყობის სამუშაოები უნდა განხორციელდეს საქართველოს გენერალური პროკურატურის ადმინისტრაციული შენობის მიმდებარედ საქართველოს პროკურატურის სარგებლობაში არსებულ მიწის ნაკვეთებზე, ტექნიკური დავალების, ხარჯთაღრიცხვის (დანართი N1), საპროექტო დოკუმენტაციაში მოცემული ტექნიკური მონაცემებისა და მოცულობების შესაბამისად;
2. სამშენებლო ტერიტორიის საკადასტრო კოდები: 01.18.05.002.131, 01.18.05.002.078;
3. მიმწოდებელი ვალდებულია სამშენებლო სამუშაოების მთელ პერიოდზე მოხმარებული წყლის, ელექტროენერგიის საფასურის ანაზღაურება უზრუნველყოს საკუთარი ხარჯებით;
4. მიმწოდებელი ვალდებულია სამუშაოს დასრულებისთანავე გაათავისუფლოს სამუშაო ადგილი სამშენებლო მოწყობილობა-დანადგარებისგან და სხვა ნარჩენებისგან;
5. სამშენებლო სამუშაოების დროს არსებული სისტემების დაზიანების შემთხვევაში ზიანს გამოასწორებს მიმწოდებელი;
6. მიმწოდებელი ვალდებულია სამუშაოები აწარმოოს “ელექტრონული საკომუნიკაციო ქსელების სახაზო ნაგებობების დაცვის წესისა და მათი დაცვის ზონების დადგენის შესახებ“ საქართველოს მთავრობის 2007 წლის 4 ივლისის N134 დადგენილების შესაბამისად;
7. მიმწოდებელი ვალდებულია სამუშაოები აწარმოოს "ტექნიკური რეგლამენტის შენობა-ნაგებობების უსაფრთხოების წესების დამტკიცების თაობაზე" საქართველოს მთავრობის 2016 წლის 28 იანვრის N41 დადგენილების შესაბამისად.
8. მიმწოდებელმა ხარჯთაღრიცხვა უნდა წარმოადგინოს, ლოკალურ-რესურსული მეთოდით დამუშავებული, ტექნიკური რეგლამენტის - ,,სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესის“ დამტკიცების შესახებ საქართველოს მთავრობის 2014 წლის 14 იანვარის 55 დადგენილებით, ასევე, „საქართველოს ტერიტორიაზე სამშენებლო სფეროს მარეგულირებელი ტექნიკური რეგლამენტების აღიარებისა და სამოქმედოდ დაშვების შესახებ“ საქართველოს მთავრობის 2014 წლის 14 იანვრის 52 დადგენილებით გათვალისწინებული მოთხოვნების სრული დაცვით;
9. მიმწოდებელი ვალდებულია მინიმუმამდე დაიყვანოს მუშაობით გამოწვეული ხმაურის, ვიბრაციისა და მტვრის გავლენა;
10. მიმწოდებელი პასუხისმგებელია შეასრულოს სამუშაო უსაფრთხოებისა და ეკოლოგიური თვალსაზრისით დადგენილი ნორმებისა და სტანდარტების დაცვით;
11. მიმწოდებელი ვალდებულია უზრუნველყოს სამუშაოებში დასაქმებული პერსონალის შრომის უსაფრთხოება და აწარმოოს სამუშაოები აღნიშნული სამუშაოებისათვის გათვალისწინებული ნორმებისა და სტანდარტების დაცვით;
12. ფარული სამუშაოების წარმოებისას მიმწოდებელი ვალდებულია შეადგინოს ფარული სამუშაოების დამადასტურებელი წერილობითი აქტები. ფარული სამუშაოები წარმოებულ უნდა იქნეს შემსყიდველის მიერ განსაზღვრულ ინსპექტირების განმახორციელებელ პირ/პირებ-თან ერთად.
13. მიმწოდებელი ვალდებულია სამუშაოს შესრულება განახორციელოს ტექნიკური დავალებით დადგენილი პირობებისა და წესების, ასევე მოქმედი სამშენებლო სტანდარტების დაცვით.
14. მიმწოდებელი ვალდებულია სამუშაოს მასშტაბის შესაბამისად სამუშაოს შესრულება უზრუნველყოს შესაბამისი რაოდენობის, სანდო, სათანადო უნარ/ჩვევების მქონე პერსონალით.
15. სამუშაოს შესრულების პროცესში გამოყენებული ყველა ტექნიკური აღჭურვილობა და ინსტრუმენტი უნდა იყოს მუშა მდგომარეობაში, მათი ექსპლუატაცია უნდა ხდებოდეს მწარმოებლის მიერ განსაზღვრული წესით. ტექნიკური აღჭურვილობის და ინსტრუმენტის ექსპლუატაციისას დაუშვებელია არაქარხნული (კუსტარული) წესით დამზადებული დეტალის ან/და სათადარიგო ნაწილის გამოყენება.
16. სარემონტო სამუშაოებისას გამოყენებული ნებისმიერი მასალა ან/და მოწყობილობა უნდა შეესაბამებოდეს არსებულ საერთაშორისო სტანდარტებს. შემსყიდველი უფლებამოსილია კონკრეტულ შემთხვევებში ნებისმიერ დროს მოსთხოვოს მიმწოდებელს აღნიშნულის დამადასტურებელი დოკუმენტის გონივრულ ვადაში წარმოდგენა.
17. მიმწოდებელმა სამუშაოს შესრულების პროცესში უნდა უზრუნველყოს ხარისხისა და სამუშაოების მიმდინარეობის ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი, ასევე წერილობითი რეკომენდაციების და მითითებების შესრულება.
18. შესრულებული სამუშაოების მოცულობები დადგინდება სსიპ „ლევან სამხარაულის სასამართლო ექსპერტიზის ეროვნული ბიუროს“ მიერ მომზადებული შესაბამისი საექსპერტო დასკვნით. (ექსპერტიზის ჩატარებას უზრუნველყოფს შემსყიდველი).
19. ტექნიკური დავალებით გათვალისწინებული რომელიმე ვალდებულების დარღვევის შემთხვევაში, აღნიშნულის შედეგად წარმოშობილ ზიანზე სრული პასუხისმგებლობა დაეკისრება მიმწოდებელს.
20. მშენებლობის პროცესში გამოყენებული ყველა მასალა-მოწყობილობა უნდა იყოს მაღალის ხარისხის, რაზეც შემსყიდველს უფლება აქვს საჭიროებისამებრ მოითხოვოს შესაბამისი სტანდარტის დამადასტურებელი სერთიფიკატი ანდა სხვა დოკუმენტი (მაგ.: ISO. დოკუმენტი უნდა იყოს მონტაჟის თარიღისთვის მოქმედი, რომლის მოძიება და გადამოწმება შესაძლებელი იქნება სერთიფიკატის მიმნიჭებელი ორგანიზაციის ვებ-გვერდზე (უცხოენოვანი სერტიფიკატის წარმოდგენისას თან უნდა ერთვოდეს ნოტარიულად დამოწმებული ქართული თარგმანი).
21. მიმწოდებელმა დამკვეთთან წინასწარ უნდა წარმოადგინოს და შეათანხმოს ყველა ძირითადი და მოსაპირკეთებელი გამოსაყენებელი მასალების ნიმუშები, ასევე შემსყიდველის შესაბამის წარმომადგენელს მიაწოდოს ინფორმაცია, კონკრეტული სამუშაოს შესრულების ტექნიკური ხერხის/მეთოდის შესახებ. იმ შემთხვევაში, თუ ზემოაღნიშნული ან შესრულებული სამუშაო არ იქნება მოწონებული შემსყიდველის მიერ, მიმწოდებელი ვალდებულია გამოასწოროს, წარმოადგინოს სხვა, შემსყიდველისათვის მისაღები მასალა, მოწყობილობა და სამუშაო.
22. მიმწოდებელმა უნდა გამოყოს ობიექტზე პასუხისმგებელი პირები და უზრუნველყოს სამუშაოების წარმოება მათი მუდმივი ზედამხედველობით.
23. მიმწოდებელმა უნდა უზრუნველყოს მშენებლობის წარმართვა შეფერხების გარეშე და საამისოდ უნდა უზრუნველყოს სათანადო პერსონალისა და ტექნიკის არსებობა. დამკვეთი უფლებამოსილია, მისცეს მომწოდებელს შესასრულებლად სავალდებულო მითითებები ამასთან დაკავშირებით.

II. საქართველოს პროკურატურის ბალანსზე რიცხული ტერიტორიასა და შენობა-ნაგებობების სარემონტო სამუშაოების წარმოებისას უსაფრთხოების ნორმების შესახებ
1.საკანონმდებლო ბაზა
1.2. საქართველოს კონსტიტუცია, მუხლი 26. პუნქტი1.
1.3.საქართველოს ორგანული კანონი შრომის უსაფრთხოების შესახებ.
1.4.საქართველოს ორგანული კანონი საქართველოს შრომის კოდექსი.
1.5. снип lll-4-80, снип lll-A-11-70
2. პერსონალი
2.1. სამშენებლო-სარემონტო ობიექტზე მუშაობის უფლება აქვთ 18 წელზე არანაკლები ასაკის პირებს (მუშაკებს და ინჟინერ-ტექნიკურ მუშაკებს), რომლებმაც გაიარეს სამედიცინო გამოკვლევა და აღიარებულნი არიან ქმედითუნარიანად.
2.2. სამშენებლო ორგანიზაციების მუშები, მენეჯერები, სპეციალისტები და თანამშრომლები უზრუნველყოფილი უნდა იყვნენ სპეცტანსაცმელით (მოსასხამი, მუზარადებით, ხელთათმანებით უსაფრთხო ფეხსაცმელით და სხვა პირადი დამცავი აღჭურვილობით, სამუშაოს ტიპისა და რისკის ხარისხის გათვალისწინებით. (პირბადე, მექანიკური ნატეხების საწინააღმდეგო სათვალე, შემდუღებლის ნიღაბი და ა.შ.)
2.3.მაღლივი სამუშაოებისას (5 მეტრზე მაღლა, სახურავი, ფასადი, ელექტროგაყვანილობა, ტვირთის ატანა და ჩამოტანა და ა.შ.) პერსონალი უზრუნველყოფილი უნდა იყოს შესაბამისი უსაფრთხოების ქამრებით, ხარაჩოებსა და სახურავის პერიმეტრებზე უნდა მოეწყოს სამშენებლო ნორმებით დადგენილი მოაჯირები.
2.4. სამშენებლო ობიექტებზე დასაქმებული მუშების, მენეჯერების, სპეციალისტებისა და თანამშრომლებისათვის გამოყოფილი უნდა იყოს პირველადი სანიტარული დახმარების, გასახდელების, ინვენტარის შენახვის, სველი წერტილების, საკვების მიღების ტერიტორიები.
2.5. სამშენებლო მოედანზე ყველა მუშა უზრუნველყოფილი უნდა იყოს სასმელი წყლით, რომლის ხარისხი უნდა შეესაბამებოდეს სანიტარიულ მოთხოვნებს.
2.6. სამშენებლო ობიექტზე უნდა ინახებოდეს პირველადი სამედიცინო დახმარების ნორმებით დადგენილი სამედიცინო საშუალებები. ( ბამბა, ბინტი, იოდი, წყალბადის ზეჟანგი, და ა.შ.),
3. შრომის უსაფრთხოების მართვა
3.1. ყველა სამშენებლო ობიექტზე შრომის უსაფრთხოებაზე პასუხისმგებელია უსაფრთხოების ოფიცერი, რომელსაც გააჩნია შესაბამისი სერტიფიკატი და რომელსაც ნიშნავს დამსაქმებელი.
3.2.უსაფრთხოების ოფიცერი აწარმოებს უსაფრთხოების ინსტრუქტაჟის ჟურნალს. ინსტრუქტაჟი უნდა ხდებოდეს პერსონალის სამუშაოებზე მიღებისას და ყოველკვირეულად. ინსტრუქტაჟის შესახებ ხელმოწერა ფიქსირდება უსაფრთხოების ჟურნალში.
3.3. უსაფრთხოების ოფიცერი ყოველდღიურად აწარმოებს სამუშაო ინვენტარის ინსპექტირებას ჟურნალს. (ელექტროხელსაწყოები, სხვა დამხმარე საშუალებები). ინსპექტირების შედეგები ყოველდღიურად ფიქსირდება საინვენტარო ინსპექტირების ჟურნალში.
3.3. სამუშაო პროცესის დროს უსაფრთხოების ოფიცერი აწარმოებს შრომის უსაფრთხოების მოთხოვნების ზედამხედველობას, გამოავლენს დარღვევებს და აღმოფხვრის ადგილზე.
4. სამშენებლო მოედანი
4.1. სამშენებლო მოედნის და სამუშაო ადგილების ორგანიზება უნდა უზრუნველყოფდეს პერსონალის უსაფრთხოებას სამუშაოს ყველა ეტაპზე. სამშენებლო მოედანი გამოყოფილი უნდა იყოს სპეციალური სანიშნეებით. საშიში ზონები უნდა იყოს მონიშნული უსაფრთხოების ნიშნებით და დადგენილი ფორმის წარწერებით.
4.2. სამშენებლო მოედანზე ზედამხედველის ნებართვის გარეშე დაუშვებელია უცხო პირების ყოფნა. შესაბამის დარღვევებს აღნიშნავს და ადგილზე აღმოფხვრის უსაფრთხოების ოფიცერი.
4.3. სამშენებლო მოედანზე გამოყოფილი უნდა იყოს სამშენებლო მასალის დასაწყობების ადგილი, ან მოეწყოს საწყობი.
4.4. სამშენებლო მოედანზე გამოყოფილი უნდა იყოს (ასეთის აუცილებლობის შემთხვევაში) სამშენებლო ნაგვის ბუნკერის ადგილი.
5. დროებითი კომუნიკაციები
5.1. ელექტროგაყვანილობის, წყალსადენის და სხვა დროებითი კომუნიკაციები ობიექტზე მიყვანილი უნდა იყოს სამშენებლო ნორმებისა და მოთხოვნების შესაბამისად.
5.2. დროებითი კომუნიკაციების უსაფრთხო მოწყობისა და ექსპლუატაციის ზედამხედველობას აწარმოებს უსაფრთხოების ოფიცერი.
6. სამუშაოების გარემყოფთათვის უსაფრთხოება
6.1. იმ შემთხვევაში, თუ სარემონტო ობიექტი განთავსებულია პროკურატურის თანამშრომელთა სამუშაო ადგილების მიმდებარედ, 80 ჰერცზე მეტი სიხშირის ხმოვანი ფონის შემთხვევაში, აღნიშნული სარემონტო სამუშაოები უნდა ჩატარდეს არასამუშაო საათებში.
6.2. იმ შემთხვევაში, თუ სარემონტო ობიექტი განთავსებულია პროკურატურის თანამშრომელთა სამუშაო ადგილების მიმდებარედ, სარემონტო სამუშაოების დროს გამოყოფილი სამშენებლო მტვერი მაქსიმალურად უნდა იყოს იზოლირებული პროკურატურის თანამშრომელთა სამუშაო ადგილებიდან.
7. სპეციალური ნაწილი
7.1. საქართველოს პროკურატურის ბალანსზე რიცხულ ტერიტორიებსა და შენობა-ნაგებობებში პერსონალის დაშვება ხორციელდება საქართველოს გენერალური პროკურატურის გენერალური ინპექციის მიერ ვიზირებული საერთო სიისა და ნებადართული საშვების მეშვეობით.
7.2. შენობა-ნაგებობებისა და ტერიტორიის შიდა პერიმეტრში პერსონალის და ტვირთების მოძრაობა ხდება ადმინისტრაციასთან შეთანხმებული მარშრუტების მიხედვით.
8. პასუხისმგებლობა
8.1. შრომის დაცვის უზრუნველსაყოფად ყველა სტრუქტურული ერთეულის (დანაყოფის ხელმძღვანელების, უსაფრთხოების ოფიცრის, „პრარაბის“ / საქმეთა მწარმოებლის, მუშების) ზოგად მართვასა და უსაფრთხოების ზომების დაცვაზე უშუალო პასუხისმგებლობა ეკისრება ორგანიზაციის ხელმძღვანელს.
8.2. დაცული უნდა იყოს საქართველოს კონსტიტუცია, მუხლი 26. პუნქტი1-ს. საქართველოს ორგანული კანონის შრომის უსაფრთხოების შესახებ, .საქართველოს ორგანული კანონის საქართველოს შრომის კოდექსის, снип lll-4-80-ის, снип lll-A-11-70-ის მოთხოვნები.

1.4.1 სამუშაოების შესრულების მაქსიმალური ვადა შეადგენს სახელმწიფო შესყიდვის შესახებ ხელშეკრულების ძალაში შესვლიდან 4.5 (ოთხნახევარი) კალენდარულ თვეს, სამუშაოების წარმოების გეგმა-გრაფიკის (დანართი N2) შესაბამისად.

1.5.1. სამუშაოები უნდა განხორციელდეს ეტაპობრივად სატენდერო დოკუმენტაციით გათვალისწინებული კალენდარული გეგმა-გრაფიკის (დანართი N2) შესაბამისად, ყოველი თვის განმავლობაში შესასრულებელი სამუშაოები ჩაითვლება სამუშაოს შესრულების ცალკეულ ეტაპებად და მიმწოდებლის მიერ უნდა იქნეს წარმოდგენილი ეტაპის დასრულების დამადასტურებელი სამუშაოების ფორმა N2.
1.5.2. სამუშაოების განხორციელების ადგილი: ქ. თბილისის, გორგასლის ქ. N24; გორგასლის ქ. N28-N30-ის მიმდებარედ, საქართველოს გენერალური პროკურატურის ადმინისტრაციული შენობის მიმდებარედ.

1.6.1. შესასრულებელი სამუშაოს საგარანტიო ვადაა საბოლოო მიღება–ჩაბარების აქტის გაფორმებიდან 3 (სამი) წელი.
1.6.2. საგარანტიო პერიოდის განმავლობაში, სწორი ექსპლუატაციის დაცვის პირობებში, დეფექტის, ან ხარვეზის აღმოჩენის შემთხვევაში, მიმწოდებელი ვალდებულია გამოვლენილი დეფექტი გამოასწოროს შემსყიდველთან შეთანხმებულ გონივრულ ვადაში, საკუთარი ხარჯებით.
1.6.3. გარანტია მთელი ვადის განმავლობაში უნდა იყოს სრული, რაც მათ შორის გულისხმობს: უნდა მოიცავდეს როგორც შეკეთებას, ისე ახლით შეცვლას საჭიროებისამებრ; უნდა მოიცავდეს ყველა საჭირო ხარჯს - მასალებს, ტრანსპორტირებას, მანქანა-მექანიზმებს, ხელფასს და ყველა სხვა ხარჯს.
1.6.4. გარანტია შესაძლებელია არ ეხებოდეს ნორმალური ცვეთით ან არასათანადო მოპყრობით გამოწვეულ დაზიანებას.
1.6.5. მიმწოდებელი ვალდებულია, შემსყიდველს მიაწოდოს სრული ინფორმაცია მის მიერ დამონტაჟებული მოწყობილობების და მისთ. ექსპლუატაციისა და მოვლა-პატრონობის პირობების შესახებ, მაგალითად, გარკვეული ნორმების დაცვა, გარკვეული გარემო პირობების შექმნა, გარკვეული მომსახურების ჩატარება, დამატებითი მოწყობილობების დაყენება (იმის მიუხედავად, ტექნიკურ დავალებაში, პროექტსა თუ ხარჯთაღრიცხვაში მითითებულია ისინი თუ არა) თუ სხვა. წინააღმდეგ შემთხვევაში, მიმწოდებლის უარი საგარანტიო მომსახურებაზე ექსპლუატაციის პირობების დაუცველობის მოტივით არ მიიღება.

2.2.1. პრეტენდენტს ბოლო სამი წლის განმავლობაში (13.01.2024 - 13.01.2026 წ.) უნდა გააჩნდეს, ამ ტენდერის გამოცხადების თარიღამდე დასრულებული, არანკლებ ტენდერის სავარაუდო ღირებულების 100%-ს ღირებულების (საქართველოს კანონმდებლობით დადგენილი ყველა გადასახადის ჩათვლით) ავტოსადგომ(ებ)ის ან/და სხვა დანიშნულების მქონე ობიექტ(ებ)ის სამშენებლო სამუშაოების შესრულების გამოცდილება, რომელიც მათ შორის უნდა მოიცავდეს რკინა-ბეტონის, ლითონ-კონსტრუქციების, ელექტრო-სამონტაჟო, სუსტი დენების, საგზაო მოძრაობის ორგანიზებასთან დაკავშირებული (საგზაო მონიშვნა ან/და საგზაო ნიშნები) და გარე განათების მოწყობის სამუშაოებს.
2.2.2. აღნიშნული გამოცდილების დასადასტურებლად პრეტენდენტმა შესყიდვების ერთიანი ელექტრონულ სისტემის საშუალებით უნდა წარმოადგინოს ინფორმაცია შესყიდვების ელექტრონულ სისტემაში მოცემული შესყიდვის განცხადებისა და/ან ხელშეკრულების რეგისტრაციის ნომრების მითითებით, ან/და შესაბამისი ხელშეკრულებები, მიღება-ჩაბარების აქტები და შესრულებასთან დაკავშირებული სხვა დოკუმენტები სრულად, ან/და ამ ტენდერისთვის შემსყიდველი სახელმწიფო ორგანიზაციის მიერ გაცემული დოკუმენტი, საიდანაც შესაძლებელი იქნება შესაბამისი გამოცდილების შინაარსის და ღირებულების იდენტიფიცირება.

2.5.1. სამშენებლო სამუშაოები უნდა განხორციელდეს კალენდარული გეგმა-გრაფიკის (დანართი N2) შესაბამისად. მიმწოდებელს უფლება აქვს ხელშეკრულების გაფორმების შემდეგ წარუდგინოს შემსყიდველს ხელშეკრულებით განსაზღვრული გეგმა-გრაფიკისგან განსხვავებული გეგმა-გრაფიკი, თითოეული ეტაპის ცვლილებ(ებ)ის მიზეზ(ებ)ის / აუცილებლობის განმარტებით / დასაბუთებით. შემსყიდველი ვალდებულია განიხილოს წარმოდგენილი წინადადებები და მიაწოდოს მიმწოდებელს გეგმა-გრაფიკის ცვლილების შესახებ თანხმობა ან დასაბუთებული უარი.
2.5.2. გეგმა-გრაფიკის შესაბამისად ყოველი თვის განმავლობაში შესასრულებელი სამუშაოები ჩაითვლება სამუშაოს შესრულების ცალკეულ ეტაპებად და მიმწოდებლის მიერ უნდა იქნეს წარმოდგენილი ეტაპის დასრულების დამადასტურებელი სამუშაოების ფორმა N2.

2.9.1. განფასებული ხარჯთაღრიცხვა წარმოდგენილი უნდა იქნას „სამშენებლო სამუშაოების სახელმწიფო შესყიდვისას ზედნადები ხარჯებისა და გეგმური მოგების განსაზღვრის წესის“ დამტკიცების შესახებ საქართველოს მთავრობის 2014 წლის 14 იანვრის N55 დადგენილების გათვალისწინებით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი). წარმოდგენილი დასკვნა შესაბამისობაში უნდა იყოს 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკა“ მოთხოვნებთან. ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

5

10

ხელშეკრულების შესრულების უზრუნველყოფის უპირობო და გამოუთხოვადი გარანტიის მოქმედების ვადა არანაკლებ 2 თვით უნდა აღემატებოდეს ხელშეკრულებით გათვალისწინებულ შესყიდვის ობიექტის მიწოდების ვადას.

6.4.1. გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში, შემდეგი ფორმის დაცვით: გარანტიის გამცემი დაწესებულების ტიტულიანი დოკუმენტით (ბლანკი), დამოწმებული უფლებამოსილი პირის მიერ. არ მიიღება პრეტენდენტის მიერ საკუთარ თავზე გაცემული საბანკო გარანტია.

6.4.2. მიმწოდებლის მიერ ხელშეკრულებით ნაკისრი ვალდებულებების შეუსრულებლობის, აგრეთვე ნაწილობრივი ან არაჯეროვანი შესრულების მიზეზით ხელშეკრულების შეწყვეტის შემთხვევაში, შემსყიდველი განახორციელებს ხელშეკრულების შესრულების უზრუნველყოფის გარანტიის სრული ოდენობით გამოყენებას;

6.4.3. იმ შემთხვევაში, თუ მიმწოდებელი უზრუნველყოფს ხელშეკრულებით ნაკისრი ვალდებულებების სრულად შესრულებას, ან ხელშეკრულების მოქმედება შეწყდება მიმწოდებლისაგან დამოუკიდებელი მიზეზებით, შემსყიდველი ვალდებულია მიმწოდებლის წერილობითი მოთხოვნის საფუძველზე უზრუნველყოს ხელშეკრულების შესრულების უზრუნველყოფის გარანტიის დაუყოვნებლივ დაბრუნება.

7.2.1 სატენდერო წინადადების ფასი უნდა მოიცავდეს სამუშაოების შესრულებასთან დაკავშირებულ ყველა ხარჯს, მათ შორის კანონმდებლობით გათვალისწინებულ ყველა გადასახადს.

7.2.2 ანგარიშსწორება მოხდება უნაღდო ანგარიშსწორებით ლარში, არაუმეტეს ხელშეკრულების ღირებულებისა.

7.2.3 დაფინანსების წყარო: 2026 წლის სახელმწიფო ბიუჯეტი.

7.2.4 ანგარიშსწორება განხორციელდება შემდეგი ეტაპების მიხედვით:

I ეტაპი - ანგარიშსწორება განხორციელდება ეტაპობრივად, შესასრულებელი სამუშაოების ყოველთვიური გეგმა-გრაფიკით გათვალისწინებული ფაქტიურად შესრულებული სამუშაოების შესაბამისად, საინჟინრო-ტექნიკური ექსპერტიზის დასკვნის (ექსპერტიზის ჩატარებას უზრუნველყოფს შემსყიდველი), შემსყიდველის შესაბამისი წარმომადგენლ(ებ)ის (უფლებამოსილი თანამშრომელ(ებ)ი, მოწვეული ექსპერტი) ინსპექტირების დასკვნისა და შესაბამისი ფინანსური დოკუმენტაციის საფუძველზე, შესრულებული სამუშაოს ღირებულების 2,5%-ის დაკავებით (შემსყიდველი უფლებამოსილია არ დაუკაოს მიმწოდებელს აღნიშნული 2,5% იმ შემთხვევაში, თუ მიმწოდებელი ანგარიშსწორების დროს წარმოადგენს დასაკავებელი თანხის ოდენობის უპირობო/გამოუთხოვად საბანკო გარანტიას, რომელიც წარმოდგენილ უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში, რომლის მოქმედების ვადა არანაკლებ 60 კალენდარული დღით უნდა აღემატებოდეს სამუშაოების ხარისხის საგარანტიო ვადას);

II ეტაპი- შესრულებული სამუშაოების ღირებულების 2,5%-ის დაკავების შემთხვევაში - დანარჩენი ფაქტიურად შესრულებული სამუშაოების ღირებულების 2,5% საგარანტიო ვადის გასვლის შემდგომ მიმწოდებლის წერილობითი მოთხოვნიდან 10 (ათი) სამუშაო დღეში, იმ შემთხვევაში, თუ საგარანტიო ვადის განმავლობაში შესრულებულ სამუშაოს არ გამოუვლენია დეფექტი ან და გამოვლენილი დეფექტი სრულად აღმოფხვრილია მიმწოდებლის მიერ.

ანგარიშსწორება მოხდება ეტაპობრივად, მიღება–ჩაბარების აქტის გა