Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #69907320)

სსიპ ლევან საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის საკუთრებაში არსებული ინსინერატორების (ლაბორატორიული ნარჩენების თერმული გაუვნებელყოფის საამქრო) შეკეთება და ტექნიკური/პროფილაქტიკური მომსახურება.

 ,,მიმწოდებელმა" წლის განმავლობაში ოთხჯერ (,,შემსყიდველთან" შეთანხმებით, კვარტალში ერთხელ) უნდა უზრუნველყოს ინსინერატორების ტექნიკური/პროფილაქტიკური მომსახურება (სატესტო რეჟიმში ინსინერატორის გაშვება, სანთურების გაწმენდა, კარების ჩამკეტი მექანიზმის შემოწმება, საწვავის მიწოდების სისტემის შემოწმება, საჭიროების შემთხვევაში პროგრამირება და სხვა), ხოლო ინსინერატორის დაზიანების და/ან მოსახლეობისგან რაიმე საჩივრის შემოსვლის შემთხვევაში, ,,შემსყიდველის" მოთხოვნიდან არაუმეტეს 10 (ათი) სამუშაო დღის განმავლობაში უნდა გამოცხადდეს ადგილზე და შეაკეთოს ინსინერატორი.

 სამუშაოების ჩატარების დროს დაცული უნდა იყოს უსაფრთხოების წესები

 ზდგ (ზღვრულად დასაშვები გაფრქვევის) ნორმების მოთხოვნებთან შეუსაბამობის შემთხვევაში, ,,მიმწოდებელი“ ვალდებულია ჩაატაროს ინსინერატორის მექანიკური და ელექტრონული მოწყობილობების დიაგნოსტირება და მოახდინოს შეუსაბამობის აღმოფხვრა.

 ,,მიმწოდებელმა" ინსინერატორის გაუმართაობის შემთხვევაში უნდა უზრუნველყოს მექანიკური ნაწილების შეკეთება/გამოცვლა ან პროცესორის გადაპროგრამება (ინსინერატორის სათადარიგო ნაწილების მიწოდება მოხდება ,,შემსყიდველი“-ს მიერ), ,,მიმწოდებელი" ვალდებულია კომუნიკაცია ჰქონდეს ინსინერატორების მწარმოებელ კომპანიასთან და ინსინერატორის დაზიანების შემთხვევაში წარმოადგინოს დაზიანებული ნაწილის ტექნიკური მახასიათებლები.

 ,,მიმწოდებელმა" გზშ-ს მოთხოვნების შესაბამისად, წელიწადში ერთხელ უნდა უზრუნველყოს ინსინერატორების მომსახურე პერსონალისთვის და/ან ინსინერატორის მომსახურე ახალი თანამშრომლებისთვის ტრენინგების ჩატარება.

მომსახურების გაწევის ვადა: ხელშეკრულების გაფორმებიდან - 2026 წლის 31 დეკემბრის ჩათვლით.

სამუშაოს შესრულების ადგილი: ქ. თბილისი, კახეთის გზატკეცილი №99 (2 ცალი ინსენერატორი), ქ. ქუთაისი, ოცხელის ქ. #2 (1 ცალი ინსენერატორი), ქ. ბათუმი, ქათამაძის ჩიხი #4 (1 ცალი ინსენერატორი);

პრეტენდენტს 01.01.2022 წლიდან ტენდერის გამოცხადების დღემდე პერიოდში უნდა გააჩნდეს ინსინერატორების ტექნიკური მომსახურების მიწოდების გამოცდილება, რომლის ჯამური ღირებულება უნდა შეადგენდეს არანაკლებ 18 000.00 ლარს.

- იმ შემთხვევაში, თუ მოთხოვნილი გამოცდილების შესახებ ინფორმაციის დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტმა აღნიშნული ინფორმაცია უნდა წარმოადგინოს დანართი N2-ის ფორმით და მიუთითოს შესაბამისი SPA ან/და NAT ან/და CMR ან/და სხვა შესყიდვის საშუალების ნომრები და არ წარმოადგინოს დოკუმენტაცია.

- პრეტენდენტის მიერ იმ გამოცდილების შესახებ ინფორმაციის წარმოსადგენად, რომელშიც დამკვეთს წარმოადგენს კერძო სამართლის სუბიექტი (არა შემსყიდველი ორგანიზაციები), პრეტენდენტი ვალდებულია წარმოადგინოს ორმხრივად (როგორც დამკვეთის ასევე შემსრულებლის მხრიდან) შესაბამისი უფლებამოსილი პირების მიერ, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, კვალიფიციური ელექტრონული ხელმოწერით ხელმოწერილი ან კვალიფიციური ელექტრონული შტამპით დამოწმებული დოკუმენტი, კერძოდ: ხელშეკრულებ(ებ)ი და მიღება-ჩაბარებ(ებ)ის აქტები ან/და სხვა დამადასტურებელი დოკუმენტ(ებ)ი, საიდანაც უნდა იდენტიფიცირდებოდეს როგორც სამუშაოების შინაარსი და ღირებულება, ასევე საანგარიშგებო პერიოდში შესრულებული სამუშაოების ღირებულება, დაწყებისა და დასრულების ვადების მითითებით. თუ აღნიშნული ელექტრონული დოკუმენტი ვერ მოწმდება შესაბამისი პირის კვალიფიციური ელექტრონული ხელმოწერით ან/და შტამპით, ამ შემთხვევაში, პრეტენდენტმა სისტემაში უნდა ატვირთოს მატერიალური დოკუმენტის სანოტარო წესით დამოწმებული ელექტრონული ასლი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2022 წლის პირველი იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.

ანგარიშსწორება განხორციელდება ფაქტიურად გაწეული „მომსახურებისა“ და მიღება-ჩაბარების აქტის შესაბამისად.

მიღება-ჩაბარების აქტის გაფორმდებიდან 10 (ათი) კალენდარული დღის განმავლობაში.

თამარი მანაგაძე, 592150804, Tamari.Managadze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით პრეტენდენტი ავტომატურად გამოხატავს თანხმობას ამ პუნქტის „ა“-„ე“ ქვეპუნქტებში განსაზღვრულ მოთხოვნებზე:

ა. სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ბ. ანგარიშსწორება მოხდება უნაღდო ანგარიშსწორებით, ლარში, ფაქტიურად გაწეული სამუშაოს შესაბამისად და მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.
გ. პრეტენდენტის მიერ სატენდერო წინადადების (დოკუმენტაცია) წარმოდგენა დასაშვებია უცხო ენაზე, ასეთ შემთხვევაში სატენდერო დოკუმენტაციას უნდა ახლდეს ქართულენოვანი და ნოტარიულად დამოწმებული თარგმანი.
დ. პრეტენდენტის მიერ წარმოდგენილ ფასების ცხრილში (დანართი #1), ერთეულის ღირებულება (ლარი) უნდა განისაზღვროს მეასედის სიზუსტით.
ე. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2022 წლის პირველი იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.