Сети (Грузия - Тендер #69634674)

საქართველოს პრეზიდენტის ადმინისტრაციის მიერ ქსელური ინფრასტრუქტურის შესყიდვა თანმდევი მომსახურებით.

A ტიპის უსადენო წვდომის წერტილი რაოდენობა - 43 ცალი;
B ტიპის უსადენო წვდომის წერტილი რაოდენობა - 1 ცალი;
უსადენო ქსელის კონტროლერი რაოდენობა - 2 ცალი;
A ტიპის კომუტატორის რაოდენობა - 2 ცალი;
ქსელური ტრანსივერები და სტეკის კაბელები: A ტიპის ტრანსივერი 10GBASE-SR - 8 ცალი;

მომსახურება მოიცავს შესყიდვის ობიექტის კონფიგურაციასა და ინსტალაციას, მათ შორის ყველა საჭირო სამონტაჟო აქსესუარით, კერძოდ:
სამონტაჟო სამუშაოებისთვის გამოყენებული უნდა იყოს U/UTP ან F/UTP ტიპის 5e კატეგორიის ქსელური კაბელი. კაბელის გარსის მასალა: LSZH
გარე სამონტაჟო ტერიტორიებზე აღნიშნული კაბელი უნდა განთავსდეს მინიმუმ 16 მმ დიამეტრის გოფრირებულ მილში.
შიდა სივრცეებში კაბელის განთავსება უნდა განხორციელდეს საკაბელო არხებში მინიმუმ 20x16 მმ ზომის შესაბამისად – სრული კომპლექტაციით, რომელიც მოიცავს შესაბამის ზომის ქარხნულ აქსესუარებს: მოხვევებს, გადაბმებს, შიდა და გარე კუთხეებს.
მომსახურება მოიცავს როგორც მოწყობილობების მიწოდებას, ისე სრული მოცულობის მონტაჟს.
დამატებითი მოთხოვნები
1. პრეტენდენტმა უნდა განახორციელოს მოწოდებული გადაწყვეტილების სრული კონფიგურაცია და ინტეგრაცია.
2. მოწოდებულ გადაწყვეტილებაზე უნდა ვრცელდებოდეს მწარმოებლის სამ წლიანი მხარდაჭერა.
3. შემოთავაზებული მოწყობილობები და აპარატურა უნდა იყოს ახალი, არ უნდა იყოს ნამყოფი ექსპლუატაციაში.

ხელშეკრულების გაფორმებიდან - 90 კალენდარული დღის ვადაში, იმ შემთხვევაში თუ მიწოდების ბოლო დღე ემთხვევა არასამუშაო დღეს, მაშინ მიწოდება განხორციელდება მომდევნო სამუშაო დღეს.

ქ. თბილისი, ათონელის ქ. N25 (საქართველოს პრეზიდენტის ადმინისტრაცია)

1.7.1.1. შესყიდვის ობიექტზე (A ტიპის უსადენო წვდომის წერტილზე, B ტიპის უსადენო წვდომის წერტილზე, უსადენო ქსელის კონტროლერზე, A ტიპის კომუტატორზე და ქსელურ ტრანსივერებზე) უნდა ვრცელდებოდეს მწარმოებლის სამ წლიანი საგარანტიო მომსახურეობა, ტექნიკური მხარდაჭერა და პროგრამული უზრუნველყოფის განახლება.მოწყობილობის დაზიანების მიზეზის დადგენის შემდეგ, მოწყობილობა უნდა შეკეთდეს ან შეიცვალოს 15 (თხუთმეტ) სამუშაო დღეში.
შენიშვნა: პრეტენდენტი ვალდებულია ამ პერიოდის განმავლობაში დროებით სარგებლობაში გადასცეს შემსყიდველს ანალოგიური მოწყობილობა.
1.7.1.2. საგარანტიო პირობებით განსაზღვრული მოთხოვნები, ძალაშია მთელი საგარანტიო ვადის განმავლობაში, მიუხედავად ხელშეკრულების მოქმედების ვადის ამოწურვისა;
1.7.1.3. საგარანტიო პერიოდის შესახებ ინფორმაცია პრეტენდენტმა უნდა წარმოადგინოს სატენდერო დოკუმენტაციის დანართი N2-ს ,,ფასების ცხრილი" შესაბამის ველში, რომელიც შესაძლოა აღემატებოდეს განსაზღვრულს, მაგრამ არ უნდა იყოს მასზე ნაკლები.
1.7.1.4. საგარანტიო ვადაში საჭიროების შემთხვევაში საქონლის ტრანსპორტირება უნდა უზრუნველყოს მიმწოდებელმა. შეტყობინება შესაძლებელია განხორციელდეს ოფიციალური წერილის ან/და ელექტრონულ ფოსტაზე შეტყობინების გზით ან/და სატელეფონო შეტყობინებით.
1.7.1.5. პრეტენდენტმა უნდა წარმოადგინოს ინფორმაცია საგარანტიო ვადებისა და პირობების შესახებ.

2.1.1.1. პრეტენდენტმა დანართი N1-ში ,,ფასების ცხრილი" შესაბამის გრაფაში (პირველი, მე-3, მე-5, მე-7 და მე-9 პოზიციებზე) უნდა მიუთითოს ინფორმაცია მისაწოდებელი საქონლის მწარმოებელი კომპანიისა და მოდელის შესახებ (ასეთის არსებობის შემთხვევაში).
იმ შემთხვევაში, თუ შესყიდვის ობიექტს არ გააჩნია მოდელი, პრეტენდენტი ვალდებულია აღნიშნულის შესახებ მიუთითოს ფასების ცხრილის შესაბამის გრაფაში.
შენიშვნა: პრეტენდენტის მიერ შემოთავაზებული საქონლის მწარმოებელი კომპანიის და მოდელის (ასეთის არსებობის შემთხვევაში) მიუთითებლობა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე. ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ შემოთავაზებული საქონლის მწარმოებელი კომპანიის და მოდელის ცვლილება გამოიწვევს პრეტენდენტის დისკვალიფიკაციას. ხოლო აღნიშნული ინფორმაციის არასრულყოფილად ან უზუსტობებით წარმოდგენის შემთხვევაში ტექნიკური დოკუმენტაციის დაზუსტება განხორციელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ 27-ე მუხლის 3 პრიმა პუნქტის შესაბამისად.

პრეტენდენტის მიერ წარმოდგენილი უნდა იქნას შემოთავაზებული საქონლის მწარმოებლის მიერ გაცემული ინფორმაცია ან დოკუმენტი ან ვებ-ბმული მწარმოებლის ოფიციალური ვებ-გვერდიდან, რომელიც დაადასტურებს შემოთავაზებული საქონლის შესაბამისობას სატენდერო დოკუმენტაციით განსაზღვრულ მოთხოვნებთან.
შენიშვნა: იმ შემთხვევაში, თუ პრეტენდენტის მიერ მწარმოებლის ოფიციალური ვებ-გვერდიდან წარმოდგენილ ვებ-ბმულზე მოცემული ინფორმაცია იქნება ინგლისურ ენოვანი, მისი თარგმნა არ არის აუცილებელი.

დამატებითი მოთხოვნები
1. პრეტენდენტმა უნდა განახორციელოს მოწოდებული გადაწყვეტილების სრული კონფიგურაცია და ინტეგრაცია.
2. მოწოდებულ გადაწყვეტილებაზე უნდა ვრცელდებოდეს მწარმოებლის სამ წლიანი მხარდაჭერა.
3. შემოთავაზებული მოწყობილობები და აპარატურა უნდა იყოს ახალი, არ უნდა იყოს ნამყოფი ექსპლუატაციაში.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა.
4.1.1.2 ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. საჭიროების შემთხვევაში, პრეტენდენტის მიერ ასევე წარმოდგენილი უნდა იყოს დასკვნაზე ხელმომწერი პირის ხელმოწერის უფლებამოსილების დამადასტურებელი დოკუმენტი (მაგ. იმ შემთხვევაში თუ დასკვნის გამცემი პირია ორგანიზაცია - შპს, სს და ა.შ. და ორგანიზაციის სახელით გაცემულ დასკვნაზე არ ფიქსირდება სამეწარმეო და არასამეწარმეო სუბიექტების რეესტრის ამონაწერის მიხედვით განსაზღვრული ხელმძღვანელობაზე/წარმომადგენლობაზე უფლებამოსილი პირის ხელმოწერა)), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის, ასევე საერთო ღირებულებასთან მიმართებით.

2 Процентов

5 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა მინიმუმ 60 (სამოცი) კალენდარული დღით უნდა აღემატებოდეს შესყიდვის ობიექტის მიწოდების საბოლოო ვადას.

6.1. იმისათვის, რომ თავიდან იქნეს აცილებული რისკი, წარმოქმნილი მიმწოდებლის მიერ სახელმწიფო შესყიდვის შესახებ ხელშეკრულების შეუსრულებლობის გამო, გამოყენებულ იქნება ხელშეკრულების შესრულების უზრუნველყოფის მექანიზმი, საბანკო გარანტია, ხელშეკრულების საერთო ღირებულების 2%-ის ოდენობით, რომლის მოქმედების ვადა მინიმუმ 60 (სამოცი) კალენდარული დღით უნდა აღემატებოდეს შესყიდვის ობიექტის მიწოდების საბოლოო ვადას, ამასთან, თუ ელექტრონულ ტენდერში ელექტრონული ვაჭრობის შედეგად გამარჯვებული პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე გამოყენებული ხელშეკრულების შესრულების უზრუნვლყოფის გარანტიის ოდენობა განისაზღვრება ხელშეკრულების საერთო ღირებულების 5%-ის ოდენობით.
6.2. ხელშეკრულების შესრულების უზრუნველყოფის უპირობო და გამოუხმობადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან, ან უცხო ქვეყნის საბანკო დაწესებულებიდან, რომელიც გადაზღვეული იქნება საქართველოს ეროვნული ბანკის მიერ ლიცენზირებული საბანკო დაწესებულების მიერ, ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან ეროვნულ ვალუტაში - ლარში.
6.3. ხელშეკრულების შესრულების უზრუნველყოფის უპირობო და გამოუხმობადი გარანტიის თანხა არ უნდა მცირდებოდეს მიმწოდებლის მიერ ხელშეკრულების ფარგლებში შესრულებული ვალდებულებების პროპორციულად და შემსყიდველს უფლებას უნდა აძლევდეს, პირველი მოთხოვნისთანავე, გარანტიის გამცემი დაწესებულებისგან დაუყოვნებლივ, შემსყიდველის მოთხოვნის მიღებიდან არაუგვიანეს 5 (ხუთი) სამუშაო დღისა, ყოველგვარი დასაბუთების გარეშე, მიიღოს გარანტიით გათვალისწინებული თანხა;
6.4. ხელშეკრულების შესრულების უზრუნველყოფის გარანტია გამოიყენება ნებისმიერი ზიანის ანაზღაურების მიზნით, რომელიც მიადგება შემსყიდველს მიმწოდებლის მიერ ხელშეკრულების პირობების შეუსრულებლობის ან არაჯეროვნად შესრულების გამო.
6.5. ხელშეკრულების მოქმედების ვადის გაგრძელების შემთხვევაში (მიუხედავად იმისა ვისი, ან, რა მიზეზით მოხდა აღნიშნული ვადის გაგრძელება), მიმწოდებელი ვალდებულია, შემსყიდველის წერილობითი მოთხოვნიდან 5 (ხუთი) სამუშაო დღის ვადაში, გააგრძელოს უპირობო და გამოუხმობი გარანტიის მოქმედება ხელშეკრულებით/ხელშეკრულების დანართით განსაზღვრული დროის პერიოდის დაცვით; 6.6. მიმწოდებლის მიერ ხელშეკრულებით გათვალისწინებული ვალდებულებების დარღვევის (ხელშეკრულებით გათვალისწინებული ვალდებულებების შესრულებაზე უარის თქმა, ვალდებულების უხარისხოდ, არაჯეროვნად, არასრულად შესრულების) შემთხვევაში, მიმწოდებელს საბანკო გარანტიით გათვალისწინებული თანხა არ დაუბრუნდება.

7.2.1. ანგარიშსწორება განხორციელდება ფაქტობრივად მიწოდებული შესყიდვის ობიექტის მიხედვით, შესაბამისი საანგარიშსწორებო დოკუმენტაციის (მხარეთა შორის გაფორმებული მიღება-ჩაბარების აქტი და კანონმდებლობით განსაზღვრულ შემთხვევაში მიმწოდებლის მიერ წარმოდგენილი საგადასახადო ანგარიშფაქტურა) სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში, უნაღდო ანგარიშსწორებით, ეროვნულ ვალუტაში - ლარში.
7.2.2 დაფინანსების წყარო: საქართველოს 2026 წლის სახელმწიფო ბიუჯეტიდან საქართველოს პრეზიდენტის ადმინისტრაციისთვის გამოყოფილი ასიგნება.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

ნათია მუკბანიანი, 595908111, nmukbaniani@president.ge ტექნიკურ საკითხებთან დაკავშირებით: ნოშრევან მაღალდაძე, 595998876, nmagaldadze@president.ge

10.1.1. სატენდერო წინადადების ფასის გაანგარიშების მეთოდი:
ა) სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.2. პრეტენდენტმა ტექნიკური დოკუმენტაციის სახით სისტემაში უნდა ატვირთოს შემდეგი დოკუმენტები და ინფორმაცია:
ა) დანართი N1 „ფასების ცხრილი“ სატენდერო დოკუმენტაციის ტექნიკური დავალების შესაბამისად, დოკუმენტაციაში მითითებული ფორმის და შინაარსის დაცვით, ასევე სატენდერო დოკუმენტაციის 2.1.1 პუნქტის შესაბამისად.
ბ) ინფორმაცია საგარანტიო ვადის და პირობების შესახებ სატენდერო დოკუმენტაციის 1.7.1 პუნქტის შესაბამისად.
გ) პრეტენდენტის მიერ წარმოდგენილი უნდა იქნას შემოთავაზებული საქონლის მწარმოებლის მიერ გაცემული ინფორმაცია ან დოკუმენტი ან ვებ-ბმული მწარმოებლის ოფიციალური ვებ-გვერდიდან, რომელიც დაადასტურებს შემოთავაზებული საქონლის შესაბამისობას სატენდერო დოკუმენტაციით განსაზღვრულ მოთხოვნებთან. სატენდერო დოკუმენტაციით განსაზღვრულ მოთხოვნებთან სატენდერო დოკუმენტაციის 2.7.1 პუნქტის შესაბამისად.
დ) მიმწოდებელმა შესყიდვების ერთიანი ელექტრონული სისტემის მეშვეობით უნდა წარმოადგინოს რეკვიზიტები იმ ინფორმაციის შემცველობით, რომელიც არ აქვს ასახული სისტემაში არსებულ მიმწოდებლის პროფილში.

10.1.3. დამატებითი ინფორმაცია:
ა) „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე (გარდა Excel ფორმატით წარმოდგენილი სატენდერო დოკუმენტაციის დანართი N1 ,,ფასების ცხრილი“ (ასეთის არსებობის შემთხვევაში)) შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით (საჭიროების შემთხვევაში, წარმოდგენილი უნდა იქნას წარმომადგენლობაზე უფლებამოსილების დამადასტურებელი დოკუმენტი).
ბ) ტენდერთან დაკავშირებული ყველა დოკუმენტი ან/და ინფორმაცია (გარდა მწარმოებლის ოფიციალური ვებ-გვერდიდან წარმოდგენილი ვებ-ბმულის სახით) წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
გ) ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
დ) სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.