Устройства управления и распределения электроэнергии (Грузия - Тендер #69626613)

ავტომატური ამომრთველებისა და გამშვი მოწყობილობების შესყიდვა.

ავტომატური ამომრთველებისა და გამშვი მოწყობილობების ტექნიკური მონაცემები უნდა შეესაბამებოდეს თანდართულ ტექნიკურ დავალებაში გათვალისწინებულ მოთხოვნებს:

საქონლის მოწოდების ვადაა - 60 კალენდარული დღე სახელმწიფო შესყიდვების შესახებ ხელშეკრულების გაფორმების დღიდან.

საქონლის გატანას საქართველოს ტერიტორიაზე არსებული მიმწოდებლის ობიექტიდან განახორციელებს შემსყიდველი საკუთარი ავტოსატრანსპორტო საშუალებით.

1. მიმწოდებლის მიერ მოწოდებული საქონელი უნდა აკმაყოფილებდეს საერთაშორისო სტანდარტებს და ტექნიკურ მოთხოვნებს.
2. მოწოდებულ საქონელზე ექსპლუატაციის ნორმების სრული დაცვის შემთხვევაში უნდა ვრცელდებოდეს საგარანტიო პერიოდი - არანაკლებ 6 კალენდარული თვე მოწოდებულ საქონელზე მხარეებს შორის მიღება-ჩაბარების აქტის გაფორმების დღიდან.
3. საგარანტიო ვადის განმავლობაში გამოვლენილი ნაკლოვანებები მიმწოდებელმა უნდა აღმოფხვრას საკუთარი სახსრებით დამატებითი ანაზღაურების გარეშე ან შეცვალოს ახლით გონივრულ ვადაში.
4. საგარანტიო ვადის განმავლობაში გამოვლენილი რაიმე ხარვეზის ან შეუსაბამობის შემთხვევაში, მიმწოდებელმა საკუთარი ხარჯებით უნდა უზრუნველყოს საქონელზე გამოვლენილი ნაკლის/ხარვეზის აღმოფხვრა ან წუნდებული საქონლის შეცვლა, შემსყიდველის მიერ განსაზღვრულ გონივრულ ვადაში, შემსყიდველის მხრიდან დამატებითი დანახარჯების გაწევის გარეშე ხელშეკრულებით გათვალისწინებული პირობების შესაბამისად.

! აღნიშნული ინფორმაციის წარმოდგენა სავალდებულოა

პრეტენდენტმა ფასების ცხრილში შესაბამის გრაფაში უნდა მიუთითოს ინფორმაცია მოსაწოდებელი საქონლის მწარმოებელი ქვეყნის, მწარმოებლის ზუსტი დასახელებისა ან/და ბრენდის, მოდელის (ასეთის არსებობის შემთხვევაში) ან/და მაიდენტიფიცირებელი ნიშნის შესახებ.

იმ შემთხვევაში, თუ პრეტენდენტის მიერ ფასების ცხრილის შესაბამის გრაფაში არ იქნება მითითებული მწარმოებლის ზუსტი დასახელება ან/და ბრენდი, მოდელი (ასეთის არსებობის შემთხვევაში) ან/და მაიდენტიფიცირებელი ნიშანი პრეტენდენტი დაექვემდებარება ტენდერიდან დისკვალიფიკაციას.

! აღნიშნული ინფორმაციის წარმოდგენა სავალდებულოა.

ტენდერში მონაწილე პრეტენდენტს უნდა გააჩნდეს მანქანა -დანადგარების ან/და ელექტროტექნიკური მოწყობილობების ან/და ჰიდროაგრეგატის სათადრიგო ნაწილების ან/და ავტომატური ამომრთველებისა და გამშვი მოწყობილობების მიწოდების არანაკლებ 5 წლიანი გამოცდილება. ინფორმაცია წარმოდგენილი უნდა იყოს თანდართული ცხრილის მიხედვით, რომელსაც თან უნდა დაერთოს დამადასტურებელი ხელშეკრულებები და მიღება-ჩაბარების აქტები.

! აღნიშნულის წარმოდგენა სავალდებულოა.

პრეტენდენტმა სატენდერო წინადადებასთან ერთად , უნდა წარმოადგინოს შემოთავაზებული ავტომატური ამომრთველებისა და გამშვი მოწყობილობების ხარისხთან და სტანდარტებთან შესაბამისობის დამადასტურებელი დოკუმენტ(ებ)ი (მწარმოებელი კომპანიის ან დამოუკიდებელი ორგანოს მიერ გაცემული დოკუმენტი).
საქონლის ხარისხის დამადასტურებელ დოკუმენტში მკაფიოდ უნდა იკვეთებოდეს შემოთავაზებული საქონლის ავტომატური ამომრთველების ტიპი ან/და მოდელი ან/და სასაქონლო ნიშანი ან/და მისი ტექნიკური სპეციფიკაცია.
- დოკუმენტი დამოწმებული უნდა იყოს ბეჭდით ან/და ხელმოწერით ან/ და შტამპით,
- დოკუმენტს, უცხო ენაზე წარმოდგენის შემთხვევაში, თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით).

„იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მიერ განსაზღვრულ ვადაში პრეტენდენტი ვალდებული იქნება დაასაბუთოს ფასწარმოქმნის ადეკვატურობა, რომელიც უნდა დადასტურდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნის (ასეთ შემთხვევაში წარმოდგენილი უნდა იქნას აუდიტორული საქმიანობის წარმოების უფლებამოსილების დამადასტურებელი დოკუმენტი) საფუძველზე.

ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ფასწარმოქმნის ადეკვატურობის დამადასტურებელი დოკუმენტის წარმოუდგენლობა ან/და ისეთი დოკუმენტის წარმოდგენა, რომლითაც ვერ დადასტურდება ფასწარმოქმნის ადეკვატურობა, გამოიწვევს პრეტენდენტის დისკვალიფიკაციას.

1. ანგარიშსწორება განხორციელდება უნაღდო ანგარიშსწორებით ეროვნულ ვალუტაში ლარში;
2. ანგარიშსწორება განხორციელდება ფაქტობრივად მოწოდებულ საქონელზე მიღება-ჩაბარების აქტის შედგენისა და ფინანსური დოკუმენტაციის წარმოდგენის საფუძველზე.

ანგარიშსწორების ვადაა - მიღება-ჩაბარების აქტისა და ფინანსური დოკუმენტაციის წარმოდგენიდან 20 სამუშაო დღე.

ლილი ანთია, 551093580, lili.antia@engurhesi.ge

1. პრეტენდენტმა სატენდერო წინადადება უნდა წარმოადგინოს ტექნიკური დავალებისა და ფასების ცხრილის შესაბამისად;
2. ფასების ცხრილის წარმოუდგენლობის ან განუფასებლად წარმოდგენის შემთხვევაში, პრეტენდენტი დაექვემდებარება დისკვალიფიკაციას.
სატენდერო წინადადების საერთო ფასის წარმოდგენა დასაშვებია მხოლოდ ეროვნულ ვალუტაში - ლარში
3. შემოთავაზებული საქონელი უნდა იყოს ახალი, ექსპლუატაციაში არ მყოფი და შეესაბამებოდეს საერთაშორისო სტანდარტებს.
4. სატენდერო წინადადების ფასი წარმოდგენილი უნდა იქნეს საქართველოს კანონმდებლობით გათვალისწინებული ყველა გადასახადის ჩათვლით.
5. პრეტენდენტის მიერ წარმოდგენილი დოკუმენტები უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით დამოწმებული „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად.
6. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით). უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.