Продукты для чистки и полировки (Грузия - Тендер #69626597)

სხვადასხვა დასახელების საწმენდი და საპრიალებელი პროდუქცია.

1. მათეთრებელი სითხე - მათეთრებელი სითხე- ნატრიუმის ჰიპოქლორიდის (ჰიდროქლორიდი) (NaOCl) ფუძეზე. კერამიკული (მეტლახი, კაფელი, ნიჟარები, უნიტაზი) ზედაპირების სარეცხი, მათეთრებელი და მადეზინფიცირებელი თვისებებით. დაფასოება 1-დან 5 ლიტრის ჩათვლით. მიწოდებული საქონლის დარჩენილი ვარგისიანობის ვადა უნდა იყოს არანაკლებ 6 თვე - 25000 ცალი.

2. ცხიმის მოსაცილებელი სითხე - ცხიმის მოსაცილებელი სითხე - ე.წ. "შუმანიტის" მსგავსი, სამზარეულო ინვენტარზე და დანადგარებზე მიმწვარი ცხიმების მოსაშორებელი საშუალება. ალკალინური ნივთიერების შემცველობით, შესასხურებელი მექანიზმით, 0.5-1 ლ. დაფასოებით. მიწოდებული საქონლის დარჩენილი ვარგისიანობის ვადა უნდა იყოს არანაკლებ 6 თვე - 7000 ლიტრი.

3. მილების საწმენდი სითხე - მილების საწმენდი სითხე - საკანალიზაციო გაყვანილობებში (მილები, სხვადასხვა შემაერთებლები, წყალშემკრებები) არსებული დაბიძურებების და ცხიმოვანი საცობების ეფექტური საწმენდი საშუალება, კაუსტიკური სოდის (NaOH) შემცველობა არანაკლებ 15%. დაფასოება 1-დან 5 ლიტრის ჩათვლით. მიწოდებული საქონლის დარჩენილი ვარგისიანობის ვადა უნდა იყოს არანაკლებ 6 თვე - 14000 ცალი.

4. სახეხი ფხვნილი - სახეხი ფხვნილი - კერამიკული და ლითონური ზედაპირების საწმენდი ფხვნილი, მადეზინფიცირებელი ეფექტით, კალცინირებული სოდისა და ქლორიანი მათეთრებლის შემცველობით, არაუმეტეს 5 კგ. შეფუთვით - მიწოდებული საქონლის დარჩენილი ვარგისიანობის ვადა უნდა იყოს არანაკლებ 6 თვე - 4000 კგ.

5. შუშის საწმენდი სითხე - შუშის საწმენდი სითხე - შესასხურებელი მექანიზმით, კვალის დატოვების გარეშე. 0.5-1 ლიტრი დაფასოებით. მიწოდებული საქონლის დარჩენილი ვარგისიანობის ვადაა არანაკლებ 6 თვე - 800 ლიტრი.

შენიშვნა 1: სატენდერო დოკუმენტაციით განსაზღვრული შესასყიდი საქონლის რაოდენობა არის საორიენტაციო, შესაბამისად, შემსყიდველი არ არის ვალდებული მოცემული რაოდენობები აითვისოს სრულად.

საქონლის მიწოდება განხორციელდება ეტაპობრივად, ხელშეკრულების გაფორმებიდან 2026 წლის 31 დეკემბრის ჩათვლით.

შემსყიდველის მოთხოვნის შესაბამისად თვეში არაუმეტეს 2 ჯერ, შეკვეთიდან 2 (ორი) სამუშაო დღეში. საქონლის მიწოდება უნდა განხორციელდეს დღის განმავლობაში არაუგვიანეს 17.00 სთ-ის.

მიწდების ადგილი - შპს "სახელმწიფო კვებითი უზრუნველყოფა"-ს საწყობი: დაბა ვაზიანი ან/და ქ. ქუთაისი.

„მიმწოდებელი“ მოსაწოდებელ საქონელზე უნდა ავრცელებდეს გარანტიას/შენახვის ვადას საქონლის ფაქტობრივად მიღებიდან არანაკლებ 6 თვეს, შემდეგი პირობებით:

ა) საგარანტიო/შენახვის პირობები მოქმედებს იმ შემთხვევაში თუ შესყიდვის ობიექტი არ დაზიანდება რაიმე სახის ფიზიკური ზემოქმედებით.
ბ) საგარანტიო ვადის/შენახვის ვადის განმავლობაში შესყიდვის ობიექტის მიერ დეფექტის/წუნის/ხარვეზის/შეუსაბამობის გამოვლენის შემთხვევაში იგი უნდა შეიცვალოს ახლით, არაუმეტეს2 (ორი) სამუშაო დღეში.
გ) „მიმწოდებელი“ საგარანტიო/შენახვის ვადის პირობებს არ ავრცელებს თუ საქონლის დაზიანება გამოწვეულია „შემსყიდველის“ მიერ დაუდევრობით ან გაუფრთხილებლობით.
დ) საგარანტიო/შენახვის ვადის პირობების შეუსრულებლობისთვის/არაჯეროვნად შესრულულებისთვის „შემსყიდველი“ უფლებამოსილია „მიმწოდებელს“ დაარიცხოს საურავი 50 (ორმოცდაათი) ლარის ოდენობით ყოველ გადაცილებულ დღეზე.
ე) „მიმწოდებლის“ მიერ პირგასამტეხლოს გადახდა არ ათავისუფლებს „მიმწოდებელს“ შესასრულებელი ვალდებულებისაგან.

პრეტენდენტმა ფასების ცხრილში უნდა მიუთითოს შესყიდვის ობიექტის წარმოების ქვეყანა, მწარმოებელი და მოდელი (მოდელი არსებობის შემთხვევაში).


შენიშვნა: იმ შემთხვევაში, თუ პრეტენდენტი არ მიუთითებს შესყიდვის ობიექტის წარმოების ქვეყნის, მწარმოებლის და მოდელის (არსებობის შემთხვევაში) შესახებ ინფორმაციას პრეტენდენტი დაზუსტების გარეშე დაექვემდებარება დისკვალიფიკაციას. ასევე, პრეტენდენტის მიერ დაზუსტებული სატენდერო წინადადების წარმოდგენისას (ასეთის არსებობის შემთხვევაში) შემოთავაზებული საქონლის წარმოების ქვეყანის, მწარმოებლის და მოდელს ცვლილება გამოიწვევს პრეტენდენტის დისკვალიფიკაციას

1. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, მათ შორის ტრანსპორტირების ხარჯის.
2. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
3. აღნიშნულ ტენდერში მონაწილეობა იმავდროულად ნიშნავს, რომ პრეტენდენტი თანახმაა სატენდერო დოკუმენტაციის მოთხოვნების სრულად დაცვით განახორციელოს საქონლის მიწოდება.
4. იმ შემთხვევაში თუ პრეტენდენტი თავის სატენდერო წინადადებაში მიუთითებს სატენდერო დოკუმენტაციის 1.5 მუხლისაგან განსხვავებულ, შემსყიდველისათვის უკეთეს საქონლის მიწოდების პირობას, ტენდერში გამარჯვებულ პრეტენდენტთან გაფორმებულ ხელშეკრულებაში აისახება შემოთავაზებული პირობა.
5. შემოთავაზებული საქონელი უნდა იყოს ახალი, ექსპლუატაციაში არ მყოფი;
6. ყველგან თუკი სადმე მითითებულია სასაქონლო ნიშანი, მოდელი ან მწარმოებელი იგულისხმება ,,მსგავსი“ ან ,,ექვივალენტური“;
7. სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე.

ყველაზე დაბალი ფასის წარმომდგენი პრეტენდეტი ვალდებულია წარმოადგინოს შემოთავაზებული საქონლის ნიმუშები - თითოეულ პოზიციაზე.
ნიმუშ(ებ)ის წარმოუდგენლობა ან ხარვეზით წარმოდგენა გამოიწვევს პრეტენდენტის დისკვალიფიკაციას სატენდერო პროცედურებიდან.

ქ.თბილისი, ზღვისუბნის, მე-9 კვარტალი, 21-ე და 22-ე კორპუსის მიმდებარედ.

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლო ოფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

მიღება-ჩაბარების აქტის გაფორმების შემდეგ.

1 პროდუქციის მიწოდებიდან არაუმეტეს 5 სამუშაო დღის ვადაში მხარეები გააფორმებენ მიღება-ჩაბარების აქტს, რის საფუძველზეც შედგება ანგარიშფაქტურა.
2 მიღება-ჩაბარების აქტის მიღებიდან 5 სამუშაო დღის ვადაში, 3 პუნქტით განსაზღვრული წესის შესაბამისად, შემსყიდველი მიმწოდებელს აუნაზღაურებს მიწოდებული პროდუქციის ღირებულებას.
3 შემსყიდველი ანგარიშსწორებას განახორციელებს 1-15 რიცხვამდე მიწოდებული პროდუქციის შემთხვევაში არაუგვიანეს შესაბამისი თვის 25 რიცხვისა, ხოლო 16-30/31 რიცხვებში მიწოდებული პროდუქციის შემთხვევაში არაუგვიანეს მომდევნო თვის 10 რიცხვისა. წინამდებარე პუნქტი არ მოქმედებს თუკი მიმწოდებელი განზრახი ან გაუფრთხილებელი მოქმედებით/უმოქმედობით აბრკოლებს მიღება-ჩაბარების აქტის გაფორმებას.
4 იმ შემთხვევაში, თუ ანგარიშსწორების დღე ემთხვევა არასამუშაო დღეს, ანგარიშსწორება განხორციელდება მომდევნო სამუშაო დღეს, რაც არ ჩაითვლება ვადაგადაცილებად.

შოთა ზაზაძე, 571119085, shzazadze@scs.gov.ge

1. პრეტენდენტის მიერ ელ. ტენდერში მონაწილეობის მიღება (წინადადების წარმოდგენა) ნიშნავს, რომ იგი სრულად ეთანხმება შემსყიდველის ელ. ტენდერის დოკუმენტაციით გათვალისწინებულ მოთხოვნებს.
2. ხელშეკრულებაში დაფიქსირებული ფასების შეცვლა დაუშვებელია თუ ამ ცვლილების შედეგად იზრდება ხელშეკრულების საერთო ღირებულება ან უარესდება ხელშეკრულების პირობები “შემყიდველი”-სათვის.
3. ფასების ცხრილში ერთეულის ფასი გამოსახული უნდა იყოს არაუმეტეს მეათასედის სიზუსტით. იმ შემთხვევაში თუ ფასების ცხრილში დაფიქსირებულია მძიმის შემდეგ 3 (სამ) სიმბოლოზე მეტი, ერთეულის ფასად ჩაითვლება მხოლოდ მძიმის შემდეგ სამი სიმბოლო.
4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
5. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
6. სახელმწიფო შესყიდვების ერთიან ელექტრონულ სისტემაში (შემდგომში-სისტემა) ატვირთული ყველა დოკუმენტზე ან/და ინფორმაციაზე შესრულებული უნდა იყოს კვალიფიციური ელექტრონული ხელმოწერა ან/და დასმული უნდა იყოს კვალიფიციური ელექტრონული შტამპი უფლებამოსილი პირის მიერ (საჭიროების შემთხვევაში ატვირთული უნდა იქნას მინდობილობა ან რწმუნებულება).
7. სახელმწიფო შესყიდვების შესახებ ხელშეკრულების ფორმა და ძირითდი პირობები მოცემულია სატენდერო დოკუმენტაციაში ხელშეკრულების პროექტის სახით, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
8. პრეტენდენტს არა აქვს უფლება წარმოადგინოს ალტერნატიული წინადადება.
9. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, მათ შორის ტრანსპორტირების ხარჯი.
10. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
11. ტენდერში მონაწილე პრეტენდენტის შემოთავაზებული საქონელი არ უნდა იყოს ექსპლუატაციაში ნამყოფი (უნდა იყოს ახალი).
12. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
13. ფასების ცხრილის დაზუსტების შემთხვევაში არ უნდა გაიზარდოს ერთეულის ღირებულება.