Ремонт и техническое обслуживание транспортных средств и оборудования и сопутствующие услуги (Грузия - Тендер #69626578)

ბორჯომის საზოგადოებრივი ტრანსპორტის ბალანსზე რიცხული ექსკავატორი დამტვირთველი მრავალფუნქციური ტრაქტორის JCB 3CX და თვითმცლელი K380 RENAULT ტექნიკური მომსახურეობის შესყიდვა.

პრეტენდენტმა უნდა უზრუნველყოს
1. ექსკავატორი დამტვირთველის მრავალფუნქციური ტრაქორის JCB 3CX14M2WM სახ. ნომერი VV383V -გამოშვების წელი 2019 წ.
2.თვითმცლელის K380 RENAULT სახ. ნომერი ZL736ZL გამოშვების წელი 2019 წ.
ექსკავატორ დამტვირთველის და თვითმცლელის ტექნიკური მომსახურება უნდა განხორცილდეს პრეისკურანტში მითითებული შესაბამისი საქონლის და მომსახურების შესაბამისად, მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.

1. მომსახურების გაწევა უნდა განხორციელდეს ხელშეკრულების გაფორმებიდან 2026 წლის 31 დეკემბრამდე, ეტაპობრივად, შემსყიდველის საჭიროების და მოთხოვნის შესაბამისად;

2. სატრანსპორტო საშუალების ტექნიკური დათვალიერების შემდეგ, მიმწოდებელსა და შემსყიდველს შორის თითოეულ კონკრეტულ შემთხვევაში უნდა შედგეს დეფექტური აქტი. რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის/სათადარიგო ნაწილების დეტალური აღწერა, ღირებულება, მომსახურების დაწყებისა და დასრულების ვადები.

3. თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის მომსახურება, აღნიშნული მომსახურების ერთეულის ფასი დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით.

4. მომსახურების გაწევა უნდა განხორციელდეს დაუყოვნებლივ, რიგგარეშე,. გასაწევი მომსახურება უნდა მოიცავდეს:
- ტექნიკურ დათვალიერებას და დიაგნოსტიკას.
- ძრავის, სავალი ნაწილის, გადაცემათა კოლოფის აგრეგატების და ელექტრო-სისტემის შეკეთებას.
- სათადარიგო ნაწილების შეკეთებას ან/და შეცვლას.
- სათუნუქე და სამღებრო სამუშაოს შესრულებას.
- თვლების შეყრისა და განშლადობის გასწორებას.
- საცხებ-საპოხი მასალების შეცვლას.
- იმ შემთხვევაში, თუ საჭირო გახდა ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების გაწევის ვადა განისაზღვროს გონივრული ვადით, შემსყიდველთან შეთანხმებით.


5. მობილური ჯგუფის მომსახურების გაწევის ვადა - შემსყიდველის მიერ გამოძახების დაფიქსირებიდან მიმწოდებელი ვალდებულია არაუგვიანეს 2 (ორი) სამუშაო დღეში გამოცხადდეს დანიშნულების ადგილზე.

1. მომსახურების გაწევა მიმწოდებელმა უნდა განახორციელოს ქ.ბორჯომში ან მის მიმდებარე ტერიტორიაზე 50 კილომეტრს რადიუსსი მდებარე მიმწოდებლის სერვის ცენტრ(ებ)ში.

2. მობილური ჯგუფის გამოძახების შემთხვევაში, ბორჯომის მუნიციპალიტეტის ტერიტორიაზე, სპეც.ტექნიკის და თვითმცლელის დისლოკაციის ადგილზე.

1. სწორი ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ მომსახურებზე, ახალ/არამეორად, შეკეთებულ და მეორად ნაწილებზე უნდა ვრცელდებოდეს არანაკლებ 6 თვიანი გარანტია, გარდა სწრაფ ცვეთადი დეტალებისა.

2. საგარანტიო ვადის პერიოდში, თუ გამოვლინდა, რომ სრულყოფილად არ არის შესრულებული მომსახურება ან/და შეცვლილი სათადარიგო ნაწილები აღმოჩნდა წუნდებული, ტენდერში გამარჯვებული პრეტენდენტი ვალდებულია განახორციელოს აღმოჩენილი ხარვეზის ან/და წუნდებული სათადარიგო ნაწილების შეცვლა ან შეკეთება, შემსყიდველის მხრიდან რაიმე დამატებითი დანახარჯის გაწევის გარეშე.

1. პრეტენდენტს, 2022 წლის 01 იანვრიდან ტექნიკური დოკუმეტაციის (მათ შორის დაზუსტებული ტექნიკური დოკუმენტაციის) ერთიან ელექტრონულ სისტემაში ატვირთვის დღემდე უნდა გააჩნდეს ჯამურად არანაკლებ 150000 (ასორმოცდაათი ათასი) ლარის ღირებულების, ექსკავატორ დამტვირთველების ან/და ბულდოზერების ან/და თვითმცლელის შეკეთება/ტექნიკური მომსახურების გაწევის გამოცდილება.

2. ინფორმაცია გამოცდილების შესახებ წარმოდგენილი უნდა იყოს დანართი N2–ის შესაბამისად.

3. პრეტენდენტი ვალდებულია წარმოადგინოს, საანგარიშო პერიოდში ანალოგიური მომსახურების გაწევის გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები - მიღება-ჩაბარების აქტები ან/ და მომსახურების გაწევის დამადასტურებელი დოკუმენტაცია.

4. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR და ა.შ.) წარმოდგენა.

5. იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დამადასტურებელ დოკუმენტაციას, პრეტენდენტი ვალდებულია დამატებით წარმოადგინოს აღნიშნულ მომსახურებაზე დადასტურებული საგადასახადო ანგარიშ-ფაქტურების ასლები.

1 პრეტენდენტს, მომსახურების გაწევის პერიოდში, ექსპლუატაციაში (საკუთარი ან/და სარგებლობის უფლებით) უნდა გააჩნდეს მოქმედი მინიმუმ ერთი სერვის ცენტრი ქ.ბორჯომში ან მის მიმდებარე ტერიტორიაზე 50 კილომეტრს რადიუსსი მდებარე, რომელიც აღჭურვილი უნდა იყოს მომსახურების გაწევისთვის აუცილებელი თანამედროვე აპარატურითა და დანადგარებით.

2. პრეტენდენტმა უნდა წარმოადგინოს სერვისცენტრის საკუთრების ან/და სარგებლობის დამადასტურებელი დოკუმენტაცია (ამონაწერი საჯარო რეესტრიდან, ხელშეკრულება ან სხვა სახის დოკუმენტი რითაც დადასტურდება სერვის ცენტის საკუთრება ან/და სარგებლობის უფლებით ფლობა)

პრეტენდენტის მიერ ერთიან ელექტრონულ სისტემაში ასატვირთი მონაცემები:
1 პრეტენდენტი ვალდებულია დანართი #1 და პრეისკურანტები ერთიან ელექტრონულ სისტემაში დამატებით წარმოადგინოს აგრეთვე Excel ფაილის სახით.

2. ინფორმაცია მატერიალურ ტექნიკური ბაზის შესახებ დანართი N2-ს შესაბამისად.ან და დამადასტურებელი დოკუმენტ(ებ)ის ასლები (ხელშეკრულება და მიღება-ჩაბარების აქტი ან/და დამკვეთის მიერ დადასტურებული სხვა სახის რაიმე დოკუმენტი რომლითაც დადასტურდება პრეტენდენტის გამოცდილების სატენდერო პირობებთან შესაბამისობა).
3. სერვის ცენტრ(ებ)ის საკუთრების ან/და სარგებლობის დამადასტურებელი დოკუმენტაცია (ამონაწერი საჯარო რეესტრიდან, ხელშეკრულება ან სხვა სახის დოკუმენტი რითაც დადასტურდება სერვის ცენტის საკუთრება ანდა სარგებლობის უფლებით ფლობა).დანართი #3 შესაბამისად.

1. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (პრეისკურანტის ჯამურ ღირებულებასთან), ასევე პრეისკურანტის ერთეულებთან მიმართებით.

ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში.
მიმწოდებელთან ანგარიშსწორება განხორციელდება ეტაპობრივად მიღება-ჩაბარების აქტისა და შესაბამისი საგადასახდო დოკუმენტაციის საფუძველზე.

ანგარიშსწორება განხორციელდება ეტაპობრივად გაწეული მომსახურების მიღება- ჩაბარების აქტის გაფორმებიდან 10 სამუშაო დღის განმავლობაში. წინასწარი ანგარიშსწორების განხორციელება არ განიხილება.

ხათუნა რაზმაძე, 595787776, borjomitransport@gmail.com

1. სატენდერო წინადადების საერთო და ერთეულის ფასი წარმოდგენილ უნდა იყოს მხოლოდ ლარებში;
2.სატენდერო წინადადების ფასი ( პრეისკურანტი) წარმოდგენილი უნდა იქნას მომსახურების გაწევასთან დაკავშირებულ ყველა ხარჯსა და საქართველოს კანონმდებლობით გათვალისწინებულ გადასახადებს (დღგ-ს ჩათვლით).
3.იმ შემთხვევაში თუ პრეტენდენტის მიერ სისტემის მეშვეობით წარმოდგენილი წინადადების საბოლოო ფასი (ერთიან ელექტრონულ სისტემაში დაფიქსირებული საბოლოო ფასი) პრეისკურანტის სავარაუდო ღირებულებაზე ნაკლები იქნება, პრეტენდენტი ვალდებულია, მის მიერ წარმოდგენილ პრეისკურანტში, საქონლისა და მომსახურების ერთეულის ფასების, ზღრულ ფასებთან მიმართებით კლება განახორციელოს, არანაკლებ სატენდერო განცხადებაში მითითებულ პრეისკურანტის ჯამური სავარაუდო ღირებულებასა და მის მიერ ერთიანი ელექტრონული სისტემის მეშვეობით წარმოდგენილი წინადადების საბოლოო ფასს შორის არსებული პროცენტული სხვაობით, რომელიც დამრგვალებული უნდა იყოს მეასედის სიზუსტით.
4. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.
5 თუ მომსახურების პროცესში აღმოჩნდება, რომ საჭიროა ისეთი მომსახურების ან/და სათადარიგო ნაწილის მიწოდება, რომლის ფასიც განსაზღვრული არ არის დანართი №1-ით, ასეთ შემთხვევაში მხარეები იხელმძღვანელებენ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-11 მუხლის მე-5 პუნქტით დადგენილი წესის შესაბამისად
6 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
7.სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი და პრეისკურანტები.
8.პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტაცია დაამოწმოს/დაადასტუროს კვალიფიციური ხელმოწერით/კვალიფიციური შტამპით.
9.ხელშეკრულების დადების შემდეგ, პრეისკურანტში სამუშაოს ან მომსახურების რომელიმე ერთეულის არარსებობისას აღნიშნული ერთეულის ფასი, მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი სამუშაოს ან მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
10. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.
11. დოკუმენტების უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს გადაწყვეტს სატენდერო კომისია.