Ремонт и техническое обслуживание транспортных средств и оборудования и сопутствующие услуги (Грузия - Тендер #69626567)

სამინისტროს ფინანსურ ანგარიშგებაში რიცხული ავტომანქანების რეცხვისა და ქიმწმენდის მომსახურება.

ვტომობილების რეცხვა/გასუფთავების მომსახურება უნდა განხორციელდეს საბარათე (პლასტიკური ბარათი) სისტემის მეშვეობით, რაც გულისხმობს , რომ მიმწოდებელი შემსყიდველს, ხელშეკრულების გაფორმებიდან 5 სამუშაო დღის ვადაში გადასცემს შესაბამის ბარათებს. რეცხვისა და ქიმწმენდის ბარათების გადაცემის შემდგომ ის წარმოადგენს შემსყიდველის საკუთრებას. საბარათე სისტემით მომსახურების შემთხვევაში მიმწოდებელი ვალდებულია ხელშეკრულების გაფორმებიდან 5 (ხუთი) სამუშაო დღის განმავლობაში შემსყიდველი უზრუნველყოს ისეთი ტიპის ელექტრონული საშუალებით, რომლის მეშვეობითაც შემსყიდველს შესაძლებლობა ექნება (სახელისა და საიდენტიფიკაციო პაროლის გამოყენებით) გააქტიუროს რეცხვის და ქიმწმენდის მომსახურების რაოდენობა სპეციალურ ანგარიშზე. შემსყიდველს უნდა გააჩნდეს უფლებამოსილება ონლაინ, 24 საათის განმავლობაში შეუზღუდავად პლასტიკურ ბარათებზე გაანაწილოს რეცხვისა და ქიმწმენდის მომსახურების რაოდენობა. სპეციალურ ანგარიშზე რეცხვისა და ქიმწმენდის მომსახურების მოთხოვნილი რაოდენობის ასახვის შემდეგ შემსყიდველს უფლება აქვს ანგარიშზე არსებული ნაშთის ფარგლებში შეუზღუდავად, თავისი შეხედულებისამებრ, გადაანაწილოს მის კუთვნილ ერთ ან რამდენიმე პლასტიკურ ბარათზე. პლასტიკური ბარათის წარდგენის შემდგომ მისი მფლობელი უფლებამოსილია მიიღოს ბარათზე არსებული რეცხვის ან ქიმწმენდის მომსახურება
მიმწოდებლის ავტოსამრეცხაო სადგურებში. საბარათე სისტემა ავტომატურად, ონლაინ რეჟიმში უნდა ასახავდეს მომსახურების გაწევას.

ავტოსატრანსპორტო საშუალებების რეცხვა:
-მიმწოდებელმა უნდა უზრუნველყოს ავტოსატრანსპორტო საშუალებების როგორც გარედან, ისე შიდა (სალონი, საბარგული) რეცხვა. ამასთან, რეცხვა უნდა მოხდეს ხელით სპეციალური მოწყობილობების, ინვენტარისა და სარეცხი საშუალებების გამოყენებით; რეცხვის შემდეგ უნდა მოხდეს ავტომობილის გამშრალება;
-რეცხვისთვის გამოყენებულ უნდა იქნეს ავტომობილის რეცხვისათვის განკუთვნილი სარეცხი და საწმენდი საშუალებები;
-მომსახურების გაწევის დროს მიმწოდებლის ბრალეულობით შემსყიდველის ავტოსატრანსპორტო საშუალებაზე მიყენებული ნებისმიერი ზარალის აღმოფხვის ხარჯების ანაზღაურება ეკისრება მიმწოდებელს;
-მიმწოდებელმა რეცხვის მომსახურება უნდა განახორციელოს შემსყიდველის უფლებამოსილი წარმომადგენლის მიერ ტალონის ან პლასტიკური ბარათის წარდგენის შემდეგ.

ქიმწმენდის პირობები:
-მიმწოდებელმა უნდა უზრუნველყოს ავტოსატრანსპორტო საშუალებების - ქიმიური წმენდის მომსახურების გაწევა, რაც მოიცავს ინტერიერის (სალონი და საბარგული) სრულად წმენდას შესაბამისი ხსნარებით, სპეციალური მოწყობილობების, ინვენტარისა და საწმენდი საშუალებების გამოყენებით;
-წმენდისას უნდა მოხდეს სალონის პლასტიკური და ტყავის ელემენტების დამუშავება დამცავი და დამარბილებელი სპეციალური სითხით და კრემებით, სალონის გაწმენდა და დეზინფექცია, არასასიამოვნო სუნის ლიკვიდაცია;
-მომსახურების გაწევის დროს მიმწოდებლის ბრალეულობით შემსყიდველის ავტოსატრანსპორტო საშუალებაზე მიყენებული ნებისმიერი ზარალის აღმოფხვის ხარჯების ანაზღაურება ეკისრება მიმწოდებელს;
-მიმწოდებელმა ქიმწმენდის მომსახურების გაწევა უნდა უზრუნველყოს შემსყიდველის მიერ შესაბამისი ტალონის ან პლასტიკური ბარათის წარდგენიდან არაუმეტეს 48 საათში;

-შემოთავაზებული ფასი უნდა მოიცავდეს მომსახურების სრულყოფილად გაწევასთან დაკავშირებულ ყველა ხარჯსა და კანონმდებლობით გათვალისწინებულ გადასახადებს, მათ შორის: პლასტიკური ბარათების (საჭიროების შემთხვევაში) დამზადების ხარჯებს. ხარჯები, რომლებიც არ იქნება გათვალისწინებული, არ დაექვემდებარება ანაზღაურებას. ფასი მითითებული უნდა იქნეს დღგ-ს გათვალისწინებით.

მომსახურების რაოდენობა:

1. სტანდარტული/მსუბუქი (სედანი) ტიპის ავტომობილის რეცხვა 1152
2. ჯიპის (მაღალი გამავლობის) ტიპის ავტომობილის რეცხვა 1610
3. მიკრო ავტობუსის რეცხვის მომსახურება 48
4 სატვირთო ავტომობილის რეცხვა 24
5. სტანდარტული/მსუბუქი (სედანი) ტიპის ავტომობილის ქიმწმენდა 19
6. ჯიპის (მაღალი გამავლობის) ტიპის ავტომობილის ქიმწმენდა 31
7. მიკრო ავტობუსის ქიმწმენდა 1

მომსახურების გაწევის ვადაა ეტაპობრივად ხელშეკრულების გაფორმებიდან 2026 წლის 31 დეკემბრის ჩათვლით.

მომსახურება უნდა განხორციელდეს ხელშეკრულების გაფორმების დღიდან 2026 წლის 31 დეკემბრის ჩათვლით მიმწოდებლის მიერ მითითებულ ავტოსამრეცხაოებში,შემსყიდველის უფლებამოსილი წარმომადგენლის მიერ პლასტიკური ბარათის წარდგენის შემდეგ.

პრეტენდენტს უნდა ჰქონდეს ბოლო 2 წლის განმავლობაში (2024წ. და 2025წ.) ავტომანქანების რეცხვის და ქიმწმენდის მომსახურების გამოცდილება, რაზედაც უნდა წარმოადგინოს შესაბამისი ხელშეკრულება და მიღება-ჩაბარების აქტები, ხოლო მიღბა-ჩაბარების აქტების ღირებულება ჯამში არ უნდა იყოს მის მიერ შემოთავაზებულ სატენდერო წინადადების ღირებულებაზე ნაკლები.

პრეტენდენტს უნდა გააჩნდეს არანაკლებ 5 (ხუთი) ერთეული ავტოსამრეცხაო სადგური ქ. თბილისში, თითოეული არანაკლებ 2 ბოქსით, საიდანაც მინიმუმ ორი სამრეცხაო უნდა მდებარეობდეს განათლების, მეცნიერებისა და ახალგაზრდობის სამინისტროს შენობიდან (ქ. თბილისი დ. უზნაძის ქ.N52) არაუმეტეს 5 კმ. საგზაო მანძილზე და პრეტენდენტმა უნდა წარმოადგინოს ინფორმაცია სამრეცხაოების მდებარეობის შესახებ (ზუსტი მისამართების მითითებით).

პრეტენდენტის მიერ შექმნილ და სისტემაში ასატვირთ დოკუმენტაციაზე ხელმოწერა შესრულებული უნდა იყოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის ან აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ექსპერტიზის ან აუდიტორის დასკვნის წარმოდგენის შემთხვევაში, აუდიტორული კომპანია/აუდიტორი უნდა ირიცხებოდეს ბუღალტრული აღრიცხვის, ანგარიშგების და აუდიტის ზედამხედველობის სამსახურის შესაბამის რეესტრში. ასევე, შესაძლებელია სახელმწიფოს მიერ აღიარებული ორგანიზაციის მიერ გაცემული საექპერტო დასკვნის წარმოდგენა.

ანგარიშსწორება განხორციელდება ყოველთვიურად, ფაქტიურად გაწეული მომსახურების შესაბამისად, მიღება-ჩაბარების აქტის გაფორმების საფუძველზე.

ანგარიშსწორება განხორციელდება მიღება-ჩაბარების აქტის გაფორმებიდან 10 სამუშაო დღის განმავლობაში.

ნატალია ბოჭორიშვილი, 577173332, nbochorishvili@mes.gov.ge