Услуги пресс-агентов (Грузия - Тендер #69626478)

საინფორმაციო სააგენტოების/ვებპორტალების საინფორმაციო მომსახურების შესყიდვა.

მომსახურების ფარგლებში პრეტენდენტის ვალდებულებები:
1. ინფორმაციის, სტატიების, ფოტომასალის გავრცელება საკუთარ საინფორმაციო სააგენტოზე და დამატებით არანაკლებ 24 სხვადასხვა საინფორმაციო სააგენტოს (ქვეკონტრაქტორი საინფორმაციო სააგენტოები შერჩეული იქნება დამკვეთის მოთხოვნის შესაბამისად) მეშვეობით. აქედან მინიმუმ ათმა საინფორმაციო სააგენტომ ინფორმაცია და მიწოდებული მასალა უნდა გაავრცელოს ულიმიტოდ, შეუზღუდავი რაოდენობით.
2. მიმწოდებელმა უნდა უზრუნველყოს გავრცელებული მასალების ლინკების მიწოდება შემსყიდველის მიერ მითითებულ ელექტრონულ ფოსტაზე ოპერატიულად.
3. მიმწოდებელმა უნდა უზრუნველყოს სმს მომსახურება, რაც გულისხმობს ინფორმაციის მოკლე ანოტაციას, წყაროს და ლინკის მესიჯად გაგზავნას შემსყიდველისთვის ოპერატიულად, ინფორმაციის გასვლიდან ნახევარი საათის ინტერვალში (შემსყიდველის მოთხოვნის შემთხვევაში).
4. მიმწოდებელი ვალდებულია მის საკუთრებაში არსებულ საინფორმაციო სააგენტოს (საინფორმაციო პორტალის) ვებგვერდზე, ჩააშენოს კატეგორია, სადაც თავს მოიყრის ყველა ინფორმაცია ცენტრალური საარჩევნო კომისიის საქმიანობის შესახებ და უზრუნველყოს აღნიშნული ფანჯრით სარგებლობის უფლების გადაცემა სიემესზე (ადმინი) წვდომით შემსყიდველის მოთხოვნის შემთხვევაში (პაროლი და username).

მომსახურების აღწერილობა:
1. შემსყიდველის საქმიანობის და მის მიერ ჩატარებული ღონისძიებების (პრესკონფერენციების, პრეზენტაციების და ა.შ.) შესახებ ანონსების, ინფორმაციების მომზადება და გაშუქება, ასევე მათი გავრცელება სხვა მედიასაშუალებებში, სატენდერო დოკუმენტაციით დადგენილი პირობების შესაბამისად;
2. მიმწოდებელმა უნდა უზრუნველყოს ყოველდღიური ანონსის მიწოდება შემსყიდველისთვის;
3. მიმწოდებლის საინფორმაციო ვებგვერდის არქივში, შემსყიდველის საქმიანობის შესახებ არსებული აუდიო, ვიდეო თუ ფოტომასალის გამოყენების სრული შესაძლებლობა;
4. შემსყიდველისთვის მნიშვნელოვანი და საინტერესო თემების შესახებ ნიუსების, ინტერვიუების და კომენტარების მომზადება/გავრცელება არანაკლებ სამი საინფორმაციო სააგენტოს მეშვეობით, ულიმიტოდ;
5. შემსყიდველის მოთხოვნის შემთხვევაში, მიმწოდებელმა დღეში ერთხელ, არანაკლებ ერთი საინფორმაციო სააგენტოს ფეისბუქ გვერდზე, უნდა გაავრცელოს დამკვეთის მიერ მიწოდებული ინფორმაცია შემსყიდველის მიერ შერჩეულ სეგმენტსა და პერიმეტრზე;
6. მიწოდებული ინფორმაციის გავრცელება ყველა სააგენტოში უნდა მოხდეს ქართულ ენაზე, ასევე შემსყიდველის მოთხოვნის შემთხვევაში, არანაკლებ ერთ სააგენტოში სულ მცირე ორ ენაზე, რომლიდან ერთ-ერთი უნდა იყოს ინგლისური (ულიმიტოდ). ამასთან, მიმწოდებელმა უნდა უზრუნველყოს შემსყიდველის მიერ მიწოდებული მასალის თარგმნა და განთავსება ულიმიტოდ, არანაკლებ ერთ ინგლისურენოვან ვებგვერდზე, რომელსაც გააჩნია მობილური აპლიკაცია;
7. შემსყიდველის მოთხოვნის შემთხვევაში, მიმწოდებელმა არანაკლებ სამ სხვადასხვა საინფორმაციო სააგენტოს ფეისბუქ გვერდზე უნდა გააზიაროს დამკვეთის მიერ მიწოდებული პირდაპირი ეთერის ლინკი;
8. შემსყიდველის მოთხოვნის შესაბამისად, მიმწოდებელი ვალდებულია, უზრუნველყოს კვირაში ერთხელ მედიასივრცეში მოთხოვნილი გადაცემების რეიტინგისა და შეარის შესახებ ინფორმაციის მიწოდება, სადაც კვლევის (რეიტინგი და შეარი) გენერალური ერთობლიობა უნდა მოიცავდეს მთლიან საქართველოს.
9. შემსყიდველის მოთხოვნის შემთხვევაში, მიმწოდებელმა უნდა უზრუნველყოს მიწოდებული ინფორმაციის ე.წ. ქარდებად მომზადება (დიზაინის შეთანხმებით) და გავრცელება არანაკლებ სამი საინფორმაციო სააგენტოს ფეისბუქ გვერდზე;
10. შემსყიდველის მიერ ორგანიზებული ღონისძიებების (მათ შორის შეხვედრების) ფოტო და ვიდეო გადაღება (ულიმიტოდ) შემსყიდველის მოთხოვნის შესაბამისად;
11. მიმწოდებელმა უნდა უზრუნველყოს შემსყიდველის მიერ მიწოდებული ვიდეომასალის მონტაჟი ულიმიტოდ;

სააგენტოების შერჩევისას შემსყიდველი გაითვალისწინებს შემდეგ კრიტერიუმებს:
ა) არანაკლებ ორი სააგენტო, რომელიც რადიოთიც მაუწყებლობს
ბ) არანაკლებ ერთი სააგენტო, რომელიც ტელევიზიის საკუთრებაშია
დ) არანაკლებ ერთი სააგენტო, რომელიც ფლობს პრეს-კლუბს და თვეში არანაკლებ ერთხელ გაუკეთებს ორგანიზებას პრეს-კონფერენციას შემსყიდველის მოთხოვნის შესაბამისად უზრუნველყოფს პრეს-კონფერენციის ლაივ-სტრიმს და ამ პრეს-კონფერენციის ვიდეო-ჩანაწერის გაკეთებას
ე) არანაკლებ ერთი სააგენტო, რომელიც საჭიროების შემთხვევაში განათავსებს შემსყიდველის ბანერს მათ ვებ-გვერდზე
ვ) არანაკლებ ერთი სააგენტო, რომელიც უზრუნველყოფს შემსყიდველის ღონისძიებების შეკვეთილ ფოტო-გადაღებას საქართველოს მასშტაბით თვეში არანაკლებ 4-ჯერ
ზ) არანაკლებ ერთი სააგენტო, რომელიც შემსყიდველისთვის მნიშვნელოვან და საინტერესო თემების შესახებ ინტერვიუებს და კომენტარებს მოამზადებს და გაავრცელებს თვეში არანაკლებ 5-ჯერ
თ) არანაკლებ ერთი სააგენტო, რომელიც ფლობს ბეჭდურ მედიას;
ი) არანაკლებ ერთი სააგენტო, რომელიც უზრუნველყოფს შემსყიდველის მიერ ორგანიზებულ პრეს-კონფერენციებზე, ბრიფინგებზე მასმედიის (ბეჭდური, ელექტრონული მედია, ტელევიზიება და რადიო) წარმომადგენელთა მოწვევას;
კ) არანაკლებ ერთი სააგენტო, რომელიც ფლობს საკუთარ სააგენტოებს;
ლ) არანაკლებ ერთი სააგენტო, რომელიც უზრუნველყოფს საკუთარი საიტის მთავარ გვერდზე შემსყიდველის სპეციალური რუბრიკის განთავსებას, სადაც გამოქვეყნდება სამსახურის მიერ მოწოდებული ყველა სახის (ბეჭდვითი, ვიდეო).

მომსახურების გაწევა უნდა განხორციელდეს ხელშეკრულების გაფორმებიდან 2026 წლის 31 დეკემბრის ჩათვლით.

მედია სივრცე.

1. პრეტენდენტს უნდა გააჩნდეს ბოლო სამი წლის განმავლობაში არანაკლებ 10 სხვადასხვა ორგანიზაციასთან ახალი ამბების სააგენტოების მომსახურების გაწევის გამოცდილება.
გამოცდილების დამადასტურებლად, პრეტენდენტმა სახელმწიფო შესყიდვების ერთიანი ელექტრონული სისტემის მეშვეობით, უნდა წარმოადგინოს შემდეგი დოკუმენტაცია:

ა) შესაბამისი ხელშეკრულება, გაწეულ მომსახურებაზე გაფორმებული მიღება-ჩაბარების აქტი ან მიღება-ჩაბარების აქტის სანაცვლოდ მომსახურების გაწევის დამადასტურებელი ნებისმიერი სხვა სახის დოკუმენტი;
ან
ბ) სახელმწიფო შესყიდვის ერთიანი ელექტრონული სისტემის მონაცემებით არსებული ინფორმაცია- კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალური ნომერი;

თუ პრეტენდენტი წარმოადგენს სახელმწიფო შესყიდვის ერთიანი ელექტრონული სისტემის მონაცემებს, კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალურ ნომერს, მაშინ დამატებითი დოკუმენტაციის (ხელშეკრულება, მიღება-ჩაბარების აქტი ან ნებისმიერი სახის სხვა დოკუმენტი, რომელიც დაადასტურებს ხელშეკრულების შესრულების ფაქტს) წარმოდგენა სავალდებულო არაა;

თუ ""ა"" პუნქტის მიხედვით წარმოდგენილ ხელშეკრულებაში ასახულია ""ბ"" პუნქტით გათვალისწინებული ინფორმაცია, მაშინ მიღება-ჩაბარების აქტების ან მათ სანაცვლოდ მომსახურების გაწევის დამადასტურებელი სახის სხვა დოკუმენტის წარმოდგენა არ არის სავალდებულო).

ა) მოქმედი არანაკლებ სამენოვანი საინფორმაციო ვებ-გვერდი;
ბ) მოქმედი არანაკლებ სამენოვანი უფასო მობილური აპლიკაცია (ANDROID და IOS).

პრეტენდენტი ვალდებულია წარმოადგინოს შესაბამისი დამადასტურებელი ინფორმაცია/დოკუმენტაცია ან ხელწერილი (სადაც მითითებული იქნება კონკრეტული ვებგვერდი და რომ მობილური აპლიკაცია წარმოადგენს პრეტენდენტის საკუთრებას).

პრეტენდეტის მიერ ერთიან ელექტრონულ სისტემაში ასატვირთი მონაცემები:
1. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია;
2. ინფორმაცია სატენდერო პირობების 1.2 პუნქტით განსაზღვრული გასაწევი მომსახურების ტექნიკური დავალების შესახებ.
3. ფასების ცხრილი 1.3 პუნქტის შესაბამისად.
4. პრეტენდენტის გამოცდილების დამადასტურებელი ინფორმაცია/დოკუმენტაცია (პუნქტი 2.2.1);
5. ინფორმაცია პრეტენდენტის მატერიალურ-ტექნიკური ბაზის შესახებ (პუნქტი 2.3.1);

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში საბოლოო ფასი 20%-ით ან მეტით დაბალია შესყიდვის ობიექტის ჯამურ სავარაუდო ღირებულებაზე, შემსყიდველის მიერ წერილობითი მიმართვით განსაზღვრულ გონივრულ ვადაში, პრეტენდენტი ვალდებული იქნება დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, უნდა დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო, ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია.

2 Процентов

5 Процентов

ხელშეკრულების მოქმედების ვადას უნდა აღემატებოდეს არანაკლებ 60 (სამოცი) კალენდარული დღით.

გამარჯვებული პრეტენდენტის მიერ წარმოდგენილი უნდა იქნას ხელშეკრულების შესრულების უპირობო და გამოუხმობი საბანკო გარანტია, გაცემული მხოლოდ საქართველოში ლიცენზირებული საბანკო დაწესებულების ან სადაზღვევო კომპანიის მიერ.

1. სატენდერო წინადადების საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
2. ანგარიშსწორება მოხდება ეტაპობრივად, გაწეული მომსახურების შესაბამისად, უნაღდო ანგარიშსწორებით ლარში. არასრული თვის შემთხვევაში ხელშეკრულების ღირებულების განსაზღვრა და შესაბამისად ანგარიშსწორება განხორციელდება გაწეული მომსახურების დღეთა პროპორციულად.

ანგარიშსწორება მოხდება ეტაპობრივად, მიღება-ჩაბარების აქტის გაფორმებიდან და საგადასახადო ანგარიშ-ფაქტურის წარმოდგენიდან 10 (ათი) სამუშაო დღის განმავლობაში.

ბექა ბეგიაშვილი, 591226688, bbegiashvili@cec.gov.ge

1.ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
2. სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა).
3 პრეტენდენტის მიერ შექმნილი ყველა დოკუმენტი ან/და ინფორმაცია წარმოდგენილ უნდა იყოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და მის საფუძველზე გამოცემული ნორმატიული აქტ(ებ)ის (ასეთის არსებობის შემთხვევაში) შესაბამისად.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში დანართის სახით, რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად.