Ремонт и техническое обслуживание транспортных средств и оборудования и сопутствующие услуги (Грузия - Тендер #69626477)

თსსუ-ს ბალანსზე რიცხული ავტომანქანების შეკეთება პრეისკურანტის წესით.

1. ჰიუნდაი აქცენტი, გამოშვების წელი 2012;
2. კია სორენტო, გამოშვების წელი 2012;
3. ნისან ნავარა, გამოშვების წელი 2013;
4. ფორდ ფიესტა, გამოშვების წელი 2015;
5. ფორდ ტრანზიტი, გამოშვების წელი 1995;
6. ფორდ ტრანზიტი, გამოშვების წელი 1999;
7. ფორდ ტრანზიტი, გამოშვების წელი 2015;
8. რენო დასტერი, გამოშვების წელი 2015-2017;
9. რენო დასტერი, გამოშვების წელი 2019;
10. ჰონდა პილოტი, გამოშვების წელი 2018;
11. ჰიუნდაი H1, გამოშვების წელი 2018.

⏺ ავტომანქანის ტექნიკური მომსახურება უნდა განხორციელდეს პრეისკურანტში მითითებული შესაბამისი საქონლის (ნაწილები და საცხებ-საპოხი) და მომსახურების შესაბამისად, მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში მიმწოდებლის მიერ შედგენილი დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.

⏺ შემსყიდველი უფლებამოსილია მიმწოდებლის მიერ შედგენილ დეფექტურ აქტში მითითებული სამუშაოების სისწორე გადაამოწმოს ავტორიზებულ სერვისცენტრში ან მხარეთა შეთანხმებით სხვა სერვისცენტრში.

⏺ თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ-საპოხი) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის ან/და მომსახურების რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

⏺ შესყიდვის ობიექტის სახელშეკრულებო ღირებულება არის ⏺65 000 ლარი. სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამურ ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.

⏺ პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ მომსახურების პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.

⏺ პრეტედენტის მიერ, სისტემაში ატვირთული პრეისკურანტის ჯამურ ღირებულებას და ვაჭრობის შედაგად დაფიქსირებულ ფასებს შორის სხვაობის შემთხვევაში, სხვაობა საჭიროა პროპორციულად გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება. პრეტენდენტის მიერ საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით

⏺ პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის პრეისკურანტის წარმოუდგენლობა ან არსებითად შეუსაბამო პრეისკურანტის წარმოდგენა (ერთეულის ფასი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფასს, გამოიწვევს პრეტენდენტის დისკვალიფიკაციას აღნიშნულ ტენდერში;

⏺ მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაყვანის ხარჯებს უზრუნველყოფს მიმწოდებელი (საწვავი, ევაუკატორის მომსახურება და ა.შ.)

⏺მიმწოდებლის მხრიდან ხელშეკრულების პირობების შეუსრულებლობის ან/და ხელშეკრულების არაკეთილსინდისიერად შესრულების ფაქტების არაერთგზის გამოვლენის შემთხვევაში, შემსყიდველი იტოვებს უფლებას ხელშეკრულების სრული ან მისი ცალკეული პირობების მოქმედების შეწყვეტის შესახებ.

1. ხელშეკრულების ძალაში შესვლის დღიდან, შემსყიდველის მოთხოვნის შესაბამისად, 2026 წლის 31 დეკემბრის ჩათვლით.

2. შესყიდვის ობიექტის მომსახურების გაწევა უნდა განხორციელდეს რიგგარეშე, შეტყობინების მიღებიდან არაუგვიანეს 2 (ორი) სამუშაო დღის ვადაში, გარდა სათუნუქე-სამღებრო სამუშაოების შემთხვევისა – 8 (რვა) სამუშაო დღე.

1. შესყიდვის ობიექტის მიწოდება განხორციელდება მიმწოდებლის სერვის ცენტრ(ებ)ში ეტაპობრივად (შემსყიდველის საჭიროებისამებრ).

ავტომანქანების შეკეთებისა და მომსახურებისათვის გამოყენებული სათადარიგო ნაწილები უნდა იყოს ახალი, ქარხნული, ხარისხიანი და უნაკლო, არანაკლებ 6 (ექვსი) თვიანი გარანტიით, გარდა ცვეთადი ნაწილებისა, როგორიცაა სამუხრუჭე ხუნდები, ზეთის, ჰაერის, კონდენციონერისა და საწვავის ფილტრები. მიმწოდებელი პასუხისმგებელია წუნდებული საქონლის გამოცვლაზე შესაბამისი მომსახურებით საკუთარი ხარჯით.

1) პრეტენდენტს (ხელშეკრულების დადების შემდგომ - მიმწოდებელს) უნდა გააჩნდეს ან იჯარით უნდა ჰქონდეს აღებული სარემონტო საამქრო (სახელოსნო) შესაბამისი აღჭურვილობით, ავტომობილების ყველა კვანძის და აგრეგატის ტექმომსახურების შესაძლებლობით (კაპიტალური რემონტი), რომელიც დაშორებული იქნება თბილისის სახელმწიფო სამედიცინო უნივერსიტეტიდან (ვაჟა ფშაველას გამზირი №33) არაუმეტეს 10 კმ რადიუსისა.

2) მიმწოდებელს უნდა გააჩნდეს შემდეგი მატერიალურ-ტექნიკური ბაზა:

2.1. არანაკლებ 3 ამწე დანადგარი
2.2. თვლების ნახარის გასასწორებელი აპარატი (რაზვალის აპარატი)
2.3. ვულკანიზაცია
2.4. ფრეონის აპარატი
2.5. კომპიუტერული დიაგნოსტიკა

3) აღნიშნულის დასადასტურებლად პრეტენდენტმა უნდა წარმოდგინოს ფართის იჯარის ხელშეკრულება ან/და ფართის საკუთრების უფლების დამადასტურებელი დოკუმენტი, სადაც მითითებული იქნება მისამართი ან/და საკადასტრო კოდი.

4) 2.3.1.2 პუნქტით მოთხოვნილი მატერიალურ-ტექნიკური ბაზა ადგილზე გადამოწმდება შემსყიდველის წარმომადგენლის მიერ.

1. ტექ მომსახურების გაწევის დროს გამოყენებული უნდა იქნას ორიგინალი ან ლიცენზირებული ნაწილები

2. აუცილებელი მოთხოვნა, რომ ტექავტომომსახურების გაწევის შემდგომ თუ მოხდება აღნიშნული ავტომობილის დახარვეზება სავალდებულო ტექდათვალიერების შემდგომ იმ დეტალით/მომსახურებით რომელიც შეცვალა/შეაკეთა მიმწოდებელმა, აღმოჩენილი ხარვეზები უნდა იქნეს გამოსწორებული მის მიერ საკუთარი ხარჯებით, გონივრულ ვადაში.

3. მიმწოდებელი, საჭიროების შემთხვევაში, უზრუნველყოფს შესაკეთებელი ავტომობილის გადაყვანას ევაკუატორით, პრეისკურანტის შესაბამისად.

4. პრეტენდენტმა წინადადების დაფიქსირებისას პრეისკურანტი უნდა ატვირთოს ექსელის (Excel) ფორმატში.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს:

საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

ანგარიშსწორება განხორციელდება მიმწოდებლის მიერ ფაქტიურად გაწეული მომსახურების შესახებ გაფორმებული მიღება-ჩაბარების აქტის საფუძველზე, შემსყიდველის მიერ საგადასახადო ანგარიშ-ფაქტურის (იმ შემთხვევაში თუ მიმწოდებელი არის დღგ-ს გადამხდელი) დადასტურების დღიდან - სატენდერო დოკუმენტაციის 7.3 პუნქტით გათვალისწინებულ ვადაში.

ანგარიშსწორება განხორციელდება, 7.2. პუნქტით გათვალისწინებული დოკუმენტების წარმოდგენიდან არაუგვიანეს 10 სამუშაო დღის ვადაში.

თინათინ ჭანტურიძე, 592212187, samedicino@tsmu.edu 2 54 24 56, სატენდერო დოკუმენტაციასთან დაკავშირებით
⏺ ტექნიკურ საკითხებთან დაკავშირებით: ედიშერ ლობჟანიძე 577 40 64 74

✔ ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

✔ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისთვის დაზუსტდება სატენდერო წინადადების შესაბამისად.

✔ პრეტენდენტს არ აქვს უფლება წარმოადგინოს ალტერნატიული სატენდერო წინადადება.

✔ პრეტენდენტი, ტენდერში სატენდერო წინადადების წარდგენით, გამოხატავს თანხმობას სატენდერო დოკუმენტაციაში მოცემულ პირობებზე.

✔ თუ სატენდერო დოკუმენტაციაში/პრეისკურანტში, შესყიდვის ობიექტის ტექნიკური და ხარისხობრივი მაჩვენებლების აღწერისას, გამოყენებული იქნება კონკრეტული სასაქონლო ნიშანი, მოდელი, პატენტი ან მწარმოებელი, ან სურათი, ასეთ შემთხვევაში აღნიშნული ინფორმაცია გულისხმობს „მსგავსის“ და „ეკვივალენტურის“ მნიშვნელობას, ხოლო პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი.

✔ პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაადასტუროს კვალიფიციური ელექტრონული ხელმოწერით ან/და დაამოწმოს კვალიფიციური ელექტრონული შტამპით, მოქმედი კანონმდებლობის შესაბამისად.