Техническое обслуживание и ремонт (Грузия - Тендер #69626467)

პორტაბელური/სატარებელი (ლეპტოპი) კომპიუტერებისა და პრინტერების ტექნიკური მომსახურება და შეკეთება

1.2.1 ტექნიკური მომსახურება უნდა განხორცილდეს ფასების ცხრილი (დანართი N1)-ში მითითებული მომსახურების შესაბამისად.
1.2.2 პრეტენდენტის მიერ მომსახურების გაწევის დროს გამოყენებული უნდა იქნას ახალი (არამეორადი) სათადარიგო ნაწილები. მეორადი სათადარიგო ნაწილების გამოყენება დასაშვებია მხოლოდ შემსყიდველთან შეთანხმებით (2.9.4. პუნქტის მოთხოვნის შესაბამისად) და მათი ღირებულება განსაზღვრული იქნება ურთიერთშეთანხმების საფუძველზე (მეორადი სათადარიგო ნაწილის ღირებულება ნაკლები უნდა იყოს ახალი სათადარიგო ნაწილის ფასზე).
1.2.3 მიმწოდებელი ვალდებულია მომსახურების გაწევის დროს მიმწოდებლის ბრალეულობით შემსყიდველის ქონებაზე მიყენებული ნებისმიერი ზიანი აღმოფხვრას საკუთარი სახსრებით.
1.2.4 მიმწოდებელი ვალდებულია მომსახურების გაწევის შემდგომ გაფუჭებული შეცვლილი დეტალი წარუდგინოს შემსყიდველს.

ხელშეკრულების გაფორმებიდან 2026 წლის 25 დეკემბრის ჩათვლით, ეტაპობრივად შემსყიდველის სიტყვიერი (ზეპირი) ან წერილობითი მოთხოვნიდან არაუგვიანეს 3 (სამი) სამუშაო დღის ვადაში, ხოლო თუ მომსახურება ეხება დეფიციტური ნაწილით უზრუნველყოფას, მომსახურების გაწევის ვადა განისაზღვრება მხარეთა შორის შეთანხმებით, მაგრამ არაუგვიანეს 20 (ოცი) კალენდარული დღით.
მიმწოდებელი საკუთარი ხარჯებით ახდენს შესაკეთებელი/შეკეთებული ტექნიკის, დასამუხტი/დამუხტული კარტრიჯების თავის სერვის ცენტრში წაღებას და მომსახურების გაწევის შემდგომ კვლავ საკუთარი ხარჯებით ახდენს მის ტრანსპორტირებას შემსყიდველის მისამართზე - ქ. თბილისი, მარშალ გელოვანის გამზ. №36ა.
ზემოაღნიშნული ვადები ვრცელდება საგარანტიო მომსახურებაზეც

1.5.1.მომსახურების მიწოდების ადგილი: მომსახურება განხორციელდება დაზიანების სპეციპიკიდან გამომდინარე მიმწოდებლის ან შემსყიდველის მისამართზე (თბილისი,მარშალ გელოვანის გამ. №36ა).
1.5.2.კარტრიჯებთან დაკავშირებული ე.წ. ჩიპების განულების პრობლემის მოგვარება, შემსყიდველის მხრიდან რაიმე დამატებითი ხარჯების გაწევის გარეშე, სრულად წარმოადგენს მომწოდებლის ვალდებულებას.

1.7.1.1 შეცვლილ დეტალებზე საგარანტიო ვადა მიღება-ჩაბარების აქტის გაფორმებიდან არანაკლებ 6 (ექვსი) თვე. (პრეტენდენტი ვალდებულია ერთიანი ელექტრონული სისტემის მეშვეობით წარმოადგინოს ინფორმაცია საგარანტიო ვადის შესახებ).
1.7.1.2. დამუხტულმა კარტრიჯმა შეუფერხებლად უნდა იმუშაოს მისთვის გათვალისწინებული რესურსის (მითითებულია ფასების ცხრილში (დანართი N1)-ში ) სრულ დაცლამდე

შენიშვნა: საგარანტიო პერიოდში მიმწოდებელმა სურსათის ეროვნული სააგენტოს შენობიდან (მარშალ გელოვანის გამ. №36ა) უნდა უზრუნველყოს შესაკეთებელი ტექნიკის ტრანსპორტირება სერვის ცენტრში და შეკეთების შემდგომ შეკეთებული ტექნიკის უკან ტრანსპორტირება.

2.2.1.1. პრეტენდენტს უნდა ჰქონდნეს მსგავსი/ანალოგიური მომსახურების შესრულების მინიმუმ 2 წლიანი გამოცდილება 2023-2025 წლების მანძილზე. აღნიშნული უნდა დასტურდებოდეს პრეტენდენტის მიერ, ელექტრონულად წარმოდგენილი, შესაბამისი ხელშეკრულებებითა და მიღება-ჩაბარების აქტებით, ან აღნიშნული ინფორმაცია უნდა წარმოადგინოს ცხრილის სახით სადაც მითითებული იქნება შესაბამისი CMR/SPA/NAT ნომრები.

2.2.1.2.სატენდერო დოკუმენტაციის 2.2.1.1. პუნქტის შესაბამისად წარმოდგენილი ხელშეკრულებებისა და მათი შესრულების დამადასტურებელი დოკუმენტების ჯამური ღირებულება არ უნდა იყოს 20,000 (ოცი ათასი) ლარზე ნაკლები.

2.9.1. პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ, ასევე საბოლოო ფასის შესაბამის მომსახურების პრეისკურანტში მითითებული მომსახურების ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის მაქსიმალურ ზღვრულ ღირებულებას;

2.9.2. დაზუსტებას არ ექვემდებარება ტექნიკური დოკუმენტაცია და პრეტენდენტი დაექვემდებარება დისკვალიფიკაციას, თუ პრეტენდენტის მიერ „წინადადების მიღება დასრულებულია“ ეტაპზე არ არის წარმოდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.

2.9.3. პრეტენდენტის მიერ (შერჩევა- შეფასების ეტაპზე; ხელშეკრულებაზე მოწვევის ეტაპზე) წარმოდგენილ დაზუსტებულ პრეისკურანტში,რომელიმე პოზიციის ერთეულის ფასის გაზრდა (რომელიც პრეტენდენტს მითითებული აქვს თავდაპირველ პრეისკურანტში) დაუშვებელია და გამოიწვევს პრეტენდენტის დისკვალიფიკაციას.

2.9.4. თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის მომსახურება, გასაწევი მომსახურების ერთეულის ფასი (მისი შესყიდვის აუცილებლობისას) დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ საბოლოოდ დაფიქსირებული პრეისკურანტის საბოლოო ჯამური ღირებულების 10%-ს.

4.1.1.1. შესყიდვის სავარაუდო ღირებულებასთან მიმართებაში, საბოლოო ფასის 20%-ით ან მეტით კლების შემთხვევაში, ფასწარმოქმნის ადეკვატურობის დადასტურების მიზნით, პრეტენდენტმა უნდა წარმოადგინოს შესაბამისი უფლებამოსილების მქონე დამოუკიდებელი აუდიტორისა ან აუდიტორული კომპანიის მიერ გაცემული დასკვნა, რომელიც დაადასტურებს, რომ შემოთავაზებულ ფასად, პრეტენდენტს სრულად და შეუფერხებლად შეუძლია ტენდერით გათვალისწინებული ვალდებულებებისა და მოთხოვნების შესრულება;

4.1.1.2. ტენდერის მიზნებისთვის, შესაბამისი კვალიფიკაციის და უფლებამოსილების მქონე პირად, შემსყიდველი განიხილავს პირს - დამოუკიდებელ აუდიტორს ან აუდიტორულ კომპანიას, რომელიც რეგისტრირებულია ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ოფიციალურ რეესტრში, ვებ გვერდზე: https://www.saras.gov.ge.

7.2.1.ანგარიშსწორება მიმწოდებელთან განხორციელდება ფაქტიურად გაწეული მომსახურების მიხედვით, მხარეთა მიერ, შესაბამისი მიღება-ჩაბარების აქტის გაფორმების საფუძველზე,

7.2.2. ანგარიშსწორება განხორციელდება ეროვნულ ვალუტაში - ლარში.

7.2.3. ანგარიშსწორების ფორმა იქნება უნაღდო ანგარიშსწორება, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე.

მიღება-ჩაბარების აქტის გაფორმებიდან 10 სამუშაო დღის ვადაში.

მათე საჯაია, 597726676, mate.sajaia@nfa.gov.ge

10.1.1. სატენდერო წინადადების ფასში პრეტენდენტმა უნდა გაითვალისწინოს, ტექნიკური დავალების შესაბამისად, შემსყიდველისათვის საქონლის მიწოდებასთან დაკავშირებული ყველა ხარჯი (მათ შორის ტრანსპორტირება და დაცლა/დასაწყობება) და ყველა შესაბამისი გადასახადი გარდა დამატებითი ღირებულების გადასახადისა (დღგ);

10.1.2. პრეტენდენტმა სატენდერო წინადადების ფასში არ უნდა გაითვალისწინოს დღგ მიუხედავად იმისა, არის თუ არა იგი დ.ღ.გ-ს გადამხდელი საქართველოს კანონმდებლობის შესაბამისად;

10.1.3. თუ ხელშეკრულების დადების მომენტისათვის, პრეტენდენტი არის დამატებითი ღირებულების გდამხდელი საქართველოს კანონმდებლობის მოთხოვნათა შესაბამისად, შემსყიდველი ვალდებულია ხელშეკრულების ღირებულებაში გაითვალისწინოს სატენდერო წინადადების საბოლოო ფაისის შესაბამისი დ.ღ.გ-ს ოდენობა (ანუ, დღგ-ს შესაბამისი თანხა დაემატება სატენდერო წინადადების საბოლოო ფასს);

10.1.4. ელექტრონულ ტენდერთან დაკავშირებული დოკუმენტები ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;

10.1.5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) პრეტენდენტის მიერ ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან კვალიფიციური ელექტრონული შტამპით, საქართველოს კანონის - „ელექტრონული დოკუმენტისა და ელექტრონული სანდო მომსახურების შესახებ“- შესაბამისად.