Ремонт и техническое обслуживание транспортных средств и оборудования и сопутствующие услуги (Грузия - Тендер #69597921)

სსიპ მიწის მდგრადი მართვისა და მიწათსარგებლობის მონიტორინგის ეროვნული სააგენტოს ბალანსზე რიცხული 9 ერთეული ავტოსატრანსპორტო საშუალების ტექნიკური მომსახურება

ტენდერში გამარჯვებულმა ორგანიზაციამ უნდა უზრუნველყოს ავტოსატრანსპორტო საშუალებების (3 ერთეული ფოტონ ტუნლენდი (FOTON TUNLAND), 2015 წ, ბენზინი, 2.4; 2 ერთეული სუზუკი SX4 S-Cross, 2015 წ, ბენზინი, 1.6, მექანიკა; და 1 ერთეული ფოტონ ტუნლენდი (FOTON TUNLAND), 2017 წ, მექანიკა, 2,7., დიზელი, 1 ერთეული MAZDA CX9, 2020 წ, ბენზინი, 2.5; 1 ერთეული MAZDA CX5, 2020 წ. ბენზინი, 2.0, 1 ერთეული MITSUBISHI L200, 2015 წ, დიზელი 2.4 ) ტექნიკური მომსახურება ახალი სათადარიგო ნაწილებით.

1. გასაწევი მომსახურების აღწერა:
1.1 მომსახურება უნდა განხორციელდეს მიმწოდებლისა და შემსყიდველის წარმომადგენლების მიერ თითოეულ კონკრეტულ შემთხვევაში ავტოსატრანსპორტო საშუალების დათვალიერების აქტის შედგენის შედეგად. ავტოსატრანსპორტო საშუალების ტექმომსახურეობის (ახალი სათადარიგო ნაწილებით) შესყიდვისას, გასაწევი მომსახურების დეტალური აღწერა უნდა იყოს მოცემული შემსყიდველისა და მიმწოდებლის მიერ შედგენილი დათვალიერების აქტში (დეფექტურ აქტში);
1.2 მიმწოდებლის მიერ დეტალებისა და მომსახურების ფასების ცხრილში დაფიქსირებული ფასები იქნება მაქსიმალური, ხოლო ყოველ კონკრეტულ შემთხვევაში ტექმომსახურება ახალი სათადარიგო ნაწილებით უნდა განხორციელდეს იმ დღისათვის მიმწოდებლის სერვისცენტრში დაფიქსირებული ფასით, რომელიც შეიძლება იყოს ნაკლები ფასების ცხრილში არსებულ ფასებზე და არ უნდა აღემატებოდეს მათ. სითხეების (გარდა ძრავის ზეთისა) შეცვლის მომსახურების ღირებულება უნდა მოიცავდეს სისტემის გამართული ფუნქციონირებისათვის საჭირო მთლიანი მოცულობის შეცვლის ღირებულებას;
1.3 მიმწოდებელსა და შემსყიდველის წარმომადგენლის მიერ დათვალიერების აქტის შედგენის შემთხვევაში ფასების ცხრილში არ არსებული მომსახურების/საქონლის შესყიდვის საჭიროების შემთხვევაში მომსახურების/საქონლის ფასი დგინდება მხარეთა შორის შეთანხმებით, საბაზრო ფასის გათვალისწინებით რაზეც გაფორმდება ხელშეკრულების შესაბამისი დანართი. ასეთ შემთხვევაში პრეისკურანტში ავტოსტრანსპორტო საშუალების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს;
1.4 მიმწოდებელმა მომსახურების გაწევის პროცესში უნდა გამოიყენოს ახალი, და არა მეორადი სათადარიგო ნაწილები;
1.5 მიმწოდებლის მიერ განხორციელებულ მომსახურებაზე და შესაბამის სათადარიგო ნაწილებზე საგარანტიო ვადა უნდა მოიცავდეს პერიოდს არანაკლებ 6 თვე (გარდა საცხებ-საპოხი მასალებისა, ფილტრებისა და სამუხრუჭე ხუნდებისა).
1.6 მიმწოდებელმა შემსყიდველის ავტოსატრანსპორტო საშუალებას უნდა მიანიჭოს პრიორიტეტი, რაც გულისხმობს მათ რიგგარეშე და დაუყოვნებლივ მომსახურებას; მომსახურების გაწევა უნდა მოხდეს დაუყოვნებლივ, რიგგარეშე. ამასთან, მომსახურების ვადა თითოეულ შემთხვევაზე არ უნდა აღემატებოდეს: სავალი ნაწილებისათვის - 1 ან 2 სამუშაო დღეს; ელექტროობისათვის - 1 სამუშაო დღეს; აგრეგატებისათვის - 1 ან 3 სამუშაო დღეს. თუ მომსახურება ეხება დეფიციტურ დეტალს ან სამღებრო-სათუნუქე სამუშაოებს, ვადა შეიძლება გაგრძელდეს მხარეთა შეთანხმებით.
1.7. პრეტენდენტის მიერ წარმოდგენილ პრეისკურანტში რომელიმე განუფასებელი პოზიციის არსებობის შემთხვევაში ჩაითვლება, რომ აღნიშნული პოზიცით გათვალისწინებულ მომსახურებას, სათადარიგო ნაწილს ან/და საცხებ-საპოხ მასალას პრეტენდენტი შემსყიდველს სთავაზობს უფასოდ.


* შენიშვნა: პრეტენდენტის მიერ პრეისკურანტის საერთო ფასის შემცირების შემთხვევაში ფასთა კლება პროცენტულად და პროპორციულად უნდა აისახოს სატენდერო დოკუმენტაციის დანართი N1 - პრეისკურანტში მოცემული ჩამონათვალის თითოეული პოზიციის ფასებზე; თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.

ხელშეკრულების გაფორმებიდან 2026 წლის 31 დეკემბრის ჩათვლით პერიოდი.

ამასთან, მომსახურების ვადა თითოეულ შემთხვევაზე არ უნდა აღემატებოდეს: სავალი ნაწილებისათვის - 1 ან 2 სამუშაო დღეს; ელექტროობისათვის - 1 სამუშაო დღეს; აგრეგატებისათვის - 1 ან 3 სამუშაო დღეს. თუ მომსახურება ეხება დეფიციტურ დეტალს ან სამღებრო-სათუნუქე სამუშაოებს, ვადა შეიძლება გაგრძელდეს მხარეთა შეთანხმებით.

1) აღნიშნული მომსახურება უნდა განხორციელდეს ქ. თბილისში პრეტენდენტის სერვისცენტრ(ებ)ში;
2) ავტომანქანის მომსახურება უნდა განხორციელდეს მიმწოდებლის და შემსყიდველის წარმომადგენლების მიერ თითოეულ კონკრეტულ შემთხვევაში ავტოსატრანსპორტო საშუალებების დათვალიერების (დეფექტური) აქტის შემდეგ. ავტოსატრანსპორტო საშუალებების მომსახურების შესყიდვისას გასაწევი მომსახურების დეტალური აღწერა უნდა იყოს მოცემული შემსყიდველის და მიმწოდებლის მიერ შედგენილი დათვალიერების აქტში;
3) მანქანის მომსახურება გაწეული უნდა იქნას რიგგარეშე, გონივრულ ვადაში;

მიმწოდებლის მიერ განხორციელებულ მომსახურებაზე და შესაბამის სათადარიგო ნაწილებზე საგარანტიო ვადა უნდა მოიცავდეს პერიოდს არანაკლებ 6 თვეს (გარდა საცხებ-საპოხი მასალებისა, ფილტრებისა და სამუხრუჭე ხუნდებისა).

პრეტენდენტმა სატენდერო წინადადებასთან ერთად უნდა წარმოადგინოს წერილობითი თანხმობა ზემოთ ხსენებული პირობის შესახებ.

მიმწოდებელს უნდა გააჩნდეს 2023-2025 წლების განმავლობაში შემსყიდველი ორგანიზაციებისთვის ანალოგიური მომსახურების გაწევის გამოცდილება ჯამური თანხით არანაკლებ 60,000.00 ლარისა და პრეისკურანტის ჯამური ღირებულებით არანაკლებ 335,000.00 ლარისა. ანალოგიური მომსახურება გულისხმობს ავტოსატრანსპორტო საშუალებების ტექნიკური მომსახურების გაწევას პრეისკურანტის საფუძველზე, რომელიც პრეტენდენტმა უნდა წარმოადგინოს დანართი №2-ს შესაბამისად.
იმ შემთხვევაში, თუ პრეტენდენტის მიერ წარმოდგენილი დანართი №2-ში მითითებული მონაცემების შესაბამისობის დადგენის მიზნით შესწავლისას, შემსყიდველის მიერ ვერ იქნება მოძიებული სრულყოფილი ინფორმაცია, პრეტენდენტი ვალდებულია, შემსყიდველის მოთხოვნის შესაბამისად, წარმოადგინოს ხელშეკრულებებისა და მიღება-ჩაბარების აქტების ასლები.

მიმწოდებელს ქ. თბილისის ტერიტორიაზე უნდა გააჩნდეს მინიმუმ ერთი სერვისცენტრი ერთდროულად არანაკლებ ხუთი ერთეული ავტოსატრანსპორტო საშუალების სერვისის (მომსახურება – ახალი სათადარიგო ნაწილებით) განხორციელების შესაძლებლობით, მინიმუმ 5 ბოქსით, არანაკლებ 4 ამწით; ასევე, სერვისცენტრ(ებ)ი აღჭურვილი უნდა იყოს თანამედროვე აპარატურითა და დანადგარებით, კერძოდ: კომპიუტერული დიაგნოსტიკა, ვულკანიზაცია–ბალანსირების მოწყობილობა, ნახარის კუთხის გასასწორებელი დანადგარი, და სხვა.

მიმწოდებლის სერვის ცენტრ(ებ)ს უნდა გააჩნდეს შიდა პერიმეტრის დაცვის ან/და ვიდეოკონტროლის მექანიზმი.

აუცილებელია, რომ სერვისცენტრი და მასში განთავსებული ინვენტარი მიმწოდებლის მფლობელობაში იმყოფებოდეს არანაკლებ მხარეთა შორის გაფორმებული ხელშეკრულებით გათვალისწინებული მომსახურების გაწევის ვადის დასრულებამდე. პრეტენდენტმა უნდა წარმოადგინოს შესაბამისი დამადასტურებელი დოკუმენტები.

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
3. პრეტენდენტს არ აქვს უფლება წარმოადგინოს ალტერნატიული წინადადება;
4. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
5. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს;
6. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

ფასწარმოქმნის ადეკვატურობა შესაძლებელია დასაბუთდეს შესაბამისი უფლებამოსილების/აკრედიტაციის მქონე აუდიტის ან/და ექსპერტიზის დასკვნით, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულების ღირებულებებთან მიმართებით. პრეტენდენტმა დასკვნასთან ერთად ასევე უნდა წარმოადგინოს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტის ასლ(ებ)ი. სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

ანგარიშსწორება, ყოველი კონკრეტული შემთხვევისთვის, განხორციელდება ფაქტიურად გაწეულ მომსახურებაზე შედგენილი მიღება-ჩაბარების აქტისა და მიმწოდებლის მიერ საგადასახადო ანგარიშ-ფაქტურის წარმოდგენის შემდეგ.

ანგარიშსწორება განხორციელდება სატენდერო პირობების 7.2 პუნქტში მითითებული დოკუმენტების წარმოდგენიდან 10 სამუშაო დღის ვადაში.

უჩა ხუციანიძე, 599954775, ucha.khutsianidze@land.gov.ge