Ремонт и техническое обслуживание транспортных средств и оборудования и сопутствующие услуги (Грузия - Тендер #69574306)

შესყიდვის ობიექტია შ.პ.ს. “საქართველოს ტელერადიოცენტრი”-ს ბალანსზე რიცხული 15 ერთეული ავტოსატრანსპორტო საშუალების ტექნიკური მომსახურების და ამ მომსახურებისთვის საჭირო სათადარიგო ნაწილების (აგრეთვე საცხებ-საპოხი მასალების) შესყიდვა ამ ტექნიკური დოკუმენტაციით გათვალისწინებული პირობების შესაბამისად;

მომსახურების აღწერა და მოცულობა გათვალისწინებულია ტექნიკური დავალებით.

1.2.1. პრეტენდენტის მიერ წარმოდგენილ პრეისკურანტში დაფიქსირებული მომსახურების, სათადარიგო ნაწილის ან/და საცხებ-საპოხი მასალის ერთეულის ღირებულება არ უნდა აღემატებოდეს სატენდერო დოკუმენტაციის 1.3 პუნქტის დანართში (პრეისკურანტი) შესაბამის პოზიციაზე დაფიქსირებულ ერთეულის სავარაუდო ღირებულებას.

1.2.2. შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ ერთიან ელექტრონულ სისტემაში დაფიქსირებულ ბოლო შეთავაზებას შორის სხვაობის არსებობის შემთხვევაში, სხვაობა გამოანგარიშდება პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს ყველა დასახელების მომსახურებაზე, სათადარიგო ნაწილზე და საცხებ-საპოხ მასალაზე.

1.2.3. პრეისკურანტის დაზუსტების შეთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა.

1.2.4. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს

1.2.5 პრეტენდენტის მიერ პრეისკურანტში არ ხდება „ * “; „ ** “; „ *** “; „ **** “ -ით აღნიშნული პოზიციების განფასება;

1.2.6. პრეისკურანტში მომსახურების, სათადარიგო ნაწილის ან/და საცხებ-საპოხი მასალის რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

მომსახურების გაწევა უნდა განხორციელდეს ხელშეკრულების გაფორმებიდან 2026 წლის 31 დეკემბრის ჩათვლით, შემსყიდველის მოთხოვნის შესაბამისად პრეისკურანტისა და ტექნიკური დავალების შესაბამისად.

მომსახურება გაწეული უნდა იქნას ქ. თბილისის, ქ.თელავის, ქ. გორის, ქ. ახალციხის, ქ. ქუთაისის, ქ.ბათუმის, ქ. ზუგდიდისა და ქ.ფოთის ტერიტორიებზე, მიმწოდებლის სერვის ცენტრებში, ტექნიკური დავალების შესაბამისად.

1.7.1.1. მიმწოდებლის მიერ გაწეულ მომსახურებას და გამოყენებულ სათადარიგო ნაწილებს უნდა გააჩნდეს გარანტია არანაკლებ 6 (ექვსი) თვე, ხოლო ძირითად აგრეგატებზე (ძრავზე, გადაცემათა კოლოფზე და ხიდებზე) არანაკლებ 1 წელი ან 25000 კმ და ელექტრულ მოწყობილობებზე (გარდა ელ. მცველებისა და ნათურებისა) არანაკლებ 1 წელი, გარდა სწრაფცვეთადი დეტალებისა (ნათურები (მათ შორის გახურების ნათურები), ანთების სანთლები, გახურების სანთლები, დამცველები, გადაბმულობის ამყოლი და მიმყოლი რგოლები (ფრიქციონები), ზეთის, კონდიციონერის, ჰაერისა და საწვავის ფილტრები, მინის მწმენდები, ანთების საკონტაქტო ერთეულები და მტვერდამცავები (პილნიკები)), ასევე, გარდა იმ შემთხვევისა, როდესაც დაზიანება გამოწვეულია არასწორი ექსპლუატაციითა და გარეგანი ზემოქმედების შედეგად.

1.7.1.2. წინა და უკანა სამუხრუჭე ხუნდებზე სწორი ექსპლუატაციის პირობებში გარანტია განისაზღვრება კილომეტრაჟით - არანაკლებ 5000 კმ, (შეცვლილი (ახალი) წინა და უკანა სამუხრუჭე ხუნდები არ უნდა გამოსცემდეს ხმებს.

1.7.1.3 იმ შემთხვევაში თუ გაწეულ მომსახურებას და გამოყენებულ სათადარიგო ნაწილებს საგარანტიო პერიოდში გამოუვლინდება დეფექტი/ნაკლი და საჭირო გახდება აღნიშნულის კვლავ შეცვლა ან/და მომსახურების გაწევა, საგარანტიო ვადის ათვლა უნდა დაიწყოს ბოლოს გაწეული მომსახურებისა ან/და სათადარიგო ნაწილის შეცვლის თარიღიდან.

2.2.1 მოთხოვნა პრეტენდენტის გამოცდილების შესახებ

2.2.1.1. პრეტენდენტს უნდა გააჩნდეს ანალოგიური მომსახურების გაწევის არანაკლებ 3 (სამი) წლიანი (2023, 2024 და 2025 წლებში) გამოცდილება, რომლის ფაქტიური შესრულება ჯამში არ უნდა იყოს 150,000.00 (ასორმოცდაათი ათასი) ლარზე ნაკლები, რის დასტურადაც პრეტენდენტმა უნდა წარმოადგინოს ხელშეკრულებ(ებ)ი და ამავე ხელშეკრულებ(ებ)ის მიღება-ჩაბარების აქტ(ებ)ი ან ნებისმიერი სახის დოკუმენტი, რომელიც დაადასტურებს აღნიშნულის შესრულების ფაქტს. გამოცდილების შესახებ ინფორმაცია წარმოდგენილი უნდა იქნას ცხრილის სახით (დანართი "გამოცდილების ცხრილი").
2.2.1.2. პრეტენდენტმა უნდა წარმოადგინოს შემსყიდველის/დამკვეთის მიერ გაცემული არანაკლებ ერთი რეკომენდაცია 2024-2025 წლებში ანალოგიური მომსახურების წარმატებით განხორციელების შესახებ, ამასთან რეკომენდატორი ორგინიზაციისათვის ფაქტიურად გაწეული მომსახურების ღირებულება ერთი ხელშეკრულების ფარგლებში უნდა შეადგენდეს არანაკლებ 50,000.00 (ორმოცდაათი ათასი) ლარს.

შენიშვნა: იმ შემთხვევაში, თუ სატენდერო დოკუმენტაციის 2.2.1.1. პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართში მიუთითოს შესაბამისი CMR, SPA, NAT ნომრები და არ წარმოადგინოს მოთხოვნილი დოკუმენტაცია.

1. პრეტენდენტს ქ. თბილისის ტერიტორიაზე უნდა გააჩნდეს არანაკლებ 1(ერთი) სერვის-ცენტრი (პრეტენდენტმა უნდა წარმოადგინოს საკუთრების ან/და სარგებლობის დამადასტურებელი შესაბამისი დოკუმენტი). ასევე, ქ. თბილისში უნდა გააჩნდეს სასაწყობო სათავსო, რომელიც უნდა შეიცავდეს პრეისკურანტით გათვალისწინებული ავტოსატრანსპორტო საშუალებების თითოეულ მოდელზე სავალი ნაწილის სწრაფადცვეთად დეტალებს (მათ შორის წინა და უკანა სამუხრუჭე ხუნდებს), ზეთის, ჰაერის, საწვავისა და კონდენციონერის ფილტრებს, მინის მწმენდებს.

2. ასევე, პრედენტენტს ყველა ჩამოთვლილ ქალაქში: ქ.თელავში, ქ. გორში, ქ. ახალციხეში, ქ. ქუთაისში, ქ.ბათუმში, ქ. ზუგდიდსა და ქ.ფოთში საკუთრებაში ან/ და სარგებლობაში უნდა გააჩნდეს არანაკლებ 1(ერთი) სერვისცენტრ(ებ)ი. საკუთრების ან/და სარგებლობის შემთხვევაში პრეტენდენტმა უნდა წარმოადგინოს შესაბამისი დამადასტურებელი დოკუმენტ(ებ)ი.

პრეტენდეტის მიერ ერთიან ელექტრონულ სისტემაში ასატვირთი მონაცემები:

1. პრეისკურანტი

2. საგარანტიო ვადების შესახებ ინფორმაცია (პუნქტი 1.7.1)

3. გამოცდილების შესახებ ინფორმაცია (ცხრილი, პუნქტი 2.2.1)

4. სარეკომენდაციო წერილი (პუნქტი 2.2.1.2)

5. მატერიალურ-ტექნიკური ბაზის შესახებ ინფორმაცია (პუნქტი 2.3.1)

6. ორგანიზაციის რეკვიზიტები (დანართის შესაბამისად) - თუ აღნიშნული არ არის სისტემაში დაფიქსირებული;

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო ან აუდიტორული ან საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის ასევე საერთო ღირებულებასთან მიმართებით. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).

7.2.1 სატენდერო წინადადებაში საერთო ფასი უნდა შეიცავდეს როგორც მომსახურების (სათადარიგო ნაწილებისა და საცხებ-საპოხი მასალების გათვალისწინებით) ღირებულებას ისე მის მიწოდებასთან დაკავშირებული ყველა ხარჯსა და საქართველოს კანონმდებლობით დადგენილ გადასახადებს.

7.2.2 ანგარიშსწორება განხორციელდება ეტაპობრივად, მიღება–ჩაბარების აქტის გაფორმებიდან და თუ მიმწოდებელი დღგ-ს გადამხდელია, საგადასახადო ანგარიშ-ფაქტურის, ხოლო თუ მიმწოდებელი არ არის დღგ-ს გადამხდელი, შემოსავლების სამსახურიდან შესაბამისი ცნობის საფუძველზე.

7.2.3. შემსყიდველი უფლებამოსილია დაკისრებული პირგასამტეხლოს თანხა (ასეთის არსებობის შემთხვევაში) დააკავოს მიმწოდებელზე გადასარიცხი თანხიდან.

7.2.4. ანგარიშსწორება მოხდება უნაღდო ანგარიშსწორებით ლარში

ანგარიშსწორება განხორციელდება მიღება-ჩაბარების აქტის გაფორმებისა და საგადასახადო ანგარიშფაქტურის წარმოდგენიდან 10 სამუშაო დღის განმავლობაში. თუკი ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

დავით რეხვიაშვილი, 593747774, d.rekhviashvili@tvrcenter.ge

წინამდებარე ტენდერში მონაწილეობით პრეტენდენტი ავტომატურად ეთანხმება ტექნიკურ პირობებს.

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.

სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ყველა მის მიერ შექმნილი დოკუმენტი ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (პრეისკურანტი) რომელიც წარმოდგენილი უნდა იქნას Excel-ის ფორმატის სახით.

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

შემსყიდველი უფლებამოსილია მომსახურება შეისყიდოს მხოლოდ მისი საჭიროების შესაბამისი მოცულობით.