Услуги в области лесного хозяйства (Грузия - Тендер #69541487)

სამგორის რაიონის ტერიტორიაზე ავარიული ხეების მოჭრა, სხვლა-ფორმირება, დამუშავება და გატანის მომსახურება

1.2.1 მომსახურების შესყიდვის ობიექტი გულისხმობს ქ. თბილისის სამგორის რაიონის ტერიტორიაზე I, II, III, IV კატეგორიის ხის სხვლა-ფორმირებას, მოჭრას, მათ დამუშავებასა და გატანას, აგრეთვე სტიქიური მოვლენების შედეგად წაქცეული ხეებისა და გადაბელილი და გამხმარი ხეების დაჭრას, დამუშავებასა და გატანას რაიონის ტერიტორიაზე შემსყიდველის მიერ განსაზღვრულ მისამართებზე (,,ქ. თბილისის მუნიციპალიტეტის ტერიტორიაზე მწვანე ნარგავების დაცვის, მოვლისა და აღდგენის წესისი დამტკიცების შესახებ” ქ. თბილისის მუნიციპალიტეტის საკრებულოს 2014 წლის 12 დეკემბრის დადგენილება #17-55-ის შესაბამისად).
შენიშვნა: 1. ხის კატეგორიები განისაზღვრება შემდეგნაირად:
I კატეგორიის ხე – 10 მეტრამდე ხე-მცენარე;
II კატეგორიის ხე – 10 მეტრიდან 20 მეტრამდე ხე-მცენარე;
III კატეგორიის ხე – 21 მეტრი და მასზე ზევით ხე-მცენარე;
IV კატეგორიის ხე – 10 მეტრი და მასზე ზევით ხე-მცენარე ტექნიკისათვის მიუწვდომელ პირობებში.
- სხვლა-ფორმირების, სანიტარული და გაახალგაზრდავების მიზნით ხეების ტოტების შეჭრა და ტრანსპორტირება;
- სხვლა-ფორმირების, სანიტარული და გაახალგაზრდავების მიზნით ხეების ტოტების შეჭრა სპეც. ჯგუფების შესრულებით და გადაუდებელი აუცილებლობის შემთხვევაში (ფორს-მაჟორული სიტუაცია) გადაბელვითი ჭრის განხორციელება, ავარიული ხეების ტოტების შეჭრა, ტრანსპორტირება, დასაწყობება.
1.2.2 ხე-მცენარეების ჭრის ღონისძიებები:
ხმელი და ავარიული ხეების მოჭრა, დამუშავება (40-60 სმ) ტრანსპორტირება, დასაწყობება;
მიუდგომელ, დიდი სიმაღლის ხმელი და ავარიული რთული ხეების მოჭრა სპეცჯგუფების მიერ, დამუშავება (40-60 სმ) ტრანსპორტირება, დასაწყობება.
1.2.3 ხეების მოჭრა, სხვლა-ფორმირების და დამუშავება-გატანის მომსახურეობისას არ უნდა მოხდეს სხვა შენობა-ნაგებობების ან რაიმე საქონლის დაზიანება; დაზიანების შემთხვევაში მიმწოდებელი ვალდებულია დაუყოვნებლივ აცნობოს შემსყიდველს. ზარალი ანაზღაურდება მიმწოდებლის მიერ.
1.2.4 ხელშეკრულების მოქმედების პერიოდში შესაძლებელია მოხდეს მომსახურეობის კორექტირება, მომსახურეობის ერთეულის ფასებისა და ხელშეკრულების საერთო ღირებულების შეუცვლელად.
1.2.5 მიმწოდებელი ვალდებულია შემსყიდველის მოთხოვნის საფუძველზე ერთდროულად იმუშაოს მინიმუმ 4 ბრიგადით ( ფორს – მაჟორის ან/და მოთხოვნის შემთხვევაში 24 საათიანი სამუშაო გრაფიკით), თითოეული მინიმუმ 5 კაციანი შემადგენლობით.
1.2.6 მომსახურების დასრულების შემდეგ მიმწოდებელი ვალდებულია საკუთარი სახსრებით ერთი დღის ვადაში გაათავისუფლოს სამუშაო ადგილი მომსახურების შედეგად წარმოქმნილი ნარჩენებისაგან.
1.2.7 მიმწოდებელი ვალდებულია საჭიროების შემთხვევაში უზრუნველყოს ობიექტზე დამცავი ბარიერების მოწყობა.
1.2.8 მიმწოდებელი ვალდებულია საკუთარი ხარჯებით უზრუნველყოს კონტროლის (ინსპექტირების) შედეგად გამოვლენილი ყველა დეფექტის ან ნაკლის აღმოფხვრა და წუნდებით გაწეული მომსახურების ხელახალი შესრულება.
1.2.9. მომსახურეობის განხორციელების დროს დაცული უნდა იყოს უსაფრთხოების ნორმები
1.2.10 შესასრულებელი მომსახურების ჩამონათვალი და რაოდენობა განსაზღვრულია სატენდერო დოკუმენტაციის დანართი N1-ში. (ფასების ცხრილის გაანგარიშება უნდა მოხდეს საქართველოს მთავრობის 2014 წლის 14 იანვრის №55 დადგენილების გათვალისწინებით).
1.2.11 საჭიროების შემთხვევაში, მიმწოდებელი ვალდებულია სამუშაოების დაწყებამდე, ქ. თბილისის მუნიციპალიტეტის მერიის ტრანსპორტისა და ურბანული განვითარების სააგენტოთან შეათანხმოს სატრანსპორტო უსაფრთხოების სქემა.
1.2.12 მომსახურების ხარჯთაღრიცხვა წარმოდგენილ უნდა იქნას დანართი N1–ის მიხედვით (ხარჯთაღრიცხვის წარმოუდგენლობა ან პოზიციების 5%-ის განუფასებლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

მომსახურეობის გაწევის ვადა ეტაპობრივად ხელშეკრულების გაფორმებიდან - 2026 წლის 30 დეკემბრის ჩათვლით.

1.5.1. მომსახურეობის შესრულება განხორციელდება შემსყიდველის (წარმოდგენილი ქ. თბილისის სამგორის რაიონის გამგეობის სახით) მოთხოვნის საფუძველზე, ეტაპობრივად.
1.5.2. მიმწოდებელს გასაწევი მომსახურების კონკრეტული მისამართები, შესაბამისი შესასრულებელი მომსახურების დასახელება, რაოდენობა და მომსახურეობისათვის განსაზღვრული ვადები გადაეცემა შემსყიდველის მიერ, წერილობით ან/და ზეპირი ფორმით. დაუშვებელია შესყიდვის ობიექტის მიწოდება შემსყიდველის მიერ გაცემული დავალების გარეშე. ამ შემთხვევაში მიმწოდებელს არ აუნაზღაურდება გაწეული ხარჯის ღირებულება.
1.5.3. მიმწოდებელი ვალდებულია მომსახურეობის გაწევა დაიწყოს წერილობითი დავალების ჩაბარებიდან 2 (ორი) კალენდარული დღის ვადაში (ფორს – მაჟორის ან/და მოთხოვნის შემთხვევაში დაუყოვნებლივ)
1.5.4. შესასრულებელი მომსახურეობის მოცულობები და სახეობები შესაძლებელია შეიცვალოს მომსახურეობის მიმდინარეობის პროცესში შემსყიდველთან შეთანხმებით, აღმოჩენილი შესასრულებელი მომსახურეობის გათვალისწინებით.

1. ტენდერში მონაწილე პრეტენდენტს უნდა გააჩნდეს 2023 წლის 01 იანვრიდან დღემდე განხორციელებული ჯამურად მინიმუმ 300 000 (სამასიათასი) ლარის მომსახურეობის (ქალაქსა და ურბანულ სივრცეებში ავარიული ხეების მოჭრა, სხვლა-ფორმირება, დამუშავება და გატანის მომსახურება) გამოცდილება.

2. წარმოდგენილ იქნას გამოცდილების დამადასტურებელი დოკუმენტაცია - ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტები; ფორმა N2 (არსებობის შემთხვევაში); დადასტურებული საგადასახადო ანგარიშ-ფაქტურა (დ.ღ.გ. -ს გადამხდელი) და გადახდის დამადასტურებელი დოკუმენტი, რომლითაც გარკვევით დადასტურდება პრეტენდენტის მიერ შესრულებული სამუშაო/მომსახურება;.

3. იმ შემთხვევაში თუ დანართი N2-ის ფორმაში მითითებული იქნება ელექტრონული ტენდერის განცხადების SPA/NAT/CMR ნომერი, ზ/აღნიშნული ინფორმაციის (ანალოგიური მომსახურეობის შესრულების შესახებ) დამადასტურებელი დოკუმენტების წარმოდგენის საჭიროება აღარ არის.

4. პრეტენდენტს თუ არ ექნება განხორციელებული (ქალაქსა და ურბანულ სივრცეებში ავარიული ხეების მოჭრა, სხვლა-ფორმირება, დამუშავება და გატანის მომსახურება) ჯამური ღირებულებით მინიმუმ 300 000 (სამასიათასი) ლარი მოხდება პრეტენდენტის დისკვალიფიკაცია;

ინფორმაცია ანალოგიური სამუშაოების შესახებ წარმოდგენილი უნდა იყოს დანართი №2-ის შესაბამისად.

2.3.1.1. პრეტენდენტს მომსახურეობის ადგილზე საჭიროების მიხედვით საკუთრებაში ან სარგებლობის უფლებით უნდა გააჩნდეს მოცემული სახეობისა და მინიმალური რაოდენობის მატერიალურ–ტექნიკური ბაზა, რომელიც გამოყენებული იქნება მომსახურეობის წარმოების პროცესში.

1. სპეც. ტანსაცმელი;
2. გამაფრთხილებელი საგზაო ნიშანი, მოციმციმე - არანაკლებ - 4 ცალი;
3. სასაწყობო ფართი;
4. სპეციალიზირებული ამწე კალათი არანაკლებ 18 მეტრი სამუშაო სიმაღლით -1 ცალი;
5. ავტომანქანა ამწე კალათით საჭიროებიდან გამომდინარე (არანაკლებ 32 მ. სიმაღლის) საჭიროების შემთხვევაში მასზე მეტი სამუშაო სიმაღლით) - არანაკლებ 1 ც;
6. სატვირთო ავტომანქანა თვითმცლელი- (არანაკლებ 4-6 კბმ. ტევადობა) არანაკლებ 2 ც;
7. საჭრელი ბენზო ხერხი - 4 ცალი;
8. უსაფრთხოების საცოცი ქამარი - არანაკლებ 1 ცალი;
9. ლითონის დასაკეცი კიბე (3მ.) არანაკლებ - 1 ცალი;

2.3.1.2 მანქანა-მექანიზმები მუდმივად უნდა იყოს გამართულ მდგომარეობაში, დაზიანების შემთხვევაში შემსრულებელი ორგანიზაცია ვალდებულია დაუყოვნებლივ შეაკეთოს მანქანა-იარაღი ან ჩაანაცვლოს ახლით.

2.3.1.3 მატერიალურ ტექნიკური ბაზის საკუთრების/სარგებლობის უფლების დამადასტურებელი დოკუმენტი წარმოდგენილი/ატვირთული (ტექნიკის რეგისტრაციის მოწმობა) უნდა იქნეს ერთიან ელექტრონულ სისტემაში, თანდართული ტექნიკური დოკუმენტაციის სრულყოფილი მონაცემებითურთ, იჯარა დადასტურებული უნდა იქნეს ნოტარიულად.

2.9.1. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.

2.9.2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.

2.9.3. 2019 წლის 01 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

2.9.4. ხარჯთაღიცხვაში მოცემული მომსახურეობის მოცულობები და რაოდენობები არის სავარაუდო. ხელშეკრულების მოქმედების პერიოდში სამუშაოთა შემადგენლობების და მოცულობების შეცვლა დასაშვებია მხოლოდ მხარეთა შეთანხმების შემდეგ.

2.9.5. ანგარიშსწორება მოხდება ფაქტიურად შესრულებული მომსახურეობის მიხედვით, მიმწოდებლის მიერ სატენდერო წინადადებაში მოცემული ერთეულ განფასებებზე დაყრდნობით.

2.9.6. მომსახურეობის გაწევისას არ უნდა მოხდეს სხვა ნაგებობების ან რაიმე საქონლის დაზიანება.

2.9.7. მომსახურეობის განხორციელების დროს დაცული უნდა იყოს უსაფრთხოების ნორმები.

4.1.1 მოთხოვნა ფასწარმოქმნის ადეკვატურობის დამადასტურებელი დოკუმენტ(ებ)ის შესახებ

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების ან/და აკრედიტაციის დამადასტურებელი დოკუმენტის ასლი),რომლებშიც უნდა დასტურდებოდეს ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში დაფიქსირებული ერთეულის ფასის და ჯამური ღირებულების ადეკვატურობა. უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე მომსახურების ხარჯთაღრიცვით განსაზღვრული მომსახურების გაწევის შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება ეტაპობრივად, ფაქტობრივად შერულებული მომსახურების მიხედვით ლარებში; 2026 წ. ადგილობრივი ბიუჯეტის სახსრებით.

მომსახურების გაწევის შემდგომ მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

გაიოზ გოშაძე, 577156511, gaiozi.goshadze@gmail.com დავით ნიკურაძე; გიორგი გოგიჩაიშვილი

10.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.2. შემსყიდველ ორგანიზაციაში წარმოსადგენი ყველა დოკუმენტი ან/და ინფორმაცია ხელმოწერილი ან/და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
10.3. პრეტენდენტის მიერ სატენდერო წინადადების წარმოდგენა ნიშნავს, რომ იგი ეთანხმება შემსყიდველის ყველა იმ მოთხოვნას, რომელიც აღწერილია სატენდერო დოკუმენტაციაში.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. ფასების ცხრილი დანართი N1–ის მიხედვით (ფასების ცხრილი წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ დანართი №2–ის შესაბამისად.
3. ინფორმაცია მატ.ტექ. ბაზის შესახებ დანართი №3–ის შესაბამისად.