Услуги по обработке и хранению грузов (Грузия - Тендер #69522122)

ქართული ღვინის ნიმუშებისა და დოკუმენტაციის საჰაერო ტრანსპორტირების მომსახურების შესყიდვა.

1. მიმწოდებელი ვალდებულია უზრუნველყოს მომსახურების გაწევა საფრანგეთის რესპუბლიკაში დაგეგმილი ღონისძიებებისთვის შემდეგი პირობებით:

• ტვირთის კარიდან კარამდე (door to door) მიწოდება;

• მიმწოდებელმა ტვირთის ადგილზე (საგამოფენო ცენტრში) მიწოდება უნდა განახორციელოს გამოფენის წინა დღეს:

ა) ,,Wine Paris" - 2026 წლის 8 თებერვალს;
ბ) ,,Raw Wine Paris - 2026 წლის 7 თებერვალს.

შენიშვნა: გამოფენის მისამართი დაზუსტდება ტვირთის გაგზავნის დროს.

• მიმწოდებელმა თავად უნდა უზრუნველყოს ტვირთის განბაჟებასთან დაკავშირებული ყველა პროცედურის გატარება, რომ არ მოხდეს საბაჟოზე ტვირთის გაჩერება;

• მომსახურების ღირებულებაში გათვალისწინებული უნდა იყოს ტვირთის კარიდან კარამდე (door to door) მიტანასთან დაკავშირებული ყველა ხარჯი, მათ შორის, გათვალისწინებული უნდა იყოს განბაჟების, ტერმინალზე მოცდის საფასური (რომელიც შესაძლოა შეადგენდეს ტვირთის ჩასვლიდან მინიმუმ 10-14 დღეს) და ასევე, ტვირთის კარიდან კარამდე (door to door) მიტანასთან დაკავშირებული საჭირო სხვა ხარჯები. მათშორის, ტვირთის უშუალოდ შემსყიდველის კუთვნილ სტენდთან ჩაბარებასთან დაკავშირებული დამატებითი ხარჯები, ვინაიდან საფრანგეთში უშუალოდ გამოფენის ორგანიზატორს აქვს დამატებითი ტარიფი იმისთვის, რომ მოხდეს ტვირთის სტენდამდე მიტანა. მიმწოდებელი ვალდებულია საკუთარი ძალებით მოიკვლიოს აღნიშნული ხარჯის, ასევე, შუამავალი გადამზიდი კომპანიების მიერ ტვირთის მიღების გრაფიკის შესახებ ინფორმაცია.

შენიშვნა: შუამავალი კომანიების მიერ ტვირთის მიღების საორიენტაციო გრაფიკი:

ა) „Wine Paris“-ის შემთხევაში 2026 წლის 19 იანვარიდან არაუგვიანეს 30 იანვრისა;
ბ) „Raw Wine Paris“-ის შემთხვევაში 2026 წლის 12 იანვრიდან არაუგვიანეს 21 იანვრისა.

2. მიმწოდებელი ვალდებულია უზრუნველყოს მომსახურების გაწევა ჩინეთის სახალხო რესპუბლიკაში დაგეგმილი ღონისძიებებისთვის შემდეგი პირობებით:


• ჩინეთის სახალხო რესპუბლიკაში დაგეგმილ ღონისძიებებისთვის მიმწოდებელი ვალდებულია ქართული ღვინის ნიმუშებთან ერთად უზრუნველყოს დოკუმენტების ტრანსპორტირება;

• ჩინეთის სახალხო რესპუბლიკაში დაგეგმილი ღონისძიებისთვის ტვირთის მიწოდების პირობაა ჩინეთის სახალხო რესპუბლიკის ქ. შანხაის PVG აეროპორტამდე;

• მიმწოდებელმა ტვირთის ადგილზე (შანხაის აეროპორტში) მიწოდება (ყველა გამოფენის შემთხვევაში) უნდა განახორციელოს არაუგვიანეს 2026 წლის 30 იანვრისა.

• განბაჟებასთან დაკავშირებულ ყველა პროცედურას უზრუნველყოფს მიმღები (მიმწოდებელსა და გამოფენების ორგანიზატორებს შორის შუამავალი კომპანია).

• მომსახურების ღირებულებაში გათვალისწინებული უნდა იყოს ტვირთის ჩინეთის სახალხო რეპუბლიკის ქ. შანხაის აეროპორტში (PVG) ჩატანასთან დაკავშირებული საჭირო ყველა სხვა ხარჯი.

3. როგორც საფრანგეთის, ასევე, ჩინეთის სახალხო რეპუბლიკის მიმართულებებზე ვრცელდება შემდეგი პირობები:

• გათვალისწინებული უნდა იყოს ტვირთის შეფუთვის ხარჯი გაგზავნამდე;

• მიმწოდებელი ვალდებულია ტვირთის წაღება უზრუნველყოს შემსყიდველის ოფისიდან (თბილისი, ქ. თბილისი, მარშალ გელოვანის გამზ. №32 - ტვირთის შეფუთვას უზრუნველყოფს მიმწოდებელი);

• მიმწოდებელი ვალდებულია თავად უზრუნველყოს დაზიანებული ტვირთის ხელმეორედ გაგზავნის ხარჯები;

• შემსყიდველის მიერ მიმწოდებლისათვის ტვირთის გადაცემიდან დანიშნულების ადგილზე მიტანამდე პერიოდში ტვირთის დაზიანების შემთხვევასთან დაკავშირებული რისკი აწევს მიმწოდებელს;


შენიშვნა: წონის ველში გათვალიწინებულია მხოლოდ ტვირთის სავარაუდო წონა, მიმწოდებელი ვალდებულია გაითვალისწინოს შესაბამისი შეფუთვის ხარჯიც;

საბაჟო პროცედურებთან დაკავშირებული ცვლილებების შესახებ ინფორმაცია დროულად აცნობოს შემსყიდველს.

1. საფრანგეთის რესპუბლიკაში დაგეგმილი გამოფენების შემთხვევაში:

მიმწოდებელმა ტვირთის ადგილზე (საგამოფენო ცენტრში) მიწოდება უნდა განახორციელოს გამოფენის წინა დღეს:

ა) ,,Wine Paris" - 2026 წლის 8 თებერვალს;
ბ) Raw Wine Paris - 2026 წლის 7 თებერვალს.


2. ჩინეთის სახალხო რეპუბლიკაში დაგეგმილი გამოფენების შემთხვევაში:

მიმწოდებელმა ტვირთის ადგილზე (ჩინეთის სახალხო რეპუბლიკის, ქ. შანხაის PVG აეროპოტში) მიწოდება უნდა განახორციელოს არაუგვიანეს 2026 წლის 30 იანვრისა.

მიწოდება უნდა განხორციელდეს ეტაპობრივად, სატენდერო დოკუენტაციის 1.2 პუნქტში მითითებული ადგილების შესაბამისად;

მიმწოდებელმა ტვირთის წაღება უნდა უზრუნველყოს შემსყიდველის ოფისიდან (თბილისი, ქ. თბილისი, მარშალ გელოვანის გამზ. №32) და მიწოდება უნდა განახორციელოს სატენდერო დოკუენტაციის 1.2 პუნქტში მითითებული ადგილების შესაბამისად.

1. პრეტენდენტმა უნდა წარმოადგინოს ბოლო 5 (ხუთი) წლის მანძილზე (2020-2025წწ) სულ მცირე 3 (სამ) წლიანი უწყვეტი მსგავსი (საერთაშორისო გადაზიდვა) მომსახურების განხორციელების შესახებ ინფორმაცია;

2. ინფორმაცია გამოცდილების შესახებ წარმოდგენილი უნდა იყოს თანდართული ფორმის შესაბამისად;

2.1 პრეტენდენტი ვალდებულია წარმოადგინოს, საანგარიშო პერიოდში ანალოგიური მომსახურების განხორციელების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები, სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ, მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP და ა.შ.) მითითება “შენიშვნის“ გრაფაში;

2.2 შემსყიდველი უფლებამოსილია ანალოგიური სამუშაოების იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის მიწოდებაც კანონმდებლობით არ არის აკრძალული.

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;

2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი;

3. პრეტენდენტს არა აქვს უფლება წარმოადგინოს ალტერნატიული სატენდერო წინადადება;

4. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით;

5. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ და ა.შ.). დაამოწმოს დაადასტუროს კვალიფიციური ელექტრონული ხელმოწერით/კვალიფიციური ელექტრონული შტამპით;

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის ან აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. ექსპერტიზის ან აუდიტორის დასკვნასთან ერთად წარმოდგენილი უნდა იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი (სერთიფიკატი და სხვა) ან სახელმწიფოს მიერ აღიარებული სხვა დამადასტურებული დოკუმენტი. ასევე, შესაძლებელია სახელმწიფოს მიერ აღიარებული ორგანიზაციის მიერ გაცემული საექპერტო დასკვნის წარმოდგენა.

1. ანგარიშსწორება მოხდება უნაღდო ანგარიშსწორებით ლარში;

2. ანგარიშსწორება განხორციელდება მოწოდებული საქონლის შესაბამისი მიღება–ჩაბარების აქტის გაფორმების საფუძველზე.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ეკატერინე ნაცვლიშვილი, 599355553, ykaterine.natsvlishvili@wine.gov.ge