Лабораторные услуги (Грузия - Тендер #69522104)

ლაბორატორიული მომსახურება - ნიმუშების სრული წინასწარი მომზადება და ყველა შესაძლო საფეხურის გავლა რათა მოხდეს რადიონახშირბადული დათარიღება და ასაკების კალიბრაცია.

მომსახურების გაწევა უნდა განხორციელდეს ამერიკის შეერთებული შტატების წამყვანი კომპანიის მიერ, მისსავე ლაბორატორიაში, აღნიშნული ძალიან მნიშვნელოვანია, ვინაიდან მიღებული შედეგების მიხედვით უნდა დაიბეჭდოს სტატია წამყვანი გამოცემებისთვის და მაღალი რეპუტაციის მქონე ლაბორატორია აუცილებელი პირობაა.
ლაბორატორიაში იგზავნება ნახშირის ორი ნიმუში, სადაც უნდა მოხდეს რადიონახშირბადული დათარიღება (ამ ნიმუშების გაგზავნა ლაბორატორიაში გათვალისწინებულია პროექტის ფარგლებში და ემსახურება პალეო მეწყრის ან კოლუვიური ნალექების ასაკის დადგენას).
ლაბორატორიული სერვისი უნდა მოიცავდეს ნიმუშების სრულ წინასწარ მომზადებას და ყველა შესაძლო საფეხურს რათა მოხდეს რადიონახშირბადულ დათარიღება და ასაკების კალიბრაცია.
ყველა მანიპულაცია უნდა სრულდებოდეს ერთსადაიმავე ლაბორატორიაში.
ნიმუშების წონა არაუმეტეს 20 გ. შეფუთვიანად 200-300 გ. (ტრანსპორტირებისთვის ყველა ნებართვის დაცვით იქენება გამზადებული)
ნიმუშების მიმწოდებლისთვის გადაცემა მოხდება ხელშეკრულების დადებიდან არაუგვიანეს 5 კალენდარული დღისა.

კვლევის პასუხების მიწოდება უნდა განხორციელდეს ხელშეკრულების გაფორმებიდან არაუგვიანეს 60 კალენდარული დღისა

მომსახურების გაწევა უნდა განხორციელდეს კვლევის განმახორციელებელ ლაბორატორიაში. ხოლო კვლევის პასუხების მიწოდება მოხდება ელექტრონულად - ლაბორატორიის ვებ-გვერდის, ან ელექტრონული ფოსტის მეშვეობით, რომელიც განისაზღვრება ხელშეკრულების დადების მომენტში.

ლაბორატორია რადიონახშირბადული დათარიღების მომსახურებას უნდა ეწეოდეს სულ მცირე 40 წლის განმავლობაში, აღნიშნული ინფორმაცია განთავსებული უნდა იყოს ლაბორატორიის ოფიციალურ ვებგვერდზე და წარმოდგენილი უნდა იქნას ლინკი.

პრეტენდენტს, თუ ის არ არის უშუალოდ ლაბორატორია და არის შუამავალი კომპანია, რომელიც ნიმუშებს გაუგზავნის შესაბამის ლაბორატორიას, უნდა ჰქონდეს მსგავსი ტიპის მომსახურების გაწევის გამოცდილება, რისთვისაც უნდა წარმოადგინოს აღნიშნულის დამადასტურებელი საბუთი (ხელშეკრულება და მიღება-ჩაბარების აქტი/ანგარიშ-ფაქტურა/ინვოისი/ლინკი/ან სხვა დოკუმენტი), ასევე მისაღები იქნება პრეტენდენტის ოფიციალურ ვებ-გვერდზე განთავსებული ინფორმაცია ლაბორატორიული ნიმუშების გაგზავნის მომსახურების შესახებ (აღნიშნულის შემთხვევაში წარმოსადგენი იქნება კომპანიის ვებ-გვერდის მისამართი, რაც შეიძლება განხორციელდეს ინტერნეტ ბმულის (ე.წ. ლინკი) მითითებით.

შენიშვნა: იმ შემთხვევაში თუ, შუამავალი კომპანიის მიერ ლაბორატორიული მომსახურების გაწევის დადასტურების მიზნით წარმოდგენილი იქნა შესყიდვის რეკვიზიტები (SPA/NAT/MEP/CMR ნომერი), მომსახურების გაწევის დამადასტურებელი დოკუმენტაციის (ხელშეკრულება და მიღება-ჩაბარების აქტი/ანგარიშ-ფაქტურა/ინვოისი/ლინკი/ან სხვა დოკუმენტი) წარმოდგენა არ არის სავალდებულო

ლაბორატორიას უნდა გააჩნდეს ISO 17025 აკრედიტაცია მინიმუმ ბოლო 10 წლის განმავლობაში, აღნიშნული ინფორმაცია განთავსებული უნდა იყოს ლაბორატორიის ოფიციალურ ვებგვერდზე და წარმოდგენილი უნდა იქნას ლინკი.

პრეტენდენტმა უნდა წარმოადგინოს კვლევის განმახორციელებელი ლაბორატორიის ოფიციალური ინტერნეტ-გვერდის მისამართი, რაც შეიძლება განხორციელდეს ინტერნეტ-ბმულის (ე.წ. ლინკი) მითითებით.

ინტერნეტ-გვერდზე განთავსებული ინფორმაციის წაკითხვა შესაძლებელი უნდა იყოს ინგლისურ ენაზე. წარმოდგენილ ინტერნეტ-გვერდზე უნდა ჩანდეს საქმიანობის სფერო და მათ შორის აუცილებელია იყოს რადიონახშირბადული დათარიღების მომსახურება.

თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა აუდიტორის/ექსპერტიზის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას როგორც პრეტენდენტის მიერ დაფიქსირებული წინადადების ფასთან (ჯამურ ღირებულებასთან), ასევე შესყიდვის ობიექტის ერთეულის ფას(ებ)თან მიმართებით.

დასკვნის გამცემი იურიდიული პირი და დასკვნაზე ხელმომწერი პირი, რეგისტრირებული უნდა იყვნენ ბუღალტრული აღრიცხვის, ანგარიშგებისა და აუდიტის ზედამხედველობის სამსახურის სახელმწიფო რეესტრში (www.saras.gov.ge)

ანგარიშსწორება განხორციელდება, მხარეებს შორის მიღება-ჩაბარების აქტის დადებიდან 10 სამუშაო დღის განმავლობაში

ანგარიშსწორება განხორციელდება, მხარეებს შორის მიღება-ჩაბარების აქტის დადებიდან 10 სამუშაო დღის განმავლობაში.

თამარი მოხევიშვილი, 577189758, tamar.mokhevishvili.1@iliauni.edu.ge

1. პრეტენდენტის მიერ წარმოდგენილი სატენდერო წინადადების მთლიანი ღირებულება და ერთეულის ფასი უნდა შეიცავდეს საქართველოს კანონმდებლობით გათვალისწინებულ ყველა გადასახადს და შესყიდვის ობიექტის მიწოდებასთან დაკავშირებულ ყველა ხარჯს. სატენდერო წინადადების მთლიანი ღირებულების და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
2. ელექტრონულ ტენდერთან დაკავშირებული ყველა დოკუმენტი ან/და ინფორმაცია, მათ შორის შემსყიდველსა და პრეტენდენტს შორის გაცვლილი კორესპონდენცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
3. სახელმწიფო შესყიდვების ერთიან ელექტრონულ სისტემაში ატვირთულ ყველა ელექტრონულ დოკუმენტზე უნდა იქნას შესრულებული კვალიფიციური ელექტრონული ხელმოწერა უფლებამოსილი პირის მიერ, ან ეს დოკუმენტები დამოწმებული უნდა იქნას კვალიფიციური ელექტრონული შტამპით. კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს;
5. პტერენდენტმა ფასების ცხრილში (ხარჯთაღრიცხვა) აუცილებლად უნდა აღწეროს შესყიდვის ობიექტის ტექნიკური პარამეტრები, ანუ მიუთითოს მინიმუმ ის ტექნიკური პარამეტრები, რაც მოთხოვნილია სატენდერო დოკუმენტაციაში.
6. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-8 მუხლით დადგენილი წესის შესაბამისად;
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა და სატენდერო განცხადების ყველა პირობას;
8. პრეტენდენტს არ აქვს უფლება წარმოადგინოს ალტერნატიული წინადადება.