Страховые и пенсионные услуги (Грузия - Тендер #69474607)

სსიპ ივანე ჯავახიშვილის სახელობის თბილისის სახელმწიფო უნივერსიტეტის (თსუ) საშტატო განრიგით გათვალისწინებული პერსონალის (დამოუკიდებელი სამეცნიერო კვლევითი ერთეულების და ეროვნული სამეცნიერო ბიბლიოთეკის გარდა), ემერიტუსების, თსუ რექტორის მრჩეველთა საბჭოს წევრებისა და ზოგიერთი შტატგარეშე თანამშრომელის (,,ბაზისური პაკეტი), ჯანმრთელობის დაზღვევის მომსახურების სახელმწიფო შესყიდვა

1. შესყიდვის ობიექტს წარმოადგენს სსიპ ივანე ჯავახიშვილის სახელობის თბილისის სახელმწიფო უნივერსიტეტის არაუმეტეს 2000 (ორიათასი) თანამშრომლის ჯანმრთელობის დაზღვევის მომსახურება;
2. ერთი თანამშრომლის სამედიცინო დაზღვევის (,,ბაზისური სადაზღვევო პაკეტი) ერთი თვის მომსახურების სავარაუდო ღირებულება შეადგენს 60.00 (სამოცი) ლარს;
3. ვაჭრობა მიმდინარეობს მხოლოდ ,,ბაზისური სადაზღვევო პაკეტით განსაზღვრულ მომსახურებაზე, გაუმჯებესებული პაკეტები არ მონაწილეობს ვაჭრობის პროცესში და წარმოდგენილია უკვე განსაზღვრული ღირებულებით;
4. შესყიდვის საბოლოო ღირებულება უნდა ითვალისწინებდეს შესაბამისი მომსახურების გაწევასთან დაკავშირებულ ყველა სახის ხარჯს, მათ შორის მოქმედი კანონმდებლობით დადგენილ გადასახადებს (გარდა საშემოსავლო გადასახადისა, რომლის გადახდას უზრუნველყოფს შემსყიდველი).
5. სადაზღვევო მომსახურება ეხება სსიპ ივანე ჯავახიშვილის სახელობის თბილისის სახელმწიფო უნივერსიტეტის:
ა) (თსუ) საშტატო განრიგით გათვალისწინებულ პერსონალს (დამოუკიდებელი სამეცნიერო კვლევითი ერთეულების და ეროვნული სამეცნიერო ბიბლიოთეკის გარდა), ემერიტუსებს, თსუ რექტორის მრჩეველთა საბჭოს წევრებსა და ზოგიერთ შტატგარეშე თანამშრომელს, სადაზღვევო შენატანს უზრუნველყოფს თსუ;
ბ) (თსუ) შტატგარეშე თანამშრომლები, ასევე დამოუკიდებელი სამეცნიერო კვლევითი ერთეულებისა და ეროვნული სამეცნიერო ბიბლიოთეკის პერსონალი - სადაზღვევო შენატანს უზრუნველყოფს დაზღვეული.
გ) (თსუ) ყველა კატეგორიის (დაზღვეული) პერსონალის ოჯახის წევრები - სადაზღვევო შენატანს უზრუნველყოფს დაზღვეული;
6. ოჯახის წევრები გულისხმობს – მეუღლეს (ასაკი შეუზღუდავად) და შვილებს ( 25 წლამდე).
7. მშობლებს, და/ძმას ასაკის შეუზღუდავად, დაზღვევა განხორციელდება, მზღვეველის მიერ შემოთავაზებული ინდივიდუალური სადაზღვევო პროგრამის (პაკეტის) შესაბამისად ,,მოცდის’’ რეჟიმის გარეშე.
8. სამი ან მეტწევრიანი ოჯახის შემთხვევაში, მეუღლის და შვილების (შვილების 18 წლამდე ასაკის) შესაძლებელია დაზღვევა განხორციელდეს საოჯახო პაკეტის ფარგლებში, კოეიციენტით 3.2;
9. თსუ-ს დაზღვეული თანამშრომელი უფლებამოსილია შეარჩიოს ნებისმიერი სადაზღვევო პაკეტი. დაზღვეულს უნდა შეეძლოს მისი ოჯახის წევრების იგივე ან უფრო დაბალი კატეგორიის პაკეტით დაზღვევა, რაოდენობის შეუზღუდავად, სადაზღვევო შენატანს უზრუნველყოფს დაზღვეული.
10. შემსყიდველი უზრუნველყოფს დაზღვეულთა ხელფასიდან შესაბამისი დამატებითი ან/და განსხვავებული სადაზღვევო მომსახურების ღირებულების დაკავებას და მზღვეველისათვის გადარიცხვას.
11. მზღვეველის მიერ სადაზღვევო ანაზღაურებაზე უარის თქმის შემთხვევაში დაზღვეულს უარი უნდა განემარტოს წერილობითი სახით.
12. მოთხოვნის შემთხვევაში უნდა მოხდეს ფორმა N 100ა-ს მომზადება და გაცემა მოთხოვნიდან ორი სამუშაო დღის ვადაში.
13. საავადმყოფო ფურცლის (ბიულეტენის) გაცემა დამატებითი გადასახადის გარეშე .
14. ჯანმრთელობის დაზღვევის მომსახურება, უნივერსიტეტის დაზღვეულმა უნდა მიიღოს თავისუფალი არჩევანის პრინციპის დაცვით, საქართველოს ტერიტორიაზე მოქმედ, ნებისმიერ ლიცენზირებულ სამედიცინო დაწესებულებაში.

ჯანმრთელობის დაზღვევის მომსახურების გაწევის ვადაა, ხელშეკრულების გაფორმებიდან 12(თორმეტი) თვე.

1.5.1. სადაზღვევო კომპანიამ უნივერსიტეტის დაზღვეულებისათვის უნდა უზრუნველყოს: უახლესი სტანდარტების მქონე აპარატურით და მაღალი ტექნოლოგიით (ციფრული რენტგენი, თანამედროვე ლაბორატორია, ექოსკოპია, რიგის მართვის სისტემა და სხვა, ასევე სასურველია ჰქონდეს კომპიუტერული ტომოგრაფია, მაგნიტურ რეზონანსული კვლევის შესაძლებლობა) აღჭურვილ კლინიკაში, მინიმუმ 15 ოჯახის ექიმის (მათ შორის არანაკლებ პედიატრი) განთავსება, კერძოდ:
ა) ქ. თბილისის მუნიციპალიტეტის: მთაწმინდის, საბურთალოს, კრწანისის, ისნის, სამგორის, ჩუღურეთის, დიდუბის, ნაძალადევის, გლდანის რაიონებში, მინიმუმ ერთ ლოკაციაზე, არანაკლებ ერთი ოჯახის ექიმი, ხოლო ვაკის რაიონში, მისამართები: ი.ჭავჭავაძის გამზირისა და უნივერსიტეტის ქუჩის მიმდებარე ტერიტორიაზე, მინიმუმ 2 ლოკაციაზე უნდა განათავსოს არანაკლებ 4 ოჯახის ექიმი.
ბ) ქ. რუსთავში, და ქ. ქუთაისში მინიმუმ ერთ ლოკაციაზე თითოეულ ქალაქში უნდა განათავსოს არანაკლებ ერთი ოჯახის ექიმი.
დაზღვეულმა მომსახურება ასევე უნდა მიიღოს:
ა) ასისტანსტი 24/7 ცხელი ხაზი - 24 საათიან სატელეფონო კონსულტაციით. დაზღვეულისთვის დაზღვევასთან დაკავშირებული ინფორმაციის მიწოდება და სამედიცინო მომსახურების ორგანიზება, პირად ექიმთან ვიზიტის დაგეგმვას და სასწრაფო სამედიცინო ბრიგადის გამოძახებას.
ბ) სადაზღვევო კომპანიის დაზღვეულთა პლატფორმის საშუალებით, დაზღვეულმა თავად უნდა შეძლოს ექიმის შერჩევა და ვიზიტის ჩანიშვნა.

2.2.1.1. გამოცდილების დასადასტურებლად პრეტენდენტმა, უნდა წარმოადგინოს 2021 წლის 01 იანვრიდან ტენდერის გამოცხადების თარიღამდე, შესრულებული ჯანმრთელობის დაზღვევის მომსახურების შესახებ არანაკლებ ორი სარეკომენდაციო წერილი.

სარეკომენდაციო წერილებში მითითებული უნდა იყოს: მიმდინარე ტენდერით განსაზღვრული ჯანმრთელობის დაზღვევის მომსახურების, შესყიდვის ობიექტის მოცულობის ტოლფასი, ერთი შესრულებული ხელშეკრულების გაფორმების თარიღი, შესყიდვის SPA/NAT/CON/CMR… ნომერი, მიწოდების ვადა. ასევე, ინფორმაცია იმის შესახებ რომ ხელშეკრულებით ნაკისრი ვალდებულებები შესრულებულია სრულად, ჯეროვნად და ხელშეკრულებით დადგენილ ვადაში.

2.3.1. სადაზღვევო კომპანიას უნდა ქონდეს პროვაიდერი სამედიცინო დაწესებულებების ფართო ქსელი მათ შორის სპეციალიზირებული (კარდიოლოგია, ონკოლოგია, ნევროლოგია, ნეიროქირურგია, გინეკოლოგია, ოტო-რინო-ლარინგოლოგია, უროლოგია და სხვა) და მრავალპროფილიანი კლინიკები, ასევე არანაკლებ ერთი სამედიცინო დაწესებულება, საქართველოს თითოეულ რეგიონალურ ცენტრში (რეგიონალურ ცენტრებად განისაზღვრება ის ქალაქები, სადაც მდებარეობს თითოეული რეგიონის სამხარეო/რეგიონალური ადმინისტრაცია (ქ. ბათუმი, ქ. ქუთაისი, ქ. ზუგდიდი, ქ. მცხეთა, ქ. ახალციხე, ქ. გორი, ქ. თელავი, ქ. ამბროლაური, ქ. ოზურგეთი, ქ. რუსთავი)).

2.3.2. დაზღვეულს უნდა შეეძლოს ქ.თბილისში არანაკლებ 45 პროვაიდერ კლინიკაში და საქართველოს რაიონებში არანაკლებ 25 პროვაიდერ კლინიკაში მომსახურების მიღება. (სულ საქართველოს მაშტაბით 70, ხოლო სტომატოლოგიური კლინიკა არანაკლებ 20, მათ შორის თბილისში არანაკლებ 15). ქ. თბილისში პროვაიდერი კლინიკა უნდა იყოს აღჭურვილი თანამედროვე, უახლესი სტანდარტების მქონე აპარატურით, მაღალი ტექნოლოგიით (კომპიუტერული ტომოგრაფია- არანაკლებ 12 პროვაიდერ კლინიკაში, მაგნიტურ რეზონანსული კვლევა- არანაკლებ 5 პროვაიდერ კლინიკაში, ციფრული რენტგენი, თანამედროვე ლაბორატორია, ექოსკოპია და სხვა) და მაღალი კვალიფიკაციის სპეციალისტებით.

2.3.3. ქალაქ თბილისში შემოთავაზებული პროვაიდერი დაწესებულებებიდან უნდა იყოს:

2.3.3.1 არანაკლებ 4 მრავალფუნქციური სამედიცინო დაწესებულება (იგულისხმება დაწესებულება, სადაც შესაძლებელი იქნება სხვადასხვა სახის ამბულატორიული და ჰოსპიტალური მომსახურების მიღება მათ შორის ნევროლოგია, ნეიროქირურგია);

2.3.3.2 არანაკლებ 4 სამედიცინო დაწესებულება, სადაც შესაძლებელი იქნება ამბულატორიული პედიატრიული სამედიცინო მომსახურების მიღება, მათ შორის არანაკლებ 2 სამედიცინო დაწესებულებაში სტაციონალური პედიატრიული სამედიცინო მომსახურების მიღება. ასევე, დამატებით წარმოდგენილ უნდა იქნას არანაკლებ 1 სამედიცინო დაწესებულება, სადაც შესაძლებელი იქნება ბავშვთა სასწრაფო სამედიცინო დახმარების ბრიგადის მომსახურების მიღება (გამოძახება);

2.3.3.3 არანაკლებ 3 სამედიცინო დაწესებულება, სადაც შესაძლებელი იქნება ყელ-ყურ-ცხვირის სამედიცინო მომსახურების მიღება;
2.3.3.4 არანაკლებ 2 სამედიცინო დაწესებულება, სადაც შესაძლებელი იქნება ოფთალმოლოგიური სამედიცინო მომსახურების მიღება;
2.3.3.5 არანაკლებ 3 სამედიცინო დაწესებულება, სადაც შესაძლებელი იქნება სამშობიარო სამედიცინო მომსახურების მიღება;
2.3.3.6 არანაკლებ 3 სამედიცინო დაწესებულება, სადაც შესაძლებელი იქნება კარდიოლოგიური სამედიცინო მომსახურების მიღება, რომელიც უნდა მოიცავდეს თერაპიულ კარდიოლოგიას, კარდიოქირურგიას, ინტერვენციულ კარდიოლოგიას და ლაბორატორიულ ინსტრუმენტალურ კვლევებს;
2.3.3.7 არანაკლებ 2 სამედიცინო დაწესებულება, სადაც შესაძლებელი იქნება უროლოგიური და ნეფროლოგიური სამედიცინო მომსახურების მიღება;
2.3.3.8 არანაკლებ 1 სამედიცინო დაწესებულება ,სადაც შესაძლებელი იქნება სხივური თერაპიის ჩატარება;
2.3.3.9 არანაკლებ 2 სამედიცინო დაწესებულება, სადაც შესაძლებელი იქნება ონკოლოგიური სამედიცინო მომსახურების მიღება;

2.3.4. ,,პრეტენდენტის მიერ შემოთავაზებულ უნდა იქნას ქ. თბილისში არანაკლებ 1 პროვაიდერი სამედიცინო ლაბორატორია (დასაშვებია როგორც ცალკე, ასევე სამედიცინო დაწესებულებაში არსებული ლაბორატორია), რომელიც უნდა აკმაყოფილებდეს ISO 15189 სტანდარტის მოთხოვნებს, რის დადასტურების მიზნით პრეტენდენტის მიერ წარმოდგენილი უნდა იყოს შესაბამისი უფლებამოსილი ორგანოს მიერ გაცემული სერთიფიკატი/აკრედიტაციის მოწმობა (წარმოდგენილი სერთიფიკატი/აკრედიტაციის მოწმობა მოქმედი/ვადიანი უნდა იყოს შესასყიდი სადაზღვევო მომსახურების მიღების/ხელშეკრულების მოქმედების სრული პერიოდის განმავლობაში).’’
2.3.5 დაზღვეულს უნდა ქონდეს არანაკლებ 4 (ოთხი) საფირმო სახელწოდების მქონე სააფთიაქო ქსელთან მიმართვით და რეცეპტით მედიკამენტის შეძენის შესაძლებლობა. თითოეულ საფირმო სახელწოდების მქონე სააფთიაქო ქსელს უნდა ქონდეს არანაკლებ 50 აფთიაქი საქართველოს მასშტაბით, საიდანაც არანაკლებ 30 აფთიაქი უნდა იყოს თბილისში, ხოლო არანაკლებ 20 რეგიონებში.

პრეტენდენტმა სისტემაში უნდა ატვირთოს სამედიცინო დაზღვევის სფეროში საქმიანობის განხორციელების ლიცენზია (სიცოცხლის და არასიცოცხლის დაზღვევის ლიცენზია)

,პროვაიდერი სამედიცინო დაწესებულებების ჩამონათვალი’’- N3 დანართი შევსებული უნდა იყოს სატენდერო დოკუმენტაციის კითხვარის 2.3.1 პუნქტით განსაზღვრული მოთხოვნების გათვალისწინებით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდაი ქნას „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

5 Процентов

10 Процентов

ხელშეკრულების შესრულების უზრუნველყოფის საბანკო გარანტია 60 დღით უნდა აღემატებოდეს ხელშეკრულების მოქმედების ვადას

6.4.1. ხელშეკრულების შესრულების უზრუნველყოფის მიზნით, გამარჯვებულმა პრეტენდენტმა უნდა წარმოადგინოს ხელშეკრულების შესრულების უზრუნველყოფის უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) და გამოუთხოვადი საბანკო/სადაზღვევო გარანტია სახელშეკრულებო ღირებულების 5%-ის ოდენობით. აღნიშნული საბანკო ან/და სადაზღვევო გარანტია წარმოდგენილი უნდა იქნეს ხელშეკრულების გაფორმებამდე და მისი მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულების მოქმედების ვადას;
6.4.2. გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან, ეროვნულ ვალუტაში - ლარში;
6.4.3. იმ შემთხვევაში თუ პრეტენდენტი დარეგისტრირებულია მიმწოდებელთა "თეთრ სიაში" საბანკო გარანტიის ოდენობა ნახევრდება;
6.4.4. პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.
6.4.5. ხელშეკრულების შესრულების უზრუნველყოფის მიზნით წარმოდგენილი საბანკო/სადაზღვევო გარანტიით გათვალისწინებული თანხა მიმწოდებელს არ დაუბრუნდება მის მიერ ხელშეკრულებით გათვალისწინებული ვალდებულებების დარღვევის (ხელშეკრულებით გათვალისწინებული ვალდებულებების შეუსრულებლობა და/ან არასრული შესრულება ან/და შესრულებაზე უარის თქმა ან/და ხარვეზის აღმოსაფხვრელად მიმწოდებლის მიერ შესაბამისი ღონისძიებების განუხორციელებლობა) შემთხვევაში.
6.4.6. ხელშეკრულების შესრულების უზრუნველყოფის მიზნით, მიმწოდებლის მიერ წარმოდგენილი ხელშეკრულების შესრულების უზრუნველყოფის 5%-იანი საბანკო/სადაზღვევო გარანტია გამოიყენება ნებისმიერი ზარალის ანაზღაურების მიზნით, რომელიც მიადგება შემსყიდველს მიმწოდებლის მიერ ხელშეკრულების პირობების შეუსრულებლობის ან არასრული შესრულების გამო.
6.4.7. იმ შემთხვევაში, თუ მიმწოდებელი უზრუნველყოფს ხელშეკრულებით ნაკისრი ვალდებულებების სრულად შესრულებას ან ხელშეკრულების მოქმედება შეწყდება მიმწოდებლისაგან დამოუკიდებელი მიზეზებით, შემსყიდველი ვალდებულია მიმწოდებლის წერილობითი მოთხოვნის საფუძველზე უზრუნველყოს გარანტიის დაუყოვნებლივ დაბრუნება.

ხელშეკრულების ფარგლებში დამზღვევის მიერ სადაზღვევო თანხის გადახდა განხორციელდება უნაღდო ანგარიშსწორების ფორმით, ყოველთვიურად, დაზღვეულთა სიასთან ერთად წარდგენილი ინვოისის საფუძველზე, რომლის წარმოდგენა მოხდება ყოველი მომდევნო თვის არაუგვიანეს 05 რიცხვისა, ანგარიშსწორემბა მოხდება მიღება-ჩაბარების აქტის და შესაბამისი ანგარიშსწორების დოკუმენტის სრულყოფილად წარმოდგენის შემდეგ.

სატენდერო დოკუმენტაციის 7.2 პუნქტით განსაზღვრული ხელშეკრულების შესრულების დამადასტურებელი დოკუმენტაციის გაფორმებიდან 10 სამუშაო დღის განმავლობაში

ლელა კოპალეიშვილი-გვაზავა, 577943294, lela.kopaleishvili@tsu.ge

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
3. პრეტენდენტს არ აქვს უფლება წარმოადგინოს ალტერნატიული წინადადება;
4. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;