Страховые и пенсионные услуги (Грузия - Тендер #69429964)

სს „საქართველოს სახელმწიფო ელექტროსისტემის“ მიერ, სს „ელექტროენერგეტიკული ბაზრის ოპერატორის“ და სს „საქართველოს სახელმწიფო ელექტროსისტემის“ თანამშრომლებისა და მათი ოჯახის წევრების ჯანმრთელობის დაზღვევის ერთობლივი შესყიდვა

1.2.1 სატენდერო წინადადების წარდგენით, პრეტენდენტი ავტომატურად გამოხატავს თანხმობას ამ ველში მიმაგრებულ "ტექნიკური პირობების" დოკუმენტზე, რაც უცვლელად, დანართად დაერთვება გასაფორმებელ ხელშეკრულებას.

(!)

1.2.2 პრეტენდენტის მიერ სახელმწიფო შესყიდვების ერთიან ელექტრონულ სისტემაში სატენდერო წინადადებით წარმოდგენილი უნდა იყოს ამ ველში მოცემული სრულად შევსებული ცხრილები (დანართი 1, დანართი 2, დანართი 3 და დანართი 4).

აღნიშნული დანართები უნდა შეივსოს ტექნიკური პირობების 6.21.1. , 6.21.2. , 6.21.3. და 6.21.4. პუნქტების შესაბამისად.

სადაზღვევო მომსახურების გაწევის ვადები განისაზღვრება შემდეგი სახით:

1. სს „საქართველოს სახელმწიფო ელექტროსისტემა“-სათვის - ხელშეკრულების გაფორმებიდან (არაუადრეს 2026წლის 1თებერვლისა) 12 თვის განმავლობაში;

2. სს „ელექტროენერგეტიკული ბაზრის ოპერატორი“-სათვის - ხელშეკრულების გაფორმებიდან (არაუადრეს 2026წლის 1თებერვლისა) 12 თვის განმავლობაში;

სადაზღვევო მომსახურების არეალი: როგორც საქართველოს ტერიტორია (გარდა ოკუპირებული ტერიტორიისა), ასევე მის ფარგლებს გარეთ არსებული ტერიტორია.

(!)

"პრეტენდენტმა" სატენდერო წინადადებით უნდა წარმოადგინოს(ატვირთოს) დაზღვევის ლიცენზიის ასლი, რომელიც გაცემული უნდა იყოს საქართველოს დაზღვევის სახელმწიფო ზედამხედველობის სამსახურის მიერ.

(!)
"პრეტენდენტმა" სატენდერო წინადადებით უნდა უზრუნველყოს შემდეგი დოკუმენტაცია/ინფორმაციის წარმოდგენა(ატვირთვა) სახელმწიფო შესყიდვების ერთიან ელექტრონულ სისტემაში, კერძოდ:

2.9.1.სატენდერო დოკუმენტაციის კითხვარის 1.3 ველში მოცემული სრულად შევსებული "ფასების ცხრილები:
- ფასების ცხრილი #1.
- ფასების ცხრილი #2 სსე-სათვის სადაზღვევო პაკეტის ერთეულის ღირებულების გაანგარიშება (1 თვის განმავლობაში ლარში).
- ფასების ცხრილი #3 ესკო-სათვის სადაზღვევო პაკეტის ერთეულის ღირებულების გაანგარიშება (1 თვის განმავლობაში ლარში).

ვინაიდან, აღნიშნული ტენდერით განსაზღვრული მომსახურეობა არის სპეციფიკური მომსახურების შესყიდვა (სს „საქართველოს სახელმწიფო ელექტროსისტემის“ მიერ, სს „ელექტროენერგეტიკული ბაზრის ოპერატორის“ და სს „საქართველოს სახელმწიფო ელექტროსისტემის“ თანამშრომლებისა და მათი ოჯახის წევრების ჯანმრთელობის დაზღვევის ერთობლივი შესყიდვა) რომლის შეფასების კრიტერიუმები და ფასწარმოქმნის დასაბუთების სტანდარტი რთული დასადგენია, სატენდერო კომისიამ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების მე-18 მუხლის მე-5 პუნქტის საფუძველზე მიზანშეწონილად მიიჩნია არ მოითხოვოს ფასწარმოქმნის ადეკვატურობის დასაბუთების დოკუმენტი თუ ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

5 Процентов

10 Процентов

მიმწოდებლის მიერ წარმოდგენილი უპირობო და გამოუთხოვადი ხელშეკრულების შესრულების უზრუნველყოფის გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

6.4.1 პრეტენდენტმა უნდა წარმოადგინოს მხოლოდ სს „საქართველოს სახელმწიფო ელექტროსისტემასთან“ გასაფორმებელი ხელშეკრულების შესრულების უზრუნველყოფის უპირობო და გამოუთხოვადი საბანკო გარანტია,

6.4.1.1 გამარჯვებულ პრეტენდენტს - მიმწოდებელს, ხელშეკრულების შესრულების უზრუნველყოფის უპირობო და გამოუთხოვადი გარანტიის (საბანკო გარანტია) წარმოდგენა მოეთხოვება ხელშეკრულების გაფორმებამდე, შემსყიდველ ორგანიზაციაში მატერიალური დოკუმენტის ფორმით ან/და ელექტრონული სისტემის საშუალებით – ელექტრონული დოკუმენტის ფორმით. ამასთან, არარეზიდენტი პირის მიერ გაცემული ხელშეკრულების შესრულების უზრუნველყოფის გარანტია შემსყიდველ ორგანიზაციას წარედგინება მხოლოდ მატერიალური დოკუმენტის ფორმით;
ელექტრონული დოკუმენტის ფორმით წარდგენისას, მასზე საქართველოს კანონმდებლობით განსაზღვრული უფლებამოსილი პირის მიერ, შესრულებული უნდა იყოს კვალიფიციური ელექტრონული ხელმოწერა და დასმული უნდა იყოს კვალიფიციური ელექტრონული შტამპი, ხოლო მატერიალური ფორმით წარდგენილი დოკუმენტი დამოწმებული უნდა იყოს უფლებამოსილი პირის ხელმოწერით ან/და ბეჭდით.
6.4.1.2. ხელშეკრულების შესრულების უზრუნველყოფის საბანკო გარანტიის ოდენობა განისაზღვრება ხელშეკრულების ღირებულების ________%-ის ოდენობით;
6.4.1.3. ხელშეკრულების შესრულების უზრუნველყოფის მიზნით მიმწოდებლის მიერ წარმოდგენილი უპირობო და გამოუთხოვადი ხელშეკრულების შესრულების უზრუნველყოფის საბანკო გარანტია გამოიყენება მიმწოდებლის მიერ ხელშეკრულების შეწყვეტის, ხელშეკრულების პირობების შეუსრულებლობის ან არაჯეროვანი შესრულების გამო;
6.4.1.4. მიმწოდებლის მიერ ხელშეკრულებით ნაკისრი ვალდებულებების სრულად და ჯეროვნად შესრულების შემდეგ ან მიმწოდებლისაგან დამოუკიდებელი მიზეზებით ხელშეკრულების შეწყვეტის გამო, მიმწოდებლის წერილობითი მოთხოვნის შემთხვევაში შემსყიდველი ვალდებულია უზრუნველყოს ხელშეკრულების შესრულების უზრუნველყოფის საბანკო გარანტიის დაუყოვნებლივ დაბრუნება;
6.4.1.5. ხელშეკრულების შესრულების უზრუნველყოფის საბანკო გარანტიის თანხა არ უნდა მცირდებოდეს მიმწოდებლის მიერ ხელშეკრულების ფარგლებში შესრულებული ვალდებულებების პროპორციულად;
6.4.1.6. შემსყიდველმა ხელშეკრულების შესრულების უზრუნველყოფის საბანკო გარანტიით გათვალისწინებული თანხა გარანტიის გამცემი ორგანიზაციისგან უნდა მიიღოს პირველი მოთხოვნისთანავე, ყოველგვარი დამატებითი დასაბუთების, განმარტების და მტკიცებულების წარდგენის გარეშე;
6.4.1.7. საქართველოს სამოქალაქო კოდექსის 398-ე მუხლის შესაბამისად ხელშეკრულების ღირებულების და/ან მოქმედების ვადის გაზრდის შემთხვევაში, მიმწოდებელი ვალდებულია წარმოადგინოს ცვლილების შესაბამისად განახლებული ხელშეკრულების შესრულების უზრუნველყოფის საბანკო გარანტია.
6.4.1.8. საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მას თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით));
6.4.1.9. რეზიდენტი პრეტენდენტის მიერ ხელშეკრულების შესრულების უზრუნველყოფის უპირობო გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან, შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი).
6.4.1.10. არარეზიდენტი პრეტენდენტის მიერ ხელშეკრულების შესრულების უზრუნველყოფის უპირობო გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან. უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან გაცემული „კონტრგარანტია“. შემდეგი ფორმის დაცვით: „კონტრ გარანტიის" გამცემი დაწესებულების ტიტულიან ფურცელზე (ბლანკი), ხელმოწერილი ან/და ბეჭედდასმული.

შენიშვნა: ხელშეკრულების შესრულების უზრუნველყოფის საბანკო გარანტია, არ უნდა იყოს გაცემული სატენდერო კომისიის მიერ წინამდებარე ტენდერში გამარჯვებულად გამოვლენილი პრეტენდენტის მიერ.

ანგარიშსწორება განხორციელდება ყოველთვიურად საანგარიშო თვეში ფაქტობრივად დაზღვეულ პირთა რაოდენობაზე გაფორმებული მიღება–ჩაბარების აქტის ხელმოწერის საფუძველზე შესაბამისი ანგარიშფაქტურის / ინვოისის შესაბამისად, უნაღდო ანგარიშსწორების ფორმით ლარში.

ანგარიშსწორება განხორციელდება ყოველთვიურად საანგარიშო თვეში ფაქტობრივად დაზღვეულ პირთა რაოდენობაზე გაფორმებული მიღება–ჩაბარების აქტის ხელმოწერის საფუძველზე შესაბამისი ანგარიშფაქტურის / ინვოისის წარმოდგენიდან 8(რვა) სამუშაო დღის განმავლობაში.

მაია ხაბეიშვილი, 577240458, maia.khabeishvili@gse.com.ge

1. ალტერნატიული სატენდერო წინადადება არ მიიღება;

2.სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

3. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;

4. სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

5. ფასების ცხრილი #1-ს, ფასების ცხრილი #2-ს სსე-სათვის სადაზღვევო პაკეტის ერთეულის ღირებულების გაანგარიშება (1 თვის განმავლობაში ლარში) და ფასების ცხრილი #3-ს ესკო-სათვის სადაზღვევო პაკეტის ერთეულის ღირებულების გაანგარიშება (1 თვის განმავლობაში ლარში) წარმოუდგენლობის ან განუფასებლად წარმოდგენის შემთხვევაში, პრეტენდენტი დაექვემდებარება დისკვალიფიკაციას.

6.სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

7. სატენდერო წინადადების ღირებულების წარმოდგენა დასაშვებია მხოლოდ ეროვნულ ვალუტაში - ლარში;

8. რეზიდენტი პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.), დაამოწმოს/დაადასტუროს კვალიფიციური ელექტრონული ხელმოწერით/კვალიფიციური შტამპით. აღნიშნულისთვის პრეტენდენტს აქვს ორი შესაძლო გზა: 1) ყველა PDF დოკუმენტი სათითაოდ დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური შტამპით; 2) გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით;

9. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამიისად, კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა არ ვრცელდება არარეზიდენტ პირზე, აგრეთვე იმ შემთხვევაზე, როდესაც საქართველოს კანონმდებლობა დოკუმენტზე ხელმოწერის შესრულებას ან/და შტამპის დასმას არ მოითხოვს.