Запасные части и аксессуары для автомобилей и для автомобильных двигателей (Грузия - Тендер #69402393)

მცირე ტვირთამწეობის ავტომანქანების საბურავების სახელმწიფო შესყიდვა თანმდევი მომსახურებით (დემონტაჟი/მონტაჟი/ბალანსირება).

*ფასების ცხრილის თითოეულ პოზიციაზე შემოთავაზებული საბურავი უნდა იყოს ერთიდაიგივე ბრენდის, ახალი, ქარხნული წარმოების და გამოშვებული უნდა იყოს არაუადრეს 2024 წლისა, მოწოდებულ საბურავებზე შესაძლებელი უნდა იყოს მისი დამზადების თარიღის წაკითხვა
*საბურავების ტექნიკური მახასიათებლების შესახებ ინფორმაცია იხილეთ მიბმულ ფაილში (დანართი №2-ტექნიკური დავალება).

საბურავების მიწოდება/დემონტაჟი/მონტაჟი/ბალანსირება უნდა განხორციელდეს ხელშეკრულების გაფორმებიდან 10 (ათი) სამუშაო დღის ვადაში.

საბურავების მიწოდება/დემონტაჟი/მონტაჟი/ბალანსირების ადგილია ქ. თბილისში მდებარე მიმწოდებლის სერვის-ცენტრი.

1.7.1.1 პრეტენდენტის მიერ შემოთავაზებულ საბურავზე მისი სწორი ექსპლუატაციის შემთხვევაში გარანტია უნდა გავრცელდეს არანაკლებ 30 000 კმ გარბენზე. საგარანტიო პერიოდში, ნორმების დაცვით საბურავის ექსპლუატაციისას მისი გამოყენება არ უნდა იწვევდეს საფრთხის შექმნას მგზავრებისათვის, საბურავმა არ უნდა გამოავლინოს ისეთი დეფექტი, რომელიც ხელს შეუშლის სატრანსპორტო საშუალები გამართულ ექპლუატაციას (შენიშვნა: საბურავის საგარანტიო გარბენის შესახებ ინფორმაციის წარმოდგენისას პრეტენდენტი ვალდებულია დააკონკრეტოს გარბენის სიდიდე).
1.7.1.2 საბურავმა საგარანტიო ვადის ამოწურვამდე არ უნდა განიცადოს დეფორმაცია და უნდა ექვემდებარებოდეს ბალანსირებას,წინააღმდეგ შემთხვევაში საბურავი უნდა შეიცვალოს იდენტური პარამეტრების მქონე ახალი საბურავით.
1.7.1.3 მიმწოდებული ვალდებულია საბურავის საგარანტიო პერიოდის განმავლობაში უზრუნველყოს გამოვლენილი ხარვეზის ან/და ნაკლის აღმოფხვრა აღნიშნულის თაობაზე შეტყობინების მიღებიდან (ელ ფოსტით ან ოფიციალური წერილით) არაუგვიანეს 3 (სამი) სამუშაო დღის ვადაში ან შეცვალოს ახალი საბურავით, შემსყიდველის მხრიდან დამატებითი დანახარჯების გაწევის გარეშე.
1.7.1.4 მიწოდებულ საბურავზე ქარხნული წუნის გამოვლინების შემთხვევაში, მიმწოდებელი ვალდებულია, განახორციელოს წუნდებული საბურავის ახლით შეცვლა შემსყიდველის მიმართვიდან (ელ ფოსტით ან ოფიციალური წერილით) არაუგვიანეს 3 (სამი) სამუშაო დღის ვადაში. შეცვლა უნდა განხორციელდეს შემსყიდველის მიერ წუნდებული საბურავის მიმწოდებლის სერვის ცენტრში მიტანისას.
1.7.1.5 გარანტია არ ვრცელდება ქვემოთ ჩამოთვლილი მიზეზებით დაზიანებულ საბურავებზე:
1. მექანიკური;
2. გარეგანი ზემოქმედებით (გადახურება/„დაბუქსავება“);
3. ტვირთამწეობის გადაჭარბება;
4. ბორდიურზე მიჯახება;
5. ჩარტყმა.

2.1.1.1 პრეტენდენტი ვალდებულია ფასების ცხრილის შესაბამის გრაფაში მიუთითოს ინფორმაცია შემოთავაზებული საბურავის ბრენდის, მოდელის, ბრენდის წარმოშობის ქვეყნის შესახებ.
2.1.1.2. საბურავის ბრენდის, მოდელის, ბრენდის წარმოშობის ქვეყნის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე, გარდა იმ შემთხვევისა თუ სატენდერო დოკუმენტაციის მოთხოვნ(ებ)ის შესაბამისად, შესყიდვის ობიექტის ბრენდის, მოდელის, ბრენდის წარმოშობის ქვეყნის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.
2.1.1.3 შემოთავაზებული საბურავი უნდა იყოს მსოფლიოში აღიარებული ბრენდის, რომელიც მსოფლიო ბაზარზე ოპერირებს არანაკლებ 10 წლის განმავლობაში. აღნიშნულის თაობაზე პრეტენდენტმა ერთიანი ელექტრონული სისტემის მეშვეობით უნდა წარმოადგინოს შემოთავაზებული საბურავების მწარმოებლის წერილი ან/და მწარმოებლის ოფიციალური ვებ-გვერდი სადაც მითითებული იქნება ზემოაღნიშნული ინფორმაცია.

მიმწოდებელი ვალდებულია წარმოადგინოს ინფორმაცია საბურავების დემონტაჟი-მონტაჟი-ბალანსირების უზრუნველსაყოფად ქ. თბილისში მდებარე შემოთავაზებული სერვის-ცენტრ(ებ)ის მისამართ(ებ)ის შესახებ.

შემოთავაზებული საბურავის ხარისხი უნდა დასტურდებოდეს ევროპის ეკონომიკური კომისიის (the Economic Commission of Europe „ECE“) რეგულაციის შესაბამისად გაცემული სერტიფიკატის ფლობით. აღნიშნული დადასტურებული უნდა იყოს უცხოენოვანი და ქართულ ენაზე ოფიციალურად ნათარგმნი და ნოტარიულად დამოწმებული შესაბამისი დოკუმენტის წარდგენით სატენდერო წინადადებასთან ერთად.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;
4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);
4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 ანგარიშსწორება განხორციელდება უნაღდო ანგარიშსწორებით, ეტაპობრივად/ერთიანად ეროვნულ ვალუტაში – ლარში. მხარეთა შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადებისა და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.
7.2.2 მიღება-ჩაბარების აქტი მხარეთა შორის გაფორმდება ეტაპობრივად/ერთიანად ფაქტობრივად მოწოდებული შესყიდვის ობიექტის შემდეგ, შემსყიდველის მიერ განსაზღვრული ხელშეკრულების შესრულების კონტროლის განმახორციელებელი პირ(ებ)ის მიერ შედგენილი ინსპექტირების დასკვნის და მიმწოდებლის მიერ წარმოდგენილი სასაქონლო ზედნადების საფუძველზე.

ანგარიშსწორება განხორციელდება ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

ალექსანდრე ჟვანია, 591447034, alzhvania@psh.gov.ge

10.1.1 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (გარდა ფასების ცხრილისა) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3 ალტერნატიული სატენდერო წინადადება არ განიხილება;
10.1.4 სატენდერო წინადადების ფასი გამოსახული უნდა იყოს ეროვნულ ვალუტაში - ლარში.
10.1.5 პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 პრეტენდენტმა სატენდერო წინადადების ფასში არ უნდა გაითვალისწინოს დღგ, მიუხედავად იმისა, არის თუ არა იგი დღგ-ს გადამხდელი საქართველოს კანონმდებლობის შესაბამისად. შემსყიდველი ორგანიზაცია ვალდებულია ხელშეკრულების ღირებულებაში გაითვალისწინოს სატენდერო წინადადების ფასის შესაბამისი დღგ-ს ოდენობა, თუ ხელშეკრულების დადების მომენტისთვის პრეტენდენტი არის დღგ-ს გადამხდელი საქართველოს კანონმდებლობის მოთხოვნათა შესაბამისად.