Автотранспортные услуги (Грузия - Тендер #69402385)

საავტომობილო ტრანსპორტით მომსახურება

სატრანსპორტო მომსახურების ტექნიკური დავალება:


1. ავტო-სატრანსპორტო საშუალების დაქირავება მძღოლის გარეშე (დანართი N1, ცხრილი N1):

1.1.1 დანართი N1, ცხრილი N1- ის N1 პუნქტით გათვალისწინებული "მომსახურება უნდა განხორციელდეს მაღალი გამავლობის (4X4 ჩართვის და გამორთვის პრინციპით) (ჯიპი), გამოშვების წელი 2016 და ზემოთ (საჭე - მარცხენა), შემდეგი აირბაგები: მძღოლის და მგზავრის (დეაქტივაციით) + გვერდითა და ფარდა აირბაგები, საწვავი: ბენზინი ან დიზელი (მხოლოდ ქარხნული საწვავის სიტემით);


2. ავტო-სატრანსპორტო საშუალების დაქირავება მძღოლით (დანართი N1, ცხრილი N2):

2.1. "მომსახურება უნდა განხორციელდეს:
ა) მიკროავტობუსი - ტევადობა არანაკლებ 20 მგზავრი, გამოშვების წელი 2016 და ზემოთ;
ბ) მიკროავტობუსი - ტევადობა არანაკლებ 8 არაუმეტეს 12 მგზავრი, გამოშვების წელი 2016 და ზემოთ;
გ) მაღალი გამავლობის 4X4 (ჯიპი), მსუბუქი ავტომობილით, გამოშვების წელი 2016 და ზემოთ, შემდეგი აირბაგები: მძღოლის და მგზავრის (დეაქტივაციით) + გვერდითა და ფარდა აირბაგები, საწვავი: ბენზინი ან დიზელი (მხოლოდ ქარხნული საწვავის სიტემით);
დ) შშმ პირებზე ადაპტირებული სატრანსპორტო საშუალება, გამოშვების წელი 2006 და ზემოთ.
ე) მძღოლი უნდა ფლობდეს მართვის მოწმობის B/D კატეგორიას და გავლილი უნდა ჰქონდეს სავალდებულო სამედიცინო შემოწმება;
ვ) მძღოლს გავლილი უნდა ჰქონდეს ყველა საჭირო ინსტრუქტაჟი/სწავლება, რომელიც გათვალისწინებულია საქართველოს ორგანული კანონით შრომის უსაფრთხოების შესახებ, რაც უნდა დასტურედებოდეს დოკუმენტურად;
2.2. ავტომობილი უნდა იყოს ტექნიკურად გამართული საქართველოში მოქმედი კანონმდებლობის მიხედვით, გავლილი უნდა ქონდეს ტექდათვალიერება შესაბამის აკრედიტირებულ სერვისცენტრში(ხელშეკრულების დადებიდან მაქსიმუმ 10 დღით ადრე), ხარვეზის აღმოჩენის შემთხვევაში მისი აღმოფხვრისას ისევ საჭიროა ტექდათვალიერების გავლა, ასევე ტექდათვალიერების გავლა 3 თვეში ერთხელ შემსყიდველის მოთხოვნის შემთხვევაში, ავტომობილი უნდა იყოს დაზღვეული (დაზღვევა მესამე პირზეც ნულოვანი ფრანშიზით), ავტომობილს ყველა მომსახურების დაწყების წინ უნდა ჩაუტარდეს დეზინფენქცია, იყოს სუფთა მდგომარეობაში.
2.3. საბურავები შესაბამისი სეზონის და ცვეთა არ უნდა აღემატებოდეს 20-25%-ს, ტრანსპორტის მიწოდების დროისთვის მოწესრიგებული უნდა იყოს კონდიცირებისა და გათბობის სისტემა.
2.4. ავტომობილს უნდა გააჩნდეს თბილისის პარკირების საშვი.
მომსახურებს გაწევის პერიოდში სატრანსპორტო საშუალების ექსპლუატაციის პროცესში წარმოქმნილი დაზიანებისას უნდა მოხდეს ავტომობილის ჩანაცვლება დაუყოვნებლივ სხვა იდენტური მახასიათებლის მქონე ავტოსატრანსპორტო საშუალებით.
2.5. ავტომობილს საწვავის, ყველა მომსახურებისა და შეკეთების ხარჯი გაწეული უნდა იყოს მომწოდებლის მიერ.
2.6. მიმწოდებლის მიერ მომსახურების გაწევა მოხდება, მხოლოდ შემსყიდველის მოთხოვნის შემთხვევაში, შემსყიდველი 1 დღით ადრე აცნობებს მიმწოდებელს საჭირო გასაწევი მომსახურების შესახებ.
2.7. ავტომობილს უნდა გააჩნდეს დამუხტული ცეცხლმაქრი და სამედიცინო დახმარების ყუთი.

ხელშეკრულების გაფორმებიდან 2026 წლის 31 დეკემბრის ჩათვლით.

ა) მომსახურების გაწევის კონკრეტული მარშუტისა და ვადის შესახებ მიმწოდებელს წერილობით, ტელეფონით ან ელ. ფოსტის საშუალებით ეცნობება არანაკლებ 1 (ერთი) დღით ადრე. საწყისი ადგილი - დანართი N1-ში ჩამოთვლილი სატრანსპორტო საშუალებებისათვის: საწყისი წერტილი და მარშუტი განისაზღვრება თითოეული მოთხოვნისათვის ინდივიდუალურად (საქართველოს ტერიტორია);

ბ) მომსახურების გაწევის დრო (სთ) შემსყიდველთან შეთანხმებით.

მოთხოვნა პრეტენდენტის მატერიალურ-ტექნიკური ბაზის შესახებ
შემოთავაზებული ავტოსატრანსპორტო საშუალებები პრეტენდენტს უნდა ჰყავდეს საკუთრებაში ან/და მთელი მომსახურების პერიოდში საქართველოს სამოქალაქო კოდექსით გათვალისწინებით სარგებლობაში.
პრეტენდენტმა უნდა წარმოადგინოს მომსახურების გაწევისას გამოყენებული ავტოსატრანსპორტო საშუალებების ჩამონათვალი ხარჯთაღრიცხვის შესაბამისად, რომელიც უნდა შეესაბამებოდეს შემდეგ პარამეტრებს:
1. ინფორმაცია მომსახურების გაწევისას გამოყენებული ავტოსატრანსპორტო საშუალებების შესახებ, ხარჯთაღრიცხვის (დანართი N1, ცხრილი N1-ის შესაბამისად 1 ერთეული, მაღალი გამავლობის მსუბუქი ავტომობილი მძღოლის გარეშე, ხოლო დანართი N1, ცხრილი N2-ის შესაბამისად 2 ერთეული მიკროავტობუსი 20 მგზავრის ტევადობის, 2 ერთეული მიკროავტობუსი 8-12 მგზავრის ტევადობის, 4 ერთეული მაღალი გამავლობის მსუბუქი ავტომობილი 4 მგზავრის ტევადობის და შშმ პირებზე ადაპტირებული სატრანსპორტო საშუალება (ავტომობილი)) შესაბამისად, ავტოსატრანსპორტო საშუალებების რეგისტრაციის მოწმობების ასლებთან ერთად.
2. შემოთავაზებულ ავტოსატრანსპორტო საშუალებებში მგზავრთა ტევადობის, ავტოსატრანსპორტო საშუალებებში განთავსებული სავარძლების და საჭის, სატენდერო პირობებთან შესაბამისობის დადგენის მიზნით, პრეტენდენტმა უნდა წარმოადგინოს ყველა ავტოსატრანსპორტო საშუალების ფოტოსურათები. ფოტოსურათებით მიღებული ინფორმაცია უნდა იძლეოდეს ზემოთ მითითებული სატენდერო პირობების მოთხოვნებთან შესაბამისობის დადგენის შესაძლებლობას. ფოტოსურათის ფაილი დასათაურებული უნდა იყოს ავტომობილის სახელმწიფო ნომერით.
3. იმ შემთხვევაში, როდესაც პრეტენდენტი გეგმავს მომსახურება განახორციელოს იჯარით ან ქირავნობის ფორმით სარგებლობაში არსებული ავტოსატრანსპორტო საშუალებით/საშუალებებით, პრეტენდენტმა უნდა წარმოადგინოს, იჯარის ან ქირავნობის ხელშეკრულება/ხელშეკრულებები. პრეტენდენტი უფლებამოსილია ხელშეკრულებაში/ხელშეკრულებებში არსებული კომერციული საიდუმლოება დაფაროს იმგვარად რომ არ შეიძლებოდეს მათი იდენტიფიცირება (გარდა ხელშეკრულების დადების თარიღისა და ხელშეკრულების მოქმედების ვადისა, ასევე იჯარის ან ქირავნობის ხელშეკრულების ვადა არ უნდა იყოს გასაწევი მომსახურების საბოლოო ვადაზე (2026 წლის 31 დეკემბერზე ნაკლები ვადით) ნაკლები.
4. ზემოაღნიშნული ხელშეკრულებები ან/და წერილობითი დოკუმენტაცია უნდა იყოს დადებული ავტოსატრანსპორტო საშუალების მესაკუთრესთან ან/და საქართველოს კანონმდებლობით გათვალიწინებით, ავტოსატრანსპორტო საშუალების მესაკუთრის მიერ დადგენილი წესით გაცემული მინდობილობის შესაბამისად მინდობილ პირთან.

იმ შემთხვევაში, თუ მთელი მომსახურების პერიოდში მომსახურების გამწევი ანაცვლებს ავტოსატრანსპორტო საშუალებას სხვა ავტოსატრანსპორტო საშუალებით, ავტოსატრანსპორტო საშუალების ჩანაცვლებამდე მომსახურების გამწევი ვალდებულია შემსყიდველს წარუდგინოს სატენდერო დოკუმენტაციის 1.2 პუნქტით გათვალისწინებული დოკუმენტაცია.
აღნიშნულის გათვალისწინებით შემსყიდველსა და მომსახურების გამწევს შორის დადებულ ხელშეკრულებაში შეიტანება შესაბამისი ცვლილება და მხოლოდ ამის შემდგომ მომსახურების გამწევს აქვს უფლება ავტოსატრანსპორტო საშუალება ჩაანაცვლოს სხვა ავტოსატრანსპორტო საშუალებით.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაციის მოთხოვნის შემთხვევაში, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის ან აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
ექსპერტიზის ან აუდიტორის დასკვნის წარმოდგენის შემთხვევაში, წარმოდგენილი უნდა იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი (სერთიფიკატი და სხვა) ან სახელმწიფოს მიერ აღიარებული სხვა დამადასტურებული დოკუმენტი. ასევე, შესაძლებელია სახელმწიფოს მიერ აღიარებული ორგანიზაციის მიერ გაცემული საექსპერტო დასკვნის წარმოდგენა.
მიმწოდებლის მიერ შესყიდვის ობიექტის სავარაუდო ღირებულებაზე 20%ით ან მეტით დაბალი ფასის წარმოდგენისას, ფასწარმოქმნის ადეკვატურობის დასადასტურებლად, შემსყიდველი უფლებამოსილია ჩაატაროს ალტერნატიული ექსპერტიზა, რომელსაც მიენიჭება უპირატესობა სატენდერო კომისიის მიერ გადაწყვეტილების მიღებისას.
შენიშვნა: პრედენდენტმა უნდა გაითვალისწინოს, რომ ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

მიმწოდებელთან ანგარიშსწორება განხორციელდება უნაღდო ანგარიშსწორების წესით ეროვნულ ვალუტაში.
ანგარიშსწორება მოხდება ფაქტიურად გაწეული მომსახურების ღირებულების მიხედვით, ხელშეკრულებით გათვალისიწნებული დოკუმენტაციის გაფორმების საფუძველზე.

მიმწოდებელთან ანგარიშსწორება განხორციელდება შესაბამისი დოკუმენტაციის ხელმოწერიდან 10 კალენდარული დღის განმავლობაში.

ირაკლი პაპავა, 595959384, i.papava@zspa.ge

იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის სახით.

წინამდებარე ტენდერში მონაწილეობით პრეტენდენტი ავტომატურად ეთანხმება ტექნიკურ პირობებს.

ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

სახელმწიფო შესყიდვების ერთიან ელექტრონულ სისტემაში პრეტენდენტის მიერ ატვირთული ყველა დოკუმენტი ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით.

სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.