Ремонт и техническое обслуживание транспортных средств и оборудования и сопутствующие услуги (Грузия - Тендер #69376091)

სატრანსპორტო საშუალებებისა და მათთან დაკავშირებული მოწყობილობების შეკეთება, ტექნიკური მომსახურება და მასთან დაკავშირებული მომსახურებები.

სატრანსპორტო საშუალებების და მათთან დაკავშირებული მოწყობილობების შეკეთება, ტექნიკური მომსახურება და მასთან დაკავშირებული მომსახურებების მოწოდება უნდა განხორციელდეს ეტაპობრივად, შემსყიდველის მოთხოვნის შესაბამისად. პრეტენდენტი ვალდებულია მოთხოვნიდან ორი დღის ვადაში მოახდინოს დიაგნოსტიკა და შეასრულოს სარემონტო სამუშაო სათადარიგო ნაწილის შეცვლით საჭიროების შეემთხვევაში. თუ ავტოსატრანსპორტო საშუალების შესაკეთებლად საჭირო გახდა დეფიციტური სათადარიგო ნაწილი (რომლის შეძენაც მოცემული მომენტისათვის შეუძლებელია) შესაძლებელია მომსახურების გაწევის ვადა გაიზარდოს არაუმეტეს 5 (ხუთი) დღისა. პრეტენდენტმა დეფიციტური ნაწილის შესახებ ინფორმაცია წერილობით უნდა აცნობოს შემსყიდველს მომსახურების დაწყებიდან არაუგვიანეს 1 (ერთი) დღისა. უხარისხობის გამოვლენის შემთხვევაში პრეტენდენტი ვალდებულია შემსყიდველის მოთხოვნის საფუძველზე საკუთარი სახსრებით აღმოფხვრას აღნიშნული უხარისხობიდან გამოწვეული ყველა სახის ზიანი და შეცვალოს უხარისხო დეტალი. სატრანსპორტო საშუალებების და მათთან დაკავშირებული მოწყობილობების შეკეთება, ტექნიკური მომსახურება და მასთან დაკავშირებული მომსახურებების რაოდენობა და მოცულობა განსაზღვრული იქნება პრეისკურანტით და შესყიდვის ობიექტის სახელშეკრულებო ღირებულებით.პრეტენდენტის მიერ შემოთავაზებული ფასი არცერთ პოზიციაზე არ უნდა აღემატებოდეს პრეისკურანტის ფასს. შემოთავაზებული ფასები უნდა მოიცავდეს მომსახურების სრულყოფილად გაწევისათვის გათვალისწინებულ ყველა ხარჯს.მათ შორის კანონმდებლობით გათვალისწინებულ ყველა გადასახადს. ასევე საწვავის ხარჯებს. პრეტენდეტის მიერ სისტემით წარმოდგენილი სატენდერო წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს პრეისკურანტის სავარაუდო ღირებულებასთან მიმართებაში. გამარჯვებულ პრეტენდენტთან ხელშეკრულების გაფორმების შემდეგ, პრეისკურანტში მომსახურების/საქონლის რომელიმე ერთეულის არარსებობისას, აღნიშნული ობიექტის ერთეულის ფასი მისი შესყიდვის აუცილებლობისას დადგინდება შემსყიდველისა და მიმწოდებლის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის/მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ უნდა აღემატებოდეს პრეისკურანტის საერთო ჯამური ღირებულების 10%-ს.

მიმწოდებელმა უნდა უზრუნველყოს მომსახურების გაწევა ხელშეკრულების გაფორმების დღიდან 2026 წლის 31 დეკემბრის ჩათვლით

მომსახურების მიწოდება უნდა განხორციელდეს გურჯაანის მუნიციპალიტეტის ტერიტორიაზე.,

სათადარიგო ნაწილი მისი ხარისხით სრულად უნდა შეესაბამებოდეს ორიგინალი დეტალების მონაცემებს. მიმწოდებელი იძლევა გარანტიას რომ დეფექტის გამოვლენის შემთხვევაში მიმწოდებელი უზრუნველყოფს წუნდებული (უხარისხო) საქონლის შეცვლას და განახორციელებს შეცვლასთან დაკავშირებულ ყველა მოქმედებას საკუთარი ძალებით და საშუალებებით, შემსყიდველის მხრიდან ყოველგვარი დამატებითი დანახარჯების გაწევის გარეშე, შეტყობინების მიღებიდან არაუგვიანეს 10 (ათი) სამუშაო დღის განმავლობაში.
გამოსაყენებელ სათადარიგო ნაწილებზე უნდა გავრცელდეს მინიმუმ 12 თვიანი გარანტია, გარდა იმ სათადარიგო ნაწილებისა და საცხ-საპოხი საშუალებებისა, რომელთა ექსპლუატაციის ვადა დამოკიდებულია ავტომანქანის გარბენზე.

პრეტენდენტს საკუთრებაში ან და იჯარით ფორმით უნდა გააჩნდეს ყოველდღიურად (გარდა კვირა დღისა) 10:00 სთ-დან არანაკლებ 18:00 სთ-მდე მოქმედი სერვის ცენტრი და აღჭურვილი უნდა იყოს ყველა იმ აპარატურითა და დანადგარებით, რაც მაღალი გამავლობის ავტოსატრანსპორტო საშუალებების გამართულ ექსპლუატაციაში მოსაყვანად არის საჭირო. აღნიშნულის დამადასტურებლად პრეტენდენტმა უნდა წარმოადგინოს შესაბამის დოკუმენტაცია ან სერვის ცენტრის ტექნიკური ბაზის დასურათებული ვერსია.

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთული უნდა იქნას მინდობილობა).
2. ელექტრონულ ტენდერთან დაკავშირებით ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
3. სატენდერო წინადადების წარდგენით პრეტენდენტი გამოხატავს თანხმობას სატენდერო დოკუმენტაციის პირობების შესახებ.
4. სატენდერო წინადადებაში საერთო და ერთეულის ფასი გამოსახული უნდა იყოს ლარში. შესყიდვის ობიექტის მიწოდებასთან დაკავშირებული ყველა ხარჯისა და საქართველოს კანონმდებლობით გათვალისწინებული ყველა გადასახადის გათვალისწინებით. შემოთავაზებული ფასი უნდა მოიცავდეს ყველა ხარჯს, ასევე ტრანსპორტირების ხარჯს.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება;
6. ანგარიშსწორება მოხდება უნაღდო ანგარიშსწორებით ლარებში. პრეტენდენტმა ტექნიკური დოკუმენტაციის სახით სისტემაში უნდა ატვირთოს ფასების ცხრილი - დანართი N 1.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), წარმოდგენილი დასკვნით უნდა დასტურდებოდეს პრეტენდენტის მიერ ატვირთულ ფასების ცხრილში დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ფასების ცხრილით განსაზღვრული მომსახურების შესრულების შესაძლებლობა. ექსპერტიზის, ან/და აუდიტის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით .განსაზღვრული პირობები.

ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში, მიღება-ჩაბარების აქტის შესაბამისად.

სახელმწიფო შესყიდვების სააგენტოს რეკომენდაციაა ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

დათო გოგებაშვილი, 555338802, gurjaanisdasuftavebissamsaxuri@gmail.com დათო გოგებაშვილი, 555338802, gurjaanisdasuftavebissamsaxuri@gmail.com

1.პრეტენდენტის მიერ სისტემაში წარმოდგენილი ყველა დოკუმენტი უნდა იყოს ქართულ ენაზე. ყველა დოკუმენტი უნდა იყოს უფლებამოსილი პირის მიერ ელექტრონულად ხელმოწერილი.
2. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
3. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.