Инженерные услуги (Грузия - Тендер #69376064)

სამგორის რაიონის ტერიტორიაზე ბინათმესაკუთრეთა ამხანაგობების საერთო საკუთრებაში არსებული საცხოვრებელი სახლების წითელ ხაზებში მოქცეული შიდა და გარე წყალკანალიზაციის გაყვანილობის შეკეთების სამუშაოებისათვის დეფექტური აქტების, ესკიზური ნახაზების, პროექტების, ხარჯთაღრიცხვის და ტექნიკური დავალებების მომზადების მომსახურება.

გასაწევი მომსახურების ჩამონათვალი:
ქ. თბილისში, სამგორის რაიონის ტერიტორიაზე ბინათმესაკუთრეთა ამხანაგობების საერთო საკუთრებაში არსებული საცხოვრებელი სახლების წითელ ხაზებში მოქცეული შიდა წყალ-კანალიზაციის შეკეთების სამუშაოებისათვის დეფექტური აქტების,ესკიზური ნახაზების, პროექტების, ხარჯთაღრიცხვის და ტექნიკური დავალებების შედგენა.

დოკუმენტაცია უნდა შიცავდეს:
1. სქემატურ ნახაზს რეპერის ნიშნულის დამაგრებისა და პიკეტების დატანით, სამუშაოთა მოცულობათა უწყისს, სათვალთვალო ჭის კონსტრუქციას და ხარჯთაღრიცხვას.
2. აგეგმითი მომსახურება უნდა განხორციელდეს - WGS-84 კორდინატთა სისტემაში UTM პროექციაში GeoCORS-ის სისტემაში. აგეგმილი წერტილების ინსტრუმენტიდან ამოღებული ტექსტური (TXT) ფაილი.
შენიშვნა: გასაწევი მომსახურების კონკრეტული მოცულობა და მომსახურების გაწევის კონკრეტული ვადები შემსყიდველის მიერ ეცნობება მიმწოდებელს.
3. შემსყიდველის მიერ მითითებულ ობიექტებზე გასვლა, აღმოჩენილი დეფექტების აღმოფხვრის მიზნით საჭირო ჩასატარებელი სამუშაოების მოცულობების დათვლა, შესაბამისი ესკიზისა და ტექნიკური დავალების შედგენა და დამკვეთისთვის გადაცემა როგორც ბეჭდური ასევე ელექტრონული ფორმით;
4. აღმოჩენილი დეფექტების აღმოფხვრის მართლზომიერად განხოციელების მიზნით ადგილობრივ მოსახლეობასთან ურთიერთობა, ინფორმაციის მოპოვება და მათთან მიზნობრივი კოორდინირება;
5. წარმოდგენილი უნდა იყოს:
1) სამუშაოების შესაბამისი ნახაზები და ესკიზები;
2) მოცულობების უწყისი;
3) ხარჯთაღრიცხვა (ყველა აუცილებელი სამუშაოების გათვალისწინებით-რესურსული და სტანდარტული);
6. შესასრულებელი სამუშაოებისას მიმწოდებელმა უნდა იხელმძღვანელოს ქვეყანაში მოქმედი სამშენებლო ნორმებით და სტანდარტებით;
7. მიმწოდებელმა უნდა უზრუნველყოს ზედამხედველობა სამუშაოების განხორციელების პროცესში, კონსულტაციების გაწევა და საჭიროების შემთხვევაში დეფექტური აქტების კორექტირება შემჭიდროებულ ვადებში შემსყიდველთან შეთანხმებით;
8. ექსპერტიზის წარმოდგენა სსიპ-ლევან სამხარაულის სახელობის სასამართლო ექსპერტიზის ეროვნული ბიუროდან ან სსიპ–აკრედიტაციის ერთიანი ეროვნული ორგანო-აკრედიტაციის ცენტრის მიერ სხვა აკრედიტირებული პირიდან.

ეტაპობრივად, ხელშეკრულების გაფორმებიდან - არაუგვიანეს 2026 წლის 25 დეკემბრის ჩათვლით.

საპროექტო დოკუმენტაციის მიწოდების ადგილი: ქ. თბილისი, მოსკოვის გამზირი №14, სამგორის რაიონის ადმინისტრაციული შენობა.

პრეტენდენტს 2023 წლის 01 იანვრიდან უნდა გააჩნდეს მომსახურების შესრულების არანაკლებ 22 500 (ოცდაორი ათას ხუთასი) ლარის ღირებულების გამოცდილება (წყალსადენის ან/და საკანალიზაციო ან/და სანიაღვრე ან/და სადრენაჟე ქსელების მოწყობა-რეაბილიტაციის სამუშაოების დეფექტური აქტების, ხარჯთაღრიცხვის შედგენა შესაბამისი ტექნიკური დავალებითა და ესკიზით). აღნიშნულთან დაკავშირებით სატენდერო წინადადებასთან ერთად ერთიანი ელექტრონული სისტემის მეშვეობით წარმოდგენილი უნდა იქნას ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი, დადასტურებული საგადასახადო ანგარიშ-ფაქტურა (არსებობის შემთხვევაში) და გადახდის დამადასტურებელი დოკუმენტი, რომლითაც გარკვევით დადასტურდება პრეტენდენტის მიერ შესრულებული მომსახურება. SPA/NAT/CMR ნომრების წარმოდგენის შემთხვევაში მიღება-ჩაბარების და ხელშეკრულებების ატვირთვა სისტემაში სავალდებულო არ არის. აღნიშნული ინფორმაცია შევსებული უნდა იყოს თანდართულ დანართში (იხილეთ თანდართული PDF ფაილი დანართი N2).

შენიშვნა: წარმოდგენილ უნდა იქნას ინფორმაცია გამოცდილების შესახებ დანართი N2–ის შესაბამისად.

მოთხოვნები მატერიალურ-ტექნიკური აღჭურვილობის შესახებ

ტენდერში მონაწილე პრეტენდენტს საკუთრებაში (შესაძლებელია იჯარაც) უნდა გააჩნდეს შემდეგი მატერიალურ-ტექნიკური აღჭურვილობა:

ტექნიკის დასახელება:

1. ავტოსატრანსპორტო საშუალება მუშა მდგომარეობაში (მინიმუმ 1 ერთეული);
2. აზომვითი სამუშაოებისათვის ჩასატარებლად აუცილებელი ყველა საჭირო ინსტრუმენტი და მოწყობილობა, ორსიხშირიანი GPS-ის (ჩართული GeoCORS-ის სისტემაში), ელექტროტაქეომეტრისა და გეოდეზიური ოპტიკური ხელსაწყოს ჩათვლით;

• ყველა ზემოთ ჩამოთვლილი ტექნიკური საშუალების ხარისხი და ტექნიკური მდგომარეობა უნდა უზრუნველყოფდეს შესაბამისი შესრულებული სამუშაოების მაქსიმალურ ხარისხს.

ინფორმაცია წარმოდგენილი უნდა იყოს დანართი N3-ის მიხედვით.

• 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
• სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
• პრეტენდენტის მიერ ელექტრონულ სისტემაში ატვირთული სატენდერო დოკუმენტაცია უნდა იყოს ხელმოწერილი და ბეჭედდასმული უფლებამოსილი პირის მიერ.

• შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოთაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ეტაპობრივად, უნაღდო ანგარიშსწორებით ლარში, 2026 წლის ადგილობრივი ბიუჯეტის სახსრებით.

მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.

დავით ნიკურაძე, 599405256, D.Nikuradze@tbilisi.gov.ge - გაიოზ გოშაძე, 577156511, gaiozi.goshadze@gmail.com - ტექნიკურ საკითხებთან დაკავშირებით საკონტაქტო პირი ნანა ნიჟარაძე 555 505 532.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. მომსახურების ფასების ცხრილი დანართი №1–ის მიხედვით. (მომსახურების ფასების ცხრილის განუფასებლად წარმოდგენა ან/და ფასების ცხრილის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ დანართი №2–ის შესაბამისად.
3. ინფორმაცია მატ.ტექ. ბაზის შესახებ დანართი №3–ის შესაბამისად.