Фармацевтические продукты (Грузия - Тендер #69376046)

დიაბეტის მართვის პროგრამით (27 03 03 02), გათვალისწინებული მედიკამენტის შესყიდვა, დაფინანსება განხორციელდება 2026 სახელმწიფო ბიუჯეტით დამტკიცებული ასიგნებების ფარგლებში, ხანმოკლე მოქმედების ინსულინის ანალოგი 100ს.ე. 3მლ (კარტრიჯი).

•7 500 ცალი - ხანმოკლე მოქმედების ინსულინის ანალოგი 100ს.ე. 3მლ (კარტრიჯი).

უნდა გააჩნდეს 0.5 ბიჯი.

დამატებითი პირობა: ტენდერში გამარჯვებულმა პრეტენდენტმა შემსყიდველს უფასოდ (უსასყიდლოდ) უნდა გადასცეს, „დიაბეტის მართვის“ სახელმწიფო პროგრამის ფარგლებში შესყიდული შპრიც-კალმისტრებთან - თავსებადი, ინექციის შესასრულებლად საჭირო ნემსები:

•32G 0.25X4mm - 1000 ყუთი;
•31G 0.25X6mm - 1000 ყუთი.

ხანმოკლე მოქმედების ინსულინის ანალოგი 100ს.ე. 3მლ კარტრიჯი მიწოდების ვადები და პირობები:

• დანართი N1 ფასთა ცხრილით 2026 წელს, პირველი ეტაპით განსაზღვრული საქონლის, კერძოდ 4000 ცალი ხანმოკლე მოქმედების ინსულინის ანალოგი 100ს.ე. 3მლ კარტრიჯის მიწოდება უნდა განხორციელდეს ხელშეკრულების გაფორმებიდან, არაუგვიანეს 2026 წლის 31 მარტისა;

• 2026 წელს, დარჩენილი საქონლის, კერძოდ 3500 ცალი ხანმოკლე მოქმედების ინსულინის ანალოგი 100ს.ე. 3მლ კარტრიჯის მიწოდება უნდა განხორციელდეს ეტაპობრივად, ხელშეკრულების გაფორმებიდან, შემსყიდველის წერილობითი მოთხოვნის შესაბამისად, ამ მოთხოვნით განსაზღვრულ ( შეკვეთის მიღებიდან არანაკლებ 30 კალენდარული დღის და არაუმეტეს 90 კალენდარული დღის) ვადაში, არაუგვიანეს 2026 წლის 15 დეკემბრისა.

1.5.1. არარეზიდენტი მიმწოდებლისთვის, რომელიც ახორციელებს საქონლის იმპორტს: CIP Incoterms 2020-ს პირობების მიხედვით.

1.7.1.1. მოსაწოდებელი საქონლის ვარგისიანობის ვადა მოწოდების მომენტიდან არანაკლებ 12 თვე.

2.1.1 მოთხოვნა შესყიდვის ობიექტის სასაქონლო ნიშანთან, პატენტთან, მოდელთან, წარმოშობის წყაროსთან ან/და მწარმოებელთან დაკავშირებით

პრეტენდენტმა სატენდერო დოკუმენტაციის 1.3 პუნქტით განსაზღვრულ ფასების ცხრილის შესაბამის ველში, უნდა მიუთითოს შესყიდვის ობიექტზე შემდეგი ინფორმაცია:
*წარმოშობის ქვეყნა;
*მწარმოებელი კომპანია:
*სავაჭრო ბრენდული დასახელება.

2.7.1.1. წარმოდგენილი უნდა იქნეს ფარმაცევტული პროდუქტის საქართველოში რეგისტრაციის დამადასტურებელი დოკუმენტი ან წერილობითი ვალდებულება იმის თაობაზე, რომ ხელშეკრულების გაფორმებამდე უზრუნველყოფილი იქნება ფარმაცევტული პროდუქტის საქართველოს ბაზარზე დაშვება რეგისტრაციის აღიარებითი რეჟიმით, მოქმედი კანონმდებლობის შესაბამისად.

2.7.1.2. დოკუმენტი, რომელიც დაადასტურებს საქართველოს მთავრობის 2009 წლის 22 ოქტომბრის N188 დადგენილებით აღიარებული სახელმწიფოთაშორისი ან შესაბამისი სახელმწიფოს მარეგულირებელი ორგანოს მიერ ფარმაცევტული პროდუქტის მის კონტროლს დაქვემდებარებულ ბაზარზე დაშვებას: საქართველოს მთავრობის მიერ აღიარებული სახელმწიფოთაშორისი ან შესაბამისი ქვეყნის რომელიმე მარეგულირებელი ორგანოს მიერ, საქართველოს მთავრობის მიერ აღიარებული რომელიმე მარეგულირებლის ქვეყნისთვის გაცემული ფარმაცევტული პროდუქტის სერტიფიკატი (CPP - გაცემული ბოლო 2 წლის განმავლობაში) ან მისი ასლი; ან საქართველოს მთავრობის მიერ აღიარებული სახელმწიფოთაშორისი ან შესაბამისი ქვეყნის რომელიმე მარეგულირებელი ორგანოს მიერ გაცემული ფარმაცევტული პროდუქტის სარეგისტრაციო მოწმობა (სერტიფიკატი) ან მისი ასლი; ან საქართველოს მთავრობის მიერ აღიარებული სახელმწიფოთაშორისი ან შესაბამისი ქვეყნის რომელიმე მარეგულირებელი ორგანოს ოფიციალური ვებ-გვერდიდან წარმოდგენილი ინფორმაცია (იგი შეიძლება წარმოდგენილი იქნეს, როგორც ორიგინალის, ისე ასლის სახით, ან ელექტრონული დოკუმენტის ან სხვა საჯაროდ ხელმისაწვდომი ფორმით, მოპოვების წყაროს მითითებით).

2.7.1.3. თუ პრეტენდენტი ტენდერში მონაწილეობას მიიღებს საქართველოში არარეგისტრირებულ ფარმაცევტულ პროდუქტით, რომლის, საქართველოს ბაზარზე დაშვებას უზრუნველყოფს რეგისტრაციის აღიარებითი რეჟიმით, შესაძლებელია სატენდერო დოკუმენტაციის 2.7.1.2 პუნქტით განსაზღვრული მოთხოვნების ნაცვლად წარმოადგინოს, ფარმაცევტული პროდუქტის ლაბორატორიული კონტროლის დამადასტურებელი დოკუმენტი, გაცემული ჯანმრთელობაზე ზრუნვისა და სამკურნალო საშუალებების ხარისხის ევროპის დირექტორატის (EDQM) ოფიციალური სამკურნალო საშუალებების კონტროლის ლაბორატორიის (OMCL) ან/და ჯანმრთელობის მსოფლიო ორგანიზაციის მიერ პრეკვალიფიცირებული ლაბორატორიის მიერ.

2.7.1.4 ფარმაცევტული პროდუქტის თითოეული სერიის ხარისხის სერტიფიკატი (მათ შორის 2.7.1.3 პუნქტით განსაზღვრული მოთხოვნის შესაბამისი) წარმოდგენილი უნდა იყოს საქონლის შემოტანის ეტაპზე;

2.7.1.5 ცივი ჯაჭვის წესით ტრანსპორტირებას დაქვემდებარებული ფარმაცევტული პროდუქტ(ებ)ის შემთხვევაში პრეტენდენტმა ერთიან ელექტრონულ სისტემაში უნდა ატვირთოს, პრეტენდენტის სახელზე გაცემული, შემოთავაზებული ფარმაცევტული პროდუქტის სავაჭრო ლიცენზიის მფლობელის ან მწარმოებელი კომპანიის ოფიციალური წერილი იმის თაობაზე, რომ პრეტენდენტის მიერ მოწოდებული ტვირთის წარმოებიდან საქართველოში მიწოდების ადგილამდე, ტრანსპორტირება მოხდება GDP-ის მოთხოვნების სრული დაცვით.

2.7.1.6. პრეტენდენტმა ერთიან ელექტრონულ სისტემაში უნდა ატვირთოს შემოთავაზებული ფარმაცევტული პროდუქტის სავაჭრო ლიცენზიის მფლობელის ან მწარმოებელი კომპანიის ოფიციალური დადასტურება მედიკამენტის მიწოდების ვადებთან დაკავშირებით.

2.7.1.2, 2.7.1.4, 2.7.1.5 და 2.7.1.6. პუნქტებით განსაზღვრული დოკუმენტების წარმოდგენა სავალდებულოა, როგორც რეგისტრირებული აგრეთვე არარეგისტრირებული ფარმაცევტული პროდუქტის შემთხვევაში.

2.9.1 პრეტენდენტის მიერ სატენდერო წინადადებით ერთიან ელექტრონულ სისტემაში ასატვირთი მონაცემები:
2.9.1.1 სატენდერო დოკუმენტაციის 1.3. მუხლით განსაზღვრული განფასებული ხარჯთაღრიცხვა.
2.9.1.2 სატენდერო დოკუმენტაციის 1.7.1. მუხლით განსაზღვრული ინფორმაცია ვარგისინობის ვადის შესახებ.
2.9.1.3 სატენდერო დოკუმენტაციის 2.1.1. მუხლით განსაზღვრული ინფორმაცია შესყიდვის ობიექტის სასაქონლო ნიშანთან, პატენტთან, მოდელთან, წარმოშობის წყაროსთან ან/და მწარმოებელთან დაკავშირებით.
2.9.1.4 სატენდერო დოკუმენტაციის 2.7.1. მუხლით განსაზღვრული ინფორმაცია ლიცენზიასთან, აკრედიტაციასთან, სტანდარტებთან, ხარისხის შესაბამისობასთან და სხვ. დოკუმენტების შესახებ.

2.9.2. მიმწოდებელი ვალდებულია, მედიკამენტის წარმოშობის სერთიფიკატი შეინახოს მედიკამენტის ვარგისიანობის ვადის ამოწურვიდან ერთი წლის განმავლობაში.

2.9.3. დამატებითი მოთხოვნები:
2.9.3. 1. დაცული უნდა იქნეს „პროდუქტის უსაფრთხოებისა და თავისუფალი მიმოქცევის“ კოდექსით განსაზღვრული მოთხოვნები.
2.9.3.2 საქონელი უნდა იყოს ქარხნულად დაფასოებული და უნდა ჰქონდეს ქარხნული ეტიკეტი შესაბამის შეფუთვაზე. შეფუთვა არ უნდა იყოს დაზიანებული, ხოლო წარწერები საქონელსა ან/და ეტიკეტ(ებ)ზე უნდა იყოს კითხვადი (ასეთის არსებობის შემთხვევაში).
2.9.3.3 საქონლის ხარისხი უნდა შეესაბამებოდეს სატენდერო დოკუმენტაციით დადგენილ მოთხოვნებს.
2.9.3.4 არსებული ნორმატიული დოკუმენტ(ებ)ის ცვლილების ან/და ახალი ნორმატიული დოკუმენტ(ებ)ის შემოღების შემთხვევაში, მიმწოდებელი ვალდებულია, საქონელი და მასთან დაკავშირებული გარემოებები შეუსაბამოს შეცვლილ გარემოებებს.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ჯამურ ღირებულებასთან), ასევე ფასების ცხრილის ერთეულებთან მიმართებაში.

7.2.1 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
7.2.2. ფაქტიურად მოწოდებულ საქონელზე, მხარეებს შორის გაფორმდება მიღება-ჩაბარების აქტი შესაბამისი ღირებულების ასახვით, რაც წარმოადგენს ანგარიშსწორების საფუძველს;
7.2.3. ანგარიშწორების ფორმა იქნება უნაღდო ანგარიშსწორება, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე.

7.3.1 ანგარიშსწორება მოხდება უნაღდო ანგარიშსწორებით.
7.3.2 მხარეთა შორის მიღება-ჩაბარების აქტის გაფორმებიდან და „მიმწოდებლის“ მიერ კანონმდებლობით განსაზღვრული დოკუმენტის წარმოდგენიდან არა უგვიანეს 20 (ოცი) სამუშაო დღის განმავლობაში.

ქეთევან ხარაძე, 591919090, kkharadze@moh.gov.ge თათია ლოლაძე, 577224522, taloladze@moh.gov.ge

10.1.ტენდერში მონაწილეობის მიღება შეუძლიათ მხოლოდ სისტემაში „მიმწოდებლად“ რეგისტრირებულ მომხმარებლებს.
10.2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად (გარდა excel-ის ფორმატის ფაილისა), კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.4. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით). უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ქართულენოვან ტექსტში უცხოენოვანი სიტყვ(ებ)ის გამოყენების შემთხვევაში კომისია უფლებამოსილია იმსჯელოს აღნიშნული სიტყვ(ებ)ის ტექნიკურ დოკუმენტაციასთან შესაბამისობის თაობაზე.
10.5. არსებული ნორმატიული დოკუმენტ(ებ)ის ცვლილების ან/და ახალი ნორმატიული დოკუმენტ(ებ)ის შემოღების შემთხვევაში, მიმწოდებელი ვალდებულია, საქონელი და მასთან დაკავშირებული გარემოებები შეუსაბამოს შეცვლილ გარემოებებს.
10.6.სახელმწიფო შესყიდვების შესახებ ხელშეკრულების ფორმა/პროექტი და პირობები მოცემულია სატენდერო დოკუმენტაციის 8.1 პუნქტში. რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.7. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში ლარში. მხოლოდ არარეზიდენტი მიმწოდებლის მოთხოვნის შემთხვევაში ვაჭრობის შედეგად დაფიქსირებული საბოლოო ფასი ხელშეკრულების გაფორმების დროს დაკონვერტირდება მიმწოდებლის მიერ მოთხოვნილ ვალუტაში, ტენდერის გამოცხადების დღეს არსებული ეროვნული ბანკის ოფიციალური გაცვლითი კურსის შესაბამისად.
10.8. არარეზიდენტი მიმწოდებლის მიერ სატენდერო წინადადების წარდგენის შემთხვევაში სატენდერო წინადადებაში საერთო და ერთეულის ფასი უნდა მოიცავდეს, როგორც საქონლის ღირებულებას, ასევე მიმწოდებლის მიერ გაწეულ ყველა ხარჯს, გარდა საქართველოს კანონმდებლობით გათვალისწინებული გადასახადებისა (მიწოდების ადგილის შესაბამისად). საქართველოს კანონმდებლობით გათვალისწინებული გადასახადების გადახდას უზრუნველყოფს შემსყიდველი.
10.9.სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.
10.10. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე.