Мебельные аксессуары (Грузия - Тендер #69312245)

წინამდებარე სატენდერო დოკუმენტაციით განსაზღვრულ შესყიდვის ობიექტს წარმოადგენს დანართი N3-ით (მიწოდების ადგილები და რაოდენობები) განსაზღვრული რეგიონული საბავშვო ბაგა-ბაღებისათვის საჭირო სამზარეულოს ჭურჭელი, შემდგომში - "საქონელი".

1.2.1. შესყიდვის ობიექტების დეტალური აღწერა მოცემულია თანდართულ ფაილში - დანართი N1 (ტექნიკური დავალება);
1.2.2. მიწოდებული საქონლის ხარისხი უნდა შეესაბამებოდეს ტექნიკურ დავალებაში მითითებულ მოთხოვნებს;
1.2.3. შესყიდვის ობიექტების რაოდენობების განაწილება ლოკაციების მიხედვით და მიწოდების ადგილები ზუსტი მისამართებით მოცემულია თანდართულ ფაილში - დანართი N3 (მიწოდების ადგილები და რაოდენობები).
1.2.4. მიმწოდებელმა უნდა გაითვალისწინოს, რომ დანართი N3-ით განსაზღვრული საქონლის რაოდენობები საორიენტაციო ხასიათისაა და შესაძლებელია შეიცვალოს შემდეგი პრინციპის დაცვით: ფაქტობრივად შესყიდული საქონლის ჯამური ღირებულება, გამარჯვებული პრეტენდენტის მიერ დაფიქსირებულ საბოლოო ჯამურ ღირებულებასთან შედარებით შესაძლოა გაიზარდოს ან შემცირდეს არაუმეტეს 20%-ის ოდენობით;
1.2.5. მიწოდებული საქონელი უნდა იყოს ახალი, უფლებრივად და ნივთობრივად უნაკლო, ქარხნული შეფუთვით, ეტიკეტირებით და უნდა აკმაყოფილებდეს მოქმედი კანონმდებლობით დადგენილ მოთხოვნებსა და სტანდარტებს/წესებს.
1.2.6. ყველა პროდუქტის ქარხნულ შეფუთვაზე აუცილებლად უნდა იყოს დატანილი:

- პროდუქტის დასახელება

- მასალა/მარკა (Glass / Tempered glass; 18/10 / AIsI304; PP; Silicone; BPA-free; PFOA-free PTFE)

- Food Contact სიმბოლო ან ტექსტი „Food contact safe“;

- მწარმოებელი;

- Lot/Batch კოდი;

- Model / Item No/ SKU / Article code ან/და product range (მაგ. Stainless steel tableware);

- ზომა/მოცულობა (ასეთის არსებობის შემთხვევაში);

- გამოყენების პირობები;

- შეფუთვაში არსებული რაოდენობა (ასეთის არსებობის შემთხვევაში);

1.4.1. მიმწოდებელი ვალდებულია, საქონლის მიწოდება განახორციელოს ეტაპობრივად, ხელშეკრულების გაფორმებიდან არაუგვიანეს 2026 წლის 15 დეკემბრის ჩათვლით, შემსყიდველი ორგანიზაციების მოთხოვნების შესაბამისად, წინამდებარე სატენდერო დოკუმენტაციის 1.4.4. პუნქტის მოთხოვნათა გათვალისწინებით.

1.4.2. მიმწოდებელი არ არის ვალდებული, საქონლის მიწოდება დაიწყოს გამარჯვებულად გამოვლენიდან 90 (ოთხმოცდაათი) კალენდარული დღის განმავლობაში.

1.4.3. დანართი N3-ით განსაზღვრულ თითოეულ ბაღში მისაწოდებელი საქონლის რაოდენობა საორიენტაციო ხასიათისაა და მხარეებს უფლება აქვთ ურთიერთშეთანხმებით დააზუსტონ იგი (მათ შორის, ხელშეკრულების გაფორმების ეტაპზეც), წინამდებარე სატენდერო დოკუმენტაციის 1.2.4. პუნქტის მოთხოვნის დაცვით.

1.4.4. ბაღების გახსნის საორიენტაციო თარიღები (შესაბამისად, საქონლის მიწოდების საორიენტაციო ვადები) მიმწოდებელს გადაეცემა ხელშეკრულების გაფორმების ეტაპზე, რომელიც ასევე შესაძლებელია დაკორექტირდეს შემსყიდველის საჭიროებიდან გამომდინარე, წინამდებარე სატენდერო დოკუმენტაციის 1.4.5. პუნქტის მოთხოვნათა დაცვით;

1.4.5. შემსყიდველი ორგანიზაცია ვალდებულია (მიუხედავად იმისა ხელშეკრულებით დადგენილი მიწოდების საორიენტაციო გეგმა-გრაფიკი განიცდის თუ არა ცვლილებას) არანაკლებ 40 (ორმოცი) კალენდარული დღით ადრე წერილობით აცნობოს მიმწოდებელს, კონკრეტულ საბავშვო ბაღში მისაწოდებელი საქონლის შესახებ (საქონლის ზუსტი დასახელება/აღწერილობა, რაოდენობა და მიწოდების თარიღი).

აღნიშნული პირობის დაცვა სავალდებულოდ გასათვალისწინებელია ორივე მხარისათვის, რათა თავიდან იქნეს აცილებული საქონლის დაგვიანებული ან ნაადრევი მიწოდება (რაც თავის მხრივ გამოიწვევს საქონლის დასაწყობების პრობლემას).

1.5.1. საქონლის მიწოდების ადგილია სატენდერო დოკუმენტაციის დანართი N3-ით (მიწოდების ადგილები და რაოდენობები) განსაზღვრული თითოეული საბავშვო ბაგა-ბაღი;

1.5.2. მიმწოდებელი ვალდებულია, დანართი N3-ით განსაზღვრულ თითოეულ დანიშნულების ობიექტზე, საკუთარი ხარჯებით უზრუნველყოს საქონლის ტრანსპორტირება და ადგილზე მიწოდება.

1.5.3. საქონლის მიწოდება, უნდა განხორციელდეს საქონლის მწარმოებლის ტექნიკური მოთხოვნების და რეკომენდაციების დაცვით.

1.7.1.1. მიმწოდებელმა, დანართი N2-ით (ფასების ცხრილი) განსაზღვრულ თითოეულ შემოთავაზებულ საქონელზე, მიღება-ჩაბარების აქტის გაფორმების დღიდან უნდა გაავრცელოს არანაკლებ 1 (ერთი) თვიანი გარანტია, რომლის ფარგლებში მიმწოდებელი იღებს ვალდებულებას, რომ ქარხნული წუნის/დეფექტის/დაზიანების აღმოჩენის შემთხვევაში, შემსყიდველი ორგანიზაციის შესაბამისი მიმართვის წარმოდგენიდან არაუგვიანეს 10 (ათი) კალენდარული დღის ვადაში, საკუთარი ხარჯებით ჩაანაცვლოს წუნდებული/ხარვეზიანი/დაზიანებული საქონელი ახლით.

2.1.1.1. პრეტენდენტმა დანართ N2-ში (ფასების ცხრილი) უნდა მიუთითოს ინფორმაცია შემოთავაზებული საქონლის წარმოების ქვეყნის, მწარმოებლის, ბრენდისა და მოდელის შესახებ. იმ შემთხვევაში, თუ შესყიდვის ობიექტს არ გააჩნია ბრენდი ან/და მოდელი, პრეტენდენტი ვალდებულია ფასების ცხრილის შესაბამის გრაფაში მიუთითოს "არ გააჩნია";

2.1.1.2. შესყიდვის ობიექტის წარმოების ქვეყნის, მწარმოებლის, ბრენდისა ან/და მოდელის დასახელების შესახებ ინფორმაციის წარმოუდგენლობა, ასევე ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას;

2.1.1.3. მწარმოებლის, ბრენდის, მოდელისა და წარმოების ქვეყნის შესახებ ინფორმაცია არ ექვემდებარება ცვლილებას და უნდა იყოს საბოლოო, წინააღმდეგ შემთხვევაში პრეტენდენტი ასევე დაექვემდებარება დისკვალიფიკაციას;

ამასთან, თუ მწარმოებლის, ბრენდის, მოდელის ან/და წარმოების ქვეყნის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის მწარმოებლის, ბრენდის, მოდელის ან/და წარმოების ქვეყნის იდენტიფიკაცია, სატენდერო კომისია უფლებამოსილია მიმართოს პრეტენდენტს აღნიშნულის დაზუსტების მოთხოვნით;

2.1.1.4. საქონელი უნდა იყოს ახალი, ექსპლუატაციაში არ მყოფი, ნივთობრივად და თვისობრივად უნაკლო ქარხნულად შეფუთული და ეტიკეტირებული კანონმდებლობის შესაბამისად.

პრეტენდეტს 2022 წლის პირველი იანვრიდან წინამდებარე კონსოლიდირებული ტენდერის გამოცხადების თარიღამდე უნდა ჰქონდეს სამზარეულოს აღჭურვილობის (კერძოდ: სამზარეულოს მაგიდები, სკამები, სტელაჟები, სარეცხი ნიჟარები, სამზარეულოს დუში) ან/და სხვადასხვა სამზარეულოს ტექნიკის (კერძოდ: ელექტროღუმელები, გაზქურები, მაცივრები, მიქსერები, ბლენდერები, ჩოფერები, ხორცსაკეპი მანქანები, კარტოფილის სათლელები, ცომსაზელები, ბოსტნეულის საჭრელები) ან/და სამზარეულოსა და სუფრის ჭურჭლის მიწოდების (გაყიდვის) გამოცდილება ტენდერის სავარაუდო ღირებულების არანაკლებ 50%-ისა.

აღნიშნულის დასტურად, პრეტენდენტმა სახელმწიფო შესყიდვების ერთიან ელექტრონულ სისტემაში უნდა ატვირთოს სამზარეულოს ტექნიკის მიწოდების დამადასტურებელი დოკუმენტები:

ა) ხელშეკრულება/ხელშეკრულებები და ამ ხელშეკრულებ(ებ)ით გათვალისწინებული ვალდებულებების შესრულების საფუძველზე გაფორმებული მიღება-ჩაბარების აქტ(ებ)ი და დადასტურებული საგადასახადო ანგარიშ-ფაქტურები

ან/და

სახელმწიფო შესყიდვების ერთიანი ელექტრონული სისტემის მონაცემები (SPA/NAT/CON/CMR… ნომრები, რომელშიც ატვირთული იქნება შესაბამისი დოკუმენტები

ან

ბ) აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი და აღნიშნული უნდა იძებნებოდეს https://www.saras.gov.ge ვებ-გვერდზე შესაბამის რეესტრში), რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების სამზარეულოს ტექნიკის მიწოდების გამოცდილება.

2.7.1.1. შემოთავაზებული საქონლის მიკვლევადობისა და დანართი N1-ით განსაზღვრულ პარამეტრებთან შესაბამისობის დადგენის/დადასტურების მიზნით, პრეტენდენტმა დანართი N1-ში (ტექნიკური დავალება) უნდა მიუთითოს შემოთავაზებული საქონლის შესაბამისი ვებ-ბმულ(ებ)ი მწარმოებლ(ებ)ის ოფიციალური ვებ-გვერდიდან (data-sheet ან/და კატალოგი ან/და მანუალი) ან/და წარმოადგინოს მწარმოებლის data-sheet/ტექნიკური პასპორტი ან/და მწარმოებლის შესაბამისობის დეკლარაციები ან/და მწარმოებლის ან მისი წარმომადგენლის ან მის მიერ უფლებამოსილი პირის მიერ გაცემული წერილობითი ინფორმაცია, რომლითაც ან რომელთა ერთობლიობითაც დადასტურდება შემოთავაზებული საქონლის შესაბამისობა დანართი N1 - ით განსაზღვრულ ტექნიკურ პარამეტრებთან. მწარმოებლის წერილის წარმოდგენის შემთხვევაში, წერილში აუცილებლად უნდა იყოს მითითებული წინამდებარე კონსოლიდირებული ტენდერის ნომერი, პრეტენდენტის დასახელება და საიდენტიფიკაციო ნომერი, საქონლის ბრენდი და მოდელი.

2.7.1.2. დანართი N1 - ით განსაზღვრულ Food Contact შესაბამისობის დასადასტურებლად, პრეტენდენტმა სავალდებულოდ უნდა წარმოადგინოს:

– Food Contact შესაბამისობის დეკლარაცია (EU Regulation EC 1935/2004), რომელშიც აუცილებლად უნდა იყოს მითითებული Model / Item No/ SKU / Article code;

პრეტენდენტმა უნდა გაითვალისწინოს, რომ აღნიშნული მოთხოვნები არ ჩანაცვლდება მხოლოდ შეფუთვაზე დატანილი ნიშნებით, Data Sheet-ით ან მწარმოებლის წერილით.

2.9.1. სახელმწიფო შესყიდვების ერთიან ელექტრონულ სისტემაში ასატვირთი დოკუმენტებია:

ა) დანართი N1 - ტექნიკური დავალება;
ბ) დანართი N2 - ფასების ცხრილი;
გ) ინფორმაცია/დოკუმენტაცია პრეტენდენტის გამოცდილების შესახებ, სატენდერო დოკუმენტაციის 2.2.1. ქვეპუნქტის შესაბამისად;
დ) 2.7.1. პუნქტის შესაბამისად განსაზღვრული დოკუმეტაცია

3.1.1.1. პრეტენდენტმა ტენდერის სტატუსის - "შერჩევა-შეფასება" ეტაპზე ნიმუშის სახით სატენდერო კომისიას უნდა წარუდგინოს თითოეული შემოთავაზებული პროდუქტის 1 (ერთი) ერთეული ნიმუში (ქარხნული შეფუთვით);
3.1.1.2. პრეტენდენტმა უნდა გაითვალისწინოს, რომ ნიმუშის სახით წარმოდგენილი საქონელი აუცილებლად უნდა იყოს შეფუთული ქარხნულად, შეფუთვა არ უნდა იყოს დაზიანებული/გახსნილი და მასზე უნდა იკითხებოდეს წინამდებარე სატენდერო დოკუმენტაციის 1.2.5 და 1.2.6 პუნქტებით გათვალისწინებული ინფორმაცია;

წინამდებარე სატენდერო დოკუმენტაცის 3.1.1. პუნქტით მოთხოვნილი ნიმუშებისა და დოკუმენტების წარმოდგენის ადგილია ქ. თბილისი, რიჩარდ ჰოლბრუკის ქ. N8 (სსიპ სახელმწიფო შესყიდვების სააგენტო). სამუშაო საათები: 09:00-18:00.

იმ შემთხვევაში, თუ ტენდერში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრის’’ მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული საქონლის მიწოდების შესაძლებლობა.

10915

5

10

ხელშეკრულების შესრულების უზრუნველყოფის საბანკო გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს საქონლის მიწოდების საბოლოო ვადას.

6.2.4.1. ტენდერში გამოყენებული იქნება საბანკო ან სადაზღვევო კომპანიის მიერ გაცემული ხელშეკრულების შესრულების უზრუნველყოფის უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) და გამოუთხოვადი საბანკო გარანტია, ხელშეკრულების საერთო ღირებულების 5%–ის ოდენობით, ხოლო იმ შემთხვევაში, თუ პრეტენდენტის მიერ სისტემაში დაფიქსირებული სატენდერო წინადადების საბოლოო ფასი 20%-ით ან მეტით ნაკლები იქნება შესყიდვის სავარაუდო ღირებულებაზე, ხელშეკრულების საერთო ღირებულების 10%-ის ოდენობით. მიმწოდებელმა უნდა წარმოადგინოს გარანტია წინამდებარე ტენდერის საფუძველზე გასაფორმებელი თითოეული ხელშეკრულების ფარგლებში ინდივიდუალურად, თუ სახელშეკრულებო ღირებულება შეადგენს ან აღემატება 20 000.00 (ოცი ათასი) ლარს.

6.2.4.2. ხელშეკრულების შესრულების უზრუნველყოფის საბანკო გარანტია წარდგენილ უნდა იქნეს შემსყიდველ ორგანიზაციაში ხელშეკრულების გაფორმების მომენტში;

6.2.4.3. უპირობო, გამოუთხოვადი ხელშეკრულების შესრულების უზრუნველყოფის საბანკო გარანტია წარმოდგენილ უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში;

6.2.4.4. გამარჯვებული პრეტენდენტის მიერ წარმოდგენილ ხელშეკრულების შესრულების უზრუნველყოფის საბანკო გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

6.2.4.5. უპირობო, გამოუთხოვადი ხელშეკრულების შესრულების გარანტია შემსყიდველ ორგანიზაციას წარედგინება მატერიალური დოკუმენტის ფორმით ან ელექტრონული დოკუმენტის ფორმით. (არარეზიდენტი პირის მიერ გაცემული ხელშეკრულების შესრულების გარანტია შემსყიდველ ორგანიზაციას წარედგინება მხოლოდ მატერიალური დოკუმენტის ფორმით).

7.1.1.1. შემსყიდველი ორგანიზაცია ვალდებულია განახორციელოს წინასწარი ანგარიშსწორება (ავანსი), გამარჯვებული პრეტენდენტის მიერ იდენტური ოდენობის საბანკო გარანტიის წარდგენის შემთხვევაში, ხელშეკრულების ჯამური ღირებულების არაუმეტეს 80%-ის ოდენობით. გამარჯვებული პრეტენდენტი ვალდებულია შემსყიდველს წარუდგინოს საავანსო თანხის იდენტური ოდენობის, უპირობო, გამოუთხოვადი საბანკო გარანტია.

7.1.1.2. წინასწარი ანგარიშსწორების მოთხოვნის შემთხვევაში, ანგარიშსწორება უნდა განხორციელდეს მიმწოდებლის მიერ წარმოდგენილი წინასწარ გადასახდელი თანხის იდენტური ოდენობის საქართველოს ეროვნული ბანკის მიერ ლიცენზირებული საბანკო დაწესებულების მიერ გაცემული უპირობო და გამოუთხოვადი საბანკო გარანტიის საფუძველზე (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე). გარანტია წარმოდგენილი უნდა იქნას ეროვნულ ვალუტაში-ლარში;

7.1.1.3. წინასწარი ანგარიშსწორების გარანტიის მოქმედების ვადა არანაკლებ 90 (ოთხმოცდაათი) კალენდარული დღით უნდა აღემატებოდეს საქონლის მიწოდების საბოლოო ვადას.

7.1.1.4. მიმწოდებლის მიერ წარმოდგენილ საავანსო გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

7.1.1.5. ანგარიშსწორება განხორციელდება საავანსოდ გადახდილი თანხის სრულად გამოქვითვის შემდეგ.

კონსოლიდირებული ტენდერის ფარგლებში საქონლის მიწოდებისას ანგარიშსწორება ხორციელდება უნაღდო ფორმით, ეროვნულ ვალუტაში და მოიცავს საქართველოს კანონმდებლობით დადგენილ ყველა გადასახადს.

ანგარიშსწორება განხორციელდება 2025-2026 წლების სახსრებით, ფაქტობრივად მოწოდებული საქონლის მიხედვით, შესაბამისი მიღება–ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

ნათია ხინთიბიძე, 599133737, nkhintibidze@spa.ge

10.1.1. წინამდებარე სატენდერო დოკუმენტაცია შემუშავებულია „სახელმწიფო შესყიდვების შესახებ“ საქართველოს კანონის (შემდგომში - კანონი) 20 მუხლის 2 პრიმა მუხლის, სახელმწიფო შესყიდვების სააგენტოს თავმჯდომარის 2018 წლის 14 დეკემბრის №14 ბრძანებით დამტკიცებული კონსოლიდირებული ტენდერის ჩატარების წესისა და პირობების, აგრეთვე, „2025-2026 წლ(ებ)ის განმავლობაში, საბავშვო ბაგა-ბაღებისათვის საჭირო ინვენტარის სახელმწიფო შესყიდვის კონსოლიდირებული ტენდერ(ებ)ის საშუალებით განხორციელების თაობაზე“ საქართველოს მთავრობის 2025 წლის 5 დეკემბრის N2042 განკარგულების საფუძველზე;

10.1.2. წინამდებარე კონსოლიდირებული ტენდერის ფარგლებში შემსყიდველი ორგანიზაციები არიან - სატენდერო დოკუმენტაციის დანართი N3-ით განსაზღვრული სახელმწიფო შესყიდვების ერთიან ელექტრონულ სისტემაში (შემდგომში - სისტემა) „შემსყიდველად“ რეგისტრირებული მომხმარებლები;

10.1.3. ის შემსყიდველი ორგანიზაციები, რომლებიც არ არიან მოხსენიებული სატენდერო დოკუმენტაციასა და შესაბამის დანართებში, მაგრამ კონსოლიდირებული ტენდერის მიმდინარეობისას გაუჩნდებათ წინამდებარე სატენდერო დოკუმენტაციით განსაზღვრული საქონლის შესყიდვის საჭიროება, უფლებამოსილნი არიან წინამდებარე კონსოლიდირებულ ტენდერში გამარჯვებული პრეტენდენტის თანხმობის საფუძველზე და სატენდერო კომისიასთან შეთანხმების შემდეგ, გააფორმონ სახელმწიფო შესყიდვის შესახებ ხელშეკრულება გამარჯვებულ პრეტენდენტთან. ასეთ შემთხვევაში, მათზე სრულად გავრცელდება წინამდებარე კონსოლიდირებული ტენდერის პირობები;

10.1.4. კონსოლიდირებულ ტენდერში მონაწილეობის მიღება შეუძლიათ მხოლოდ სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ მომხმარებლებს;

10.1.5. კონსოლიდირებულ ტენდერში მონაწილეობისათვის „მიმწოდებელმა“ უნდა გადაიხადოს სატენდერო წინადადების წარდგენის საფასური 3000 (სამი ათასი) ლარის ოდენობით. იმ შემთხვევაში, თუ კონსოლიდირებული ტენდერი შეწყდება ან დასრულდება უარყოფითი შედეგით, არაუგვიანეს 60 კალენდარული დღის განმავლობაში ხელმეორედ გამოცხადებულ კონსოლიდირებულ ტენდერში, შეწყვეტილ ან უარყოფითი შედეგით დასრულებულ კონსოლიდირებულ ტენდერში მონაწილე პრეტენდენტისთვის, სატენდერო წინადადების განმეორებით წარდგენის საფასური განისაზღვრება 300 (სამასი) ლარის ოდენობით. საფასურის გადახდა უნდა განხორციელდეს სისტემის მეშვეობით;

10.1.6. წინამდებარე კონსოლიდირებულ ტენდერში ელექტრონული ვაჭრობა გაიმართება შესყიდვის სავარაუდო ჯამურ ღირებულებაზე;

10.1.6.1. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან/მონტაჟთან დაკავშირებული ყველა გადასახადის გათვალისწინებით. სატენდერო წინადადების ფასის წარმოდგენა დასაშვებია მხოლოდ ლარში;

10.1.6.2. თუ ელექტრონული ვაჭრობის შედეგად, სისტემაში დაფიქსირებული საბოლოო ჯამური ფასიდან გამომდინარე, შესყიდვის ობიექტის ერთეულის ღირებულება განისაზღვრება მრავალნიშნა ათწილადის სახით, პრეტენდენტი ვალდებულია იგი დაამრგვალოს ლარის მეასედის სიზუსტით შემცირების პრინციპით და შესაბამისად შეამციროს ჯამური ღირებულებაც;

10.1.6.3. პრეტენდენტის მიერ წარმოდგენილ ფასების ცხრილში მითითებული ერთეულის ფასები არ უნდა აღემატებოდეს ფასების ცხრილში შესყიდვის ობიექტის თითოულ პოზიციაზე განსაზღვრულ ზღვრულ ერთეულის ღირებულებას;

10.1.7. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტ(ებ)ი დაამოწმოს კვალიფიციური ელექტ