Услуги пресс-агентов (Грузия - Тендер #69312082)

ახალი ამბების სააგენტოების მომსახურებების, კერძოდ ყოველდღიური მედია-გავრცელების მომსახურების სახელმწიფო შესყიდვა.

მომსახურების ფარგლებში პრეტენდენტის ვალდებულებები:

1. სსიპ შემოსავლების სამსახურის შესახებ, ინფორმაციის, საავტორო სტატიების, ფოტომასალის გავრცელება, როგორც საკუთარ საინფორმაციო ინტერნეტ-სააგენტოზე, ასევე დამატებით არანაკლებ 7 სხვადასხვა საინფორმაციო ინტერნეტ-სააგენტოს მეშვეობით (ქვეკონტრაქტორი საინფორმაციო ინტერნეტ-სააგენტოები შერჩეული იქნებიან დამკვეთის მოთხოვნის შესაბამისად). ამასთან, შერჩეულთაგან, არანაკლებ სამმა საინფორმაციო ინტერნეტ-სააგენტომ უწყების მიერ, მიწოდებული ინფორმაცია/ანონსები საჭიროებისამებრ, უნდა გაავრცელოს ულიმიტოდ/შეუზღუდავი რაოდენობით;

2. მიმწოდებელმა დროულად უნდა უზრუნველყოს გავრცელებული ინფორმაციის/მასალების შესახებ, შესაბამისი ბმულების მიწოდება, შემოსავლების სამსახურის მიერ მითითებულ ელექტრონულ ფოსტაზე;

3. მიმწოდებელმა ოპერატიულად, უნდა უზრუნველყოს (მაქსიმუმ ნახევარი საათის განმავლობაში), საინფორმაციო სმს სერვისი, რაც გულისხმობს შემოსავლების სამსახურისთვის ინფორმაციის მოკლე აღწერილობას/რეპორტს, ასევე ინფორმაციის წყაროსა და შესაბამისი ბმულის გაგზავნის შესაძლებლობას;

მომსახურების აღწერილობა:
1. შემოსავლების სამსახურის საქმიანობის და მის მიერ, ჩატარებული ღონისძიებების შესახებ, ინფორმაციის, ანონსების მომზადება, ასევე გაშუქება და გავრცელება სხვა მედიასაშუალებებში, სატენდერო დოკუმენტაციით დადგენილი პირობების შესაბამისად;

2. მიმწოდებელმა შემსყიდველისთვის უნდა უზრუნველყოს სხვადასხვა სახის მნიშვნელოვანი სამთავრობო ღონისძიებების შესახებ, ყოველდღიური ანონსის მიწოდება;

3. მიმწოდებლის საინფორმაციო ვებგვერდის ინტერნეტ არქივში, შემოსავლების სამსახურის შესახებ არსებული აუდიო, ვიდეო და ფოტომასალის გამოყენების (ძებნა, მოპოვება და მიღება) სრული შესაძლებლობა;

4. შემოსავლების სამსახურის მნიშვნელოვანი და აქტუალური თემების შესახებ, გადასახადის გადამხდელებისთვის/საზოგადოებისთვის სიახლეების, ინტერვიუების და კომენტარების ულიმიტოდ მომზადება, საინფორმაციო სააგენტოს მიერ, უწყებასთან შეთანხმების საფუძველზე (არანაკლებ სამი ინტერნეტ-სააგენტო);

5. შემოსავლების სამსახურის მოთხოვნის შემთხვევაში, მიმწოდებელმა დღეში ერთხელ, არანაკლებ ერთი საინფორმაციო ინტერნეტ-სააგენტოს მედიაპლატფორმა - facebook გვერდზე, უნდა გაავრცელოს შემოსავლების სამსახურის მიერ, მიწოდებული ინფორმაცია და შეინარჩუნოს ეს ინფორმაცია თარიღის მიხედვით (ამავე დროს მიმწოდებელმა უნდა მოახდინოს დადებული ინფორმაციის ფარგლებში, როგორც ცრუ/მიკერძოებული კომენტარების, ასევე მოწონებების შესახებ დამკვეთის დროული ინფორმირება/მონიტორინგი/ინტენსიური კომუნიკაცია);

6. მიწოდებული ინფორმაციის გავრცელება ყველა ინტერნეტ-სააგენტოში უნდა მოხდეს ქართულ ენაზე. ამასთან, შემსყიდველის დამატებითი მოთხოვნის შემთხვევაში, არანაკლებ ერთმა სააგენტომ უნდა უზრუნველყოს ინფორმაციის არანაკლებ ორ ენაზე განთავსება, რომელთაგან ერთ-ერთი იქნება ინგლისური (შეუზღუდავად). ამავდროულად, მიმწოდებელმა უნდა უზრუნველყოს შემსყიდველის მიერ მიწოდებული მასალის ზუსტი თარგმნა და ულიმიტოდ განთავსება, არანაკლებ ერთ ინგლისურენოვან ვებგვერდზე, რომელსაც გააჩნია მობილური აპლიკაციაც (უსაფრთხოების სრული გარანტიით);

7. შემოსავლების სამსახურის მოთხოვნის შემთხვევაში, მიმწოდებელმა არანაკლებ სამ სხვადასხვა საინფორმაციო ინტერნეტ-სააგენტოს facebook გვერდზე უნდა გააზიაროს დამკვეთის მიერ, მიწოდებული პირდაპირი ეთერის ბმული და დატოვოს/შეინარჩუნოს ეს ბმული საკუთარ კედელზე თარიღის მიხედვით (ამავე დროს მიმწოდებელმა უნდა მოახდინოს დადებული ინფორმაციის ფარგლებში, როგორც ცრუ/მიკერძოებული კომენტარების, ასევე მოწონებების შესახებ დამკვეთის დროული ინფორმირება/მონიტორინგი/ინტენსიური კომუნიკაცია);

8. შემსყიდველის მოთხოვნის შესაბამისად, მიმწოდებელი ვალდებულია, უზრუნველყოს კვირაში ერთხელ, შემოსავლების სამსახურის შესახებ, მედიასივრცეში გავრცელებული გადაცემების რეიტინგისა და გაზიარების შესახებ ინფორმაციის მიწოდება, სადაც საქართველოს მასშტაბით, ასახული იქნება სოციალური კვლევა (რეიტინგი და გაზიარება) როგორც შერჩევითი, ასევე ერთობლივი თვისობრივი მახასიათების გამოყენებით;

9. შემოსავლების სამსახურის მოთხოვნის შემთხვევაში, მიმწოდებელმა უნდა უზრუნველყოს მიწოდებული ინფორმაციის ინდივიდუალურ, ე.წ. ,,ქარდებად“ მომზადება (შემოსავლების სამსახურის ბრენდინგის კომპონენტების გათვალისწინებითა და დიზაინის წინასწარ შეთანხმებით) და შემდგომ მისი გავრცელება არანაკლებ სამი საინფორმაციო სააგენტოს facebook გვერდზე;

10. მიმწოდებელის ვებგვერდს შესაძლებლობა უნდა ჰქონდეს საკუთარი ვებგვერდიდან მისივე სოციალურ ქსელ facebook გვერდზე პირდაპირი გადასვლა (დამატებითი ავტორიზაციის გარეშე).

მომსახურების გაწევა უნდა განხორციელდეს ხელშეკრულების გაფორმებიდან, მაგრამ არაუადრეს 2026 წლის 01 თებერვლიდან, 2026 წლის 31 დეკემბრის ჩათვლით, 11 თვე.

მომსახურების გაწევა უნდა განხორციელდეს ტექნიკური დავალების შესაბამისად, რომელიც მოცემულია სატენდერო დოკუმენტაციის 1.2 პუნქტში.

ტენდერში მონაწილე პრეტენდენტმა უნდა წარმოადგინოს ინფორმაცია, უკანასკნელი 3 (სამი) წლის (2023 წლის 15 დეკემბრიდან ტენდერის გამოცხადების თარიღამდე პერიოდი) განმავლობაში არანაკლებ 10 სხვადასხვა ორგანიზაციასთან, ანალოგიური მომსახურების, ახალი ამბების სააგენტოების მომსახურებების, კერძოდ ყოველდღიური მედია-გავრცელების მომსახურების გაწევის შესახებ.‬

აღნიშნულის დასტურად, პრეტენდენტმა ელექტრონულ სისტემაში უნდა ატვირთოს ზემოთ აღნიშნული მომსახურებების გაწევის დამადასტურებელი დოკუმენტები ხელშეკრულება/ხელშეკრულებები და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი ან/და SPA,NAT,CMR ან შესყიდვების ერთიანი ელექტრონული სისტემის განცხადების სხვა უნიკალური ნომერი.

მომსახურების სრულყოფილად გაწევის მიზნით, პრეტენდენტის საკუთრებაში უნდა
არსებობდეს:
ა) მოქმედი არანაკლებ სამენოვანი საინფორმაციო ვებ-გვერდი;
ბ) მოქმედი არანაკლებ სამენოვანი მობილური აპლიკაცია (ANDROID და IOS).
პრეტენდენტი ვალდებულია წარმოადგინოს შესაბამისი დამადასტურებელი ინფორმაცია/დოკუმენტაცია ან ხელწერილი (სადაც მითითებული იქნება კონკრეტული ვებგვერდი და რომ მობილური აპლიკაცია წარმოადგენს პრეტენდენტის საკუთრებას).

1. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.
2. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.
3.სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით, როგორიცაა: საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).
4. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
5. შემსყიდველის მიერ მოთხოვნილი ყველა დოკუმენტი და/ან ინფორმაცია პრეტენდენტის მიერ ატვირთული უნდა იქნას ერთიან ელექტრონულ სისტემაში, ამასთან შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და ნოტარიულად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში. პრეტენდენტის მიერ წარმოდგენილი (ერთიან ელექტრონულ სისტემაში ატვირთული) ყველა დოკუმენტი და/ან ინფორმაცია ხელმოწერილი ან/და ბეჭედდასმული უნდა იყოს ხელმძღვანელის ან უფლებამოსილი პირის მიერ (უფლებამოსილი პირის შემთხვევაში წარმოდგენილი უნდა იქნას (ატვირთულ უნდა იქნას ერთიან ელექტრონულ სისტემაში) უფლებამოსილების დამადასტურებელი შესაბამისი დოკუმენტ(ებ)ი).
6. ტექნიკური დოკუმენტაციის შედგენისას პრეტენდენტის მიერ გათვალისწინებული უნდა იყოს (არ უნდა იყოს დარღვეული) სატენდერო დოკუმენტაციით განსაზღვრული დანართების ფორმები (მათ შორის ნუმერაცია) და არსებობის შემთხვევაში მათში მითითებული აუცილებელი პირობები.
7. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.
8. პრეტენდენტის მიერ ერთიან ელექტრონულ სისტემაში ატვირთული დოკუმენტები,„ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.

ვინაიდან შესყიდვის ობიექტი წარმოადგენს ინტელექტუალურ საკუთრებას, ფასწარმოქმნის ადეკვატურობის დასაბუთების ვალდებულება არ მოითხოვება.

1. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
2. ანგარიშსწორება მოხდება ყოველთვიურად, მიმწოდებლის მიერ გაწეული მომსახურების შესაბამისად, უნაღდო ანგარისწორებით ლარში.

ანგარიშსწორება მიმწოდებელთან განხორციელდება ფაქტიურად გაწეული მომსახურების შესაბამისად გაფორმებული ინსპექტირების დასკვნის, მიღება-ჩაბარების აქტის და საგადასახადო ანგარიშ-ფაქტურის საფუძველზე (იმ შემთხვევაში თუ მიმწოდებელი დღგ-ს გადამხდელია, ხოლო თუ მიმწოდებელი არ არის დღგ-ს გადამხდელი, მაშინ მიმწოდებელმა უნდა წარმოადგინოს შესაბამისი ცნობა სსიპ შემოსავლების სამსახურიდან) არაუგვიანეს 10 (ათი) სამუშაო დღის განმავლობაში.

სოფიო ბრეგვაძე, 599431000, s.bregvadze@rs.ge ნატო ასლანიშვილი 599618811 n.aslanishvili@rs.ge