Молочные продукты (Грузия - Тендер #69252747)

რძის პროდუქტების შესყიდვა

შესყიდვის ობიექტია სსიპ #200 სკოლისთვის რძის პროდუქტების შესყიდვა, რომელთა რაოდენობა და მახასიათებლები მოცემულია ტექნიკურ დავალებაში.
1. კარაქი - დამზადებული რძის ნაღებისაგან, მცენარეული ცხიმის გარეშე. ქარხნული წესით. ფერი, სუნი და გემო დამახასიათებელი გარკვეული ნიმუშისათვის. დაჭრის დროს არ უნდა იფშვნებოდეს. რძის ცხიმის შემცველობა არანაკლებ 82%, წყლის შემცველობა არაუმეტეს 16%, ხოლო გაუცხიმოებული (მოხდილი) რძის მშრალი ნაშთის შემცველობა არაუმეტეს 2%. ტრანსპორტირება უნდა განხორციელდეს სპეციალიზირებული მანქანა - რეფრეჟერატორით (მაცივარი); მიწოდება უნდა განხორციელდეს 2 კვირაში ერთხელ. - 100კგ;
2. რძე - თითოეული მოწოდებული პარტია უნდა იყოს დამზადებული პასტერიზებული, ან ულტრა პასტერიზებული ნორმალიზირებული რძისაგან, ქარხნული წესით. კონსისტენცია ერთგვაროვანი, ცხიმის მასიური წილი არანაკლებ 3.2%. არადამახასიათებელი გემოს გარეშე, არ უნდა შეიცავდეს მავნე ქიმიურ ელემენტებს, მიკრობიოლოგიური და ქიმიური მაჩვენებლები უნდა აკმაყოფილებდეს რძისა და რძის ნაწარმის შესახებ ტექნიკური რეგლამენტის მოთხოვნებს. – შეფუთული და სათანადოდ ეტიკეტირებული. რძე უნდა იყოს შეფუთული (ტეტრაპაკი, მინის ქილა ან პეტი, ასეპტიკური ჩამოსხმით) და სათანადოდ ეტიკეტირებული; მიწოდება უნდა განხორციელდეს კვირაში ერთხელ. - 1200 ლ;
3. ხაჭო - თითოეული მოწოდებული პარტია უნდა იყოს დამზადებული პასტერიზებული, ნორმალიზირებული რძისაგან, ქარხნული წესით. ხაჭოს მზა ნაწარმში რძის შემადგენელი კომპონენტების მასური წილი უნდა იყოს 75%–ზე მეტი. ცხიმიანობა 6%. თეთრი, მოყვითალო ფერის, სიმჟავისა და არადამახასიათებელი გემოს გარეშე. ხაჭო უნდა იყოს შეფუთული (ჰერმეტული შეფუთვა) და სათანადოდ ეტიკეტირებული. მიწოდება უნდა განხორციელდეს კვირაში ერთხელ. - 230 კგ;
4. არაჟანი - თითოეული მოწოდებული პარტია უნდა იყოს დამზადებული პასტერიზებული, ნორმალიზირებული რძისაგან, ქარხნული წესით. ცხიმიანობა 15-20%. არადამახასიათებელი გემოს გარეშე. მიწოდება უნდა განხორციელდეს კვირაში ერთხელ. - 230 კგ;
5. ყველი - თითოეული მოწოდებული პარტია უნდა იყოს დამზადებული პასტერიზებული რძისაგან, ნაკლებად მარილიანი, ქარხნული წარმოების, წათხის რბილი ყველი, არადამახასიათებელი სუნის და გემოს გარეშე. სადაც მშრალი ნივთიერების შემცველობა არაუმცირეს 52%–ია, მშრალ ნივთიერებაში ცხიმის შემცველობა არანაკლებ 19.8%, მარილი 0,5-1,5%. დაჭრის დროს არ უნდა იფშვნებოდეს. ყველი უნდა იყოს შეფუთული (ვაკუუმ შეფუთვა) და სათანადოდ ეტიკეტირებული. მიწოდება უნდა განხორციელდეს კვირაში ერთხელ. - 150 კგ;
6. მაწონი - თითოეული მოწოდებული პარტია უნდა იყოს დამზადებული პასტერიზებული, ნორმალიზირებული რძისაგან, ქარხნული წესით. კონსისტენცია ერთგვაროვანი, ცხიმის მასიური წილი არანაკლებ 3,2%. არადამახასიათებელი გემოს გარეშე. მიწოდება უნდა განხორციელდეს კვირაში ერთხელ. – 1600 კგ;
7. ნადუღი - ნადუღი უნდა იყოს თეთრი ფერის, სიმჟავისა და არადამახასიათებელი გემოს გარეშე. უნდა იყოს შეფუთული (ჰერმეტული შეფუთვა) და სათანადოდ ეტიკეტირებული. მიწოდება უნდა განხორციელდეს 2 კვირაში ერთხელ. - 75 კგ;
8. იოგურტი - ქარხნული წარმოების. ცხიმიანობა არა ნაკლებ 2.0%-ი ნატურალური ხილის და პასტერიზებული რძისაგან დამზადებული. არ უნდა ჰქონდეს არადამახასიათებელი სუნი, ფერი და სიმჟავის გემო. მარკირებით - შემადგელობა, მწარმოებელი, ვარგისიანობის ვადები და შტრიხკოდი. შეფუთვა - 100-500 გრამიანი ინდივიდუალური შეფუთვით. მიწოდება უნდა განხორციელდეს 2 კვირაში ერთხელ. - 250 ლ;
9. თხილის და კაკაოს პასტა (იდენტური ნუთელასი) - თხილის და კაკაოს პასტა, ქარხნული წარმოების. დაფასოებული არანაკლებ 750 გრ, პროდუქტში ცილა 6,6 გრ. ცხიმი 31,8 გრ. ნახშირწყლები 51,8გრ. ენერგეტიკული ღირებულება არა ნაკლებ 547 კკალ. ეტიკეტირებით. გამოშვების და ვარგისიანობის ვადის მითითებით. მიწოდება უნდა განხორციელდეს თვეში ერთხელ. - 25 კგ;
• ეტიკეტირება უნდა შეესაბამებოდეს, საქართველოს მთავრობის 2013 წლის 31 დეკემბრის N441 დადგენილების ტექნიკური რეგლამენტის „სურსათის ეტიკეტირებისადმი დამატებითი მოთხოვნის შესახებ“ დამტკიცების თაობაზე მოთხოვნებს;
• რძის პროდუქტები უნდა შეესაბამებოდეს: საქართველოს მთავრობის 2015 წლის 10 ნოემბრის N 581 დადგენილების „სურსათის მიკრობიოლოგიური მაჩვენებლების შესახებ ტექნიკურ რეგლამენტის დამტკიცების თაობაზე“, საქართველოს მთავრობის 2015 წლის 9 ნოემბრის # 567 დადგენილების „სურსათში ზოგიერთი დამაბინძურებლის (კონტამინანტი) მაქსიმალურად დასაშვები ზღვრის შესახებ ტექნიკური რეგლამენტის დამტკიცების თაობაზე“, საქართველოს შრომის, ჯანმრთელობისა და სოციალური დაცვის სამინისტროს 2001 წლის 16 აგვისტოს N301/ნ ბრძანების „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებისა და ნორმების დამტკიცების შესახებ“, საქართველოს მთავრობის 2010 წლის 7 მარტის #90 დადგენილების „ცხოველური წარმოშობის სურსათის ჰიგიენის სპეციალური წესი“ და საქართველოს მთავრობის 2015 წლის 3 აპრილის #152 დადგენილების „რძისა და რძის ნაწარმის შესახებ ტექნიკური რეგლამენტის დამტკიცების თაობაზე“ მოთხოვნებს.
• თითოეულ მოწოდებულ პარტიას თან უნდა ახლდეს შესაბამისობის დეკლარაცია.
• სურსათი უნდა შეესაბამებოდეს დეკლარირებული სტანდარტით განსაზღვრულ მოთხოვნებს.
• მიმწოდებელი ვალდებულია მოწოდების დაწყების წინ და შემდეგ თვეში ერთხელ წარმოადგინოს აკრედიტებული ლაბორატორიის მიერ გაცემული გამოცდის ოქმი, რომლითაც დასტურდება, რომ რძის პროდუქტი არ შეიცავს რძის ცხიმის გარდა სხვა ცხიმს (მ.შ. მცენარეული ცხიმი).
• მიმწოდებელი ვალდებულია მოწოდების დაწყების წინ და შემდეგ თვეში ერთხელ წარმოადგინოს მიკრობიოლოგიური კვლევის შესახებ შესაბამისი ინფორმაცია (აკრედიტებული ლაბორატორიის მიერ გაცემული გამოცდის ოქმი).
• მიმწოდებელი ვალდებულია მოწოდების დაწყების წინ და შემდეგ 3 თვეში ერთხელ წარმოადგინოს რძის პროდუქტების ქიმიურ მაჩვენებლებზე კვლევის შესახებ შესაბამისი ინფორმაცია (აკრედიტებული ლაბორატორიის მიერ გაცემული გამოცდის ოქმი).
• სურსათის უვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს და მოქმედ სტანდარტებს.
• ტრანსპორტირება უნდა განხორციელდეს სპეციალიზირებული მანქანა - რეფრეჟერატორით (მაცივარი);
• შემსყიდველს არ ეკისრება საქონლის სრულად შესყიდვის ვალდებულება.

საქონლის მიწოდება განხორციელდება ეტაპობრივად, 2026 წლის 15 იანვრიდან 2026 წლის 31 დეკემბრის ჩათვლით, შემსყიდველის მიერ მიწოდებული გრაფიკის შესაბამისად.

მიწოდების მისამართია; ქ. თბილისი ქერჩის ქ. #22.
მიწოდება ხორციელდება შეკვეთის შესაბამისად.
ტრანსპორტირებას მიმწოდებელი უზრუნველყოფს საკუთარი ხარჯებით.

2.1.1.1 პრეტენდენტი ვალდებულია ფასების ცხრილში მიუთითოს შესყიდვის ობიექტის წარმოშობის ქვეყანა და მწარმოებელი.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მიმწოდებელთან განხორციელდება მიღება-ჩაბარების აქტის გაფორმების და შესაბამისი საგადასახადო დოკუმენტაციის წარმოდგენის შემდეგ

7.2 პუნქტით მოთხოვნილი დოკუმენტების წარმოდგენიდან არაუგვიანეს 10 სამუშაო დღეში

ლალი ნაცვლიშვილი, 577337888, lali_nacvlishvili@yahoo.com

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სახელმწიფო შესყიდვების ერთიან ელექტრონულ სისტემაში ატვირთული დოკუმენტი და ინფორმაცია წარმოდგენილი უნდა იქნას მოქმედი კანონმდებლობის შესაბამისად.
10.1.5 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.8 სახელმწიფო შესყიდვების სააგენტოს 2016 წლის 26 ივნისს რეკომენდაციის თანახმად, ხელშეკრულების პირობების არაჯეროვანი შესრულებისათვის (მათ შორის, ვალდებულების შესრულების ვადაგადაცილების დროს) შემსყიდველმა ორგანიზაციებმა შესაძლებელია განსაზღვრონ პირგასამტეხლო ყოველ ვადაგადაცილებულ დღეზე შესასრულებელი ვალდებულების შესაბამისი ღირებულების არაუმეტეს 0,02%-ის ოდენობით. ტენდერის სპეციფიკიდან გამომდინარე, შესყიდვის ობიექტია რძის პროდუქტები, რომლის შესყიდვაც ხორციელდება სსიპ #200 სკოლის აღსაზრდელებისთვის, რომელთაც აღენიშნებათ განვითარებაში მძიმე და მრავლობითი დარღვევები, ჯანმრთელობის სხვადასხვა პრობლემებით. ზოგ შემთხვევაში გრაფიკით მოსაწოდებელი პროდუქტის ერთი დღის პირგასამტეხლო 0,02% არის ძალიან მიზერული და დაგვიანებით მოწოდება სსიპ #200 სკოლის აღსაზრდელებისთვის არის დამღუპველი, რადგანაც პროდუქციის დაგვიანებით მოწოდება იწვევს სსიპ #200 სკოლაში არსებული აღსაზრდელების შიმშილს და მათი საკვების რაციონის ჩანაცვლება სხვა პროდუქტით არის შეუძლებელი მათი ჯანმრთელობის მდგომარეობიდან გამომდინარე. აღნიშნულიდან გამომდინარე ხელშეკრულების პირობების არაჯეროვანი შესრულებისათვის (მათ შორის, ვალდებულების შესრულების ვადაგადაცილების დროს) შემსყიდველმა ორგანიზაციამ მიიღო გადაწყვეტილება პირგასამტეხლო განისაზღვროს შემდეგნაირად: ხელშეკრულების ნაკისრი ვალდებულებების შეუსრულებლობის ან შესრულების ვადის გადაცილებისათვის მიმწოდებელს დაეკისრება პირგასამტეხლოს გადახდა, - ყოველ ვადაგადაცილებულ დღეზე გრაფიკით შემოსატანი პროდუქტის ღირებულების 10%-ის ოდენობით, ხოლო თუკი ადგილი აქვს ვალდებულების ნაწილის შეუსრულებლობას, პირგასამტეხლო შეადგენს ვალდებულების შეუსრულებელი ნაწილის 10%-ს ყოველ ვადაგადაცილებულ დღეზე.