Столовые и общественное питание (Грузия - Тендер #69252708)

შპს "რუხის რესპუბლიკურ საავადმყოფოში" განთავსებული პაციენტებისათვის საკვების მომზადებისა და მიწოდების მომსახურება.

1.2.1. შესყიდვის ობიექტი მოიცავს ქვემოთ ჩამოთვლილი 6 (ექვსი) სხვადასვა სახის მენიუს მომზადებას, შემსყიდველის მისამართზე მოწოდებას და შემსყიდველის მიერ მითითებულ განყოფილებაში ჩაბარებას.
ა) კუჭნაწლავის პათოლოგია
ბ) თირკმლის პათოლოგია
გ) შაქრიანი დიაბეტი
დ) ზოგადი კვება
ე) რენიმაცია
ვ) პოსტოპერაციული
1.2.2. საკვების მენიუს შემადგენლობა, რაოდენობა/მოცულობა - იხილეთ სატენდერო დოკუმენტაციის 1.3. პუნქტში ატვირთულ ფასების ცხრილში (დანართი №1).
1.2.3. მოსამზადებელი საკვების/ულუფების რაოდენობა პერსონათა რაოდენობის შესაბამისად დაზუსტდება ყოველდღიურად შემსყიდველის მიერ და ეცნობება მიმწოდებელს. ცალკეულ შემთხვევებში შესაძლებელია რაოდენობა დამატებით დაზუსტდეს დილის საათებშიც. შემსყიდველს უფლება აქვს თითოეულ ჯერზე, საჭიროების შემთხვევაში მოითხოვოს მინიმუმ 1 პერსონისთვის კვებითი მომსახურების გაწევა და თითოეულ ჯერზე პრეისკურანტში მითითებული ვარიანტებიდან მინიმუმ 1 პოზიცია (მაგ. საუზმე, სადილი ან ვახშამი).
1.2.4. მომსახურების პირობები:
- დაუშვებელია ვადაგასული და საკვებად უვარგისი პროდუქტების მიწოდება (მიმწოდებელი პასუხს აგებს საქართველოში მოქმედი კანონმდებლობით გათვალისწინებული წესით). მიმწოდებელი ვალდებულია უზრუნველყოს მისაწოდებელი მზა საკვების (კერძები) დამზადება ახალი, გაუყინავი, მაღალხარისხიანი, ეკოლოგიურად სუფთა, ჯანსაღი პროდუქტებისაგან. მიმწოდებელმა კერძები უნდა მოამზადოს საქართველოში მოქმედი სანიტარულ-ჰიგიენური ნორმების სრული დაცვით.
- მიმწოდებელი ვალდებულია, შემსყიდველის მოთხოვნის შემთხვევაში არ დაამატოს პრეისკურანტით განსაზღვრულ კერძებს საკმაზები, სუნელები და ა.შ. (იგულისხმება არაძირითადი პროდუქტი). ასეთ შემთხვევაში მათი მოწოდება უნდა მოხდეს თითოეულ პერსონაზე გათვლილ ულუფასთან ერთად, ცალკე შეფუთვით.
- მიმწოდებლის მიერ კვების მენიუში დაუშვებელია ცვლილებების შეტანა შემსყიდველთან წინასწარი შეთანხმების გარეშე. შემსყიდველის მოთხოვნა შესაძლებელია განხროციელდეს წერილობით, ელექტრონული ფოსტის (ერთიან ელექტრონულ სისტემაში მიმწოდებლის პროფილში მითითებულ ელექტრონულ ფოსტაზე, ან მიმწოდებლის მიერვე შემსყიდველისთვის მითითებულ სხვა ელექტრონულ ფოსტაზე) საშუალებით ან ზეპირად.
- ყველა კერძი და საკვები უნდა იყოს ახლად მომზადებული, მოთხოვნილი და წინასწარ შეთანხმებული (ასეთის შემთხვევაში) მენიუს შესაბამისი ვარიანტის გათვალისწინებით, შესაბამისი ტემპერატურული რეჟიმის დაცვით (ადგილზე მიწოდების მომენტისთვის) და საკვებად ვარგის ერთჯერად კონტეინერებში (რომელიც უნდა იყოს ტემპერატურის გამძლე და უსაფრთხო) თითო პერსონის ულუფის შესაბამისად ქაღალდის (მუყაოს) ყუთებში განთავსებული.
- მიმწოდებელმა უნდა უზრუნველყოს საკვების მიღებასთან დაკავშირებული, მოთხოვნილი ვარიანტის შესაბამისად ერთჯერადი ჭურჭლის/აქსესუარების (რომელიც უნდა იყოს ტემპერატურის გამძლე და უსაფრთხო) მოწოდება თითო პერსონისთვის, კერძოდ: ჩანგალი, კოვზი, ხელსახოცი, ჭიქა და სხვა საჭირო აქსესუარი/ჭურჭელი შეფუთულ მდგომარეობაში.
- ტრანსპორტირება უნდა განხორციელდეს ჰიგიენური ნორმების დაცვით. დაუშვებელია კერძების ტრანსპორტირება ისეთი საბარგულების მეშვეობით, სადაც განთავსებული იქნება სხვადასხვა ხელსაწყოები, საცხებ/საპოხი საშუალებები, საწვავი და ნებისმიერი სხვა რამ, რაც მიუღებელია საკვებთან ერთად ტრანსპორტირებისათვის. დაუშვებელია მზა საკვების შეხება პოლიეთილენის პარკებთან და სხვა შეუსაბამო საშუალებებთან თუ ობიექტებთან. ასევე დაუშვებელია ნებისმიერი მიზეზით, საკვების გადმოღვრა/გადმოყრა შეფუთვიდან.
- საკვები პროდუქტები უნდა შეესაბამებოდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარიული წესებისა და ნორმების დამტკიცების შესახებ“ საქართველოს შრომის, ჯანმთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანების მოთხოვნებს.
- ადგილობრივი წარმოების შემთხვევაში ხორცპროდუქტების (სოსისი და სხვ.) და რძის პროდუქტების (რძე, მაწონი, ყველი, არაჟანი, ხაჭო და სხვ.) შემოტანა შესაძლებელია მხოლოდ ISO ან/და HACCP სერთიფიკატის მქონე საწარმოდან.
- მიმწოდებელი ვალდებულია იმ კვების ობიექტს, სადაც ამზადებს საკვებს ჰქონდეს გაფორმებული ხელშეკრულება სადეზინფექციო სამსახურთან დეზინფექციის, დეზინსექციის და დერატიზაციის შესახებ. გაცემული დასკვნები ჩატარებული სამუშაოების (არანაკლებ თვეში ერთხელ) შესახებ უნდა ინახებოდეს კვების ობიექტებში. კვების ობიექტი ნებისმიერ დროს შესაძლებელია შეამოწმოს შემსყიდველის მიერ განსაზღვრულმა შესაბამისმა კომისიამ/კონტროლის განმახორციელებელმა პირმა/პირებმა.
- შემსყიდველი უფლებას იტოვებს ხელშეკრულების მოქმედების პერიოდში განახორციელოს ინსპექტირება თუ რამდენად სრულდება სატენდერო დოკუმენტაციის მოთხოვნები.

მომსახურების გაწევა უნდა განხორციელდეს უწყვეტად, ყოველდღიურ რეჟიმში, ხელშეკრულების გაფორმებიდან 2026 წლის 30 ივნისის ჩათვლით.

1.5.1 მზა საკვების მიწოდება უნდა განხორციელდეს ყოველდღიურად - სამჯერადი კვება სამჯერადი მოტანით. განსაკუთრებულ შემთხვევევაში (მხარეთა შეთანხმებით) ორჯერ ან ოთხჯერადი შემოტანით, პრეისკურანტში მოცემული ჩამონათვალისგან შედგენილი მენიუს კომბინაციების შესაბამისად, რომელიც წინასწარ განისაზღვრება შემსყიდველის მიერ ხელშეკრულების გაფორმების შემდეგ.

1.5.2 „მიმწოდებელმა“ საკვები პროდუქტების მოწოდება უნდა განახორციელოს ტრანპორტირებისათვის განკუთვნილი შესაბამისი ჭურჭელით, ისე რომ სრულად იქნას შენარჩუნებული საკვების კვებითი ღირებულება და კვებითი ტემპერატურა. გამოყენებული ჭურჭელი, დაფასოების სახე და სხვა დეტალები, ასევე მოწოდების კონკრეტული დრო დაზუსტდება ხელშეკრულების დადების მომენტისთვის.ამასთან მიმწოდებელმა უნდა მოახდინოს მზა საკვების ატანა შესაბამის სართულზე.

1.5.3 მომსახურების მიწოდება უნდა განხორციელდეს მიმწოდებლის მიერ საკუთარი ტრანსპორტით და ინვენტარით შემდეგ მისამართებზე: ზუგდიდის მუნიციპალიტეტის რუხის ადმინისტრაციული ერთეული - შპს "რუხის რესპუბლიკური საავადმყოფო".

1.5.4. მომსახურების მიწოდება უნდა განხორციელდეს საქართველოში მოქმედი სანიტარიული-ჰიგიენური ნორმების სრული დაცვით;

პრეტენდენტს 2021 წლის 01 იანვრიდან ელ.ტენდერის გამოცხადების დღემდე უნდა გააჩნდეს ანალოგიური ტიპის (სამედიცინო დაწესებულებისთვის) მომსახურების გაწევის გამოცდილება ჯამური ღირებულებით 100 000 ლარის სატენდერო განცხადების 2.2.1 პუნქტში ატვირთული დანართი N2-ის შევსებული ფორმის გამოყენებით (იმ შემთხვევაში თუ პრეტენდენტის მიერ გაწეული მომსახურების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით).

იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტი ვალდებულია წარმოადგინოს, საანგარიშო პერიოდში მხარეთა მიერ ხელმოწერილი ხელშეკრულებები და მიღება-ჩაბარების აქტები".

2.3.1.1 პრეტენდენტს, იმ ობიექტთან მიმართებაში, სადაც მოახდენს საკვების მომზადებას, უნდა ქონდეს სურსათის ეროვნული სააგენტოს მიერ გაცემული შესაბამისობის სერტიფიკატი,ამასთან,იმ შემთხვევაში,თუ ხელშეკრულების მოქმედების პერიოდში მოხდება კვების ობიექტის მისამართის ცვლილება, მიმწოდებელმა შემსყიდველს წერილობით უნდა აცნობოს კვების ობიექტის ადგილის ცვლილების შესახებ. ცვლილების წერილთან ერთად უნდა წარმოადგინოს სურსათის ეროვნული სააგენტოს მიერ გაცემული განახლებული შესაბამისობის სერტიფიკატი.

2.3.1.2 პრეტენდენტს გაფორმებული უნდა ქონდეს ხელშეკრულება სადეზინფექციო სამსახურ(ებ)თან, რომელიც მოახდენს იმ ობიექტის მომსახურებას სადაც მოხდება საკვების მომზადება (დეზინფექციის, დეზინსექციის და დერატიზაციის ჩატარებას) . მომსახურების პერიოდში ამ სამსახუ(რებ)ის მიერ გაცემული დასკვნები ჩატარებული სამუშაოების შესახებ უნდა ინახებოდეს მიმწოდებელთან და წარუდგინოს შემსყიდველს მოთხოვნის შესაბამისად.სადეზინფექციო სამსახურ(ებ)თან გაფორმებული ხელშეკრულებაში,მომსახურების გაწვის ვადა უნდა იყოს არანაკლებ 2025 წლის 31 დეკემბრის ჩათვლით. თუ ხელშეკრულების მოქმედების პერიოდში მოხდება კვების ობიექტის მისამართის ცვლილება, მიმწოდებელმა შემსყიდველს წერილობით უნდა აცნობოს კვების ობიექტის ადგილის ცვლილების შესახებ. ცვლილების წერილთან ერთად უნდა წარმოადგინოს სადეზინფექციო სამსახურ(ებ)თან განახლებული ხელშეკრულება.

2.9.1 მზა საკვები პროდუქტები/კერძები უნდა იყოს ახალი და საფრთხეს არ უნდა უქმნიდეს ადამიანის ჯანმრთელობას. დაუშვებელია ვადაგასული და საკვებად უვარგისი პროდუქტების მიწოდება;

2.9.2 მიმწოდებელი ვალდებულია ზუსტად დაიცვას შემსყიდველთან მიწოდებული მენიუს შემადგენლობა, ამასთან მოთხოვნის შემთხვევაში,მიმწოდებელმა უნდა წარმოადგინოს და შემსყიდველთან შეათანხმოს პრეისკურანტში შემავალი თითოეული პოზიციის მომზადების რეცეპტი. ულუფაში შემავალი იგრედიენტების რაოდენობა/კომბინაცია ასევე უნდა შეთანხმდეს შემყიდველთან. ასევე ხელშეკრულების მოქმედების ნებისმიერ ეტაპზე გაითვალისწინოს შემსყიდველის დამატებითი მოთხოვნები და/ან შენიშვნები (როგორც წერილობითი ასევე ზეპირსიტყვიერი), რომელიც დაკავშირებული იქნება მომსახურების გაწევასთან და მომსახურების გაწევის პროცესში ჩართულ პერსონალთან; შემსყიდველი უფლებამოსილია მიმწოდებლისგან მოითხოვოს მომსახურების გაწევისას გამოყენებული პროდუქტის შესყიდვის პირველადი დოკუმენტები.

2.9.3 მიმწოდებელი ვალდებულია საკვების მომზადებისა და მოწოდებისას იხელმძღვანელოს შემსყიდველის მოთხოვნების/მითითებების და ამ სფეროში არსებული კანონმდებლობით განსაზღვრული რეგულაციების შესაბამისად. მიწოდებული საკვები უნდა იყოს ახალი, საჭმელად ვარგისი და არ უნდა იყოს ჯანმრთელობისთვის საშიში. ერთი პაციენტის დღიური ნორმა განისაზღვრება შემსყიდველის მიერ ხელშეკრულების გაფორმების შემდეგ მენიუს გადაცემის შესაბამისად.

2.9.4 შემსყიდველი უფლებამოსილია ნებისმიერ დროს, მათ შორის შერჩევა შეფასების ეტაპზე მოახდინოს საკვები ობიექტის შემოწმება.

2.9.5 ტრანსპორტირება უნდა განხორციელდეს ღონისძიების ადგილამდე ჰიგიენური ნორმების დაცვით. დაუშვებელია კერძების ტრანსპორტირება ისეთი საბარგულების მეშვეობით, სადაც განთავსებული იქნება სხვადასხვა ხელსაწყოები, საცხებ/საპოხი საშუალებები, საწვავი და ნებისმიერი სხვა რამ, რაც მიუღებელია საკვებთან ერთად ტრანსპორტირებისათვის. დაუშვებელია მზა საკვების შეხება პოლიეთილენის პარკებთან და სხვა შეუსაბამო საშუალებებთან თუ ობიექტებთან.

2.9.6 საკვები პროდუქტები უნდა შეესაბამებოდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარიული წესებისა და ნორმების დამტკიცების შესახებ“ საქართველოს შრომის, ჯანმთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანების მოთხოვნებს.

2.9.7 პრეტენდენტმა ტექნიკური დოკუმენტაციის სახით უნდა ატვირთოს შემდეგი დოკუმენტები:

2.9.7.1 ინფორმაცია (მისამართი) იმ ობიექტის შესახებ, სადაც მოხდება მომსახურების გაწევისთვის საჭირო საკვების მომზადება. .შემსყიდველი უფლებამოსილია პრეტენდენტის მიერ მითითებული მომსახურების გაწევის (იმ ობიექტის,სადაც უნდა მოხდეს საკვების მომზადება) სანიტარულ ჰიგიენური პირობების შემოწმება/ინსპექტირება, შერჩევა შეფასების ეტაპზე შემოწმების დროს, კანომდებლობით განსაზღვრული და შემსყიდველისთვის მიუღებელი პირობების დაფიქსირების შემთხვევაში, შემსყიდველი უფლებამოსილა მოახდინოს პრეტენდენტის დისკვალიფიკაცია.

2.9.7.2 სურსათის ეროვნული სააგენტოს მიერ გაცემული სერტიფიკატი;

2.9.7.3 სადეზინფექციო სამსახურ(ებ)თან გაფორმებული ხელშეკრულება.

2.9.7.4 პრეტენდენტის მიერ შედგენილი დოკუმენტაცია დამოწმებული უნდა იყოს უფლებამოსილი პირის კვალიფიციური ელექტრონიული ხელმოწერით და/ან შტამპით, იმ შემთხვევაში თუ უფლებამოსილ პირს წარმოადგენს მინდობილი პირი,წარმოდგენილი უნდა იქნას შესაბამისი მინდობილობა.

1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვისობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია,დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისიუფლებამოსილების/აკრედიტაციის დამადასტურებელი დოკუმენტი);
2. ფასწარმოქმნის ადეკვატურობის 20%-ით მეტი ფასის კლების შემთხვევაში,დამადასტურებელი დოკუმენტ(ებ)ით ხელშეკრულებითნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადებისფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

2 Процентов

5 Процентов

ხელშეკრულების შესრულების უზრუნველყოფის უპირობო და გამოუთხოვადი გარანტიის მოქმედების ვადა მინიმუმ 60 (სამოცი) კალენდარული დღით უნდა აღემატებოდეს საქონლის მიწოდების საბოლოო ვადას.

6.4.1 ხელშეკრულების შესრულების უპირობო და გამოუთხოვადი გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან ,,ს.ს.ი.პ. „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

6.4.2. უცხოური ბანკიდან ან/და სადაზღვევო კომპანიიდან საბანკო გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „უპირობო და გამოუთხოვადი გარანტია“ (ლარში). საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).

7.2.1 ანგარიშსწორება განხორციელდება ეტაპობრივად, ფაქტიურად მოწოდებული საქონლის მიხედვით, უნაღდო ანგარიშსწორებით, ეროვნულ ვალუტაში - ლარში, მხარეებს შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადებისა ან/და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.

ანგარიშსწორება განხორციელდება მიწოდებულ საქონელზე გაფორმებული მიღება-ჩაბარების აქტების გაფორმებიდან არაუგვიანეს 30 (ოცდაათი) კალდარული დღის განმავლობაში.

დავით ხუნჯუა, 591445355, davitkhunjua@gmail.com

1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
3. ალტერნატიული სატენდერო წინადადება არ განიხილება.
4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
5. პრეტენდენტმა სატენდერო წინადადების ფასი, (კანონმდებლობით გაითვალისწინებულ შემთხვევბში) უნდა მიუთითოს დღგ-ს გათვალისწინებით.
6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.