Ремонт и техническое обслуживание строительных сооружений (Грузия - Тендер #69252605)

სახალხო დამცველის აპარატის ცენტრალურ ოფისში არსებული 2 (ორი) ერთეული ლიფტის ტექნიკური მომსახურება

1.2.1 მიმწოდებელმა უნდა უზრუნველყოს საქართველოს სახალხო დამცველის ცენტრალურ ოფისში არსებული 2 (ორი) ერთეული ლიფტის ტექნიკური მომსახურება;
1.2.2 ლიფტის მონაცემები: ლიფტი N 1 -ის მონაცემებია:1800 კგ; 6 გაჩერება; მწარმოებელიBEŞGEN ASANSÖR SANAYI VE DIŞ TİC.AŞ (თურქეთი); მოდელი - MRL1800; საქარხნო ნომერი -TLS 2312 (IHR.2023.506), ლიფტი N 2 -ის მონაცემებია: 1200 კგ; 5 გაჩერება; მწარმოებელი - BEŞGEN ASANSÖR SANAYI VE DIŞ TİC.AŞ (თურქეთი); მოდელი - MR-(MRL)-1200; საქარხნო ნომერი - TLS 2313 (IHR.2023.507);
1.2.3 მიმწოდებელი ვალდებულია:
ა) მოახდინოს თვეში ერთხელ გეგმიური ტექნიკური მომსახურეობა (პრეისკურანტის პოზიცია 1),
ბ) ლიფტის დაზიანების შემთხვევაში მიმწოდებელი ვალდებულია, შემსყიდველის მოთხოვნისთანავე განახორციელოს დაუყოვნებლივი რეაგირება (გამოცხადდეს მისამართზე დაუყოვნებლივ) და განახორციელოს ლიფტების უსაფრთხოებისთვის საჭირო ღონისძიებები;
გ) პრეისკურანტის დანარჩენ პოზიებზე (გარდა პოზიცია 1-ისა) გათვალისწინებული მომსახურების საჭიროებისას, მიმწოდებელმა შემსყიდველის მხრიდან ინსპექტირებაზე პასუხისმგებელი პირის მოთხოვნიდან არაუგვიანეს 1 (ერთი) სამუშაო დღისა უნდა შეადგინოს დეფექტური აქტი, რომელშიც მითითებული იქნება გასაწევი მომსახურების/სათადარიგო ნაწილის სახეობა, რაოდენობა/მოცულობა, მათი ღირებულებები, რომლის ელექტრონული ვერსიაც ამავე ვადაში უნდა გადააგზავნოს შემსყიდველის მხრიდან ინსპექტირებაზე პასუხისმგებელ პირს ელ.ფოსტაზე შემდგომი შეთანხმებისთვის;
1.2.4 შემსყიდველის თანხმობის გარეშე (დეფექტური აქტის ხელმოწერის ან ხელშეკრულებაში მითითებული ელექტრონული ფოსტიდან თანხმობის მიღების გარეშე) ლიფტის შეკეთების შემთხვევაში, აპარატი იტოვებს უფლებას არ აუნაზღაუროს მომწოდებელს გაწეული მომსახურების ღირებულება;
1.2.5 მიმწოდებელმა მომსახურების გაწევის შემდგომ თითოეულ ლიფტზე შემსყიდველს უნდა წარუდგინოს მიღება-ჩაბარების აქტი;
1.2.6 ლიფტის შეკეთება და ტექნიკური მომსახურების მიწოდება უნდა განხორციელდეს დეფექტური აქტის შემსყიდველთან შეთანხმების შემდეგ არაუმეტეს 1 (ერთი) კალენდარული დღისა; (დეფიციტური ნაწილის საჭიროების შემთხვევაში, მომსახურების ვადა უნდა განისაზღვროს შემსყიდველთან შეთანხმებით, რაც უნდა დაფიქსირდეს დეფექტურ აქტში);
1.2.7 დაზიანებული ნაწილი მიმწოდებლის მიერ უნდა შეიცვალოს ახალი (ექსპლოატაციაში არ მყოფი) ნაწილით, ქარხნულ შეფუთვაში, არსებობის შემთხვევაში დამცავი ელემენტების ჩათვლით. შეცვლილ ან/და შეკეთებულ სათადარიგო ნაწილებზე გარანტია უნდა ვრცელდებოდეს შეცვლიდან/შეკეთებიდან ერთი წლის განმავლობაში;
1.2.8 საგარანტიო პერიოდის განმავლობაში გამოვლენილ ხარვეზებს მიმწოდებელი აღმოფხვრის დამატებითი ანაზღაურების გარეშე;
1.2.9 ხელშეკრულების მოქმედების პერიოდში, პრეისკურანტში ნაწილის ან/და ტექნიკური მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს;
1.2.10 ფასები წარმოდგენილი უნდა იქნეს ფასების ცხრილის (პრეისკურანტი) შესაბამისად (შემოთავაზებული ერთეულის ფასი არ უნდა აღემატებოდეს ზღვრული ერთეულის ფასს). იმ შემთხვევაში თუ პრეტენდენტის მიერ სისტემის მეშვეობით წარმოდგენილი წინადადების საბოლოო ფასი პრეისკურანტის სავარაუდო ღირებულებაზე ნაკლები იქნება, პრეტენდენტი ვალდებულია, მის მიერ წარმოდგენილ პრეისკურანტში, საქონლისა და მომსახურების ერთეულის ფასების, ზღვრულ ფასებთან მიმართებით კლება განახორციელოს, არანაკლებ სატენდერო განცხადებაში მითითებულ პრეისკურანტის ჯამური სავარაუდო ღირებულებასა და მის მიერ ერთიანი ელექტრონული სისტემის მეშვეობით წარმოდგენილი წინადადების საბოლოო ფასს შორის არსებული პროცენტული სხვაობით, რომელიც დამრგვალებული უნდა იყოს მეასედის სიზუსტით;
1.2.11 პრეტენდენტის მიერ სატენდერო წინადადების ღირებულება გაანგარიშებულ უნდა იქნას საქართველოს კანონმდებლობით გათვალისწინებული ყველა ხარჯისა და გადასახადის ჩათვლით;
1.2.12 მომსახურების გაწევის დროს მიმწოდებლის ბრალეულობით შემსყიდველის ლიფტებზე მიყენებული ნებისმიერი ზიანის აღმოფხვრის ხარჯების ანაზღაურება ეკისრება მიმწოდებელს, რაც მიმწოდებელმა უნდა უზრუნველყოს შეტყობინებიდან 3 (სამი) კალენდარული დღის განმავლობაში

ხელშეკრულების გაფორმებიდან (მაგრამ არაუადრეს 2026 წლის პირველი იანვრიდან) 2026 წლის 31 დეკემბრის ჩათვლით

მომსახურების გაწევის ადგილია ქალაქი თბილისი, ი. ფაღავას ქ. N6

1.7.1.1 შეცვლილ ან/და შეკეთებულ სათადარიგო ნაწილებზე ვრცელდება გარანტია შეცვლიდან/შეკეთებიდან ერთი წლის განმავლობაში;
1.7.1.2 საგარანტიო პერიოდის განმავლობაში გამოვლენილ ხარვეზებს მიმწოდებელი აღმოფხვრის დამატებითი ანაზღაურების გარეშე;
1.7.1.3 თუ საგარანტიო პერიოდის განმავლობაში, შეცვლილი/შეკეთებული ნაწილი დაზიანდება ან/და გამოვლინდება დეფექტი ან/და ნაკლი, მიმწოდებელი ვალდებულია შემსყიდველის შეტყობინებიდან ორი სამუშაო დღის ვადაში უზრუნველყოს დეფექტის აღმოფხვრა საკუთარი ხარჯით ან ორი სამუშაო დღის ვადაში შეცვალოს დაზიანებული ნაწილი ახალი (ექსპლოატაციაში არ მყოფი) ანალოგიური ან გაუმჯობესებული პარამეტრების მქონე ნაწილით.

2.2.1.1. პრეტენდენტს 2023 წლის პირველი იანვრიდან ტექნიკური დოკუმენტაციის (მათ შორის დაზუსტებული ტექნიკური დოკუმენტაციის) ერთიან ელექტრონულ სისტემაში ატვირთვის დღემდე უნდა გააჩნდეს არანაკლებ 58500 ლარის ღირებულების ანალოგიური მომსახურების (ლიფტების შეკეთება ტექნიკური მომსახურების) გაწევის გამოცდილება.
2.2.1.2 გამოცდილების შესახებ ინფორმაცია პრეტენდენტმა უნდა წარმოადგინოს დანართი N2–ის შესაბამისად ან 2.2.1.3 პუნქტის გათვალისწინებით, ამასთან დანართი N2-ის ატვირთვა სავალდებულო არ არის;
2.2.1.3. იმ შემთხვევაში თუ დანართი N2 არ იქნება ატვირთული ან დანართ N2-ში არ იქნება ასახული ინფორმაცია CMR/SPA/NAT/MEP ნომრების შესახებ ან ასახული CMR/SPA/NAT/MEP ნომრებში მოცემული ინფორმაცია ვერ უზრუნველყოფს სატენდერო დოკუმენტაციით მოთხოვნილი გამოცდილების პრეტენდენტის მიერ შესრულების დადასტურებას, პრეტენდენტმა უნდა წარმოადგინოს ამ გამოცდილების დამადასტურებელი დოკუმენტ(ებ)ის ასლები (ხელშეკრულება და მიღება-ჩაბარების აქტი ან/და დამკვეთის მიერ დადასტურებული სხვა სახის რაიმე დოკუმენტი რომლითაც დადასტურდება პრეტენდენტის გამოცდილების სატენდერო პირობებთან შესაბამისობა).

2.7.1.1 მიმწოდებელს მომსახურების გაწევის პროცესში ჩართული უნდა ყავდეს შესბამისი განათელბის მქონე არანაკლები ერთი სპეციალისტი, რომელთანაც იქნება შრომით სამართლებრივ ურთიერთობაში არანაკლებ მომსახურების გაწევის პერიოდის განმავლობაში;
2.7.1.2 პრეტენდენტმა აღნიშნულის დასტურად სახელმწიფო შესყიდვების ერთიან ელექტრონულ სისტემაში ტექნიკური დოკუმენტაციის სახით უნდა წარმოადგინოს:
ა) მომსახურების გაწევის პროცესში ჩასართავი სპეციალისტის შესბამისი განათლბის დამადასტურებელი დოკუმენტი;
ბ) მომსახურების გაწევის პროცესში ჩასართავ სპეციალისტთან გაფორმებული შრომითი ხელშეკრულება, რომლითაც დასტურდება იმ სამუშაოს გაწევა, რომელიც მოთხოვნილია სატენდერო დოკუმენტაციით, (იმ შემთხვევაში, თუ შესაბამისი სამუშაოს გამწევი და განათლბის მქონე პრეტენდენტის ხელმძღვანელი პირია (რაც უნდა დასტურედბოდეს საჯარო რეესტრის ამონაწერით) საკმარისი იქნება მხოლოდ განათლების დამადასტურებელი დოკუმენტის წარმოდგენა).

რეტენდენტის მიერ ერთიან ელექტრონულ სისტემაში ასატვირთი მონაცემები:

2.9.1 ფასების ცხრილი - დანართი N1
2.9.2 ანალოგიური მომსახურეობის გაწევის გამოცდილების დამადასტურებელი დოკუმენტაცია, სატენდერო დოკუმენტაციის 2.2.1 მუხლის შესაბამისად.
2.9.3 მომსახურების გაწევის პროცესში ჩასართავი სპეციალისტის შესბამისი განათელბის დამადასტურებელი დოკუმენტი და მასთან შრომითი ურთიერთობის დამადასტურებელი დოკუმენტი სატენდერო დოკუმენტაციის 2.4.1 მუხლის შესაბამისად

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით

7.2.1 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
7.2.2 ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში.
7.2.3 დაფინანსების წყარო: 2026 წლის სახელმწიფო ბიუჯეტის სახსრები;
7.2.4 ანგარიშსწორება განხორციელდება ეტაპობრივად, ფაქტიურად გაწეული მომსახურების შესაბამისასდ, ამასთან ყოველ თვეში გაწეული მომსახურების ღირებულება ანაზღაურდება მომდევნო თვეში, მიღება-ჩაბარების აქტის გაფორმებიდან და მიმწოდებლის მიერ საგადასახადო ანგარიშფაქტურის (ანგარიშსწორების მომენტში დღგ-ს გადამხდელის შემთხვევაში) წარმოდგენიდან 10 სამუშაო დღის ვადაში;

მიღება-ჩაბარების აქტის გაფორმებიდან და მიმწოდებლის მიერ საგადასახადო ანგარიშფაქტურის (ანგარიშსწორების მომენტში დღგ-ს გადამხდელის შემთხვევაში) წარმოდგენიდან 10 სამუშაო დღის ვადაში.

ბიძინა მიქაძე, 597772123, bmikadze@ombudsman.ge სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4 ყველგან თუკი სადმე მითითებულია კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება ,,მსგავსი“ ან ,,ექვივალენტური
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება