Услуги в области лесного хозяйства (Грузия - Тендер #69252603)

ხე-ტყის/მერქნული რესურსის დამზადების მომსახურების გაწევა.

1. სავარაუდოდ (საორიენტაციოდ) 334,27 კუბური მეტრი ხე-ტყის/მერქნული რესურსის დამზადების მომსახურების გაწევა.
2. ტყეკაფამდე მისასვლელი სატყეო სამეურნეო გზა უზრუნველყოფილია. ტყეკაფიდან დამზადებული ხე-ტყის დასაწყობების ადგილამდე მანძილი (წყალტუბო სოფელი გუმბრა N005-000-000290 საქმიანი ეზო ) შეადგენს 10 კმ-ს.

3. გასაწევი მომსახურების აღწერა:
3.1 ზეზემდგომი ხის ჭრა: სამუშაო ადგილის მომზადება (ხის ირგვლივ ადგილის გასუფთავება ქვეტყისგან, ამონაყრების, ეკალ-ბარდების და ბუნებრივი ნაყარისაგან), განსაზღვრული მიმართულებით ხის წაქცევა და ტოტების შეჭრა. უზრუნველყოფილ იქნეს მოჭრილი ხის ნარჩენების ხურგებად განთავსება ხე-ტყის დამზადების დამთავრებისთანავე, მაგრამ არაუგვიანეს ხე-ტყის გამოზიდვამდე.
3.2 შოლტებისა და ტოტების დანაწევრება (არსებობის შემთხვევაში) მოკლე ზომის მორებად და საშეშე მერქნად (საშეშე მერქნის ზომები 35-40 სმ-მდე).
3.3 ხეტყის დატვირთვა ტრანსპორტზე, ტრანსპორტირება ხეტყის საბოლოო დასაწყობების ადგილამდე და გადმოტვირთვა.
3.4 მიმწოდებელმა მოჭრილი-დამზადებული მერქნული რესურსი უნდა დაასაწყობოს ხელშეკრულებით განსაზღვრულ ადგილზე.
3.5 გზის პირებიდან (ბორდიურის და საფეხმავლო გზის დაზიანების გარეშე) მოჭრილი ხეტყეგამოტანილი იქნას სპეციალური ტექნიკის (ამწე, მანიპულატორი) გამოყენებით. სამუშაოების შესრულებისას სავალი გზის გადაკეტვის/მოძრაობის შეზღუდვის შემთხვევაში, აუცილებელია შესაბამის უწყებებთან კოორდინირებული მუშაობა.

4. მომსახურების გაწევისას მიმწოდებელი ვალდებულია:
4.1 ტყითსარგებლობის წესის დამტკიცების შესახებ საქართველოს მთავრობის 2021 წლის 18 მაისის N221 დადგენილებით დამტკიცებული ტყითსარგებლობის წესის 28-ე მუხლის მოთხოვნათა დაცვით უზრუნველყოს ჭრის შედეგად მიღებული ნარჩენების განთავსება.
4.2 ტყეკაფზე ხე-ტყის დამზადების შედეგად მიღებული ნარჩენები განათავსოს მოქმედი კანონმდებლობის შესაბამისად. (დაიხურგოს)
4.3 მიმწოდებელი ვალდებულია დამზადებული მერქნული რესურსი ხე-ტყის დასაწყობების ადგილზე საქმიანი მერქნის შემთხვევაში დაალაგოს შტაბელებად.
4.4 მომსახურების გაწევის პერიოდში საჭიროების შემთხვევაში სააგენტოსთან ან/და სააგენტოს ტერიტორიულ ორგანოსთან შეთანხმებით უნდა უზრუნველყოს გამოსაყენებელი სატყეო სამეურნეო გზების რეაბილიტაცია.
4.5 მომსახურების გაწევისას დაიცვას საქართველოს კანონმდებლობით (მ.შ. უსაფრთხოების ნორმები) დადგენილი მოთხოვნები;
4.6 მოჭრას და დაამზადოს მხოლოდ სსიპ ეროვნული სატყეო სააგენტოს მიერ ჭრაში დანიშნული ხეები.
4.7 მომსახურების გაწევის პერიოდში დამზადების პროცესის გამართულად წარმოების უზრუნველსაყოფად შეასრულოს სააგენტოს ან/და სააგენტოს ტერიტორიული ორგანოს წერილობითი მითითებები.

5. მოჭრას ზეხმელი და დანომრილი ხეები.

6. წარმოდგენილი დასამზადებელი მერქნული რესურსი საორიენტაციო ხასიათისაა და საქართველოს მთავრობის 2021 წლის 18 მაისის N221 დადგენილების 26-ე მუხლის მე-4 პუნქტის მოთხოვნებიდან გამომდინარე შემსყიდველი უფლებამოსილია არ მოახდინოს მომსახურების შესყიდვა სრული რაოდენობით.

7. შემსყიდველი უფლებამოსილია მიმწოდებლის მიერ ზემოთაღნიშნული მე-4 პუნქტის დარღვევის შემთხვევაში დააკისროს გარენოსთვის მიყენებული ზიანის ანაზღაურება საქართველოს მთავრობის 2022 წლის 15 ივლისის N368 დადგენილების მე-4 დანართის მე-8 პუნქტის შესაბამისად.

მომსახურება (ხე-ტყის დამზადება) და ამ მომსახურებასთან დაკავშირებით მიმწოდებლის მიერ ნაკისრი ყველა ვალდებულება სრულად უნდა განხორციელდეს ხელშეკრულების გაფორმებიდან 2026 წლის 01 ოქტომბრამდე.

მომსახურება უნდა განხორციელდეს იმერეთის სატყეო სამსახურის წყალტუბო-ქუთაისის სატყეო უბანში, ცხუნკურის სატყეოში, მე-15, მე-16, მე-17 და მე-19 კვარტლებში (ტყეკაფის N005-15-0049573; N005-15-0049572; N005-15-0049571; N005-15-0049563.).

1. პრეტენდენტმა უნდა წარმოადგინოს ინფორმაცია მომსახურების გაწევისათვის საჭირო შრომითი რესურსისა და მატერიალურ-ტექნიკური ბაზის შესახებ, კერძოდ:
ა) არანაკლებ 1 (ერთი) სამუშაო ჯგუფი. თითოეული ჯგუფი უნდა შედგებოდეს არანაკლებ 6 ადამიანისაგან, მათ შორის ერთი დიპლომირებული მეტყევე სპეციალისტი;
ბ) მაღალი გამავლობის სატვირთო ავტომანქანა (საბოლოო დასაწყობების ადგილამდე მორების გამოსაზიდად) - 1 ც;
გ) სპეც/ტექნიკა (მათშორის ზეხმელი ხეების მოჭრისას ინფრასტრუქტურის დაზიანების თავიდან ასაცილებლად ამწე, მანიპულატორი ან სხვა სპეც/ტექნიკა) - 1 ც.
2. პრეტენდენტმა უნდა წარმოადგინოს ტექნიკის არსებობის (პრეტენდენტს დროებით ან მუდმივ სარგებლობაში უნდა გააჩნდეს) დამადასტურებელი დოკუმენტი (ტექ/პასპორტი და ქირავნობის ან თხოვების ხელშეკრულება, ან სხვა რაიმე დამადასტურებელი დოკუმენტი). (თუ ტექნიკა მიმწოდებლის საკუთრებაა მხოლოდ ტექ/პასპორტი).

პრეტენდენტს უნდა ყავდეს 1 (ერთი) დიპლომირებული მეტყევე სპეციალისტი, რაზედაც წარმოდგენილი უნდა იქნეს დიპლომის ასლი.

სატენდერო პროცედურების განხორციელების ეტაპზე ქვეკონტრაქტორ(ებ)ის არსებობის შემთხვევაში სახელმწიფო შესყიდვების ერთიან ელექტრონულ სისტემაში ატვირთული უნდა იქნას პრეტენდენტსა და ქვეკონტრაქტორ(ებ)ს შორის გაფორმებული ხელშეკრულებ(ები)ა. ასევე, ატვირთული უნდა იქნეს ქვეკონტრაქტორის შესახებ ყველა ის ინფორმაცია და დოკუმენტი, რომლებიც მოეთხოვება პრეტენდენტს.

1. პრეტენდენტმა უნდა წარმოადგინოს სატენდერო წინადადების ფასი დანართის (ფასების ცხრილი) მიხედვით.
2. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ხელმოწერით/კვალიფიციური შტამპით, უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). (excel ფორმატში წარმოდგენილი ფასების ცხრილი არ საჭიროებს კვალიფიციური ხელმოწერით/კვალიფიციური შტამპით დამოწმებას).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მოთხოვნიდან პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება. დასაბუთება შესაძლებელია განხორციელდეს ექსპერტიზის ან/და აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. დასკვნა გაცემული უნდა იყოს ლიცენზირებული ან აკრედიტირებული ან/და უფლებამოსილი პირის მიერ. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ამასთან, ფასწარმოქმნის ადეკვატურობის დამადასტურებელი დოკუმენტებით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

1. ანგარიშსწორება მიმწოდებელთან განხორციელდება ეტაპობრივად, ფაქტიურად გაწეული მომსახურების მიხედვით, მომსახურების გაწვევის შემდეგ, მიღება-ჩაბარების აქტის ან მიღება-ჩაბარების აქტისა და საგადასახადო ანგარიშ-ფაქტურის (კანონმდებლობით დადგენილ შემთხვევაში) საფუძველზე.
2. სატენდერო წინადადებაში საერთო და ერთეული ფასი გამოსახული უნდა იყოს ლარში დღგ-ს გარეშე; იმ შემთხვევაში, თუ ხელშეკრულების გაფორმების მომენტისათვის მიმწოდებელი იქნება დღგ-ს გადამხდელი, ხელშეკრულების ღირებულებაში გათვალისწინებული იქნება შესაბამისი დღგ-ს ოდენობა.

ანგარიშსწორება მიმწოდებელთან განხორციელდება ეტაპობრივად, ფაქტიურად გაწეული მომსახურების მიხედვით, მომსახურების გაწვევის შემდეგ, მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

დავით ტაბატაძე, 599163130, Davit.Tabatadze@forestry.gov.ge

1. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი. სხვადასხვა ვალუტაში გამოსახული სატენდერო წინადადებები არ განიხილება.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
3. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
4. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრედენდენტს არა აქვს უფლება წარმოადგინოს ალტერნატიული წინადადება.
6. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნების შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს. ასეთ შემთხვევაში, სახელმწიფო შესყიდვების სააგენტოს თავმჯდომარის 2017 წლის 14 ივნისის № 12 ბრძანებით დამტკიცებული ,,ელექტრონული ტენდერის ჩატარების წესის’’ 27-ე მუხლის მე-3 პუნქტისა და 32-ე მუხლის პირველი პუნქტის ,,ბ’’ ქვეპუნქტის შესაბამისად სატენდერო კომისია განახორციელებს პრეტენდენტის დისკვალიფიკაციას.
7. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით.