Почтовая и курьерская службы (Грузия - Тендер #69234165)

ადგილობრივი და საერთაშორისო საფოსტო და საკურიერო მომსახურების სახელმწიფო შესყიდვა.

ადგილობრივი და საერთაშორისო საფოსტო და საკურიერო მომსახურება გულისხმობს, როგორც საქართველოს ხელისუფლების მიერ კონტროლირებად ტერიტორიაზე, ასევე მის ფარგლებს გარეთ შემსყიდველის მიერ მითითებულ ნებისმიერ მისამართზე გზავნილების მიტანას, შემდეგი ტექნიკური დავალების გათვალისწინებით:

ტექნიკური დავალება:

საფოსტო და საკურიერო მომსახურება მოიცავს:
სტანდარტულ და სწრაფ ადგილობრივ გზავნილებს (საქართველოს ხელისუფლების მიერ კონტროლირებადი ნებისმიერი ქალაქი და დასახლებული პუნქტი);
სტანდარტულ და სწრაფ საერთაშორისო გზავნილებს (საქართველოს საზღვრებს გარეთ ნებისმიერი მიმართულებით);

გზავნილი გულისხმობს: სხვადახვა წონის და ზომის დოკუმენტს ე.წ. წერილობითი ფოსტას და სხვადახვა წონის და ზომის ამანათს.

 მიმწოდებელმა უნდა უზრუნველყოს წერილობითი ფოსტისა და ამანათის იმდაგვარი ტრანსპორტირება (საერთაშორისო გზავნილის შემთხვევაში შეფუთვაც), რომ დაიცვას ის დაზიანებისგან.
 მიმწოდებელმა უნდა უზრუნველყოს შესაბამისი პერსონალური მენეჯერის გამოყოფა, რომელმაც უნდა უზრუნველყოს შემსყიდველის დროული ინფორმიერება და შემსყიდველის მოთხოვნის შესაბამისად, როგორც ცალკეულ გზავნილზე, ასევე გაფორმებული ხელშეკრულების ფარგლებში გაწეული და გასაწევი მომსახურების შესახებ შემსყიდველის მიერ მოთხოვნილი ინფორმაციის, მოთხოვნილი ფორმით მიწოდება, მოთხოვნიდან
არაუგვიანეს მომდევნო 3 სამუშაო დღის განმავლობაში.
 მიმწოდებელმა უნდა უზრუნველყოს შესაბამისი ელექტრონული ფოსტის მისამართის გამოყოფა, რომელზეც შემსყიდველის მხრიდან შესული შეტყობინება ჩაითვლება ოფიციალურ შეტყობნებად და წარმოშობს მიმწოდებლისთვის შეტყობინებაში ასახული მოთხოვნის შესრულების ვალდებულებას. შემსყიდველის მხრიდან ელექტრონულ ფოსტაზე შეტყობნიების გაგზავნა ჩაითვლება შეტყობინების მიღებად და ვადის ათვლა დაიწყება გაგზავნისთანავე.
 მიმწოდებელმა ყოველი თვის 10 რიცხვამდე (თუ ემთხვევა არასამუშაო დღეს, მომდევნო სამუშაო დღის ჩათვლით) უნდა უზრუნველყოს შემსყიდველისთვის ინფორმაციის მიწოდება, წინა თვის განმავლობაში ჩაბარებული და ჩაუბარებელი გზავნილების შესახებ. დოკუმენტი უნდა შეიცავდეს შემდეგ ინფორმაციას: გზავნილის უნიკალური ნომერი, გზავნილის შემსყიდველისგან მიღების თარიღი, ადრესატისთვის მიტანის თარიღი (როგორც ჩაბარების, ასევე ჩუბარებლობის შემთხვევაში), გზავნილის განმეორებით მიტანის თარიღი, ჩაუბარებლობის მიზეზი.
 მიმწოდებელმა უნდა უზრუნველყოს შემსყიდველისთვის გზავნილის ჩაბარების ამსახველი მატერიალურად დადასტურებული დოკუმენტი წარდგენა დანართში ,,მიწოდების ვადები" მოცემული პირობების გათვალისწინებით,
 მიმწოდებელმა უნდა უზრუნველყოს ხელშეკრულების გაფორმების შემდეგ, შემსყიდველის მოთხოვნიდან არაუგვიანეს მომდევნო 2 (ორი) სამუშაო დღის განმავლობაში, შემსყიდველისთვის შესაბამისი პროგრამული უზრუნველყოფის მიწოდება, ინსტალაცია და პირველადი გაშვება, რომლის საშუალებითაც შემსყიდველისთვის შესაძლებელი იქნება ადგილობრივი და საერთაშორისო გზავნილების ონლაინ რეჟიმში თვალყურის დევნება, გზავნილის ნებისმიერი მოძრაობის, სტატუსის და მიმწოდებლის მიერ გაგზავნილი საფოსტო გზავნილების რაოდენობის ნახვა გზავნილების სახეობების შესაბამისად. ასევე, ხელშეკრულების ნებისმიერ ეტაპზე პროგრამული ხარვეზის არსებობის შემთხვევაში მისი გამოსწორება დაუყონებლივ. აღნიშნულ სისტემაში მოცემული ინფორმაციის სისწორეზე პასუხისმგებელი იქნება მიმწოდებელი; პროგრამული უზრუნველყოფის საშუალებით ინფორმაციაზე წვდომა უნდა გააჩნდეს მხოლოდ შემსყიდველ და მიმწოდებელ ორგანიზაციებს. შესაძლებელი უნდა იყოს პროგრამულ უზრუნველყოფაში მოცემული ინფორმაციის ექსპორტი ეხცელ-ის ფაილში.
 მიმწოდებელმა უნდა უზრუნველყოს შემსყიდველის მიერ გზავნილის გადაცემის დროს, გზავნილისთვის უნიკალური კოდის ან/და შტრიხკოდის მინიჭება, რომლის საშუალებითაც შემსყიდველისთვის შესაძლებელი იქნება გზავნილის მოძებნა ზემოაღნიშნულ პროგრამაში. შემსყიდველის მხრიდან მიმწოდებლისთვის გზავნილის გადაცემა დასტურდება შესაბამისი აქტით;
 მიმწოდებელმა უნდა უზრუნველყოს შემსყიდველის მიერ განსაზღვრული მისამართებიდან გზავნილების გატანა. საჭიროების შემთხვევაში გზავნილების გატანა შაბათ დღეს არაუგვიანეს 14 საათისა. ასევე, ცენტრალური შენობებიდან (გულუას 10-ში ადმინისტრაციის კანცელარია) გზავნილების გატანა მოთხოვნის შემთხვევაში დღეში 2-ჯერ.
 მიმწოდებელმა უნდა უზრუნველყოს გზავნილის ადრესატისთვის განმეორებით მიტანა (უფასოდ) და ჩაუბარებლობის შემთხვევაში გზავნილის შემსყიდველისთვის გადაცემა (ჩაუბარებლობის მიზეზის მითითებით ჩაუბარებლობის მიზეზების ამსახველი მატერიალურად დადასტურებულ დოკუმენტთან ერთად), დანართში ,,მიწოდების ვადები" მოცემული პირობების შესაბამისად.
 გზავნილის დაზიანების ან დაკარგვის შემთხვევაში სრული პასუხისმგებლობა ეკისრება მიმწოდებელს, რისთვისაც დაეკისრება ჯარიმა დაკარგული ან დაზიანებული გზავნილის მომსახურების ღირებულების სრული ოდენობით, ამასთან, უნდა უზრუნველყოს გზავნილის ხელმეორედ გაგზავნა თავისი ხარჯებით.
 თუ მიმწოდებელი პირველ ჯერზე გზავნილის ადრესატისთვის მიტანისას აღმოაჩეანს, რომ შემსყიდველის მიერ მითითებული მისამართი არასწორია, მიმწოდებელი ვალდებულია აღნიშნულის თაობაზე აცნობოს შემსყიდველს მომდენო სამუშაო დღის განმავლობაში. მიმწოდებლისგან არასწორი მისამართის თაობაზე შესაბამისი შეტყობინების მიღებიდან მომდევნო 2 სამუშაო დღის განმავლობაში შემსყიდველი უფლებამოსილია მოითხოვოს გზავნილის გადამისამართება, ადგილობრივი გზავნილის შემთხვევაში - საქართველოს ხელისუფლების მიერ კონტროლირებად ნებისმირ ტერიტორიაზე, ხოლო საერთაშორისო
გზავნილის შემთხვევაში - იმავე ქალაქში.
 მიმწოდებელმა უნდა უზრუნველყოს არასწორ მისამართზე გაგზავნილი გადამისამართებული საერთაშორისო გზავნილების ადრესატისთვის მიტანა იმავე ქალაქში უფასოდ (მათ შორის განმეორებით მიტანა). ხოლო სხვა ქალაქში იგივე ტარიფით გაგზავნა, როგორც ეს განსაზღვრულია ფასების ცხრილით (ჩაითვლება როგორც ახალი გზავნილი საქართველოში შემსყიდველის ლოკაციიდან შეცვლილ მისამართამდე).
 მიმწოდებელმა უნდა უზრუნველყოს არასწორ მისამართზე გაგზავნილი ადგილობრივი გადამისამართებული გზავნილების ადრესატისთვის მიტანა საქართველოს ხელისუფლების მიერ კონტროლირებადი ტერიტორიის მასშტაბით უფასოდ (მათ შორის განმეორებით მიტანა).
 მიმწოდებელმა უნდა უზრუნველყოს გზავნილის ადრესატზე ჩაბარება შემსყიდველის მიერ განსაზღვრულ მისამართზე.
 ადრესატისათვის, როგორც იურიდიული პირის წარმომადგენლის სახელზე, საქმიანობის ადგილზე გაგზავნილი გზავნილი უნდა ჩაბარდეს კანცელარიას, მისაღებს, ან ასეთივე დანიშნულების სტრუქტურულ ერთეულს ან/და პირს, ხოლო ასეთის არყოფნის შემთხვევაში - შესაბამის უფლებამოსილ პირს, რომელიც უზრუნველყოფს გზავნილის გადაცემას ადრესატზე. გზავნილის ჩაბარება უნდა დასტურდებოდეს გზავნილის მიმღების ხელმოწერით. პირადი ნომრის მითითებით.
 ადრესატისათვის, როგორც ფიზიკური პირის სახელზე, საქმიანობის ადგილზე გაგზავნილი გზავნილი უნდა ჩაბარდეს პირადად ადრესატზე. გზავნილის ჩაბარება უნდა დასტურდებოდეს გზავნილის მიმღების ხელმოწერით. პირადი ნომრის მითითებით.
 ადრესატისათვის საცხოვრებელ ადგილზე გაგზავნილი გზავნილი, ადრესატის არ ყოფის შემთხვევაში უნდა ჩაბარდეს საცხოვრებელ ადგილზე მასთან მცხოვრებ ოჯახის რომელიმე სრულწლოვან, ქმედუნარიან წევრზე. გზავნილის ჩაბარება უნდა დასტურდებოდეს გზავნილის მიმღების ხელმოწერით. პირადი ნომრის მითითებით.
 საერთაშორისო გზავნილების ჩაბარების ან/და ჩაუბარებლობის მიზეზის დამადასტურებელი დოკუმენტი უნდა იყოს ქართულ ენაზე, სადაც მითითებული იქნება გზავნილის ჩაბარების ზუსტი თარიღი, დრო და ადრესატის გვარი, ვინც ხელს მოაწერა აღნიშნული გზავნილის ჩაბარებაზე.

მომსახურების გაწევის ვადა: 2026 წლის 01 აპრილიდან 2027 წლის 31 მარტის ჩათვლით, ეტაპობრივად, შემსყიდველის მოთხოვნის შესაბამისად, სატენდერო დოკუმენტაციის 1.2 პუნქტში ატვირთული ფაილის „მიწოდების ვადები“ შესაბამისად.

მომსახურების გაწევა უნდა განხორციელდეს როგორც საქართველოს ხელისუფლების მიერ კონტროლირებად ტერიტორიაზე, ასევე მის ფარგლებს გარეთ შემსყიდველის მიერ მითითებულ ნებისმიერ მისამარზე.

მიმწოდებლის მიერ გზავნილის გატანა უნდა განხორციელდეს შსს ადმინისტრაციული შენობებიდან, კერძოდ, შემდეგი მისამართებიდან:

1 ადმინისტრაცია (დეპარტამენტი) ქ.თბილისი, გულუას ქ. №10
2 ეკონომიკური დეპარტამენტი ქ.თბილისი, გულუას ქ. №10
3 ლოჯისტიკის დეპარტამენტი ქ.თბილისი, გულუას ქ. №10
4 ადამიანური რესურსების მართვის დეპარტამენტი ქ.თბილისი, გულუას ქ. №10
5 საერთაშორისო ურთიერთობების დეპარტამენტი ქ.თბილისი, გულუას ქ. №10
6 საინფორმაციო-ანალიტიკური დეპარტამენტი ქ.თბილისი, გულუას ქ. №10
7 საინფორმაციო-ანალიტიკური დეპარტამენტის ოპერატიული აღრიცხვის და არქივის განყოფილება (არქივი) ქ.თბილისი,ქიზიყის ქ. №5
8 საექსპერტო-კრიმინალისტიკური დეპარტამენტი ქ.თბილისი, გულუას ქ. №6
9 ცკპდ-ს სამართალდაცვით სფეროში საერთაშორისო თანამსრომლობის ცენტრის ინტერპოლის ეროვნული ცენტრალური ბიურო ქ.თბილისი, გულუას ქ. №8
10 გენერალური ინსპექცია ქ.თბილისი, გულუას ქ. №10
11 ოპერატიული უზრუნველყოფის დეპარტამენტი ქ.თბილისი, გულუას ქ. №10
12 დროებითი მოთავსების უზრუნველყოფის დეპარტამენტი ახალციხე, რუსთაველის ქ. N91
13 დროებითი მოთავსების უზრუნველყოფის დეპარტამენტიახალქალაქი, აღმაშენებლის ქ. N5ა
14 დროებითი მოთავსების უზრუნველყოფის დეპარტამენტი თელავი, აჩინებულის ქ.
15 დროებითი მოთავსების უზრუნველყოფის დეპარტამენტი გურჯაანი, ნონეშვილის გამზირი №6
16 დროებითი მოთავსების უზრუნველყოფის დეპარტამენტიქ.თბილისი, ზაჰესის დასახლება, ავჭალის ქ. № 7
17 დროებითი მოთავსების უზრუნველყოფის დეპარტამენტი ზუგდიდი, ზუგდიდის რაიონი, სოფ. ჭითაწყარი, აღმაშენებლის ქ. N160
18 დროებითი მოთავსების უზრუნველყოფის დეპარტამენტი ფოთი, მშვიდობის ქ. N6
19 დროებითი მოთავსების უზრუნველყოფის დეპარტამენტი სიღნაღი, ბარათაშვილის ქ. N1ა
20 დროებითი მოთავსების უზრუნველყოფის დეპარტამენტი ქ. სამტრედია, რუსთაველის ქუჩა N29
21 დროებითი მოთავსების უზრუნველყოფის დეპარტამენტი სენაკი, ტიციან ტაბიძის ქ. N1
22 დროებითი მოთავსების უზრუნველყოფის დეპარტამენტი ქ.თბილისი კორნელი ჩალაძის №1
23 დროებითი მოთავსების უზრუნველყოფის დეპარტამენტი ოზურგეთი, ი. ჭავჭავაძის ქ. N3
24 დროებითი მოთავსების უზრუნველყოფის დეპარტამენტი დუშეთი, რუსთაველის ქ. N62
25 დროებითი მოთავსების უზრუნველყოფის დეპარტამენტი ქ. ამბროლაური, მ.კოსტავას ქუჩა N41
26 დროებითი მოთავსების უზრუნველყოფის დეპარტამენტი საგარეჯო, კახეთის გზატკეცილი №110
27 დროებითი მოთავსების უზრუნველყოფის დეპარტამენტი ქ. ბათუმი, ა. გრიბოედოვის ქ. N4
28 დროებითი მოთავსების უზრუნველყოფის დეპარტამენტი ქობულეთი, შ. რუსთაველის ქ. N168
29 დროებითი მოთავსების უზრუნველყოფის დეპარტამენტი ქუთაისი, ჯავახიშვილის ქ.N12
30 დროებითი მოთავსების უზრუნველყოფის დეპარტამენტი ქ. ჭიათურა, გ. აბაშიძის ქუჩა N14
31 დროებითი მოთავსების უზრუნველყოფის დეპარტამენტი რუსთავი, ფიროსმანის ქ. №15
32 დროებითი მოთავსების უზრუნველყოფის დეპარტამენტი ქ. ზესტაფონი, თამარ მეფის ქუჩა N1ა
33 დროებითი მოთავსების უზრუნველყოფის დეპარტამენტი მცხეთა, ღვინჯილიას ქ. №5
34 დროებითი მოთავსების უზრუნველყოფის დეპარტამენტი გორი, მშვიდობის გამზირი №1
35 მიგრაციის დეპარტამენტი ქ.თბილისი, გახოკიძის ქ. №16
36 იურიდიული დეპარტამენტი ქ.თბილისი, გულუას ქ. №10
37 შიდა აუდიტის დეპარტამენტი ქ.თბილისი, გულუას ქ. №10
38 სტრატეგიული მილსადენების დაცვის დეპარტამენტი სოფელი დიდი ლილო, ერეკლე მეორეს ქ.87
39 განსაკუთრებულ დავალებათა დეპარტამენტი ქ.თბილისი, გ.გურამიშვილია 12 ( ყოფილი გორგასლის ქუჩა)
40 განსაკუთრებულ დავალებათა დეპარტამენტი ქ. ზუგდიდი, ბ.ბერანიძეს ქ. №9
41 განსაკუთრებულ დავალებათა დეპარტამენტი ქ. ქუთაისი, ორახელაშვილი ქ. №10
42 ობიექტების დაცვის დეპარტამენტი ქ. თბილისი, გიორგი გურამიშვილის ქუჩა №12
43 სამობილიზაციო სამმართველო~ ქ. თბილისი, გულუას ქ. №10
44 ლოჯისტიკის დეპარტამენტი (შეიარაღების სამმართველო) ქ. თბილისი, ქიზიყის ქ. №5
45 ცენტრალური კრიმინალური პოლიციის დეპარტამენტი ქ. თბილისი, გულუას ქ. №8
46 ცენტრალური კრიმინალური პოლიციის დეპარტამენტი ქ. ბათუმი, ტბელ აბუსერიძის ქ.N11ა
47 სტრატეგიული კომუნიკაციების დეპარტამენტი ქ. თბილისი, გულუას ქ. №10
48 ადამიანის უფლებათა დაცვისა და საგამოძიებო ხარისხის მონიტორინგის დეპარტამენტი ქ. თბილისი, გულუას ქ. №10

1.7.1.1 ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია შეტყობინების მიღებისთანავე გონივრულ ვადებში, მაგრამ არაუმეტეს 1 (ერთი) კალენდარული დღის ვადაში გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე.

2.2.1.1 პრეტენდენტს 2023 წლის 01 იანვრიდან უნდა გააჩნდეს არანაკლებ 200 000 (ორასი ათასი) ლარის ღირებულების საფოსტო-საკურიერო მომსახურების გაწევის გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი.
ან/და შესრულების დამადასტურებელი სხვა დოკუმენტაცია.

2.9.1 ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას. დანართი №1-ში (მომსახურების ხარჯთაღრიცხვა) მოცემულია მომსახურების სავარაუდო მოცულობა, რომელიც შეიძლება სრულად არ იქნეს ათვისებული. შესაბამისად, მომსახურების გაწევის ვადის ამოწურვის მომენტისათვის დარჩენილი თანხა (არსებობის შემთხვევაში) რჩება შემსყიდველთან და იგი არ წარმოშობს რაიმე დამატებით ვალდებულებებს მიმწოდებლის მიმართ. ასევე, თუ მომსახურების გაწევისას აღმოჩნდა, რომ მომსახურების ჩამონათვალიდან რომელიმე პოზიციაზე მომსახურების მოცულობა (რაოდენობა) ამოიწურა და აღნიშნული მომსახურების გაწევა დამატებით გახდა აუცილებელი, შემსყიდველის შეხედულებისამებრ მხარეთა შეთანხმების საფუძველზე შესაძლებელია ხელშეკრულების ფარგლებში განხორციელდეს ცვლილება სხვა მომსახურების მოცულობის (რაოდენობის) შემცირებით, ხელშეკრულების საერთო ღირებულების შეუცვლელად.

2.9.2 პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ მომსახურების ხარჯთაღრიცხვაში (დანართი N1) მითითებული ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო მაქსიმალურ ფასებს.

2.9.3 პრეტენდენტის მიერ ელექტრონული ვაჭრობის შედეგად ხარჯთაღრიცხვაში საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც (როგორც სატენდერო წინადადების წარდგენის ეტაპზე ასევე დაზუსტების არსებობის შემთხვევაში).

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული მომსახურების გაწევის შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ვინაიდან წინამდებარე ტენდერით ხდება საფოსტო და საკურიერო მომსახურების სახელმწიფო შესყიდვა და სასიცხოცლოდ მნიშვნელოვანია შს სამინისტროს მიერ გაგზავნილი გზავნილებისთვის ადრესტებისთვის დროული ჩაბარება, აუცილებლობას წარმოადგენს, ფინანსურად იქნეს უზრუნველყოფილი მომწოდებლის პასუხისმგებლობა. აქედან გამომდინარე, წინამდებარე ტენდერში გამოყენებულ იქნება ხელშეკრულებების შესრულების უზრუნველყოფის საბანკო გარანტია, ხელშეკრულებების საერთო ღირებულებების 5% (10%)–ის ოდენობით.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა 60 (სამოციი) კალენდარული დღით უნდა აღემატებოდეს წინამდებარე ტენდერის საფუძველზე გაფორმებული ხელშეკრულებით გათვალისწინებული მომსახურების გაწევის საბოლოო ვადას.(31.03.2027)

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ირინე დვალი, 577540740, idvali@mia.gov.ge ტექნიკურ საკითხებთან დაკავშირებით დაუკავშირდით მარიამ გელაძეს ტელ: 511 11-35-01.

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 მომსახურების ხარჯთაღრიცხვა დანართი N1-ის მიხედვით (ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

10.2.2 გამოცდილების დამადა